[427] Muttāhaṁ 2 mārapāsena ye dibbā ye ca mānusā
mārabandhanamuttomhi nihato tvamasi antakāti.
Atha kho māro pāpimā .pe. Tatthevantaradhāyīti.
Pañcamaṁ dutiyapāsasuttaṁ

[428] Evamme sutaṁ ekaṁ samayaṁ bhagavā bārāṇasiyaṁ viharati
isipatane migadāye. Tatra kho bhagavā bhikkhū āmantesi bhikkhavoti.
Bhadanteti te bhikkhū bhagavato paccassosuṁ. Bhagavā etadavoca
muttāhaṁ 3 bhikkhave sabbapāsehi ye dibbā ye ca mānusā tumhepi
bhikkhave muttā sabbapāsehi ye dibbā ye ca mānusā caratha
bhikkhave cārikaṁ bahujanahitāya bahujanasukhāya lokānukampāya atthāya
1 Sī. Yu. baddhosi. 2-3 Ma. Yu. muttohaṁ.
Hitāya sukhāya devamanussānaṁ mā ekena dve agamittha 1 desetha
bhikkhave dhammaṁ ādikalyāṇaṁ majjhekalyāṇaṁ pariyosānakalyāṇaṁ
sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāsetha
santi sattā apparajakkhajātikā assavanatā dhammassa parihāyanti
bhavissanti dhammassa aññātāro ahampi bhikkhave yena uruvelā
senānigamo 2 tenupasaṅkamissāmi dhammadesanāyāti.

[429] Atha kho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhabhāsi
bandhosi 3 sabbapāsehi ye dibbā ye ca mānusā
mahābandhanabandhosi na me samaṇa mokkhasīti.

[430] Muttohaṁ sabbapāsehi ye dibbā ye ca mānusā
mahābandhanamuttomhi nihato tvamasi antakāti.
Atha kho māro pāpimā .pe. Tatthevantaradhāyīti.
Chaṭṭhaṁ sappasuttaṁ

[431] Evamme sutaṁ ekaṁ samayaṁ bhagavā rājagahe viharati
veḷuvane kalandakanivāpe. Tena kho pana samayena bhagavā rattandhakāratimisāyaṁ
ajjhokāse 4 nisinno hoti. Devo ca ekamekaṁ
phusāyati.
1 Yu. agamettha. 2 vinayapotthake yena uruvelā yena senānigamoti īdiso pāṭho
dissati. 3 Ma. Yu. baddhosi. 4 Ma. abbhokāse.

[432] Atha kho māro pāpimā bhagavato bhayaṁ chambhitattaṁ
lomahaṁsaṁ uppādetukāmo mahantaṁ sapparājavaṇṇaṁ abhinimminitvā
yena bhagavā tenupasaṅkami. Seyyathāpi nāma mahatī ekarukkhikā
nāvā evamassa kāyo hoti. Seyyathāpi nāma mahantaṁ soṇḍikā
kilañjaṁ 1 evamassa phaṇo hoti. Seyyathāpi nāma mahatī kosalikā
kaṁsapāṭi evamassa akkhīni bhavanti. Seyyathāpi nāma deve gaḷagaḷāyante
vijjullatā niccharanti evamassa mukhato jivhā niccharanti.
Seyyathāpi nāma kammāragaggariyā dhamamānāya saddo hoti evamassa
assāsapassāsānaṁ saddo hoti.

[433] Atha kho bhagavā māro ayaṁ pāpimā iti viditvā
māraṁ pāpimantaṁ gāthāhi ajjhabhāsi
yo suññagehāni sevati
seyyā 2 so muni attasaññato
vossajja careyya tattha so
paṭirūpañhi tathāvidhassa taṁ
carakā bahū bheravā bahū
atho ḍaṁsasiriṁsapā bahū
lomampi na tattha iñjaye
suññāgāragato mahā muni
1 Yu. kilañjā. 2 Yu. seyyo.
Nabhaṁ phaleyya paṭhavī caleyya
sabbeva 1 pāṇā uda santaseyyuṁ
sallampi ce urasi kampaseyyuṁ 2
upadhīsu tāṇaṁ na karonti buddhāti.
Atha kho māro pāpimā jānāti maṁ bhagavā jānāti maṁ sugatoti
dukkhī dummano tatthevantaradhāyīti.
Sattamaṁ suppatisuttaṁ

[434] Evamme sutaṁ ekaṁ samayaṁ bhagavā rājagahe viharati
veḷuvane kalandakanivāpe. Atha kho bhagavā bahudeva rattiṁ ajjhokāse 3
caṅkamitvā rattiyā paccūsasamayaṁ pāde pakkhāletvā vihāraṁ
pavisitvā dakkhiṇena passena sīhaseyyaṁ kappesi pādena pādaṁ
accādhāya sato sampajāno uṭṭhānasaññaṁ manasikaritvā.

[435] Atha kho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhabhāsi
kiṁ soppasi kiṁ nu soppasi
kimidaṁ soppasi dubbhato 4 viya
suññamagāranti soppasi
kimidaṁ soppasi suriye uggateti.
1 Ma. Yu. sabbepi. 2 Sī. Yu. pakampayeyyuṁ. Ma. kappareyya. 3 Ma. abbhokāse.
4 Ma. dubbhago. Yu. dubbhayo.

[436] Yassa jālinī visattikā
taṇhā natthi kuhiñci netave
sabbapadhīnaṁ parikkhayā buddho
soppati kiṁ tavettha mārāti.
Atha kho māro pāpimā .pe. Tatthevantaradhāyīti.
Aṭṭhamaṁ nandanasuttaṁ