[87] Ekamantaṁ ṭhitā kho ekā devatā bhagavato santike
1 Ma. idamavoca bhagavā attamanā tā devatāyo bhagavantaṁ abhivādetvā padakkhiṇaṁ
katvā tatthevantaradhāyiṁsūti.
Imaṁ gāthaṁ abhāsi
maccherā ca pamādā ca evaṁ dānaṁ na dīyati
puññamākaṅkhamānena deyyaṁ hoti vijānatāti.

[88] Atha kho aparā devatā bhagavato santike imā gāthāyo
abhāsi
yasseva bhīto na dadāti maccharī tadeva adadato 1 bhayaṁ
jighacchā ca pipāsā ca yassa bhāyati maccharī
tameva bālaṁ phusati asmiṁ loke paramhi ca
tasmā vineyya maccheraṁ dajjā dānaṁ malābhibhū
puññāni paralokasmiṁ patiṭṭhā honti pāṇinanti.

[89] Atha kho aparā devatā bhagavato santike imā gāthāyo abhāsi
te matesu na miyyanti addhānaṁva 2 sahāvajaṁ
appasmiṁ ye pavecchanti esa dhammo sanantano
appasmeke pavecchanti bahuneke na dicchare
appasmā dakkhiṇā dinnā sahassena samaṁ 3 mitāti.

[90] Atha kho aparā devatā bhagavato santike imā gāthāyo abhāsi
duddadaṁ dadamānānaṁ dukkaraṁ kamma kubbataṁ
asanto nānukubbanti sataṁ dhammo duranvayo
1 Yu. tadevadādato. 2 Sī. Ma. Yu. panthānaṁva. 3 Sī. samappitāti.
Tasmā satañca asatañca nānā hoti ito gati
asanto nirayaṁ yanti santo saggaparāyanāti.
Atha kho aparā devatā bhagavantaṁ etadavoca kassa nu kho bhagavā
subhāsitanti.

[91] Sabbāsaṁ vo subhāsitaṁ pariyāyena apica mamāpi suṇātha
dhammaṁ care yopi samuñjakaṁ 1 care
dāraṁ ca posaṁ dadaṁ appakasmiṁ
sataṁ sahassāna sahassayāginaṁ
kalaṁpi nāgghanti tathāvidhassa teti.

[92] Atha kho aparā devatā bhagavantaṁ gāthāya ajjhabhāsi
kenesa yañño vipulo mahaggato
samena dinnassa na agghameti
kathaṁ 2 sahassāna sahassayāginaṁ
kalaṁpi nāgghanti tathāvidhassa teti.

[93] Atha kho bhagavā taṁ devataṁ gāthāya ajjhabhāsi
dadanti heke visame niviṭṭhā
ghatvā 3 vadhitvā atha socayitvā
1 Sī. Yu. samucchakaṁ. 2 Sī. Ma. Yu. sataṁ. 3 Sī. jhatvā. Yu. chetvā.
Sā dakkhiṇā assumukhā sadaṇḍā
samena dinnassa na agghameti
evaṁ [1]- sahassāna sahassayāginaṁ
kalaṁpi nāgghanti tathāvidhassa teti.
Tatiyaṁ sādhusuttaṁ

[94] Atha kho sambahulā satullapakāyikā devatāyo abhikkantāya
rattiyā abhikkantavaṇṇā kevalakappaṁ jetavanaṁ obhāsetvā yena
bhagavā tenupasaṅkamiṁsu upasaṅkamitvā bhagavantaṁ abhivādetvā ekamantaṁ
aṭṭhaṁsu.

[95] Ekamantaṁ ṭhitā kho ekā devatā bhagavato santike imaṁ
udānaṁ udānesi
sādhu kho mārisa dānaṁ
maccherā ca pamādā ca evaṁ dānaṁ na dīyati
puññamākaṅkhamānena deyyaṁ hoti vijānatāti.

[96] Atha kho aparā devatā bhagavato santike imaṁ udānaṁ
udānesi
sādhu kho mārisa dānaṁ apica appakasmiṁpi sāhu 2 dānaṁ
appasmeke pavecchanti bahuneke na dicchare
appasmā dakkhiṇā dinnā sahassena samaṁ mitāti.
1 Ma. etthantare satanti atthi. 2 Yu. appasmiṁpi sādhūti dissati.