[309] Sāvatthiyaṁ viharati ... Tatra kho bhagavā ... Jarāmaraṇaṁ
bhikkhave ajānatā apassatā yathābhūtaṁ jarāmaraṇe yathābhūtaṁ ñāṇāya
satthā pariyesitabbo jarāmaraṇasamudayaṁ ajānatā apassatā yathābhūtaṁ
jarāmaraṇasamudaye yathābhūtaṁ ñāṇāya satthā pariyesitabbo
jarāmaraṇanirodhaṁ ajānatā apassatā yathābhūtaṁ jarāmaraṇanirodhe
yathābhūtaṁ ñāṇāya satthā pariyesitabbo jarāmaraṇanirodhāminiṁ paṭipadaṁ
ajānatā apassatā yathābhūtaṁ jarāmaraṇanirodhagāminiyā paṭipadāya
yathābhūtaṁ ñāṇāya satthā pariyesitabboti.
[sabbesaṁ evaṁ peyyālo] [1]-
jātiṁ bhikkhave ajānatā apassatā yathābhūtaṁ ... Bhavaṁ bhikkhave ajānatā
apassatā yathābhūtaṁ ... Upādānaṁ bhikkhave ajānatā apassatā
yathābhūtaṁ ... Taṇhaṁ bhikkhave ajānatā apassatā yathābhūtaṁ ... Vedanaṁ
bhikkhave ajānatā apassatā yathābhūtaṁ ... Phassaṁ bhikkhave ajānatā
apassatā yathābhūtaṁ ... Saḷāyatanaṁ bhikkhave ajānatā apassatā yathābhūtaṁ ...
Nāmarūpaṁ bhikkhave ajānatā apassatā yathābhūtaṁ ... Viññāṇaṁ
bhikkhave ajānatā apassatā yathābhūtaṁ ... Saṅkhāre bhikkhave ajānatā
apassatā yathābhūtaṁ saṅkhāresu yathābhūtaṁ ñāṇāya satthā pariyesitabbo
saṅkhārasamudayaṁ ajānatā apassatā yathābhūtaṁ saṅkhārasamudaye yathābhūtaṁ
ñāṇāya satthā pariyesitabbo saṅkhāranirodhaṁ ajānatā apassatā
1 Ma. Yu. suttanto eko.
Yathābhūtaṁ saṅkhāranirodhe yathābhūtaṁ ñāṇāya satthā pariyesitabbo
saṅkhāranirodhagāminiṁ paṭipadaṁ ajānatā apassatā yathābhūtaṁ saṅkhāranirodhagāminiyā
paṭipadāya yathābhūtaṁ ñāṇāya satthā pariyesitabboti.
[sabbesaṁ catusaccikaṁ kātabbaṁ suttanto eko 1 ].

[310] Jarāmaraṇaṁ bhikkhave ajānatā apassatā yathābhūtaṁ
jarāmaraṇe yathābhūtaṁ ñāṇāya sikkhā karaṇīyā.
[evaṁ peyyālo catusaccikaṁ kātabbaṁ]
yogo karaṇīyo ... Chando karaṇīyo ... Ussoḷhī karaṇīyā 2 ...
Appaṭivānī karaṇīyā ... Ātappaṁ karaṇīyaṁ ... Viriyaṁ karaṇīyaṁ ... Sātaccaṁ
karaṇīyaṁ ... Sati karaṇīyā ... Sampajaññaṁ karaṇīyaṁ ... Appamādo karaṇīyoti.
Antarapeyyālo navamo.
Tassa uddānaṁ
satthā sikkhā ca yogo ca chando ussoḷhi pañcamī
appaṭivāniyātappaṁ 3 viriyaṁ sātacca 4 vuccati
sati ca sampajaññañca appamādena dvādasāti.
Suttantā antarapeyyālā niṭṭhitā.
Pare te dvādasa honti suttā dvattiṁsa satāni ca
catusaccena te vuttā peyyālā antaramhi yeti.
Antarapeyyālesu 5 uddānaṁ samattaṁ.
-------------
1 Ma. Yu. idaṁ pāṭhadvayaṁ natthi. 2 Yu. ussoḷhi karaṇīyo. 3 Yu.
appaṭivānīyātappaṁ. 4 Yu. sātaccaṁ. 5 Yu. antarapeyyāle hi.
Abhisamayavaggo dasamo

[311] Evamme sutaṁ ekaṁ samayaṁ bhagavā sāvatthiyaṁ viharati
jetavane anāthapiṇḍikassa ārāme. Atha kho bhagavā parittaṁ
nakhasikhāya paṁsuṁ āropetvā bhikkhū āmantesi taṁ kiṁ maññatha
bhikkhave katamaṁ nu kho bahutaraṁ yo cāyaṁ 1 mayā paritto nakhasikhāya
paṁsu āropito ayaṁ ca 2 mahāpaṭhavīti. Etadeva bhante bahutaraṁ
yadidaṁ mahāpaṭhavī appamattako bhagavatā paritto nakhasikhāya paṁsu
āropito neva satimaṁ kalaṁ upeti na sahassimaṁ kalaṁ upeti na
satasahassimaṁ kalaṁ upeti mahāpaṭhaviṁ upanidhāya bhagavatā paritto
nakhasikhāya paṁsu āropitoti.

