[109] Sace pana taṁ sārīputta evaṁ puccheyyuṁ upādānaṁ
panāvuso sārīputta kiṁnidānaṁ .pe. Kiṁpabhavanti evaṁ puṭṭho tvaṁ
sārīputta kinti byākareyyāsīti. Sace maṁ bhante evaṁ puccheyyuṁ
upādānaṁ panāvuso sārīputta kiṁnidānaṁ .pe. Kiṁpabhavanti evaṁ
puṭṭhohaṁ bhante evaṁ byākareyyaṁ upādānaṁ kho āvuso
taṇhānidānaṁ .pe. Taṇhāpabhavanti evaṁ puṭṭhohaṁ bhante evaṁ
byākareyyanti.

[110] Sace pana taṁ sārīputta evaṁ puccheyyuṁ taṇhā
panāvuso sārīputta kiṁnidānā kiṁsamudayā kiṁjātikā kiṁpabhavāti evaṁ
puṭṭho tvaṁ sārīputta kinti byākareyyāsīti. Sace maṁ bhante
evaṁ puccheyyuṁ taṇhā panāvuso sārīputta kiṁnidānā kiṁsamudayā
kiṁjātikā kiṁpabhavāti evaṁ puṭṭhohaṁ bhante evaṁ byākareyyaṁ taṇhā
kho āvuso vedanānidānā vedanāsamudayā vedanājātikā vedanāpabhavāti
evaṁ puṭṭhohaṁ bhante evaṁ byākareyyanti.

[111] Sace pana taṁ sārīputta evaṁ puccheyyuṁ vedanā panāvuso
sārīputta kiṁnidānā .pe. Kiṁpabhavāti evaṁ puṭṭho tvaṁ sārīputta
kinti byākareyyāsīti. Sace maṁ bhante evaṁ puccheyyuṁ vedanā
Panāvuso sārīputta kiṁnidānā .pe. Kiṁpabhavāti evaṁ puṭṭhohaṁ
bhante evaṁ byākareyyaṁ vedanā kho āvuso phassanidānā .pe.
Phassappabhavāti evaṁ puṭṭhohaṁ bhante evaṁ byākareyyanti.

[112] Sace pana taṁ sārīputta evaṁ puccheyyuṁ kathaṁ jānato
pana te āvuso sārīputta kathaṁ passato yā vedanāsu nandi sā
na upaṭṭhāsīti evaṁ puṭṭho tvaṁ sārīputta kinti byākareyyāsīti.
Sace maṁ bhante evaṁ puccheyyuṁ kathaṁ jānato pana te āvuso
sārīputta kathaṁ passato yā vedanāsu nandi sā na upaṭṭhāsīti
evaṁ puṭṭho ahaṁ bhante evaṁ byākareyyaṁ tisso kho imā
āvuso vedanā katamā tisso sukhā vedanā dukkhā vedanā
adukkhamasukhā vedanā imā kho āvuso tisso vedanā aniccā
yadaniccaṁ taṁ dukkhanti viditaṁ yā vedanāsu nandi sā na upaṭṭhāsīti
evaṁ puṭṭho ahaṁ bhante evaṁ byākareyyanti.

[113] Sādhu sādhu sārīputta ayampi kho sārīputta pariyāyo
etasseva atthassa saṅkhittena veyyākaraṇāya yaṅkiñci vedayitaṁ
taṁ dukkhasminti sace pana taṁ sārīputta evaṁ puccheyyuṁ kathaṁ
vimokkhā pana tayā āvuso sārīputta aññā byākatā khīṇā
jāti vusitaṁ brahmacariyaṁ kataṁ karaṇīyaṁ nāparaṁ itthattāyāti pajānāmīti
evaṁ puṭṭho tvaṁ sārīputta kinti byākareyyāsīti. Sace maṁ bhante
evaṁ puccheyyuṁ kathaṁ vimokkhā pana tayā āvuso sārīputta aññā
Byākatā khīṇā jāti vusitaṁ brahmacariyaṁ kataṁ karaṇīyaṁ nāparaṁ
itthattāyāti pajānāmīti evaṁ puṭṭho ahaṁ bhante evaṁ byākareyyaṁ
ajjhattavimokkhā khvāhaṁ āvuso sabbupādānakkhayā tathāsato viharāmi
yathāsataṁ viharantaṁ āsavā nānussavanti attānañca nāvajānāmīti
evaṁ puṭṭho ahaṁ bhante evaṁ byākareyyanti.

[114] Sādhu sādhu sārīputta ayampi 1 kho sārīputta pariyāyo
etasseva atthassa saṅkhittena veyyākaraṇāya ye āsavā samaṇena
vuttā tesvāhaṁ na kaṅkhāmi te me pahīnāti na vicikicchāmīti.
Idamavoca bhagavā idaṁ vatvāna sugato uṭṭhāyāsanā vihāraṁ pāvisi.

