[457] Hitānukampī sambuddho yadaññamanusāsati
anurodhavirodhehi vippamutto tathāgatoti.
Atha kho māro pāpimā jānāti maṁ bhagavā jānāti maṁ sugatoti
dukkhī dummano tatthevantaradhāyīti.
Pañcamaṁ mānasasuttaṁ

[458] Evamme sutaṁ ekaṁ samayaṁ bhagavā sāvatthiyaṁ viharati
jetavane anāthapiṇḍikassa ārāme.
1 Ma. Yu. sajjittho.

[459] Atha kho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhabhāsi
antalikkhacaro pāso yvāyaṁ carati mānaso
tena taṁ bādhayissāmi na me samaṇa mokkhasīti.

[460] Rūpā saddā gandhā rasā phoṭṭhabbā ca manoramā
ettha me vigato chando nihato tvamasi antakāti.
Atha kho māro pāpimā jānāti maṁ bhagavā jānāti maṁ sugatoti
dukkhī dummano tatthevantaradhāyīti.
Chaṭṭhaṁ pattasuttaṁ

[461] Sāvatthiyaṁ ārāme ... Tena kho pana samayena bhagavā
pañcannaṁ upādānakkhandhānaṁ upādāya bhikkhū 1 dhammiyā kathāya
sandasseti samādapeti samuttejeti sampahaṁseti. Te ca bhikkhū
aṭṭhikatvā 2 manasikatvā sabbacetaso 3 samannāharitvā ohitasotā dhammaṁ
suṇanti. Atha kho mārassa pāpimato etadahosi ayaṁ kho samaṇo
gotamo pañcannaṁ upādānakkhandhānaṁ upādāya bhikkhū 4 dhammiyā kathāya
sandasseti samādapeti samuttejeti sampahaṁseti te ca bhikkhū
aṭṭhikatvā 5 manasikatvā sabbacetaso 6 samannāharitvā ohitasotā
dhammaṁ suṇanti yannūnāhaṁ yena samaṇo gotamo tenupasaṅkameyyaṁ
vicakkhukammāyāti. Tena kho pana samayena sambahulā pattā
ajjhokāse nikkhittā honti.
1-4 Ma. bhikkhūnaṁ. 2-5 Ma. aṭṭhiṁkatvā. 3-6 ma ... cetasā.

[462] Atha kho māro pāpimā balibaddavaṇṇaṁ abhinimminitvā
yena te pattā tenupasaṅkami. Atha kho aññataro bhikkhu aññataraṁ
bhikkhuṁ etadavoca bhikkhu bhikkhu eso balibaddo patte bhindeyyāti.
Evaṁ vutte bhagavā taṁ bhikkhuṁ etadavoca neso 1 bhikkhu balibaddo
māro eso pāpimā tumhākaṁ vicakkhukammāya āgatoti.

[463] Atha kho bhagavā māro ayaṁ pāpimā iti viditvā
māraṁ pāpimantaṁ gāthāya ajjhabhāsi
rūpaṁ vedayitaṁ saññaṁ 2 viññāṇaṁ yañca saṅkhataṁ
nesohamasmi netaṁ me evaṁ tattha virajjati
evaṁ virattaṁ khemattaṁ sabbasaññojanātitaṁ 3
anvesaṁ sabbaṭhānesu mārasenāpi nājjhagāti.
Atha kho māro pāpimā .pe. Tatthevantaradhāyīti.
Sattamaṁ āyatanasuttaṁ

[464] Ekaṁ samayaṁ bhagavā vesāliyaṁ viharati mahāvane
kūṭāgārasālāyaṁ. Tena kho pana samayena bhagavā channaṁ phassāyatanānaṁ
upādāya bhikkhū 4 dhammiyā kathāya sandasseti samādapeti samuttejeti
sampahaṁseti. Te ca bhikkhū aṭṭhikatvā manasikatvā sabbacetaso
samannāharitvā ohitasotā dhammaṁ suṇanti. Atha kho mārassa
pāpimato etadahosi ayaṁ kho samaṇo gotamo channaṁ phassāyatanānaṁ
upādāya bhikkhū 4 dhammiyā kathāya sandasseti samādapeti samuttejeti
1 Ma. Yu. na so. 2 Ma. saññā. 3 sabbasaññojanātigaṁ. 4 Ma. bhikkhūnaṁ.
Sampahaṁseti te ca bhikkhū aṭṭhikatvā manasikatvā sabbacetaso
samannāharitvā ohitasotā dhammaṁ suṇanti yannūnāhaṁ yena samaṇo
gotamo tenupasaṅkameyyaṁ vicakkhukammāyāti.

[465] Atha kho māro pāpimā yena bhagavā tenupasaṅkami
upasaṅkamitvā bhagavato avidūre mahantaṁ bhayabheravaṁ saddaṁ akāsi
apissudaṁ paṭhavī maññe udrīyatīti 1 . Atha kho aññataro bhikkhu
aññataraṁ bhikkhuṁ etadavoca bhikkhu bhikkhu esā paṭhavī maññe
udrīyatīti. Evaṁ vutte bhagavā taṁ bhikkhuṁ etadavoca nesā
bhikkhu paṭhavī udrīyati māro eso pāpimā tumhākaṁ vicakkhukammāya
āgatoti.

[466] Atha kho bhagavā māro ayaṁ pāpimā iti viditvā
māraṁ pāpimantaṁ gāthāya ajjhabhāsi
rūpā saddā gandhā rasā phassā dhammā ca kevalā
etaṁ lokāmisaṁ ghoraṁ ettha loko vimucchito
etañca samatikkamma sato buddhassa sāvako
māradheyyamatikkamma ādiccova virocatīti.
Atha kho māro .pe. Tatthevantaradhāyīti.
Aṭṭhamaṁ piṇḍasuttaṁ