[697] Atha kho mānatthaddho brāhmaṇo cittaṁ me samaṇo
gotamo jānātīti tattheva bhagavato pādesu sirasā nipatitvā bhagavato
1 Po. Ma. Yu. etthantare tuṇhībhūtoti dissati. 2 Ma. Yu. taṁ nālapi. 3 Ma. Yu.
āgacchi.
Pādāni mukhena paricumbati pāṇīhi ca parisambāhati nāmaṁ ca sāveti
mānatthaddhāhaṁ bho gotama mānatthaddhāhaṁ bho gotamāti. Atha kho
sā parisā abbhūtacittajātā 1 ahosi acchariyaṁ vata bho abbhūtaṁ vata
bho ayañhi mānatthaddho brāhmaṇo neva mātaraṁ abhivādeti na
pitaraṁ abhivādeti na ācariyaṁ abhivādeti na jeṭṭhabhātaraṁ abhivādeti
atha ca pana samaṇo gotamo evarūpaṁ paramanipaccakāraṁ karotīti.
Atha kho bhagavā mānatthaddhaṁ brāhmaṇaṁ etadavoca alaṁ brāhmaṇa
uṭṭhehi sake āsane nisīda yato te mayi cittaṁ pasannanti.

[698] Atha kho mānatthaddho brāhmaṇo sake āsane nisīditvā
bhagavantaṁ gāthāya ajjhabhāsi
kesu na mānaṁ kayirātha kathaṁ svassa 2 sagāravo
kyassa apacitā assu kyassa sādhu supūjitāti.

[699] Mātarī pitari vāpi atho jeṭṭhamhi bhātari
ācariye catutthamhi [3]- tesu assa sagāravo
tyassa apacitā assu te cassu sādhu pūjitā
arahante sītībhūte katakicce anāsave
nihacca mānaṁ atthaddho tena anusayena 4 anuttareti.

[700] Evaṁ vutte mānatthaddho brāhmaṇo bhagavantaṁ etadavoca
abhikkantaṁ bho gotama abhikkantaṁ bho gotama .pe. Upāsakaṁ maṁ
bhavaṁ gotamo dhāretu ajjatagge pāṇupetaṁ saraṇaṅgatanti.
1 Ma. abbhutavittajātā. 2 Ma. kesu cassa. Yu. kesu assa. 3 Ma. Yu. etthantare
tesu na mānaṁ kayirāthāti dissati. 4 Ma. te namasse. Yu. namassa.
Chaṭṭhaṁ paccanikasuttaṁ

[701] Ekaṁ samayaṁ bhagavā sāvatthiyaṁ viharati jetavane anāthapiṇḍikassa
ārāme. Tena kho pana samayena paccanikasāto
nāma brāhmaṇo sāvatthiyaṁ paṭivasati. Atha kho paccanikasātassa
brāhmaṇassa etadahosi yannūnāhaṁ yena samaṇo gotamo
tenupasaṅkameyyaṁ yaṁ yadeva samaṇo gotamo bhāsissati taṁ tadevassāhaṁ
paccanikāssanti.

[702] Tena kho pana samayena bhagavā ajjhokāse caṅkamati.
Atha kho paccanikasāto brāhmaṇo yena bhagavā tenupasaṅkami
upasaṅkamitvā bhagavantaṁ caṅkamantaṁ anucaṅkamamāno bhagavantaṁ etadavoca
bhaṇa samaṇa dhammanti.

[703] Na paccanikasātena suvijānaṁ subhāsitaṁ
upakkiliṭṭhacittena sārambha bahutena 1 ca
yo ca vineyya sārambhaṁ appasādañca cetaso
āghātaṁ paṭinissajja sace 2 jaññā subhāsitanti.

[704] Evaṁ vutte paccanikasāto brāhmaṇo bhagavantaṁ etadavoca
abhikkantaṁ bho gotama abhikkantaṁ bho gotama .pe. Upāsakaṁ maṁ
bhavaṁ gotamo dhāretu ajjatagge pāṇupetaṁ saraṇaṅgatanti.
Sattamaṁ navakammikasuttaṁ

[705] Ekaṁ samayaṁ bhagavā kosalesu viharati aññatarasmiṁ
1 Po. Ma. Yu. bahulena. 2 Ma. Yu. save.
Vanasaṇḍe. Tena kho pana samayena navakammikabhāradvājo brāhmaṇo
tasmiṁ vanasaṇḍe kammantaṁ kārāpeti. Addasā kho navakammikabhāradvājo
brāhmaṇo bhagavantaṁ aññatarasmiṁ sālarukkhamūle nisinnaṁ
pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
Disvānassa etadahosi ahaṁ kho imasmiṁ vanasaṇḍe kammantaṁ
kārāpento ramāmi ayaṁ samaṇopi 1 kiṁ kārāpento ramatīti.

[706] Atha kho navakammikabhāradvājo brāhmaṇo yena bhagavā
tenupasaṅkami upasaṅkamitvā bhagavantaṁ gāthāya ajjhabhāsi
ke nu kammantā kayiranti bhikkhu sālavane bhava
yadekako araññasmiṁ ratiṁ vindati gotamoti.