[227] Ekamantaṁ ṭhito kho māgadho 3 devaputto bhagavantaṁ gāthāya
ajjhabhāsi
1 Sī. Yu. ca. Ma. ce. 2 Sī. Yu. asito. 3 Sī. māgho.
Kati lokasmi pajjotā yehi loko pakāsati
bhagavantaṁ puṭṭhumāgamma kathaṁ jānemu taṁ mayanti.

[228] Cattāro loke pajjotā pañcamettha na vijjati
divā tapati ādicco rattimābhāti candimā
atha aggi divārattiṁ tattha tattha pakāsati
sambuddho tapataṁ seṭṭho esā ābhā anuttarāti.
Pañcamaṁ dāmalisuttaṁ

[229] Sāvatthiyaṁ ārāme ... Atha kho dāmali 1 devaputto
abhikkantāya rattiyā abhikkantavaṇṇo kevalakappaṁ jetavanaṁ obhāsetvā
yena bhagavā tenupasaṅkami upasaṅkamitvā bhagavantaṁ abhivādetvā
ekamantaṁ aṭṭhāsi.

[230] Ekamantaṁ ṭhito kho dāmali devaputto bhagavato santike
imaṁ gāthaṁ abhāsi
karaṇīyametaṁ 2 brāhmaṇena padhānamakilāsunā
kāmānaṁ vippahānena na tenāsiṁsate bhavanti.

[231] Natthi kiccaṁ brāhmaṇassa 3 [dāmalīti bhagavā] katakicco hi 4
brāhmaṇo
yāva na gādhaṁ labhati nadīsu
āyūhati sabbagattebhi jantu
gādhañca laddhāna thale ṭhito so
1 Sī. dāmalo. 2 Yu. karaṇiyamettha. 3 Sī. brāhmaṇassa natthi kiccassātipi
pāṭho. 4 Ma. ti.
Nāyūhati pāragato hi hoti 1
esūpamā dāmali brāhmaṇassa
khīṇāsavassa nipakassa jhāyino
pappuyya jātimaraṇassa antaṁ
nāyūhati pāragato hi hotīti.
Chaṭṭhaṁ kāmadasuttaṁ

[232] Ekamantaṁ ṭhito kho kāmado devaputto bhagavantaṁ
etadavoca dukkaraṁ bhagavā sudukkaraṁ bhagavāti.
Dukkaraṁ vāpi karonti [kāmadāti bhagavā] sekkhasīlasamāhitā 2 ṭhitattā
anagāriyupetassa tuṭṭhi hoti sukhāvahāti.

[233] Dullabhā bhagavā yadidaṁ tuṭṭhīti.
Dullabhaṁ vāpi labhanti [kāmadāti bhagavā] cittavūpasame ratā
yesaṁ divā ca ratto ca bhāvanāya rato manoti.

[234] Dussamādahaṁ bhagavā yadidaṁ cittanti.
Dussamādahaṁ vāpi samādahanti [kāmadāti bhagavā] indriyūpasame ratā
te chetvā maccuno jālaṁ ariyā gacchanti kāmadāti.

[235] Duggamo bhagavā visamo maggoti.
Duggame visame vāpi ariyā gacchanti kāmada
anariyā visame magge papatanti avaṁsirā
ariyānaṁ samo maggo ariyā hi visame samāti.
1 Ma. sova. Yu. soti. 2 Po. Ma. Yu. sekhāsīlasamāhitā.
Sattamaṁ pañcālacaṇḍasuttaṁ

[236] Ekamantaṁ ṭhito kho pañcālacaṇḍo devaputto bhagavato
santike imaṁ gāthaṁ abhāsi
sambādhe vata okāsaṁ avindi bhūrimedhaso
yo jhānamabuddhi buddho 1 paṭilīnanisabho munīti.