[287] Ekamantaṁ ṭhito kho ghaṭikāro 1 devaputto bhagavato santike
imaṁ gāthaṁ abhāsi
avihaṁ upapannāse vimuttā satta bhikkhavo
rāgadosaparikkhīṇā tiṇṇā loke visattikanti.
Ye 2 ca te ataruṁ saṅgaṁ 3 maccudheyyaṁ suduttaraṁ
te hitvā mānusaṁ dehaṁ dibbayogamupaccagunti.
Upako phalagaṇḍo ca pukkusāti ca te tayo
bhaddiyo khaṇḍadevo ca bāhuraggi ca siṅgiyo 4
te hitvā mānusaṁ dehaṁ dibbayogamupaccagunti.

[288] Kusalī bhāsasī tesaṁ mārapāsappahāyinaṁ
kassa te dhammamaññāya acchiduṁ bhavabandhananti.

[289] Na aññatra bhagavatā nāññatra tava sāsanā
yassa te dhammamaññāya acchiduṁ bhavabandhanaṁ
yattha nāmañca rūpañca asesaṁ uparujjhati
taṁ te dhammamidhaññāya acchiduṁ bhavabandhananti.
1 Ma. Yu. ghaṭīkāro. 2 Ma. Yu. ke. 3 Ma. Yu. paṅkaṁ. 4 Ma. saṅgiyo.

[290] Gambhīraṁ bhāsasī vācaṁ dubbijānaṁ sudubbudhaṁ
kassa tvaṁ dhammamaññāya vācaṁ bhāsasi īdisanti.

[291] Kumbhakāro pure āsiṁ vebhaḷiṅge 1 ghaṭīkaro
mātāpettibharo āsiṁ kassapassa upāsako
virato methunā dhammā brahmacārī nirāmiso
ahuvā te sagāmeyyo ahuvā te pure sakhā
sohamete pajānāmi vimutte satta bhikkhavo
rāgadosaparikkhīṇe tiṇṇe loke visattikanti.

[292] Evametaṁ tadā āsi yathā bhāsasi bhaggava
kumbhakāro pure āsi vebhaḷiṅge ghaṭīkaro
mātāpettibharo āsi kassapassa upāsako
virato methunā dhammā brahmacārī nirāmiso
ahuvā me sagāmeyyo ahuvā me pure sakhāti.
Evametaṁ purāṇānaṁ sahāyānamahu saṅgamo
ubhinnaṁ bhāvitattānaṁ sarīrantimadhārinanti.
Pañcamaṁ jantusuttaṁ

[293] Evamme sutaṁ ekaṁ samayaṁ sambahulā bhikkhū kosalesu
viharanti himavantapasse araññakuṭikāyaṁ uddhatā unnaḷā capalā
mukharā vikiṇṇavācā muṭṭhassatino asampajānā asamāhitā vibbhantacittā 2
pākatindriyā.
1 Po. Ma. vekaḷiṅge. Yu. vehaḷiṅge. 2 vibbhattacittātipi pāṭho.

[294] Atha kho jantu devaputto tadahuposathe paṇṇarase 1 yena
te bhikkhū tenupasaṅkami upasaṅkamitvā te bhikkhū gāthāhi ajjhabhāsi
sukhajīvino pure āsuṁ bhikkhū gotamasāvakā
anicchā piṇḍamesanā anicchā sayanāsanaṁ
loke aniccataṁ ñatvā dukkhassantamakaṁsu te
dupposaṁ katvā attānaṁ gāme gāmaṇikā viya
bhutvā bhutvā nipajjanti parāgāresu mucchitā
saṁghassa añjaliṁ katvā idhekacce vadāmahaṁ
apaviṭṭhā 2 anāthā te yathā petā tatheva te 3
ye kho pamattā viharanti te me sandhāya bhāsitaṁ
ye appamattā viharanti namo tesaṁ karomahanti.
Chaṭṭhaṁ rohitassasuttaṁ

[295] Sāvatthiyaṁ viharati ... Ekamantaṁ ṭhito kho rohitasso
devaputto bhagavantaṁ etadavoca yattha nu kho bhante na jāyati
na jiyyati na miyyati na cavati na upapajjati sakkā nu kho so bhante
gamanena lokassa anto ñātuṁ vā daṭṭhuṁ vā pāpuṇituṁ vāti.

[296] Yattha kho āvuso na jāyati na jiyyati na miyyati na
cavati na upapajjati nāhantaṁ gamanena lokassa antaṁ ñāteyyaṁ
1 pannaraseti vā pāṭho. 2 Yu. apaviddhā. 3 Sī. ca.
Daṭṭheyyaṁ patteyyanti vadāmīti. Acchariyaṁ bhante abbhūtaṁ bhante
yāva subhāsitañcidaṁ bhante bhagavatā yattha kho āvuso na jāyati
na jiyyati na miyyati na cavati na upapajjati nāhantaṁ gamanena
lokassa antaṁ ñāteyyaṁ daṭṭheyyaṁ patteyyanti vadāmīti.