[137] Kiṁdado balado hoti kiṁdado hoti vaṇṇado
kiṁdado sukhado hoti kiṁdado hoti cakkhudo
yo 2 ca sabbadado hoti taṁ me akkhāhi pucchitoti.

[138] Annado balado hoti vatthado hoti vaṇṇado
yānado sukhado hoti dīpado hoti cakkhudo
so ca sabbadado hoti yo dadāti upassayaṁ
amatandado ca so hoti yo dhammamanusāsatīti.
Tatiyaṁ annasuttaṁ

[139] Annamevābhinandanti ubhaye 3 devamānusā
atha kho 4 nāma so yakkho yaṁ annaṁ nābhinandatīti.

[140] Ye naṁ dadanti saddhāya vippasannena cetasā
tameva annaṁ bhajati asmiṁ loke paramhi ca
1 Sī. Yu. cakāro natthi. 2 Ma. Yu. ko. 3 Sī. Yu. ubhayo. 4 Ma. Yu. atha ko.
Tasmā vineyya maccheraṁ dajjā dānaṁ malābhibhū
puññāni paralokasmiṁ patiṭṭhā honti pāṇinanti.
Catutthaṁ ekamūlasuttaṁ

[141] Ekamūlaṁ dviāvaṭṭaṁ 1 timalaṁ pañcapattharaṁ
samuddaṁ dvādasāvaṭṭaṁ pātālaṁ atarī isīti.
Pañcamaṁ anomiyasuttaṁ

[142] Anomanāmaṁ nipuṇatthadassiṁ
paññādadaṁ kāmālaye asattaṁ
taṁ passatha sabbaviduṁ sumedhaṁ
ariye pathe kammānaṁ mahesinti.
Chaṭṭhaṁ accharāsuttaṁ

[143] Accharāgaṇasaṅghuṭṭhaṁ pisācagaṇasevitaṁ
vanantaṁ mohanaṁ nāma kathaṁ yātrā bhavissatīti.

[144] Ujuko nāma so maggo abhayā nāma sā disā
ratho akujjano nāma dhammacakkehi saṁyuto
hiri tassa apālambo satassa 2 parivāraṇaṁ
dhammāhaṁ sārathiṁ brūmi sammādiṭṭhipure javaṁ
yassa etādisaṁ yānaṁ itthiyā purisassa vā
sa ve etena yānena nibbānasseva santiketi.
1 Sī. dvāvaṭṭanti vā dvāvaddhanti vā pāṭho. Yu. dvirāvaṭṭaṁ.
2 Yu. satyassāti dissati.
Sattamaṁ vanaropasuttaṁ

[145] Kesaṁ divā ca ratto ca sadā puññaṁ pavaḍḍhati
dhammaṭṭhā sīlasampannā ke janā saggagāminoti.

[146] Ārāmaropā vanaropā ye janā setukārakā
papañca udapānañca ye dadanti upassayaṁ
tesaṁ divā ca ratto ca sadā puññaṁ pavaḍḍhati
dhammaṭṭhā sīlasampannā te janā saggagāminoti.
Aṭṭhamaṁ jetavanasuttaṁ