[347] Atha kho rājā pasenadikosalo pāsādā orohitvā 1
yena bhagavā tenupasaṅkami upasaṅkamitvā bhagavantaṁ abhivādetvā
ekamantaṁ nisīdi. Ekamantaṁ nisinno kho rājā pasenadikosalo
bhagavantaṁ etadavoca idhāhaṁ bhante mallikāya deviyā saddhiṁ
uparipāsādavaragato mallikaṁ deviṁ etadavocaṁ atthi nu kho mallike
1 Sī. otaritvā.
Ko cañño attanā piyataroti evaṁ vutte bhante mallikā devī
maṁ etadavoca natthi kho me mahārāja ko cañño attanā
piyataroti 1 tuyhaṁ pana mahārāja atthañño koci attanā piyataroti
evaṁ vuttāhaṁ bhante mallikaṁ deviṁ etadavocaṁ mayhampi kho
mallike natthañño koci attanā piyataroti.

[348] Atha kho bhagavā etamatthaṁ viditvā tāyaṁ velāyaṁ imaṁ
gāthaṁ abhāsi
sabbā disā anuparigamma cetasā
nevajjhagā piyataramattanā kvaci
evaṁ piyo puthu attā paresaṁ
tasmā na hiṁse paraṁ attakāmoti.
Navamaṁ yaññasuttaṁ

[349] Sāvatthiyaṁ ... Tena kho pana samayena rañño
pasenadikosalassa mahāyañño paccupaṭṭhito hoti. Pañca ca usabhasatāni
pañca ca vacchatarasatāni pañca ca vacchatarisatāni pañca ca ajasatāni
pañca ca urabbhasatāni thūṇūpanītāni honti yaññatthāya. Yepissa
te honti dāsāti vā 2 pessāti vā kammakarāti vā tepi
daṇḍatajjitā bhayatajjitā assumukhā rudamānā parikammāni karonti.

[350] Atha kho sambahulā bhikkhū pubbaṇhasamayaṁ nivāsetvā
1 Ma. itisaddo natthi. 2 Ma. dāsīti vāti īdiso pāṭho dissati.
Pattacīvaramādāya sāvatthiṁ piṇḍāya pavisiṁsu sāvatthiyaṁ piṇḍāya
caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu
upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ
nisinnā kho te bhikkhū bhagavantaṁ etadavocuṁ idha bhante rañño
pasenadikosalassa mahāyañño paccupaṭṭhito hoti 1 pañca ca
usabhasatāni pañca ca vacchatarasatāni pañca ca vacchatarisatāni pañca ca
ajasatāni pañca ca urabbhasatāni thūṇūpanītāni honti yaññatthāya
yepissa te honti 2 dāsāti vā pessāti vā kammakarāti vā
tepi daṇḍatajjitā bhayatajjitā assumukhā rudamānā parikammāni
karontīti.

[351] Atha kho bhagavā etamatthaṁ viditvā tāyaṁ velāyaṁ imā
gāthāyo abhāsi
assamedhaṁ purisamedhaṁ sammāpāsaṁ vājapeyyaṁ 3
niraggaḷaṁ mahāyaññā 4 mahārambhā na te honti mahapphalā
ajeḷakā ca gāvo ca vividhā yattha haññare
na taṁ sammaggatā yaññaṁ upayanti mahesino
ye ca yaññā nirārambhā yajantānukulaṁ sadā
ajeḷakā ca gāvo ca vividhā nettha haññare
1 Sī. ayaṁ pāṭho na dissati. 2 Sī. ayaṁ pāṭho na dissati. 3 A. rājapeyyaṁ.
4 Ma. Yu. ayaṁ pāṭho na dissati.
Etaṁ sammaggatā yaññaṁ upayanti mahesino
etaṁ yajetha medhāvī eso yañño mahapphalo
etañhi yajamānassa seyyo hoti na pāpiyo
yañño ca vipulo hoti pasīdanti ca devatāti.
Dasamaṁ bandhanasuttaṁ

[352] Tena kho pana samayena raññā pasenadikosalena
mahājanakāyo bandhāpito hoti. Appekacce rajjūhi appekacce
addūhi 1 appekacce saṅkhalikāhi. Atha kho sambahulā bhikkhū
pubbaṇhasamayaṁ nivāsetvā pattacīvaramādāya sāvatthiṁ piṇḍāya
pavisiṁsu sāvatthiyaṁ piṇḍāya caritvā 2 pacchābhattaṁ piṇḍapātapaṭikkantā
yena bhagavā tenupasaṅkamiṁsu upasaṅkamitvā bhagavantaṁ
abhivādetvā ekamantaṁ nisīdiṁsu. Ekamantaṁ nisinnā kho te
bhikkhū bhagavantaṁ etadavocuṁ idha bhante raññā pasenadikosalena
mahājanakāyo bandhāpito hoti 3 appekacce rajjūhi appekacce
addūhi appekacce saṅkhalikāhīti.

