[447] Atha kho māro pāpimā bhagavato bhayaṁ chambhitattaṁ lomahaṁsaṁ
uppādetukāmo yena bhagavā tenupasaṅkami upasaṅkamitvā bhagavato
avidūre mahante mahante pāsāṇe paggaḷesi 1 .

[448] Atha kho bhagavā māro ayaṁ pāpimā iti viditvā
māraṁ pāpimantaṁ gāthāya ajjhabhāsi
sacepi kevalaṁ sabbaṁ gijjhakūṭaṁ gaḷeyyasi 2
neva sammā vimuttānaṁ buddhānaṁ atthi iñjitanti.
Atha kho māro pāpimā jānāti maṁ bhagavā jānāti maṁ sugatoti
dukkhī dummano tatthevantaradhāyīti.
Dutiyaṁ sīhasuttaṁ

[449] Ekaṁ samayaṁ bhagavā sāvatthiyaṁ viharati jetavane anāthapiṇḍikassa
1 Sī. pavaḍḍesītipi pavaddhesītipi pavaṭṭesītipi pāṭho. Ma. Yu. padālesi.
2 Ma. Yu. calessasi.
Piṇḍikassa ārāme. Tena kho pana samayena bhagavā mahatiyā
parisāya parivuto dhammaṁ deseti. Atha kho mārassa pāpimato
etadahosi ayaṁ kho samaṇo gotamo mahatiyā parisāya parivuto
dhammaṁ deseti yannūnāhaṁ yena samaṇo gotamo tenupasaṅkameyyaṁ
vicakkhukammāyāti.

[450] Atha kho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhabhāsi
kiṁ nu sīhova nadasi parisāyaṁ visārado
paṭimallo hi te atthi vijitāvī nu maññasīti.

[451] Nadanti ve mahāvīrā parisāsu visāradā
tathāgatā balappattā tiṇṇā loke vissattikanti.
Atha kho māro pāpimā jānāti maṁ bhagavā jānāti maṁ sugatoti
dukkhī dummano tatthevantaradhāyīti2.
Tatiyaṁ sakalikasuttaṁ

[452] Evamme sutaṁ ekaṁ samayaṁ bhagavā rājagahe viharati
maddakucchismiṁ migadāye. Tena kho pana samayena bhagavato pādo
sakalikāya khato hoti. Bhusā sudaṁ bhagavato vedanā vattanti
sārīrikā dukkhā tibbā kharā kaṭukā asātā amanāpā. Tā
sudaṁ bhagavā sato sampajāno adhivāseti avihaññamāno. Atha kho
bhagavā catugguṇaṁ saṅghāṭiṁ paññapetvā dakkhiṇena passena sīhaseyyaṁ
Kappesi pādena pādaṁ accādhāya sato sampajāno.

[453] Atha kho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhabhāsi
mandiyā nu [1]- sesi udāhu kāveyyamatto
atthā nu te sampacurā na santi
eko vivitte sayanāsanamhi
niddāmukho 2 kimidaṁ soppasevāti.

[454] Na mandiyā sayāmi nāpi kāveyyamatto
atthaṁ sameccāhamapetasoko
eko vivitte sayanāsanamhi
sayāmahaṁ sabbabhūtānukampī
yesampi sallaṁ urasi paviṭṭhaṁ
muhuṁ muhuṁ hadayaṁ sevamānaṁ 3
tepīdha soppaṁ labhare sasallā
kasmā 4 ahaṁ na supe vītasallo
jaggaṁ na saṅkemi 5 napi bhemi sottuṁ
rattindivā nānutapanti māmaṁ
hāniṁ na passāmi kuhiñci loke
tasmā supe sabbabhūtānukampīti.
1 Ma. etthantare khosaddo atthi. 2 Sī. niddāsi kho. 3 Ma. Yu. vedhamānaṁ.
4 Po. Ma. tasmā. 5 Ma. Yu. na saṅkenapi.
Atha kho māro pāpimā jānāti maṁ bhagavā jānāti maṁ sugatoti
dukkhī dummano tatthevantaradhāyīti.
Catutthaṁ paṭirūpasuttaṁ

[455] Evamme sutaṁ ekaṁ samayaṁ bhagavā kosalesu viharati
ekasālāyaṁ brāhmaṇagāme. Tena kho pana samayena bhagavā
mahatiyā gihiparisāya parivuto dhammaṁ deseti. Atha kho mārassa
pāpimato etadahosi ayaṁ kho samaṇo gotamo mahatiyā gihiparisāya
parivuto dhammaṁ deseti yannūnāhaṁ yena samaṇo gotamo tenusaṅkameyyaṁ
vicakkhukammāyāti.

[456] Atha kho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhābhāsi
netaṁ tava paṭirūpaṁ yadaññamanusāsasi
anurodhavirodhesu mā sajjittha 1 tadācaranti.