[567] Atha kho bhagavā bakassa brahmuno cetasā
cetoparivitakkamaññāya seyyathāpi nāma balavā puriso sammiñjitaṁ vā
bāhaṁ pasāreyya pasāritaṁ vā bāhaṁ sammiñjeyya evameva jetavane
antarahito tasmiṁ brahmaloke pāturahosi. Addasā kho bako
brahmā bhagavantaṁ dūratova āgacchantaṁ disvāna bhagavantaṁ etadavoca
ehi kho mārisa svāgataṁ te mārisa cirassaṁ kho mārisa imaṁ
pariyāyamakāsi yadidaṁ idhāgamanāya idaṁ hi mārisa niccaṁ idaṁ dhuvaṁ
idaṁ sassataṁ idaṁ kevalaṁ idaṁ acavanadhammaṁ idañhi na jāyati na
jiyyati na miyyati na cavati na upapajjati ito ca panaññaṁ
uttariṁ 2 nissaraṇaṁ natthīti.

[568] Evaṁ vutte bhagavā bakaṁ brahmānaṁ etadavoca avijjāgato
vata bho bako brahmā avijjāgato vata bho bako brahmā
yatra hi nāma aniccaṁyeva samānaṁ niccanti vakkhati adhuvaṁyeva samānaṁ
dhuvanti vakkhati asassataṁyeva samānaṁ sassatanti vakkhati akevalaṁyeva
samānaṁ kebalanti vakkhati cavanadhammaṁyeva samānaṁ acavanadhammanti vakkhati
yattha ca pana jāyati ca jiyyati ca miyyati ca cavati ca upapajjati
ca taṁ 3 tathā vakkhati idaṁ hi na jāyati na jiyyati na miyyati na cavati
1-2 Ma. uttari. 3 Ma. Yu. taṁ ca.
Na upapajjatīti 1 santañca panaññaṁ uttariṁ nissaraṇaṁ natthaññaṁ
uttariṁ nissaraṇanti vakkhatīti.

[569] Dvāsattati gotama puññakammā
vasavattino jātijaraṁ atītā
ayamantimā vedagū brahmupapatti
asmābhijappanti janā anekāti.

[570] Appaṁ hi etaṁ na hi dīghamāyuṁ 2
yaṁ tvaṁ baka maññasi dīghamāyuṁ
sataṁ sahassāna nirabbudānaṁ
āyuṁ pajānāmi tvāhaṁ brahmeti.

[571] Anantadassī bhagavāhamasmi
jātijaraṁ sokamupātivatto
kiṁ me purāṇaṁ vata sīlavattaṁ
ācikkhametaṁ yamahaṁ vijaññāti.

[572] Yaṁ tvaṁ apāyesi bahū manusse
pipāsite ghammani samparete
tante purāṇaṁ vata sīlavattaṁ
suttappabuddhova anussarāmi
yaṁ eṇikulasmiṁ janataṁ 3 gahitaṁ
amocayī gayhakaṁ nīyamānaṁ
1 Ma. Yu. itisaddo natthi. 2 Ma. Yu. dīghamāyu. 3 Ma. Yu. janaṁ gahītaṁ.
Tante purāṇaṁ vata sīlavattaṁ
suttappabuddhova anussarāmi
gaṅgāya sotasmi gahītanāvaṁ
luddhena nāgena manussakampā 1
amocayittha 2 balasā pasayha
tante purāṇaṁ vata sīlavattaṁ
suttappabuddhova anussarāmi
kappo ca te paṭacaro ahosiṁ
sambuddhivantaṁ vatinaṁ amaññiṁ
tante purāṇaṁ vata sīlavattaṁ
suttappabuddhova anussarāmi 3
addhā pajānāsi mametamāyuṁ
aññepi jānāsi tathā hi buddho
tathā hi tyāyaṁ jalitānubhāvo
obhāsayaṁ tiṭṭhati brahmalokanti.
Pañcamaṁ aparādiṭṭhisuttaṁ

[573] Evamme sutaṁ ekaṁ samayaṁ bhagavā sāvatthiyaṁ viharati
jetavane anāthapiṇḍikassa ārāme. Tena kho pana samayena
aññatarassa brahmuno evarūpaṁ pāpakaṁ diṭṭhigataṁ uppannaṁ hoti
natthi so samaṇo vā brāhmaṇo vā yo idha āgaccheyyāti.
1 Ma. Yu. manussakamyā. 2 pamocayittha. 3 Po. Ma. itisaddo atthi.

[574] Atha kho bhagavā tassa brahmuno cetasā cetoparivitakkamaññāya
seyyathāpi nāma balavā puriso .pe. Tasmiṁ brahmaloke
pāturahosi. Atha kho bhagavā tassa brahmuno uparivehāsaṁ pallaṅkena
nisīdi tejodhātuṁ samāpajjitvā.

[575] Atha kho āyasmato mahāmoggallānassa etadahosi
kahaṁ nu kho bhagavā etarahi viharatīti. Addasā kho āyasmā
mahāmoggallāno bhagavantaṁ dibbena cakkhunā visuddhena atikkantamānusakena
tassa brahmuno uparivehāsaṁ pallaṅkena nisinnaṁ tejodhātuṁ
samāpannaṁ disvāna seyyathāpi nāma balavā puriso sammiñjitaṁ vā
bāhaṁ pasāreyya pasāritaṁ vā bāhaṁ sammiñjeyya evameva jetavane
antarahito tasmiṁ brahmaloke pāturahosi. Atha kho āyasmā
mahāmoggallāno puratthimaṁ disaṁ nissāya tassa brahmuno uparivehāsaṁ
pallaṅkena nisīdi tejodhātuṁ samāpajjitvā nīcatarakaṁ 1 bhagavato.

[576] Atha kho āyasmato mahākassapassa etadahosi kahaṁ nu
kho bhagavā etarahi viharatīti. Addasā kho āyasmā mahākassapo
bhagavantaṁ dibbena cakkhunā .pe. Disvāna seyyathāpi nāma balavā
puriso .pe. Evameva jetavane antarahito tasmiṁ brahmaloke
pāturahosi. Atha kho āyasmā mahākassapo dakkhiṇaṁ disaṁ
nissāya tassa brahmuno uparivehāsaṁ pallaṅkena nisīdi tejodhātuṁ
samāpajjitvā nīcatarakaṁ 2 bhagavato.
1-2 Ma. Yu. nīcataraṁ.