[587] Evaṁ vutte 3 kho so brahmā taṁ vacanaṁ anadhivāsento
sahassakkhattuṁ attānaṁ abhinimminitvā subrahmānaṁ paccekabrahmānaṁ
etadavoca passasi me no tvaṁ mārisa evarūpaṁ iddhānubhāvanti.
Passāmi kho 4 tyāhaṁ mārisa evarūpaṁ iddhānubhāvanti. So khvāhaṁ
mārisa evaṁmahiddhiko evaṁmahānubhāvo kassa aññassa samaṇassa
vā brāhmaṇassa vā upaṭṭhānaṁ gamissāmīti.

[588] Atha kho subrahmā paccekabrahmā dvisahassakkhattuṁ
attānaṁ abhinimminitvā [5]- brahmānaṁ etadavoca passasi me no
tvaṁ mārisa evarūpaṁ taṁ iddhānubhāvanti. Passāmi kho tyāhaṁ
mārisa evarūpaṁ iddhānubhāvanti. Tayā ca kho mārisa mayā ca
sveva bhagavā mahiddhikataro ceva mahānubhāvo ca āgaccheyyāsi 6
tvaṁ mārisa tassa bhagavato upaṭṭhānaṁ arahato sammāsambuddhassāti.
1 Ma. āgatā kho mayaṁ mārisa amha .... 2 Ma. Yu. gaccheyyāsi. 3 evaṁ vutto.
4 Yu. no. 5 Ma. Yu. etthantare taṁ iti dissati. 6 Ma. Yu. gaccheyyāsi.

[589] Atha kho so brahmā subrahmānaṁ paccekabrahmānaṁ
gāthāya ajjhabhāsi
tayo supaṇṇā caturo ca haṁsā
byagghīnisā pañcasatā ca jhāyino
tayidaṁ vimānaṁ jalate ca brahme
obhāsayaṁ uttarassaṁ disāyanti.

[590] Kiñcāpi te taṁ jalatī 1 vimānaṁ
obhāsayaṁ uttarassaṁ disāyaṁ
rūpe raṇaṁ disvā sadā pavedhitaṁ
tasmā na rūpe ramatī sumedhoti.

[591] Atha kho subrahmā ca paccekabrahmā suddhāvāso
ca paccekabrahmā taṁ brahmānaṁ saṁvejetvā tatthevantaradhāyiṁsu.
Agamāsi ca 2 so brahmā aparena samayena bhagavato upaṭṭhānaṁ arahato
sammāsambuddhassāti.
Sattamaṁ paṭhamakokālikasuttaṁ

[592] Sāvatthiyaṁ ... Tena kho pana samayena bhagavā divāvihāragato
hoti paṭisallīno. Atha kho subrahmā ca paccekabrahmā
suddhāvāso ca paccekabrahmā yena bhagavā tenupasaṅkamiṁsu
upasaṅkamitvā paccekaṁ dvārabāhaṁ nissāya aṭṭhaṁsu.

[593] Atha kho subrahmā paccekabrahmā kokālikaṁ bhikkhuṁ
1 Ma. Yu. jalate. 2 agamāsi ca kho so.
Ārabbha bhagavato santike imaṁ gāthaṁ abhāsi
appameyyaṁ paminanto kodha vidvā vikappaye
appameyyaṁ pamāyinaṁ nidhutantaṁ 1 maññe puthujjananti.
Aṭṭhamaṁ tissakasuttaṁ

[594] Sāvatthiyaṁ ... Tena kho pana samayena bhagavā divāvihāragato
hoti paṭisallīno. Atha kho subrahmā ca paccekabrahmā
suddhāvāso ca paccekabrahmā yena bhagavā tenupasaṅkamiṁsu
upasaṅkamitvā paccekaṁ dvārabāhaṁ nissāya aṭṭhaṁsu.

[595] Atha kho suddhāvāso paccekabrahmā katamorakatissakaṁ 2
bhikkhuṁ ārabbha bhagavato santike imaṁ gāthaṁ abhāsi
appameyyaṁ paminanto kodha vidvā vikappaye
appameyyaṁ pamāyinaṁ nidhutantaṁ maññe akissavanti.
Navamaṁ tudubrahmasuttaṁ 3

[596] Sāvatthiyaṁ ... Tena kho pana samayena kokāliko bhikkhu
ābādhiko hoti dukkhito bāḷhagilāno. Atha kho tudupaccekabrahmā 3
abhikkantāya rattiyā abhikkantavaṇṇo kevalakappaṁ jetavanaṁ
obhāsetvā yena kokāliko bhikkhu tenupasaṅkami upasaṅkamitvā vehāsaṁ
ṭhito kokālikaṁ bhikkhuṁ etadavoca pasādehi kokālika sārīputtamoggallānesu
cittaṁ pesalā sārīputtamoggallānāti. Kosi
tvaṁ āvusoti. Ahaṁ tudupaccekabrahmāti 3 . Kinnu 4 tvaṁ āvuso
1 Ma. nivutaṁ taṁ. Yu. nivutaṁ. 2 Ma. katamodakatissakaṁ. 3 Ma. turū ....
4 Po. Ma. Yu. nanu.
Bhagavatā anāgāmī byākato kathañcarahi 1 idhāgatoti. Passa
yāvañca te idaṁ aparaddhanti.