[537] Sāvatthīnidānaṁ. Atha kho cālā bhikkhunī pubbaṇhasamayaṁ
nivāsetvā .pe. Aññatarasmiṁ rukkhamūle divāvihāraṁ nisīdi.

[538] Atha kho māro pāpimā yena cālā bhikkhunī .pe.
Upasaṅkamitvā cālaṁ bhikkhuniṁ etadavoca kiṁ nu kho tvaṁ bhikkhuni
na rocesīti. Jātiṁ khvāhaṁ āvuso na rocemīti.

[539] Kiṁ nu jātiṁ na rocesi jāto kāmāni bhuñjati
ko nu tvaṁ idamādapayi jāti mā roca bhikkhunīti.

[540] Jātassa maraṇaṁ hoti jāto dukkhāni passati 2
bandhaṁ vadhaṁ pariklesaṁ tasmā jātiṁ na rocaye
buddho dhammamadesesi jātiyā samatikkamaṁ
sabbadukkhappahānāya so maṁ sacce nivesayi
ye ca rūpūpagā sattā ye ca arūpabhāgino
nirodhaṁ appajānantā āgantāro punabbhavanti.
Atha kho māro pāpimā jānāti maṁ cālā bhikkhunīti dukkhī
dummano tatthevantaradhāyīti.
1 Po. Ma. Yu. sabbabandhanamuttāmhi. 2 Ma. phussati.
Sattamaṁ upacālāsuttaṁ

[541] Sāvatthīnidānaṁ. Atha kho upacālā bhikkhunī pubbaṇhasamayaṁ
nivāsetvā .pe. Aññatarasmiṁ rukkhamūle divāvihāraṁ nisīdi.

[542] Atha kho māro pāpimā .pe. Upacālaṁ bhikkhuniṁ
etadavoca kathannu tvaṁ bhikkhuni uppajjitukāmāti. Na khvāhaṁ
āvuso katthaci uppajjitukāmāti.

[543] Tāvatiṁsā ca yāmā ca tusitā cāpi devatā
nimmānaratino devā ye devā vasavattino
tattha cittaṁ paṇidhehi rati 1 paccanubhossasīti.

[544] Tāvatiṁsā ca yāmā ca tusitā cāpi devatā
nimmānaratino devā ye devā vasavattino
kāmabandhanabandhā te enti māravasaṁ puna
sabbova āditto 2 loko sabbo loko padhūpito
sabbo pajjalito 3 loko sabbo loko pakampito
akampitaṁ acalitaṁ 4 aputhujjanasevitaṁ
agati yattha mārassa tattha me nirato manoti.
Atha kho māro pāpimā jānāti maṁ upacālā bhikkhunīti dukkhī
dummano tatthevantaradhāyīti.
Aṭṭhamaṁ sīsupacālāsuttaṁ

[545] Sāvatthiyaṁ ... Atha kho sīsupacālā bhikkhunī pubbaṇhasamayaṁ
1 Ma. Yu. ratiṁ. 2 Ma. sabbo ādīpito. Yu. - ādipito. 3 Ma. pajjālito.
4 Ma. apajjalitaṁ.
Nivāsetvā .pe. Aññatarasmiṁ rukkhamūle divāvihāraṁ nisīdi.

[546] Atha kho māro pāpimā yena sīsupacālā bhikkhunī
tenupasaṅkami upasaṅkamitvā sīsupacāraṁ bhikkhuniṁ etadavoca kassa
nu tvaṁ bhikkhuni pāsaṇḍaṁ rocesīti. Na khvāhaṁ āvuso kassaci
pāsaṇḍaṁ rocemīti.