[307] Seyyathāpi nāma maṇiveḷuriyo subho jotimā 2 aṭṭhaṁso
suparikammakato paṇḍukambale nikkhitto bhāsate ca tapate ca virocati
ca evamevaṁ susimassa devaputtassa devaputtaparisā āyasmato
sārīputtassa vaṇṇe bhaññamāne attamanā pamuditā pītisomanassajātā
uccāvacā vaṇṇanibhā upadaṁseti.

[308] Seyyathāpi nāma nekkhaṁ 3 jambonadaṁ dakkhena kammāraputtaṁ
ukkāmukhesu kusalaṁ sampahaṭṭhaṁ 4 paṇḍukambale nikkhittaṁ bhāsate ca
tapate ca virocati ca evamevaṁ susimassa devaputtassa devaputtaparisā
.pe. Upadaṁseti.

[309] Seyyathāpi nāma saradasamaye viddhe vigatavalāhake deve 5
osadhitārakā bhāsate ca tapate ca virocati ca evamevaṁ susimassa
1 Ma. Yu. itisaddo. dissati. 2 Po. Ma. Yu. jātimā. 3 Po. Ma. nikkhaṁ.
4 Sī. Yu. dakkhakammāraputtena sukusalasampahaṭṭhaṁ. Ma. dakkhakammāraputtaukkāmukhesu
kusalasampahaṭṭhaṁ. 5 Sī. seyyathāpi rattiyā paccūsasamayaṁ. Yu.
seyyathāpi nāma rattiyā paccūsasamayaṁ.
Devaputtassa devaputtaparisā āyasmato sārīputtassa vaṇṇe
bhaññamāne attamanā pamuditā pītisomanassajātā uccāvacā
vaṇṇanibhā upadaṁseti.

[310] Seyyathāpi nāma saradasamaye viddhe vigatavalāhake deve
ādicco nabhaṁ abbhussukkamāno 1 sabbaṁ ākāsagataṁ tamagataṁ 2 abhivihacca
bhāsate ca tapate ca virocati ca evamevaṁ susimassa devaputtassa
devaputtaparisā āyasmato sārīputtassa vaṇṇe bhaññamāne attamanā
pamuditā pītisomanassajātā uccāvacā vaṇṇanibhā upadaṁseti.

[311] Atha kho susimo devaputto āyasmantaṁ sārīputtaṁ ārabbha
bhagavato santike imaṁ gāthaṁ abhāsi
paṇḍitoti samaññāto sārīputto akodhano
appiccho sorato danto satthuvaṇṇabhato isīti.

[312] Atha kho bhagavā āyasmantaṁ sārīputtaṁ ārabbha susimaṁ
devaputtaṁ gāthāya ajjhabhāsi 3
paṇḍitoti samaññāto sārīputto akodhano
appiccho sorato danto kālaṁ kaṅkhati bhāvito 4 sudantoti.
Dasamaṁ nānātitthiyasuttaṁ

[313] Evamme sutaṁ ekaṁ samayaṁ bhagavā rājagahe viharati
veḷuvane kalandakanivāpe. Atha kho sambahulā nānātitthiyasāvakā
1 Ma. abbhussakkamāno. 2 Sī. Yu. tamaṁ. 3 Po. abhāsi. Ma. Yu. paccabhāsi.
4 Ma. bhāvitoti na dissati. Yu. bhatiko. A. bhattiko.
Devaputtā asamo ca sahalī ca niko 1 ca ākoṭako ca veṭambarī 2 ca
māṇavagāmiyo ca abhikkantāya rattiyā abhikkantavaṇṇā kevalakappaṁ
veḷuvanaṁ obhāsetvā yena bhagavā tenupasaṅkamiṁsu upasaṅkamitvā
bhagavantaṁ abhivādetvā ekamantaṁ aṭṭhaṁsu.

[314] Ekamantaṁ ṭhito kho asamo devaputto pūraṇaṁ kassapaṁ
ārabbha bhagavato santike imaṁ gāthaṁ abhāsi
idha chinditamārite hatajānīsu kassapo
na pāpaṁ samanupassati puññaṁ vā pana attano
sa ve 3 vissāsamācikkhi satthā arahati mānananti 4 .

[315] Atha kho sahalī devaputto makkhaliṁ gosālaṁ ārabbha
bhagavato santike imaṁ gāthaṁ abhāsi
tapojigucchāya susaṁvutatto
vācaṁ pahāya kalahaṁ janena
samo savajjā virato saccavādī
nahi nūna tādī pakaroti 5 pāpanti.

[316] Atha kho niko devaputto niganthaṁ nāṭaputtaṁ ārabbha
bhagavato santike imaṁ gāthaṁ abhāsi
1 Sī. Yu. niṁko. 2 Ma. vetabbhari. 3 Ma. sacetipi pāṭho. 4 Sī. arajāti
māninanti. 5 Ma. Yu. nahi nuna tādisaṁ karoti.
Jegucchi nipako bhikkhu cātuyāmasusaṁvuto
diṭṭhaṁ sutañca ācikkhaṁ nahi nūna kibbisī siyāti.