พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Suttantapiṭake saṁyuttanikāyassa paṭhamo bhāgo (เล่ม 15)

[487] Atha kho āyasmā samiddhi māro ayaṁ pāpimā iti
Viditvā māraṁ pāpimantaṁ gāthāya ajjhabhāsi
saddhāyāhaṁ pabbajito agārasmā anagāriyaṁ
sati paññā ca me buddhā cittañca susamāhitaṁ
kāmaṁ karassu rūpāni neva maṁ byādhayissasīti.
Atha kho māro pāpimā jānāti maṁ samiddhi bhikkhūti dukkhī dummano
tatthevantaradhāyīti.
Tatiyaṁ godhikasuttaṁ

Suttantapiṭake saṁyuttanikāyassa paṭhamo bhāgo (เล่ม 15)

[488] Evamme sutaṁ ekaṁ samayaṁ bhagavā rājagahe viharati
veḷuvane kalandakanivāpe. Tena kho pana samayena āyasmā godhiko
isigilipasse viharati kāḷasilāyaṁ.

Suttantapiṭake saṁyuttanikāyassa paṭhamo bhāgo (เล่ม 15)

[489] Atha kho āyasmā godhiko appamatto ātāpī pahitatto
viharanto sāmāyikaṁ 1 cetovimuttiṁ phusi. Atha kho āyasmā
godhiko tamhā sāmāyikāya cetovimuttiyā parihāyi. Dutiyampi
kho āyasmā godhiko appamatto ātāpī pahitatto viharanto
sāmāyikaṁ cetovimuttiṁ phusi. Dutiyampi kho āyasmā godhiko
tamhā sāmāyikāya cetovimuttiyā parihāyi. Tatiyampi kho āyasmā
godhiko appamatto ātāpī pahitatto viharanto sāmāyikaṁ cetovimuttiṁ
phusi. Tatiyampi kho āyasmā godhiko tamhā .pe.
Parihāyi. Catutthampi kho āyasmā godhiko appamatto .pe.
1 Yu. sāmādhikaṁ. Ma. sāmayikaṁ.
Phusi. Catutthampi kho āyasmā godhiko tamhā .pe. Parihāyi.
Pañcamampi kho āyasmā godhiko .pe. Phusi. Pañcamampi
kho āyasmā godhiko .pe. Parihāyi. Chaṭṭhampi kho āyasmā
godhiko appamatto ātāpī pahitatto viharanto sāmāyikaṁ cetovimuttiṁ
phusi. Chaṭṭhampi kho āyasmā godhiko tamhā sāmāyikāya
cetovimuttiyā parihāyi. Sattamampi kho āyasmā godhiko appamatto
ātāpī pahitatto viharanto sāmāyikaṁ cetovimuttiṁ phusi.
Atha kho āyasmato godhikassa etadahosi yāva chaṭṭhaṁ khvāhaṁ
sāmāyikāya cetovimuttiyā parihīno yannūnāhaṁ satthaṁ āhareyyanti.

Suttantapiṭake saṁyuttanikāyassa paṭhamo bhāgo (เล่ม 15)

[490] Atha kho māro pāpimā āyasmato godhikassa cetasā
cetoparivitakkamaññāya yena bhagavā tenupasaṅkami upasaṅkamitvā
bhagavantaṁ gāthāhi ajjhabhāsi
mahāvīra mahāpañña iddhiyā yasasā jala
sabbaverabhayātīta pāde vandāmi cakkhuma
sāvako te mahāvīra maraṇaṁ maraṇābhibhū
ākaṅkhati cetayati taṁ nisedha jutindhara
kathañhi bhagavā tuyhaṁ sāvako sāsane rato
appattamānaso sekho kālaṁ kayirā janesutāti.
Tena kho pana samayena āyasmatā godhikena satthaṁ āharitaṁ hoti.

