[767] Atha kho yā tasmiṁ vanasaṇḍe adhivatthā devatā
āyasmato kassapagottassa anukampikā atthakāmā āyasmantaṁ
kassapagottaṁ saṁvejetukāmā yenāyasmā kassapagotto tenupasaṅkami
upasaṅkamitvā āyasmantaṁ kassapagottaṁ gāthāhi ajjhabhāsi
giriduggacaraṁ chetaṁ appapaññaṁ acetasaṁ
akāle ovadaṁ bhikkhu mandova paṭibhāti maṁ
suṇāti na vijānāti āloketi na passati
dhammasmiṁ bhaññamānasmiṁ atthaṁ bālo na bujjhati
sacepi dasa pajjote dhārayissasi kassapa
neva dakkhati rūpāni cakkhu hissa na vijjatīti.
Atha kho āyasmā kassapagotto tāya devatāya saṁvejito
saṁvegamāpādīti.
1 Ma. chetvā.
Catutthaṁ sambahulasuttaṁ

[768] Ekaṁ samayaṁ sambahulā bhikkhū kosalesu viharanti aññatarasmiṁ
vanasaṇḍe. Atha kho te bhikkhū vassaṁ vutthā temāsaccayena
cārikaṁ pakkamiṁsu.

[769] Atha kho yā tasmiṁ vanasaṇḍe adhivatthā devatā te
bhikkhū apassantī paridevamānā tāyaṁ velāyaṁ imaṁ gāthaṁ abhāsi
arati viya mejjaṁ khāyati
bahuke disvāna vivitte āsane
te cittakathā bahussutā
kome gotamasāvakā gatāti.

[770] Evaṁ vutte aññatarā devatā taṁ devataṁ gāthāya ajjhabhāsi
magadhaṁ gatā kosalaṁ gatā
ekacciyā pana vajjibhūmiyā
makaṭā 1 viya saṅghacārino 2
aniketā viharanti bhikkhavoti.
Pañcamaṁ ānandasuttaṁ

[771] Ekaṁ samayaṁ āyasmā ānando kosalesu viharati aññatarasmiṁ
vanasaṇḍe. Tena kho pana samayena āyasmā ānando ativelaṁ
gihisaññattibahulo viharati.

[772] Atha kho yā tasmiṁ vanasaṇḍe adhivatthā devatā āyasmato
1 Ma. Yu. magā. 2 Ma. asaṅghacārino.
Ānandassa anukampikā atthakāmā āyasmantaṁ ānandaṁ saṁvejetukāmā
yenāyasmā ānando tenupasaṅkami upasaṅkamitvā āyasmantaṁ
ānandaṁ gāthāya ajjhabhāsi
rukkhamūlagahanaṁ pasakkiya
nibbānaṁ hadayasmiṁ opiya
jhāya gotama mā [1]- pamādo
kiṁ te pīḷipīḷikā karissatīti.
Atha kho āyasmā ānando tāya devatāya saṁvejito saṁvegamāpādīti.
Chaṭṭhaṁ anuruddhasuttaṁ

[773] Ekaṁ samayaṁ āyasmā anuruddho kosalesu viharati
aññatarasmiṁ vanasaṇḍe.

[774] Atha kho aññatarā tāvatiṁsakāyikā devatā jālinī nāma
āyasmato anuruddhassa purāṇadutiyikā yenāyasmā anuruddho
tenupasaṅkami upasaṅkamitvā āyasmantaṁ anuruddhaṁ gāthāya ajjhabhāsi
tattha cittaṁ paṇidhehi yattha te vusitaṁ pure
tāvatiṁsesu devesu sabbakāmasamiddhisu
purakkhato parivuto devagaṇehi 2 sobhasīti.

[775] Duggatā devakaññāyo sakkāyasmiṁ patiṭṭhitā
te cāpi duggatā sattā devakaññāhi patthitāti.
1 Yu. etthantare casaddo atthi. 2 Ma. Yu. devakaññāhi.

[776] Na te sukhaṁ pajānanti ye na passanti nandanaṁ
āvāsaṁ naradevānaṁ tidasānaṁ yasassinanti.