[127] Atha kho aparā devatā bhagavato santike imaṁ udānaṁ
udānesi nisabho vata bho samaṇo gotamo nisabhavatā ca panuppannā
sārīrikā vedanā dukkhā tibbā kharā kaṭukā asātā amanāpā
sato sampajāno adhivāseti avihaññamānoti.

[128] Atha kho aparā devatā bhagavato santike imaṁ udānaṁ
udānesi dhorayho vata bho samaṇo gotamo dhorayhavatā ca
panuppannā sārīrikā vedanā dukkhā tibbā kharā kaṭukā asātā
amanāpā sato sampajāno adhivāseti avihaññamānoti.

[129] Atha kho aparā devatā bhagavato santike imaṁ udānaṁ
udānesi danto vata bho samaṇo gotamo dantavatā ca panuppannā
sārīrikā vedanā dukkhā tibbā kharā kaṭukā asātā amanāpā sato
sampajāno adhivāseti avihaññamānoti.

[130] Atha kho aparā devatā bhagavato santike imaṁ udānaṁ
udānesi passa samādhiṁ subhāvitaṁ 1 cittañca suvimuttaṁ 2 na cābhiṇataṁ 3
1 Sī. katthaci sīhaḷapotthake samādhīti pāṭho na dissati. Ma. subhāvito.
2 Yu. vimuttaṁ. 3 Sī. na vā pahiṇataṁ. Yu. A. abhiṇataṁ.
Na cāpaṇataṁ 1 na ca sasaṅkhāraniggayha cāritavataṁ 2 yo evarūpaṁ purisanāgaṁ
purisasīhaṁ purisāajānīyaṁ purisanisabhaṁ purisadhorayhaṁ purisadantaṁ atikkamitabbaṁ
maññeyya kimaññatra adassanāti.
Pañcavedā sataṁ samaṁ tapassī brāhmaṇā caraṁ
cittañca nesaṁ na sammā vimuttaṁ
hīnattarūpā na pāraṅgamā teti 3 .
Taṇhādhipannā vattasīlabaddhā
lūkhaṁ tapaṁ vassasataṁ carantā
cittañca yesaṁ na sammā vimuttaṁ
hīnattarūpā na pāraṅgamā teti 4 .
Na mānakāmassa damo idhatthi
na monamatthi asamāhitassa
eko araññe viharampamatto
na maccudheyyassa tareyya pāranti.
Mānaṁ pahāya susamāhitatto
sucetaso sabbadhi vippamutto
eko araññe viharaṁ appamatto
sa maccudheyyassa tareyya pāranti.
1 Sī. A. upaṇataṁ. 2 Ma. vāritagataṁ. 3-4 Ma. Yu. itisaddo natthi.
Navamaṁ paṭhamapajjunnadhītusuttaṁ

[131] Evamme sutaṁ ekaṁ samayaṁ bhagavā vesāliyaṁ viharati
mahāvane kūṭāgārasālāyaṁ. Atha kho kokanadā pajjunnassa dhītā
abhikkantāya rattiyā abhikkantavaṇṇā kevalakappaṁ mahāvanaṁ
obhāsetvā yena bhagavā tenupasaṅkami upasaṅkamitvā bhagavantaṁ
abhivādetvā ekamantaṁ aṭṭhāsi.

[132] Ekamantaṁ ṭhitā kho [1]- kokanadā pajjunnassa dhītā bhagavato
santike imā gāthāyo abhāsi
vesālivane viharantaṁ aggaṁ sattassa sambuddhaṁ
kokanadāhamasmi abhivande kokanadā pajjunnassa dhītā
sutameva pure 2 āsi dhammo cakkhumatānubuddho
sāhaṁdāni sakkhi jānāmi munino desayato sugatassa
yekeci ariyaṁ dhammaṁ vigarahantā 3 caranti dummedhā
upenti roruvaṁ ghoraṁ cirarattaṁ dukkhamanubhavanti
ye ca kho ariye dhamme khantiyā upasamena upetā
pahāya mānusaṁ dehaṁ devakāyaṁ paripūressantīti.
Dasamaṁ dutiyapajjunnadhītusuttaṁ

[133] Evamme sutaṁ ekaṁ samayaṁ bhagavā vesāliyaṁ viharati
mahāvane kūṭāgārasālāyaṁ. Atha kho cullakokanadā pajjunnassa
1 Yu. sā devatā. 2 Sī. sumavame pure. Yu. sutameva me pure. 3 Sī.
viharantā.
Dhītā abhikkantāya rattiyā abhikkantavaṇṇā kevalakappaṁ mahāvanaṁ
obhāsetvā yena bhagavā tenupasaṅkami upasaṅkamitvā bhagavantaṁ
abhivādetvā ekamantaṁ aṭṭhāsi.

[134] Ekamantaṁ ṭhitā kho [1]- cullakokanadā pajjunnassa dhītā
bhagavato santike imā gāthāyo abhāsi
idhāgamā vijjupabhāsavaṇṇā
kokanadā pajjunnassa dhītā
buddhañca dhammañca namassamānā
gāthāvimā 2 atthavatī abhāsi
bahunāpi kho naṁ vibhajeyyaṁ pariyāyena tādiso dhammo
saṅkhittamatthaṁ lapayissāmi yāvatā me manasā pariyattaṁ
pāpaṁ na kayirā vacasā manasā
kāyena vā kiñcana sabbaloke
kāme pahāya satimā sampajāno
dukkhaṁ na sevetha anatthasañhitanti.
Satullapakāyikavaggo catuttho.
Tassuddānaṁ
sabbhi maccharinā sādhu nasantujjhānasaññino
saddhā samayo sakalikaṁ ubho pajjunnadhītaroti.
---------------
1 Ma. Yu. sā devatā. 2 gāthā cimātipi pāṭho.
Ādittavaggo pañcamo
---------
paṭhamaṁ ādittasuttaṁ

[135] Evamme sutaṁ ekaṁ samayaṁ bhagavā sāvatthiyaṁ viharati
jetavane anāthapiṇḍikassa ārāme. Atha kho aññatarā devatā
abhikkantāya rattiyā abhikkantavaṇṇā kevalakappaṁ jetavanaṁ
obhāsetvā yena bhagavā tenupasaṅkami upasaṅkamitvā bhagavantaṁ
abhivādetvā ekamantaṁ aṭṭhāsi.

[136] Ekamantaṁ ṭhitā kho sā devatā bhagavato santike
imā gāthāyo abhāsi
ādittasmiṁ agārasmiṁ yaṁ nīharati bhājanaṁ
taṁ tassa hoti atthāya no ca yaṁ tattha ḍayhati
evamādittako loko 1 jarāya maraṇena ca
nīharetheva dānena dinnaṁ hoti sunibbhataṁ
dinnaṁ sukhaphalaṁ hoti nādinnaṁ hoti taṁ tathā
corā haranti rājāno aggi ḍayhati nassati
1 Sī. Yu. evamādīpito loko. evamādittake loketipi pāṭhena pana bhavitabbaṁ.
Atha antena jahati sarīraṁ sapariggahaṁ
etadaññāya medhāvī bhuñjetha ca dadetha ca
datvā ca 1 bhutvā ca yathānubhāvaṁ
anindito saggamupeti ṭhānanti.
Dutiyaṁ kindadasuttaṁ