[787] Atha kho yā tasmiṁ vanasaṇḍe adhivatthā devatā tassa
bhikkhuno dhammaṁ asuṇantī yena so bhikkhu tenupasaṅkami upasaṅkamitvā
1 Ma. apaviddhaṁva. 2 Ma. Yu. saṅkasāyati.
Taṁ bhikkhuṁ gāthāya ajjhabhāsi
kasmā tuvaṁ dhammapadāni bhikkhu
nādhīyasi 1 bhikkhūhi saṁvasanto
sutvāna dhammaṁ labhatippasādaṁ
diṭṭheva dhamme labhatippasaṁsanti.

[788] Ahu pure dhammapadesu chando
yāva virāgena samāgamimha
yato virāgena samāgamimha
yaṅkiñci diṭṭhaṁva sutaṁ mutaṁ vā
aññāya nikkhepanamāhu santoti.
Ekādasamaṁ ayonisomanasikārasuttaṁ

[789] Ekaṁ samayaṁ aññataro bhikkhu kosalesu viharati aññatarasmiṁ
vanasaṇḍe. Tena kho pana samayena so bhikkhu divāvihāragato
pāpake akusale vitakke vitakketi seyyathīdaṁ kāmavitakkaṁ
byāpādavitakkaṁ vihiṁsāvitakkaṁ.

[790] Atha kho yā tasmiṁ vanasaṇḍe adhivatthā devatā
tassa bhikkhuno anukampikā atthakāmā taṁ bhikkhuṁ saṁvejetukāmā
yena so bhikkhu tenupasaṅkami upasaṅkamitvā taṁ bhikkhuṁ gāthāhi
ajjhabhāsi
1 nādīyasītipi pāṭhena bhavitabbaṁ.
Ayoniso manasikārā so 1 vitakkehi khajjasi 2
ayoniso paṭinissajja yoniso anuvicintaya
satthāraṁ dhammaṁ ārabbha saṅghaṁ sīlāni vattano
adhigacchasi pāmojjaṁ pītisukhamasaṁsayaṁ
tato pāmujjabahulo 3 dukkhassantaṁ karissasīti.
Atha kho so bhikkhu tāya devatāya saṁvejito saṁvegamāpādīti.
Dvādasamaṁ majjhantikasuttaṁ

[791] Ekaṁ samayaṁ aññataro bhikkhu kosalesu viharati
aññatarasmiṁ vanasaṇḍe.

[792] Atha kho yā tasmiṁ vanasaṇḍe adhivatthā devatā yena
so bhikkhu tenupasaṅkami upasaṅkamitvā tassa bhikkhuno santike
imā gāthā abhāsi
ṭhite majjhantike kāle sannisinnesu 4 pakkhisu
saṇateva brahāraññaṁ taṁ bhayaṁ paṭibhāti maṁ
ṭhite majjhantike kāle sannisinnesu pakkhisu
saṇateva brahāraññaṁ sā rati paṭibhāti manti.
Terasamaṁ pākatindriyasuttaṁ

[793] Ekaṁ samayaṁ sambahulā bhikkhū kosalesu viharanti
aññatarasmiṁ vanasaṇḍe uddhatā unnaḷā capalā mukharā vikiṇṇavācā
muṭṭhassatino asampajānā asamāhitā vibbhantacittā pākatindriyā.
1 Yu. bho. 2 Yu. majjasi. 3 Ma. Yu. pāmojjabahulo. 4 Ma. sannisīvesu.

[794] Atha kho yā tasmiṁ vanasaṇḍe adhivatthā devatā
tesaṁ bhikkhūnaṁ anukampikā atthakāmā te bhikkhū saṁvejetukāmā
yena te bhikkhū tenupasaṅkami upasaṅkamitvā te bhikkhū gāthāhi
ajjhabhāsi
sukhajīvino pure āsuṁ bhikkhū gotamasāvakā
anicchā piṇḍaṁ esanā anicchā sayanāsanaṁ
loke aniccataṁ ñatvā dukkhassantaṁ akaṁsu te
dupposaṁ katvā attānaṁ gāme gāmaṇikā viya
bhutvā bhutvā nipajjanti parāgāresu mucchitā
saṅghassa añjaliṁ katvā idhekacce vadāmahaṁ
apaviṭṭhā 1 anāthā te yathā petā tatheva te
ye kho pamattā viharanti te me sandhāya bhāsitaṁ
ye appamattā viharanti namo tesaṁ karomahanti.
Atha kho te bhikkhū tāya devatāya saṁvejitā saṁvegamāpādunti.
Cuddasamaṁ padumapupphasuttaṁ

[795] Ekaṁ samayaṁ aññataro bhikkhu kosalesu viharati aññatarasmiṁ
vanasaṇḍe. Tena kho pana samayena so bhikkhu pacchābhattaṁ
piṇḍapātapaṭikkanto pokkharaṇiṁ ogāhetvā padumaṁ upasiṅghati.

[796] Atha kho yā tasmiṁ vanasaṇḍe adhivatthā devatā
tassa bhikkhuno anukampikā atthakāmā taṁ bhikkhuṁ saṁvejetukāmā
1 Ma. Yu. apaviddhā.
Yena so bhikkhu tenupasaṅkami upasaṅkamitvā taṁ bhikkhuṁ gāthāya
ajjhabhāsi
yametaṁ vārijaṁ pupphaṁ adinnaṁ upasiṅghasi
ekaṅgametaṁ theyyānaṁ gandhatthenosi mārisāti.