[207] Kiṁsūdha bhītā janatā anekā
maggovanekāyatanappavutto
pucchāmi taṁ gotama bhūripañña
kismiṁ ṭhito paralokaṁ na bhāyeti.

[208] Vācaṁ manañca paṇidhāya sammā
1 Ma. kiṁsu jīvī.
Kāyena pāpāni akubbamāno
bahunnapānaṁ gharamāvasanto
saddho mudū saṁvibhāgī vadaññū
etesu dhammesu ṭhito catūsu
dhamme ṭhito paralokaṁ na bhāyeti.
Chaṭṭhaṁ najīratisuttaṁ

[209] Kiṁsu 1 jīrati kiṁ na jīrati kiṁsu uppathoti vuccati
kiṁsu dhammānaṁ paripantho kiṁsu rattindivakkhayo
kiṁ malaṁ brahmacariyassa kiṁ sinānamanodakaṁ
kati lokasmi chiddāni yattha cittaṁ na tiṭṭhati
bhagavantaṁ 2 puṭṭhumāgamma kathaṁ jānemu taṁ mayanti.

[210] Rūpaṁ jīrati maccānaṁ nāmagottaṁ na jīrati
............... Rāgo uppathoti vuccati
lobho dhammānaṁ paripantho vayo rattindivakkhayo
itthī malaṁ brahmacariyassa etthāyaṁ sajjate pajā
tapo ca brahmacariyañca taṁ sinānamanodakaṁ
cha lokasmi chiddāni yattha cittaṁ 3 na tiṭṭhati
ālasyañca pamādo ca anuṭṭhānamasaṁyamo
niddā tandī ca te chidde sabbaso taṁ vivajjayeti.
1 Po. Ma. Yu. kiṁ. 2 Po. Yu. bhavantaṁ. 3 Ma. vittaṁ.
Sattamaṁ issarasuttaṁ

[211] Kiṁsu issariyaṁ loke kiṁsu bhaṇḍānamuttamaṁ
kiṁsu satthamalaṁ 1 loke kiṁsu lokasmimabbudaṁ
kiṁsu harantaṁ vārenti haranto 2 pana ko piyo
kiṁsu punappunāyantaṁ abhinandanti paṇḍitāti.

[212] Vaso 3 issariyaṁ loke itthī bhaṇḍānamuttamaṁ
kodho satthamalaṁ loke corā lokasmimabbudā
coraṁ harantaṁ vārenti haranto samaṇo piyo
samaṇaṁ punappunāyantaṁ abhinandanti paṇḍitāti.
Aṭṭhamaṁ kāmasuttaṁ

[213] Kimatthakāmo na dade kiṁ macco na pariccaje
kiṁsu muñceyya kalyāṇiṁ pāpikañca na mocayeti.

[214] Attānaṁ na dade poso attānaṁ na pariccaje
vācaṁ muñceyya kalyāṇiṁ pāpikañca na mocayeti.
Navamaṁ pātheyyasuttaṁ

[215] Kiṁsu bandhati pātheyyaṁ kiṁsu bhogānamāsayo
kiṁsu naraṁ parikassati kiṁsu lokasmi dujjahaṁ
kismiṁ baddhā puthū sattā pāsena sakuṇī yathāti.
1 Sī. satthamalantipi satthāmalantipi pāṭho. 2 Sī. harentaṁ ... harento.
3 Sī. vayo.

[216] Saddhā bandhati pātheyyaṁ siri bhogānamāsayo
icchā naraṁ parikassati icchā lokasmi dujjahā
icchābaddhā puthū sattā pāsena sakuṇī yathāti.
Dasamaṁ pajjotasuttaṁ