[115] Tatra kho āyasmā sārīputto acirapakkantassa bhagavato
bhikkhū āmantesi pubbe appaṭisaṁviditaṁ maṁ āvuso bhagavā paṭhamaṁ
pañhaṁ apucchi tassa me ahosi dandhāyitattaṁ yato ca kho
me āvuso bhagavā paṭhamaṁ pañhaṁ anumodi tassa mayhaṁ āvuso
etadahosi divasañcepi maṁ bhagavā etamatthaṁ puccheyya aññamaññehi
padehi aññamaññehi pariyāyehi divasaṁpahaṁ bhagavato
etamatthaṁ byākareyyaṁ aññamaññehi padehi aññamaññehi pariyāyehi
rattiṁ cepi maṁ bhagavā etamatthaṁ puccheyya aññamaññehi padehi
aññamaññehi pariyāyehi rattiṁpahaṁ 2 bhagavato etamatthaṁ byākareyyaṁ
aññamaññehi padehi aññamaññehi pariyāyehi rattindivañcepi
maṁ bhagavā etamatthaṁ puccheyya aññamaññehi padehi aññamaññehi
1 Yu. pisaddo natthī. 2 Ma. rattimpāhaṁ. evamuparipi.
Pariyāyehi rattindivaṁpahaṁ bhagavato etamatthaṁ byākareyyaṁ aññamaññehi
padehi aññamaññehi pariyāyehi dve rattindivāni cepi
maṁ bhagavā etamatthaṁ puccheyya .pe. Dve rattindivānipahaṁ bhagavato
etamatthaṁ byākareyyaṁ .pe. Tīṇi rattindivāni cepi maṁ bhagavā
etamatthaṁ puccheyya ... Tīṇi rattindivānipahaṁ bhagavato etamatthaṁ
byākareyyaṁ ... Cattāri rattindivāni cepi bhagavā etamatthaṁ puccheyya ...
Cattāri rattindivānipahaṁ bhagavato etamatthaṁ byākareyyaṁ ... Pañca
rattindivāni cepi maṁ bhagavā etamatthaṁ puccheyya ... Pañca rattindivānipahaṁ
bhagavato etamatthaṁ byākareyyaṁ ... Cha rattindivāni cepi
maṁ bhagavā etamatthaṁ puccheyya ... Cha rattindivānipahaṁ bhagavato
etamatthaṁ byākareyyaṁ ... Satta rattindivāni cepi maṁ bhagavā etamatthaṁ
puccheyya aññamaññehi padehi aññamaññehi pariyāyehi satta
rattindivānipahaṁ bhagavato etamatthaṁ byākareyyaṁ aññamaññehi padehi
aññamaññehi pariyāyehīti.

[116] Atha kho kaḷārakhattiyo bhikkhu uṭṭhāyāsanā yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Ekamantaṁ nisinno kho kaḷārakhattiyo bhikkhu bhagavantaṁ etadavoca
āyasmatā bhante sārīputtena sīhanādo nadito pubbe appaṭisaṁviditaṁ
maṁ āvuso bhagavā paṭhamaṁ pañhaṁ apucchi tassa me ahosi
dandhāyitattaṁ yato ca kho me āvuso bhagavā paṭhamaṁ pañhaṁ
Anumodi tassa mayhaṁ āvuso etadahosi divasañcepi maṁ bhagavā
etamatthaṁ puccheyya aññamaññehi padehi aññamaññehi pariyāyehi
divasaṁpahaṁ bhagavato etamatthaṁ byākareyyaṁ aññamaññehi padehi
aññamaññehi pariyāyehi rattiṁ cepi .pe. Rattindivaṁ cepi maṁ
bhagavā ... Dve rattindivāni cepi maṁ bhagavā ... Tīṇi ... Cattāri ...
Pañca ... Cha ... Satta rattindivāni cepi maṁ bhagavā etamatthaṁ
puccheyya aññamaññehi padehi aññamaññehi pariyāyehi satta
rattindivānipahaṁ bhagavato etamatthaṁ byākareyyaṁ aññamaññehi padehi
aññamaññehi pariyāyehīti.

[117] Sā hi bhikkhu sārīputtassa dhammadhātu supaṭividdhā
yassā dhammadhātuyā supaṭividdhattā divasañcepahaṁ 1 sārīputtaṁ etamatthaṁ
puccheyyaṁ aññamaññehi padehi aññamaññehi pariyāyehi divasampi
me sārīputto etamatthaṁ byākareyya aññamaññehi padehi
aññamaññehi pariyāyehi rattiṁ cepahaṁ sārīputtaṁ etamatthaṁ puccheyyaṁ
aññamaññehi padehi aññamaññehi pariyāyehi rattiṁpi me
sārīputto etamatthaṁ byākareyya .pe. Rattindivañcepahaṁ sārīputtaṁ
etamatthaṁ puccheyyaṁ ... Rattindivampi me sārīputto etamatthaṁ
byākareyya ... Dve rattindivāni cepahaṁ sārīputtaṁ etamatthaṁ puccheyyaṁ ...
Dve rattindivānipi me sārīputto etamatthaṁ byākareyya ... Tīṇi
rattindivāni cepahaṁ sārīputtaṁ etamatthaṁ puccheyyaṁ ... Tīṇi
1 Ma. divasaṁ cepāhaṁ. evamuparipi.
Rattindivānipi me sārīputto etamatthaṁ byākareyya ... Cattāri rattindivāni
cepahaṁ sārīputtaṁ etamatthaṁ puccheyyaṁ ... Cattāri rattindivānipi
me sārīputto etamatthaṁ byākareyya ... Pañca rattindivāni cepahaṁ
sārīputtaṁ etamatthaṁ puccheyyaṁ ... Pañca rattindivānipi me sārīputto
etamatthaṁ byākareyya ... Cha rattindivāni cepahaṁ sārīputtaṁ etamatthaṁ
puccheyyaṁ ... Cha rattindivānipi me sārīputto etamatthaṁ byākareyya ...
Satta rattindivāni cepahaṁ sārīputtaṁ etamatthaṁ puccheyyaṁ
aññamaññehi padehi aññamaññehi pariyāyehi satta rattindivānipi
me sārīputto etamatthaṁ byākareyya aññamaññehi padehi
aññamaññehi pariyāyehīti. Dutiyaṁ.

[118] Sāvatthiyaṁ viharati ... Catucattāḷīsaṁ vo bhikkhave
ñāṇavatthūni desessāmi taṁ suṇātha sādhukaṁ manasikarotha bhāsissāmīti.
Evaṁ bhanteti kho te bhikkhū bhagavato paccassosuṁ.