[353] Atha kho bhagavā etamatthaṁ viditvā tāyaṁ velāyaṁ imā
gāthāyo abhāsi
1 Sī. Yu. andūhi. 2 Sī. pavisitvā. 3 Sī. Ma. Yu. ayaṁ pāṭho na dissati.
Na taṁ daḷhaṁ bandhanamāhu dhīrā
yadāyasaṁ dārujaṁ pabbajañca 1
sārattarattā maṇikuṇḍalesu
puttesu dāresu ca yā apekkhā
etaṁ daḷhaṁ bandhanamāhu dhīrā
ohārinaṁ sithilaṁ duppamuñcaṁ
etampi chetvāna paribbajanti
anapekkhino kāmasukhaṁ pahāyāti.
Paṭhamo vaggo.
Tassuddānaṁ
rahado 2 puriso rājā piyaṁ attānarakkhitā 3
appakā atthakaraṇā 4 mallikā yaññabandhananti.
---------------
1 babbajañcāti vā pāṭho. 2 Ma. Yu. daharo. 3 Sī. attena. Ma. Yu.
piyāttānarakkhito. 4 Ma. aṭṭakaraṇaṁ.
Dutiyavaggo dutiyo
-----
paṭhamaṁ jaṭilasuttaṁ

[354] Ekaṁ samayaṁ bhagavā sāvatthiyaṁ viharati pubbārāme
migāramātu pāsāde. Tena kho pana samayena bhagavā sāyaṇhasamayaṁ
paṭisallānā vuṭṭhito bahidvārakoṭṭhake nisinno hoti. Atha kho
rājā pasenadikosalo yena bhagavā tenupasaṅkami upasaṅkamitvā
bhagavantaṁ abhivādetvā ekamantaṁ nisīdi.

[355] Tena kho pana samayena satta ca 1 jaṭilā satta ca
niganthā satta ca acelā 2 satta ca ekasāṭakā satta ca
paribbājakā paruḷhakacchanakhalomā khārivividhamādāya 3 bhagavato avidūre
atikkamanti. Atha kho rājā pasenadikosalo uṭṭhāyāsanā ekaṁsaṁ
uttarāsaṅgaṁ karitvā dakkhiṇajānumaṇḍalaṁ paṭhaviyaṁ nihanto 4 yena te
satta ca jaṭilā satta ca niganthā satta ca acelā 5 satta ca
ekasāṭakā satta ca paribbājakā tenañjaliṁ paṇāmetvā tikkhattuṁ
nāmaṁ sāvesi rājāhaṁ bhante pasenadikosalo ... Rājāhaṁ bhante
pasenadikosaloti. Atha kho rājā pasenadikosalo acirapakkantesu
Sī. cakāro vajjito. 2-5 Ma. acelakā. 3 Sī. vividhaṁ. Yu. khārividhaṁ.
dārividhaṁ. 4 Sī. Yu. nihantvā.
Tesu 1 sattasu ca 2 jaṭilesu sattasu ca niganthesu sattasu ca acelesu
sattasu ca ekasāṭakesu sattasu ca paribbājakesu yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Ekamantaṁ nisinno kho rājā pasenadikosalo bhagavantaṁ etadavoca
ye te 3 bhante loke arahanto vā arahattamaggaṁ vā samāpannā
ete tesaṁ aññatarāti.

[356] Dujjānaṁ kho etaṁ mahārāja tayā gihinā kāmabhoginā
puttasambādhasayanaṁ ajjhāvasantena kāsikacandanaṁ paccanubhontena
mālāgandhavilepanaṁ dhārayantena jātarūparajataṁ sādiyantena ime vā
arahanto ime vā arahattamaggaṁ samāpannāti saṁvāsena kho
mahārāja sīlaṁ veditabbaṁ tañca kho dīghena addhunā na itaraṁ
manasikarotā no amanasikārā 4 paññavatā no duppaññena
saṁvohārena kho mahārāja soceyyaṁ veditabbaṁ tañca kho dīghena
addhunā na itaraṁ manasikarotā no amanasikārā paññavatā
no duppaññena āpadāsu kho mahārāja thāmo veditabbo
so ca kho dīghena addhunā na itaraṁ manasikarotā no amanasikārā
paññavatā no duppaññena sākacchāya kho mahārāja paññā
veditabbā sā ca kho dīghena addhunā na itaraṁ manasikarotā
1 Sī. tesūti pāṭho natthi. 2 Sī. cakāro vajjito. 3 Sī. yena te.
4 Sī. Yu. amanasikarotā.
No amanasikārā paññavatā no duppaññenāti.