[312] Evameva kho bhikkhave ariyasāvakassa diṭṭhisampannassa
puggalassa abhisametāvino etadeva bahutaraṁ dukkhaṁ yadidaṁ parikkhīṇaṁ
pariyādinnaṁ appamattakaṁ avasiṭṭhaṁ neva satimaṁ kalaṁ upeti na
sahassimaṁ kalaṁ upeti na satasahassimaṁ kalaṁ upeti purimaṁ dukkhakkhandhaṁ
parikkhīṇaṁ pariyādinnaṁ upanidhāya yadidaṁ sattakkhattuparamatā. Evaṁ
mahatthiyo kho bhikkhave dhammābhisamayo evaṁ mahatthiyo dhammacakkhupaṭilābhoti.
Paṭhamaṁ.

[313] Sāvatthiyaṁ viharati ... Tatra kho bhagavā ... Seyyathāpi
bhikkhave pokkharaṇī paññāsayojanā 3 āyāmena paññāsayojanā vitthārena
1 Ma. vāyaṁ. 2 Ma. Yu. vā. 3 Ma. Yu. paññāsayojanāni. evamuparipi.
Paññāsayojanā ubbedhena puṇṇā udakassa samatittikā
kākapeyyā tato puriso kusaggena udakaṁ uddhareyya. Taṁ kiṁ
maññatha bhikkhave katamaṁ nu kho bahutaraṁ yaṁ vā kusaggena udakaṁ
ubbhataṁ yaṁ vā pokkharaṇiyā udakanti. Etadeva bhante bahutaraṁ
yadidaṁ pokkharaṇiyā udakaṁ appamattakaṁ kusaggena udakaṁ ubbhataṁ
neva satimaṁ kalaṁ upeti na sahassimaṁ kalaṁ upeti na satasahassimaṁ kalaṁ
upeti pokkharaṇiyā udakaṁ upanidhāya kusaggena udakaṁ ubbhatanti.

[314] Evameva kho bhikkhave ariyasāvakassa diṭṭhisampannassa
puggalassa abhisametāvino etadeva bahutaraṁ dukkhaṁ yadidaṁ parikkhīṇaṁ
pariyādinnaṁ appamattakaṁ avasiṭṭhaṁ neva satimaṁ kalaṁ upeti na
sahassimaṁ kalaṁ upeti na satasahassimaṁ kalaṁ upeti purimaṁ dukkhakkhandhaṁ
parikkhīṇaṁ pariyādinnaṁ upanidhāya yadidaṁ sattakkhattuparamatā. Evaṁ
mahatthiyo kho bhikkhave dhammābhisamayo evaṁ mahatthiyo dhammacakkhupaṭilābhoti.
Dutiyaṁ.

[315] Sāvatthiyaṁ viharati ... Tatra kho bhagavā ... Seyyathāpi
bhikkhave yatthimā mahānadiyo saṁsandanti samenti seyyathīdaṁ gaṅgā yamunā
aciravatī sarabhū mahī tato puriso dve vā tīṇi vā
udakaphusitāni uddhareyya. Taṁ kiṁ maññatha bhikkhave katamaṁ nu kho
bahutaraṁ yāni vā dve vā tīṇi vā udakaphusitāni ubbhatāni yaṁ
vā sambhejjaudakanti. Etadeva bhante bahutaraṁ yadidaṁ sambhejjaudakaṁ
Appamattakāni dve vā tīṇi vā udakaphusitāni ubbhatāni neva
satimaṁ kalaṁ upenti na sahassimaṁ kalaṁ upenti na satasahassimaṁ kalaṁ
upenti sambhejjaudakaṁ upanidhāya dve vā tīṇi vā udakaphusitāni
ubbhatānīti.

[316] Evameva kho bhikkhave .pe. Evaṁ mahatthiyo dhammacakkhu-
paṭilābhoti. Tatiyaṁ.

[317] Sāvatthiyaṁ viharati ... Tatra kho bhagavā ... Seyyathāpi
bhikkhave yatthimā mahānadiyo saṁsandanti samenti seyyathīdaṁ gaṅgā yamunā
aciravatī sarabhū mahī taṁ udakaṁ parikkhayaṁ pariyādānaṁ gaccheyya ṭhapetvā
dve vā tīṇi vā udakaphusitāni. Taṁ kiṁ maññatha bhikkhave katamaṁ
nu kho bahutaraṁ yaṁ vā sambhejjaudakaṁ parikkhīṇaṁ pariyādinnaṁ yāni
vā dve vā tīṇi vā udakaphusitāni avasiṭṭhānīti. Etadeva
bhante bahutaraṁ sambhejjaudakaṁ yadidaṁ parikkhīṇaṁ pariyādinnaṁ
appamattakāni dve vā tīṇi vā udakaphusitāni avasiṭṭhāni neva
satimaṁ kalaṁ upenti na sahassimaṁ kalaṁ upenti na satasahassimaṁ kalaṁ
upenti sambhejjaudakaṁ parikkhīṇaṁ pariyādinnaṁ upanidhāya dve vā
tīṇi vā udakaphusitāni avasiṭṭhānīti.

[318] Evameva kho bhikkhave .pe. Evaṁ mahatthiyo dhammacakkhu-
paṭilābhoti. Catutthaṁ.