[417] Atha kho māro pāpimā bhagavato cetasā ceto
parivitakkamaññāya yena bhagavā tenupasaṅkami upasaṅkamitvā bhagavantaṁ gāthāya
ajjhabhāsi
tapokammā apakkamma yena sujjhanti māṇavā
asuddho maññasi 4 suddho suddhimaggaṁ 5 aparaddhoti.

[418] Atha kho bhagavā māro ayaṁ pāpimā iti viditvā
māraṁ pāpimantaṁ gāthāhi ajjhabhāsi
1 Ma. Yu. ajapālanigrodhamūle. 2 Ma. mutto. 3 Sī. Yu. sādhu ṭhito sato bodhiṁ
samajjhaganti. 4 Yu. maññati. 5 Ma. suddhimaggā.
Anatthasañhitaṁ ñatvā yaṅkiñci aparaṁ 1 tapaṁ
sabbaṁ natthāvahaṁ 2 hoti piyārittaṁva dhammani
sīlaṁ samādhiṁ paññañca maggaṁ bodhāya bhāvayaṁ
pattosmi paramaṁ suddhiṁ nihato tvamasi antakāti.
Atha kho māro pāpimā jānāti maṁ bhagavā jānāti maṁ sugatoti
dukkhī dummano tatthevantaradhāyīti.
Dutiyaṁ nāgasuttaṁ

[419] Evamme sutaṁ ekaṁ samayaṁ bhagavā uruvelāyaṁ viharati
najjā nerañjarāya tīre ajapālanigrodhe paṭhamābhisambuddho. Tena
kho pana samayena bhagavā rattandhakāratimisāyaṁ ajjhokāse nisinno
hoti. Devo ca ekamekaṁ phusāyati.

[420] Atha kho māro pāpimā bhagavato bhayaṁ chambhitattaṁ lomahaṁsaṁ
uppādetukāmo mahantaṁ hatthirājavaṇṇaṁ abhinimminitvā yena bhagavā
tenupasaṅkami. Seyyathāpi nāma mahāariṭṭhako maṇi evamassa sīsaṁ
hoti. Seyyathāpi nāma suddhaṁ rūpiyaṁ evamassa dantā honti.
Seyyathāpi nāma mahatī naṅgalīsā evamassa soṇḍo hoti.

[421] Atha kho bhagavā māro ayaṁ pāpimā iti viditvā
māraṁ pāpimantaṁ gāthāya ajjhabhāsi
saṁsāraṁ 3 dīghamaddhānaṁ vaṇṇaṁ katvā subhāsubhaṁ
alante tena pāpima nihato tvamasi antakāti.
1 Ma. amaraṁ. 2 Yu. sabbā natthāvahaṁ hoti. 3 Po. Ma. saṁsaraṁ.
Atha kho māro pāpimā jānāti maṁ bhagavā jānāti maṁ sugatoti
dukkhī dummano tatthevantaradhāyīti.
Tatiyaṁ subhasuttaṁ

[422] Evamme sutaṁ ekaṁ samayaṁ bhagavā uruvelāyaṁ viharati
najjā nerañjarāya tīre ajapālanigrodhe paṭhamābhisambuddho. Tena
kho pana samayena bhagavā rattandhakāratimisāyaṁ ajjhokāse nisinno
hoti. Devo ca ekamekaṁ phusāyati.

[423] Atha kho māro pāpimā bhagavato bhayaṁ chambhitattaṁ lomahaṁsaṁ
uppādetukāmo yena bhagavā tenupasaṅkami upasaṅkamitvā bhagavato
avidūre uccāvacā vaṇṇanibhā upadaṁseti subhā ceva asubhā ca.

[424] Atha kho bhagavā māro ayaṁ pāpimā iti viditvā
māraṁ pāpimantaṁ gāthāhi ajjhabhāsi
saṁsāraṁ dīghamaddhānaṁ vaṇṇaṁ katvā subhāsubhaṁ
alante tena pāpima nihato tvamasi antaka
ye ca kāyena vācāya manasā ca susaṁvutā
na te māravasānugā na te mārassa paccagūti 1 .
Atha kho māro pāpimā .pe. Tatthevantaradhāyīti.
Catutthaṁ paṭhamapāsasuttaṁ

[425] Evamme sutaṁ ekaṁ samayaṁ bhagavā bārāṇasiyaṁ viharati
isipatane migadāye. Tatra kho bhagavā bhikkhū āmantesi bhikkhavoti.
1 Ma. paddhagū.
Bhadanteti te bhikkhū bhagavato paccassosuṁ. Bhagavā etadavoca
mayhaṁ kho bhikkhave yonisomanasikārā yonisosammappadhānā anuttarā
vimutti anuppattā anuttarā vimutti sacchikatā tumhepi bhikkhave
yonisomanasikārā yonisosammappadhānā anuttaraṁ vimuttiṁ anupāpuṇātha
anuttaraṁ vimuttiṁ sacchikarothāti.

[426] Atha kho māro pāpimā yena bhagavā tenupasaṅkami
upasaṅkamitvā bhagavantaṁ gāthāya ajjhabhāsi
bandhosi 1 mārapāsena ye dibbā ye ca mānusā
mārabandhanabandhosi na me samaṇa mokkhasīti.