[147] Idaṁ hitaṁ jetavanaṁ isisaṅghanisevitaṁ
āvutthaṁ dhammarājena pītisañjananaṁ mama
kammaṁ vijjā ca dhammo ca sīlaṁ jīvitamuttamaṁ
etena maccā sujjhanti na gottena dhanena vā
tasmā hi paṇḍito poso sampassaṁ atthamattano
yoniso vicine dhammaṁ evaṁ tattha visujjhati
sārīputtova paññāya sīlena upasamena ca
yopi pāragato bhikkhu etāvaparamo siyāti.
Navamaṁ maccharisuttaṁ

[148] Yedha maccharino loke kadariyā paribhāsakā
aññesaṁ dadamānānaṁ antarāyakarā narā
Kīdiso 1 tesaṁ vipāko samparāyo ca kīdiso 2
bhagavantaṁ puṭṭhumāgamma kathaṁ jānemu taṁ mayanti.

[149] Yedha maccharino loke kadariyā paribhāsakā
aññesaṁ dadamānānaṁ antarāyakarā narā
nirayaṁ tiracchānayoniṁ yamalokūpapajjare 3
sace enti manussattaṁ daḷidde jāyare kule
coḷaṁ piṇḍo ratī khiḍḍā yattha kicchena labbhati
parato āsiṁsare bālā taṁpi tesaṁ na labbhati
diṭṭhe dhamme sa vipāko samparāyo 4 ca duggatīti.

[150] Iti hetaṁ vijānāma aññaṁ pucchāma gotamaṁ 5
yedha laddhā manussattaṁ vadaññū vītamaccharā 6
buddhe pasannā dhamme ca saṅghe ca tibbagāravā
kīdiso tesaṁ vipāko samparāyo ca kīdiso
bhagavantaṁ puṭṭhumāgamma kathaṁ jānemu taṁ mayanti.

[151] Yedha laddhā manussattaṁ vadaññū vītamaccharā
buddhe pasannā dhamme ca saṅghe ca tibbagāravā
ete sagge 7 pakāsenti yattha te upapajjare
sace enti manussattaṁ aḍḍhe ājāyare kule
coḷaṁ piṇḍo ratī khiḍḍā yatthākicchena labbhati
1-2 Yu. kiṁdiso 3 Yu. yamalokamuppajjare. 4 Po. Yu. samparāye.
5 Ma. Yu. gotama. 6 Po. cattamaccharā. 7 Po. maggā. Ma. saggā..
Parasambhatesu bhogesu vasavattīva modare
diṭṭhe dhamme sa vipāko samparāyo ca sugatīti.
Dasamaṁ ghaṭikarasuttaṁ

[152] Avihaṁ upapannāse vimuttā satta bhikkhavo
rāgadosaparikkhīṇā tiṇṇā loke visattikanti.
Ye ca te 1 ataruṁ saṅgaṁ 2 maccudheyyaṁ suduttaraṁ
te hitvā mānusaṁ dehaṁ dibbayogaṁ upaccagunti.
Upako phalagaṇḍo 3 ca pukkusāti ca te tayo
bhaddiyo khaṇḍadevo 4 ca bahudantī 5 ca siṅgiyo 6
te hitvā mānusaṁ dehaṁ dibbayogaṁ upaccagunti.

[153] Kusalī 7 bhāsasī tesaṁ mārapāsappahāyinaṁ
kassa te dhammamaññāya acchiduṁ bhavabandhananti.

[154] Na aññatra bhagavatā nāññatra tava sāsanā
yassa te dhammamaññāya acchiduṁ bhavabandhanaṁ
yattha nāmañca rūpañca asesaṁ uparujjhati
taṁ te dhammamidhaññāya acchiduṁ bhavabandhananti.

[155] Gambhīraṁ bhāsasī vācaṁ dubbijānaṁ sudubbudhaṁ
1 Yu. ke ca te. 2 Ma. Yu. paṅkaṁ. 3 Ma. palagaṇḍo. 4 Sī. bhaddiko
bhaddadevo. 5 Ma. Yu. bhāhuraggi. 6 Sī. Yu. piṅgiyo. 7 kusalantipi pāṭho.
Kassa tvaṁ dhammamaññāya vācaṁ bhāsasi īdisanti.

[156] Kumbhakāro pure āsiṁ vebhaḷiṅge 1 ghaṭīkaro
mātāpettibharo āsiṁ kassapassa upāsako
virato methunā dhammā brahmacārī nirāmiso
ahuvā te sagāmeyyo ahuvā te pure sakhā
sohamete pajānāmi vimutte satta bhikkhavo
rāgadosaparikkhīṇe tiṇṇe loke visattikanti.