Suttantapiṭake saṁyuttanikāyassa paṭhamo bhāgo (เล่ม 15)

[491] Atha kho bhagavā māro ayaṁ pāpimā iti viditvā
Māraṁ pāpimantaṁ gāthāya ajjhabhāsi
evaṁ hi dhīrā kubbanti nāvakaṅkhanti jīvitaṁ
samūlaṁ taṇhaṁ abbuyha godhiko parinibbutoti.

Suttantapiṭake saṁyuttanikāyassa paṭhamo bhāgo (เล่ม 15)

[492] Atha kho bhagavā bhikkhū āmantesi āyāma bhikkhave
yena isigilipassaṁ kāḷasilā tenupasaṅkamissāma yattha godhikena
kulaputtena satthaṁ āharitanti. Evaṁ bhanteti kho te bhikkhū
bhagavato paccassosuṁ. Atha kho bhagavā sambahulehi bhikkhūhi saddhiṁ
yena isigilipassaṁ kāḷasilā tenupasaṅkami. Addasā kho bhagavā
āyasmantaṁ godhikaṁ dūratova mañcake vivattakkhandhaṁ seyyamānaṁ 1 .
Tena kho pana samayena dhūmāyitattaṁ timirāyitattaṁ gacchateva purimaṁ
disaṁ gacchati pacchimaṁ disaṁ gacchati uttaraṁ disaṁ gacchati dakkhiṇaṁ
disaṁ gacchati uddhaṁ gacchati adho gacchati anudisaṁ.

Suttantapiṭake saṁyuttanikāyassa paṭhamo bhāgo (เล่ม 15)

[493] Atha kho bhagavā bhikkhū āmantesi passatha no tumhe
bhikkhave etaṁ dhūmāyitattaṁ timirāyitattaṁ gacchateva purimaṁ disaṁ gacchati
pacchimaṁ disaṁ gacchati uttaraṁ disaṁ gacchati dakkhiṇaṁ disaṁ gacchati uddhaṁ
gacchati adho gacchati anudisanti. Evaṁ bhanteti. Eso kho
bhikkhave māro pāpimā godhikassa kulaputtassa viññāṇaṁ samanvesati
kattha godhikassa kulaputtassa viññāṇaṁ patiṭṭhitanti appatiṭṭhitena
ca bhikkhave viññāṇena godhiko kulaputto parinibbutoti.
1 Sī. Ma. Yu. semānaṁ.

Suttantapiṭake saṁyuttanikāyassa paṭhamo bhāgo (เล่ม 15)

[494] Atha kho māro pāpimā veḷuvapaṇḍuvīṇaṁ 1 ādāya yena
bhagavā tenupasaṅkami upasaṅkamitvā bhagavantaṁ gāthāya ajjhabhāsi
uddhaṁ adho ca tiriyaṁ disāanudisāsvahaṁ
anvesaṁ nādhigacchāmi godhiko so kuhiṁ gatoti.

Suttantapiṭake saṁyuttanikāyassa paṭhamo bhāgo (เล่ม 15)

[495] Yo 2 dhīro dhitisampanno jhāyī jhānarato sadā
ahorattamanuyuñjaṁ jīvitaṁ anikāmayaṁ
jetvāna maccuno senaṁ anāgantvā punabbhavaṁ
samūlaṁ taṇhaṁ abbuyha godhiko parinibbutoti.
Tassa sokaparetassa vīṇā kacchakā 3 abhassatha
tato so dummano yakkho tatthevantaradhāyithāti 4 .
Catutthaṁ sattavassasuttaṁ

Suttantapiṭake saṁyuttanikāyassa paṭhamo bhāgo (เล่ม 15)

[496] Evamme sutaṁ ekaṁ samayaṁ bhagavā uruvelāyaṁ viharati
najjā nerañjarāya tīre ajapālanigrodhe. Tena kho pana samayena
māro pāpimā satta vassāni bhagavantaṁ anubandho hoti otārāpekkho
otāraṁ alabhamāno.