[67] Pahīnamānassa na santi ganthā
vidhūpitā mānaganthassa 2 sabbe
sa vītivatto yamataṁ sumedho
ahaṁ vadāmītipi so vadeyya
mamaṁ vadantītipi so vadeyya 3
loke samaññaṁ 4 kusalo viditvā
vohāramattena so vohareyyāti.
1 Po. Ma. upagamma. 2 Sī. Ma. mānagandhassa. 3 Sī. ayaṁ pāṭho natthi.
4 Po. Ma. maññataṁ..
Chaṭṭhaṁ pajjotasuttaṁ

[68] Kati lokasmi pajjotā yehi loko pakāsati 1
bhagavantaṁ puṭṭhumāgamma kathaṁ jānemu taṁ mayanti.

[69] Cattāro loke pajjotā pañcamettha na vijjati
divā tapati ādicco rattimābhāti candimā
atha aggi divārattiṁ tattha tattha pakāsati 2
sambuddho tapataṁ seṭṭho esā ābhā anuttarāti.
Sattamaṁ sarasuttaṁ

[70] Kuto sarā nivattanti kattha vaṭṭaṁ na vattati 3
kattha nāmañca rūpañca asesaṁ uparujjhatīti.

[71] Yattha āpo ca paṭhavī tejo vāyo na gādhati
ato sarā nivattanti ettha vaṭṭaṁ na vattati
ettha nāmañca rūpañca asesaṁ uparujjhatīti.
Aṭṭhamaṁ mahaddhanasuttaṁ

[72] Mahaddhanā mahābhogā raṭṭhavantopi khattiyā
aññamaññābhigijjhanti kāmesu analaṅkatā
tesu ussukajātesu bhavasotānusārisu
rodhataṇhaṁ 4 pavāhiṁsu 5 ke lokasmiṁ anussukāti.
1-2 Sī. pabhāsati. 3 Yu. vaṭṭati. 4 Sī. kodhataṇhaṁ. Yu. gedhataṇhaṁ.
5 Ma. yu pajahiṁsu.

[73] Hitvā agāraṁ pabbajitā hitvā puttaṁ pasumpiyaṁ
hitvā rāgañca dosañca avijjañca virājiya
khīṇāsavā arahanto te lokasmiṁ anussukāti.
Navamaṁ catucakkasuttaṁ

[74] Catucakkaṁ navadvāraṁ puṇṇaṁ lobhena saṁyutaṁ
paṅkajātaṁ mahāvīra kathaṁ yātrā bhavissatīti.

[75] Chetvā naddhiṁ 1 varattañca icchālobhañca pāpakaṁ
samūlaṁ taṇhaṁ abbuyha 2 evaṁ yātrā bhavissatīti.
Dasamaṁ eṇijaṅghasuttaṁ

[76] Eṇijaṅghaṁ kisaṁ vīraṁ appāhāraṁ alolupaṁ
sīhaṁvekacaraṁ nāgaṁ kāmesu anapekkhinaṁ
upasaṅkamma pucchāma kathaṁ dukkhā pamuccatīti.