[607] Ekamantaṁ ṭhito kho brahmā sanaṅkumāro bhagavato
santike imaṁ gāthaṁ abhāsi
khattiyo seṭṭho janetasmiṁ ye gottapaṭisārino
vijjācaraṇasampanno so seṭṭho devamānuseti.

[608] Idamavoca brahmā sanaṅkumāro samanuñño satthā
ahosi. Atha kho brahmā sanaṅkumāro samanuñño me satthāti
bhagavantaṁ abhivādetvā padakkhiṇaṁ katvā tatthevantaradhāyīti.
Dutiyaṁ devadattasuttaṁ

[609] Evamme sutaṁ ekaṁ samayaṁ bhagavā rājagahe viharati
gijjhakūṭe pabbate acirapakkante devadatte. Atha kho brahmā
sahampati abhikkantāya rattiyā abhikkantavaṇṇo kevalakappaṁ
Gijjhakūṭaṁ [1]- obhāsetvā yena bhagavā tenupasaṅkami upasaṅkamitvā
bhagavantaṁ abhivādetvā ekamantaṁ aṭṭhāsi.

[610] Ekamantaṁ ṭhito kho brahmā sahampati devadattaṁ ārabbha
bhagavato santike imaṁ gāthaṁ abhāsi
phalaṁ ve kaddaliṁ hanti phalaṁ veḷuṁ phalaṁ naḷaṁ
sakkāro kāpurisaṁ hanti gabbho assatariṁ yathāti.
Tatiyaṁ andhakavindasuttaṁ

[611] Ekaṁ samayaṁ bhagavā magadhesu viharati andhakavinde. Tena
kho pana samayena bhagavā rattandhakāratimisāyaṁ ajjhokāse nisinno
hoti. Devo ca ekamekaṁ phusāyati. Atha kho brahmā sahampati
abhikkantāya rattiyā abhikkantavaṇṇo kevalakappaṁ andhakavindaṁ
obhāsetvā yena bhagavā tenupasaṅkami upasaṅkamitvā bhagavantaṁ
abhivādetvā ekamantaṁ aṭṭhāsi.

[612] Ekamantaṁ ṭhito kho brahmā sahampati bhagavato santike
imā gāthāyo abhāsi
sevetha pantāni sayanāsanāni
careyya saññojanavippamokkhā
sa ce ratiṁ nādhigaccheyya tattha
saṅghe vase rakkhitatto satimā
kulā kulaṁ piṇḍikāya caranto
[1] Ma. Yu. etthantare pabbatanti dissati.
Indriyagutto nipako satimā
sevetha pantāni sayanāsanāni
bhayā pamutto abhaye vimutto
yattha bheravā siriṁsapā 1
vijju sañcarati thaneti 2 devo
andhakāratimisāya rattiyā
nisīdi tattha bhikkhu vigatalomahaṁso
idañca 3 jātu me diṭṭhaṁ nayidaṁ itihītihaṁ
ekasmiṁ brahmacariyasmiṁ sahassaṁ maccuhāyinaṁ
bhīyo pañcasatā sekkhā dasā ca dasadhā dasa
sabbe sotaṁ samāpannā atiracchānagāmino
athāyaṁ itarā pajā puññabhāgāti me mano
saṅkhātuṁ nopi sakkomi musāvādassa ottapanti 4 .
Catutthaṁ aruṇavatīsuttaṁ

[613] Ekaṁ samayaṁ bhagavā sāvatthiyaṁ viharati .pe. Tatra kho
bhagavā bhikkhū āmantesi bhikkhavoti. Bhadanteti te bhikkhū bhagavato
paccassosuṁ.

[614] Bhagavā etadavoca bhūtapubbaṁ bhikkhave rājā ahosi
aruṇavā nāma. Rañño kho pana bhikkhave aruṇavato aruṇavatī
nāma rājadhānī ahosi. Aruṇavatiṁ kho pana bhikkhave rājadhāniṁ 5 sikhī
1 Ma. sariṁsapā. 2 thanayati. 3 Ma. Yu. idaṁ hi 4 Yu. ottape. 5 aruṇavatiyaṁ
... rājadhāniyaṁ.
Bhagavā arahaṁ sammāsambuddho upanissāya vihāsi. Sikhissa kho
pana bhikkhave bhagavato arahato sammāsambuddhassa abhibhū sambhavaṁ nāma
sāvakayugaṁ ahosi aggayugaṁ bhaddayugaṁ 1 .

[615] Atha kho bhikkhave sikhī bhagavā arahaṁ sammāsambuddho
abhibhuṁ bhikkhuṁ āmantesi āyāma brāhmaṇa yena aññataro
brahmaloko tenupasaṅkamissāma yāva bhattassa kālo bhavissatīti.
Evaṁ bhanteti kho bhikkhave abhibhū bhikkhu sikhissa bhagavato arahato
sammāsambuddhassa paccassosi. Atha kho bhikkhave sikhī ca 2 bhagavā
arahaṁ sammāsambuddho abhibhū ca bhikkhu seyyathāpi nāma balavā puriso
sammiñjitaṁ vā bāhaṁ pasāreyya pasāritaṁ vā bāhaṁ sammiñjeyya
evameva aruṇavatiyā rājadhāniyā antarahitā tasmiṁ brahmaloke
pāturahesuṁ. Atha kho bhikkhave sikhī bhagavā arahaṁ sammāsambuddho
abhibhuṁ bhikkhuṁ āmantesi paṭibhātu brāhmaṇa brahmuno ca
brahmaparisāya ca brahmapārisajjānañca dhammī kathāti. Evaṁ bhanteti
kho bhikkhave abhibhū bhikkhu sikhissa bhagavato arahato sammāsambuddhassa
paṭissutvā brahmānañca brahmaparisañca brahmapārisajje ca dhammiyā
kathāya sandassesi samādapesi samuttejesi sampahaṁsesi.

[616] Tatra sudaṁ bhikkhave brahmā ca brahmaparisā ca
brahmapārisajjā ca ujjhāyanti khīyanti vipācenti acchariyaṁ vata bho
abbhūtaṁ vata bho kathañhi nāma satthari sammukhībhūte sāvako dhammaṁ
1 Ma. Yu. aggabhaddayugaṁ. 2 Po. Ma. Yu. casaddo natthi.
Desessatīti. Atha kho bhikkhave sikhī bhagavā arahaṁ sammāsambuddho
abhibhuṁ bhikkhuṁ āmantesi ujjhāyanti kho te brāhmaṇa brahmā
ca brahmaparisā ca brahmapārisajjā ca acchariyaṁ vata bho abbhūtaṁ
vata bho kathañhi nāma satthari sammukhībhūte sāvako dhammaṁ desessatīti
tenahi tvaṁ brāhmaṇa bhiyyoso mattāya brahmānañca brahmaparisañca
brahmapārisajje ca saṁvejehīti. Evaṁ bhanteti kho
bhikkhave abhibhū bhikkhu sikhissa bhagavato arahato sammāsambuddhassa
paṭissutvā dissamānenapi kāyena dhammaṁ desesi adissamānenapi
kāyena dhammaṁ desesi dissamānenapi heṭṭhimena upaḍḍhakāyena
adissamānenapi 1 uparimena upaḍḍhakāyena dhammaṁ desesi dissamānenapi
uparimena upaḍḍhakāyena adissamānenapi heṭṭhimena upaḍḍhakāyena
dhammaṁ desesi.