[257] Ekamantaṁ ṭhito kho dīghalaṭṭhi devaputto bhagavato
santike imaṁ gāthaṁ abhāsi 2
bhikkhu siyā jhāyi vimuttacitto
ākaṅkhe ve 3 hadayassānupattiṁ
lokassa ñatvā udayabbayañca
sucetaso anissito tadānisaṁsoti.
Catutthaṁ nandanasuttaṁ

[258] Ekamantaṁ ṭhito kho nandano devaputto bhagavantaṁ gāthāya
ajjhabhāsi
pucchāmi taṁ gotama bhūripañña
anāvaṭaṁ bhagavato ñāṇadassanaṁ
1 Po. Yu. maccuvasaṅgā. 2 Sī. bhagavantaṁ gāthāya ajjhabhāsi. 3 Ma. ce.. Yu. ca..
Kathaṁvidhaṁ sīlavantaṁ vadanti
kathaṁvidhaṁ paññavantaṁ vadanti
kathaṁvidho 1 dukkhamaticca iriyati
kathaṁvidhaṁ devatā pūjayantīti.

[259] Yo sīlavā paññavā bhāvitatto
samāhito jhānarato 2 satīmā
sabbassa sokā vigatā pahīnā
khīṇāsavo antimadehadhārī
tathāvidhaṁ sīlavantaṁ vadanti
tathāvidhaṁ paññavantaṁ vadanti
tathāvidho dukkhamaticca iriyati
tathāvidhaṁ devatā pūjayantīti.
Pañcamaṁ candanasuttaṁ

[260] Ekamantaṁ ṭhito kho candano devaputto bhagavantaṁ gāthāya
ajjhabhāsi
kathaṁsu 3 tarati oghaṁ rattindivamatandito
appatiṭṭhe anālambe ko gambhīre na sīdatīti.

[261] Sabbadā sīlasampanno paññavā susamāhito
āraddhaviriyo pahitatto oghaṁ tarati duttaraṁ
1 Yu. kathaṁvidhaṁ. 2 Sī. jhānapati. 3 Sī. kosūdha.
Virato kāmasaññāya rūpasaññojanātito 1
nandibhavaparikkhīṇo 2 so gambhīre na sīdatīti.
Chaṭṭhaṁ vāsudattasuttaṁ

[262] Ekamantaṁ ṭhito kho vāsudatto devaputto bhagavato
santike imaṁ gāthaṁ abhāsi
sattiyā viya omaṭṭho ḍayhamāneva 3 matthake
kāmarāgappahānāya sato bhikkhu paribbajeti.

[263] Sattiyā viya omaṭṭho ḍayhamāneva matthake
sakkāyadiṭṭhippahānāya sato bhikkhu paribbajeti.
Sattamaṁ subrahmasuttaṁ

[264] Ekamantaṁ ṭhito kho subrahmā devaputto bhagavantaṁ
gāthāya ajjhabhāsi
niccamutrastamidaṁ cittaṁ niccamubbiggamidaṁ mano
anuppannesu kiccesu atho uppattitesu ca
sace atthi anutrastaṁ taṁ me akkhāhi pucchitoti.

[265] Nāññatra bojjhaṅga tapasā 4 nāññatra indriyasaṁvarā
nāññatra sabbanissaggā sotthiṁ passāmi pāṇinanti.
Idamavoca .pe. Tatthevantaradhāyīti.
1 rūpasaññojanātigoti vā pāṭho. 2 Po. Ma. nandirāgaparikkhīṇo.
3 Ma. ḍayhamānova. 4 Ma. bojjhātapasā.
Aṭṭhamaṁ kakudhasuttaṁ

[266] Evamme sutaṁ ekaṁ samayaṁ bhagavā sākete viharati
añjanavane migadāye. Atha kho kakudho devaputto abhikkantāya
rattiyā abhikkantavaṇṇo kevalakappaṁ añjanavanaṁ obhāsetvā yena
bhagavā tenupasaṅkami upasaṅkamitvā bhagavantaṁ abhivādetvā
ekamantaṁ aṭṭhāsi.