[497] Atha kho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhabhāsi
sokāvatiṇṇo nu vanasmiṁ jhāyasi
vittaṁ nu jinno uda patthayāno
āgunnu gāmasmimakāsi kiñci
1 Ma. Yu. beluvapaṇḍuvīṇaṁ. 2 Yu. so. 3 Po. Ma. Yu. kacchā. 4 Ma. Yu.
tatthevantaradhāyathāti.
Kasmā janena 1 karosi sakkhiṁ
sakkhī na sampajjati kenaci teti.

[498] Sokassa mūlaṁ palikhāya sabbaṁ
anāgu jhāyāmi asocamāno
jetvāna sabbaṁ bhavalobhajappaṁ
anāsavo jhāyāmi pamattabandhūti.

[499] Yaṁ vadanti mamayidanti ye vadanti mamanti ca
ettha cete mano atthi na me samaṇa mokkhasīti.

[500] Yaṁ vadanti na taṁ mayhaṁ ye vadanti na te ahaṁ
evaṁ pāpima jānāhi na me maggampi dakkhasīti.

[501] Sace maggaṁ anubuddhaṁ khemaṁ amatagāminiṁ 2
apehi gaccha tvameko 3 kimaññamanusāsasīti.

[502] Amaccudheyyaṁ muñcanti ye janā pāragāmino
tesāhaṁ puṭṭho akkhāmi yaṁ saccaṁ taṁ nirūpadhinti.

[503] Seyyathāpi bhante gāmassa vā nigamassa vā avidūre
pokkharaṇī tatrassa kakkaṭako atha kho bhante sambahulā
kumārakā vā kumārikāyo vā tamhā gāmā vā nigamā vā
nikkhamitvā yena sā pokkharaṇī tenupasaṅkameyyuṁ upasaṅkamitvā
taṁ kakkaṭakaṁ udakā uddharitvā thale patiṭṭhāpeyyuṁ yaṁ yadeva hi
so bhante kakkaṭako aḷaṁ abhininnāmeyya taṁ tadeva te kumārakā
1 Ma. Yu. jane. 2 Po. Ma. Yu. amatagāminaṁ. 3 Ma. tavameveko.
Vā kumārikāyo vā kaṭṭhena vā kaṭhalāya vā sañchindeyyuṁ
sambhañjeyyuṁ sampalibhañjeyyuṁ evaṁ hi so bhante kakkaṭako sabbehi
aḷehi sañchinnehi sambhaggehi sampalibhaggehi abhabbo taṁ pokkharaṇiṁ
puna otarituṁ seyyathāpi 1 pubbe evameva kho bhante yānikānici
visūkāyitāni 2 visevitāni vipphanditāni sabbāni tāni bhagavatā
pacchinnāni 3 sambhaggāni sampalibhaggāni abhabbodānāhaṁ bhante
puna bhagavantaṁ upasaṅkamituṁ yadidaṁ otārāpekkhoti.

[504] Atha kho māro pāpimā bhagavato santike imā
nibbejanīyā gāthāyo abhāsi
medavaṇṇañca pāsāṇaṁ vāyaso anupariyagā
apettha mudu vindema api assādanā siyā
aladdhā tattha assādaṁ vāyamanto 4 apakkame
kākova selaṁ āsajja nibbijjāpema gotamāti.
Atha kho māro pāpimā bhagavato santike imā nibbejanīyā
gāthāyo bhāsitvā 5 tamhā ṭhānā apakkamma bhagavato avidūre
paṭhaviyaṁ pallaṅkena nisīdi tuṇhībhūto maṅkubhūto pattakkhandho adhomukho
pajjhāyanto appaṭibhāṇo kaṭṭhena bhūmiṁ vilikhanto.
Pañcamaṁ māradhītusuttaṁ

[505] Atha kho taṇhā ca aratī ca rāgā ca māradhītaro
yena māro pāpimā tenupasaṅkamiṁsu upasaṅkamitvā māraṁ pāpimantaṁ
1 Ma. seyyathāpi pubbeti pāṭhadvayaṁ natthi. 2 Po. Ma. visūkāyikāni. Yu.
sukāyikāni. 3 Ma. Yu. sañchinnāni. 4 Ma. Yu. vāyasetto. 5 Ma. Yu. abhāsitvā.
Gāthāya ajjhabhāsiṁsu
kenāsi dummano tāta purisaṁ kaṁ nu socasi
mayaṁ taṁ rāgapāsena araññamiva kuñjaraṁ
bandhitvā ānayissāma vasago te bhavissatīti.

[506] Arahaṁ sugato loke na rāgena suvānayo
māradheyyaṁ atikkanto tasmā socāmahaṁ bhusanti.