[337] Ekamantaṁ nisinno kho rājā pasenadikosalo bhagavantaṁ
etadavoca idha mayhaṁ bhante rahogatassa paṭisallīnassa evaṁ cetaso
1 Sī. jahate. 2 Sī. kiñca. 3 Ma. taṁva. 4 Ma. taṁvassa taṁ.
Parivitakko udapādi kesaṁ nu kho rakkhito attā kesaṁ nu kho 1
arakkhito attāti tassa mayhaṁ bhante etadahosi ye ca kho
keci kāyena duccaritaṁ caranti vācāya duccaritaṁ caranti manasā
duccaritaṁ caranti tesaṁ arakkhito attā kiñcāpi te hatthikāyo
vā rakkheyya assakāyo vā rakkheyya rathakāyo vā rakkheyya
pattikāyo vā rakkheyya atha kho tesaṁ arakkhito attā taṁ
kissa hetu bāhirā hesā rakkhā nesā rakkhā ajjhattikā tasmā
tesaṁ arakkhito attāti ye ca kho keci kāyena sucaritaṁ caranti
vācāya sucaritaṁ caranti manasā sucaritaṁ caranti tesaṁ rakkhito attā
kiñcāpi te neva hatthikāyo rakkheyya na assakāyo rakkheyya
na rathakāyo rakkheyya na pattikāyo rakkheyya atha kho tesaṁ
rakkhito attā taṁ kissa hetu ajjhattikā hesā rakkhā nesā
rakkhā bāhirā tasmā tesaṁ rakkhito attāti.

[338] Evametaṁ mahārāja evametaṁ mahārāja ye hi keci
mahārāja kāyena duccaritaṁ caranti .pe. Tesaṁ arakkhito attāti
taṁ kissa hetu bāhirā hesā mahārāja rakkhā nesā rakkhā
ajjhattikā tasmā tesaṁ arakkhito attāti ye hi keci mahārāja
kāyena sucaritaṁ caranti vācāya sucaritaṁ caranti manasā sucaritaṁ caranti
tesaṁ rakkhito attā kiñcāpi te neva hatthikāyo rakkheyya na
1 Sī. Yu. ayaṁ saddo na dissati.
Assakāyo rakkheyya na rathakāyo rakkheyya na pattikāyo rakkheyya
atha kho tesaṁ rakkhito attā taṁ kissa hetu ajjhattikā hesā
mahārāja rakkhā nesā rakkhā bāhirā tasmā tesaṁ rakkhito attāti.

[339] Idamavoca .pe.
Kāyena saṁvaro sādhu sādhu vācāya saṁvaro
manasā saṁvaro sādhu sādhu sabbattha saṁvaro
sabbattha saṁvuto lajjī rakkhitoti pavuccatīti.
Chaṭṭhaṁ appakasuttaṁ

[340] Sāvatthiyaṁ ... Ekamantaṁ nisinno kho rājā pasenadikosalo
bhagavantaṁ etadavoca idha mayhaṁ bhante rahogatassa paṭisallīnassa
evaṁ cetaso parivitakko udapādi appakā te sattā lokasmiṁ
ye uḷāre uḷāre bhoge labhitvā na ceva majjanti na ca
pamajjanti na ca kāmesu gedhaṁ āpajjanti na ca sattesu
vippaṭipajjanti atha kho eteva 1 bahutarā sattā lokasmiṁ ye
uḷāre uḷāre bhoge labhitvā majjanti ceva pamajjanti ca kāmesu
ca gedhaṁ āpajjanti sattesu ca vippaṭipajjantīti.

[341] Evametaṁ mahārāja evametaṁ mahārāja appakā te
mahārāja sattā lokasmiṁ ye uḷāre bhoge labhitvā na
ceva majjanti na ca pamajjanti na ca kāmesu gedhaṁ āpajjanti
1 Sī. te.
Na ca sattesu vippaṭipajjanti atha kho eteva bahutarā sattā
lokasmiṁ ye uḷāre uḷāre bhoge labhitvā majjanti ceva pamajjanti
ca kāmesu ca gedhaṁ āpajjanti sattesu ca vippaṭipajjantīti.

[342] Idamavoca .pe.
Sārattā kāmabhogesu giddhā kāmesu mucchitā
atisāraṁ na bujjhanti migā 1 kūṭaṁva oḍḍitaṁ
pacchāsaṁ kaṭukaṁ hoti vipāko hissa pāpakoti.
Sattamaṁ atthakaraṇasuttaṁ

[343] Ekamantaṁ nisinno kho rājā pasenadikosalo bhagavantaṁ
etadavoca idhāhaṁ bhante atthakaraṇe 2 nisinno kho 3 passāmi
khattiyamahāsālepi khattiyamahāsālepi brāhmaṇamahāsālepi gahapatimahāsālepi
aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe
kāmahetu kāmanidānaṁ kāmādhikaraṇaṁ sampajānamusā bhāsante tassa mayhaṁ
bhante etadahosi alaṁdāni me atthakaraṇena bhadramukhodāni
atthakaraṇena paññāyissatīti.

[344] Evametaṁ mahārāja evametaṁ mahārāja 4 yepi te
mahārāja khattiyamahāsālā brāhmaṇamahāsālā gahapatimahāsālā
aḍḍhā mahaddhanā mahābhogā pahūtajātarūparajatā pahūtavittūpakaraṇā
1 magātipi pāṭho. 2 Ma. aṭṭakaraṇe. 3 Po. Yu. ayaṁ saddo na dissati.
4 Sī. Yu. ime pāṭhā na dissanti.
Pahūtadhanadhaññā kāmahetu kāmanidānaṁ kāmādhikaraṇaṁ sampajānamusā
bhāsanti tesaṁ taṁ bhavissati dīgharattaṁ ahitāya dukkhāyāti.

[345] Idamavoca .pe.
Sārattā kāmabhogesu giddhā kāmesu mucchitā
atisāraṁ na bujjhanti macchā khippaṁva oḍḍitaṁ
pacchāsaṁ kaṭukaṁ hoti vipāko hissa pāpakoti.
Aṭṭhamaṁ mallikāsuttaṁ

[346] Sāvatthiyaṁ ... Tena kho pana samayena rājā pasenadikosalo
mallikāya deviyā saddhiṁ uparipāsādavaragato hoti. Atha kho
rājā pasenadikosalo mallikaṁ deviṁ etadavoca atthi nu kho te
mallike ko cañño attanā piyataroti. Natthi kho me mahārāja
ko cañño attanā piyataro tuyhaṁ pana mahārāja atthañño
koci attanā piyataroti. Mayhampi kho mallike natthañño koci
attanā piyataroti.