พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Suttantapiṭake saṁyuttanikāyassa paṭhamo bhāgo (เล่ม 15)

[77] Pañca kāmaguṇā loke manochaṭṭhā paveditā
ettha chandaṁ virājitvā evaṁ dukkhā pamuccatīti.
Sattivaggo tatiyo.
Tassuddānaṁ
sattiyā phusati ceva jaṭā manonivāraṇā
arahantena pajjoto sarā mahaddhanena ca
catucakkena navamaṁ eṇijaṅghena te dasāti.
-------------
1 Sī. Yu. nandiṁ. 2 abbuḷhātipi pāṭho.
Satullapakāyikavaggo catuttho
-----------
paṭhamaṁ sabbhisuttaṁ

Suttantapiṭake saṁyuttanikāyassa paṭhamo bhāgo (เล่ม 15)

[78] Evamme sutaṁ ekaṁ samayaṁ bhagavā sāvatthiyaṁ viharati jetavane
anāthapiṇḍikassa ārāme. Atha kho sambahulā satullapakāyikā
devatāyo abhikkantāya rattiyā abhikkantavaṇṇā kevalakappaṁ jetavanaṁ
obhāsetvā yena bhagavā tenupasaṅkamiṁsu upasaṅkamitvā bhagavantaṁ
abhivādetvā ekamantaṁ aṭṭhaṁsu.

Suttantapiṭake saṁyuttanikāyassa paṭhamo bhāgo (เล่ม 15)

[79] Ekamantaṁ ṭhitā kho ekā devatā bhagavato santike imaṁ
gāthaṁ abhāsi
sabbhireva samāsetha sabbhi kubbetha santhavaṁ
sataṁ saddhammamaññāya seyyo hoti na pāpiyoti.

Suttantapiṭake saṁyuttanikāyassa paṭhamo bhāgo (เล่ม 15)

[80] Atha kho aparā devatā bhagavato santike imaṁ gāthaṁ abhāsi
sabbhireva samāsetha sabbhi kubbetha santhavaṁ
sataṁ saddhammamaññāya paññaṁ 1 labhati nāññatoti.

Suttantapiṭake saṁyuttanikāyassa paṭhamo bhāgo (เล่ม 15)

[81] Atha kho aparā devatā bhagavato santike imaṁ gāthaṁ abhāsi
sabbhireva samāsetha sabbhi kubbetha santhavaṁ
sataṁ saddhammamaññāya sokamajjhe na socatīti.

Suttantapiṭake saṁyuttanikāyassa paṭhamo bhāgo (เล่ม 15)

[82] Atha kho aparā devatā bhagavato santike imaṁ gāthaṁ abhāsi
1 Ma. Yu. paññā.
Sabbhireva samāsetha sabbhi kubbetha santhavaṁ
sataṁ saddhammamaññāya ñātimajjhe virocatīti.

Suttantapiṭake saṁyuttanikāyassa paṭhamo bhāgo (เล่ม 15)

[83] Atha kho aparā devatā bhagavato santike imaṁ gāthaṁ abhāsi
sabbhireva samāsetha sabbhi kubbetha santhavaṁ
sataṁ saddhammamaññāya sattā gacchanti sugatinti.

Suttantapiṭake saṁyuttanikāyassa paṭhamo bhāgo (เล่ม 15)

[84] Atha kho aparā devatā bhagavato santike imaṁ gāthaṁ abhāsi
sabbhireva samāsetha sabbhi kubbetha santhavaṁ
sataṁ saddhammamaññāya sattā tiṭṭhanti sātatanti.
Atha kho aparā devatā bhagavantaṁ etadavoca kassa nu kho bhagavā
subhāsitanti.

Suttantapiṭake saṁyuttanikāyassa paṭhamo bhāgo (เล่ม 15)

[85] Sabbāsaṁ vo subhāsitaṁ pariyāyena apica mamāpi suṇātha
sabbhireva samāsetha sabbhi kubbetha santhavaṁ
sataṁ saddhammamaññāya sabbadukkhā pamuccatīti. [1]-
Dutiyaṁ maccharisuttaṁ

Suttantapiṭake saṁyuttanikāyassa paṭhamo bhāgo (เล่ม 15)

[86] Ekaṁ samayaṁ bhagavā sāvatthiyaṁ viharati jetavane anāthapiṇḍikassa
ārāme. Atha kho sambahulā satullapakāyikā devatāyo
abhikkantāya rattiyā abhikkantavaṇṇā kevalakappaṁ jetavanaṁ
obhāsetvā yena bhagavā tenupasaṅkamiṁsu upasaṅkamitvā bhagavantaṁ
abhivādetvā ekamantaṁ aṭṭhaṁsu.