[47] Atha kho sā devatā paṭhaviyaṁ patiṭṭhahitvā āyasmantaṁ
samiddhiṁ etadavoca daharo tvaṁ bhikkhu pabbajito susu kāḷakeso
bhadrena yobbanena samannāgato paṭhamena vayasā anikkīḷitāvī kāmesu
bhuñja bhikkhu mānusake kāme mā sandiṭṭhikaṁ hitvā kālikaṁ anudhāvīti.

[48] Na khvāhaṁ āvuso sandiṭṭhikaṁ hitvā kālikaṁ anudhāvāmi
kālikañca khvāhaṁ āvuso hitvā sandiṭṭhikaṁ anudhāvāmi kālikā
hi āvuso kāmā vuttā bhagavatā bahudukkhā bahūpāyāsā ādīnavo
ettha bhiyyo 1 sandiṭṭhiko ayaṁ dhammo akāliko ehipassiko
opanayiko paccattaṁ veditabbo viññūhīti.

[49] Kathañca bhikkhu kālikā kāmā vuttā bhagavatā bahudukkhā
bahūpāyāsā ādīnavo ettha bhiyyo kathaṁ sandiṭṭhiko ayaṁ dhammo
akāliko ehipassiko opanayiko paccattaṁ veditabbo viññūhīti.

[50] Ahaṁ kho āvuso navo acirapabbajito adhunāgato imaṁ
dhammavinayaṁ na tāhaṁ sakkomi vitthārena ācikkhituṁ ayaṁ so bhagavā
arahaṁ sammāsambuddho rājagahe viharati tapodārāme taṁ bhagavantaṁ
upasaṅkamitvā etamatthaṁ puccha 2 yathā te bhagavā byākaroti tathā
naṁ dhāreyyāsīti. Na kho bhikkhu sukaro so bhagavā amhehi
1 bhīyotipi pāṭho. 2 Sī. puccheyyāsi.
Upasaṅkamituṁ aññāhi mahesakkhāhi devatāhi parivuto sace kho
tvaṁ bhikkhu taṁ bhagavantaṁ upasaṅkamitvā etamatthaṁ puccheyyāsi mayaṁpi
āgaccheyyāma dhammassavanāyāti 1 . Evamāvusoti kho āyasmā
samiddhi tassā devatāya paṭissuṇitvā 2 yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ nisīdi.

[51] Ekamantaṁ nisinno kho āyasmā samiddhi bhagavantaṁ
etadavoca idhāhaṁ bhante rattiyā paccūsasamayaṁ paccuṭṭhāya yena
tapodā tenupasaṅkamiṁ gattāni parisiñcituṁ tapode gattāni
parisiñcitvā paccuttaritvā ekacīvaro aṭṭhāsiṁ gattāni sukkhāpayamāno
atha kho bhante aññatarā devatā abhikkantāya rattiyā abhikkantavaṇṇā
kevalakappaṁ tapodaṁ obhāsetvā yenāhaṁ tenupasaṅkami
upasaṅkamitvā vehāsaṁ ṭhitā imāya gāthāya ajjhabhāsi
abhutvā bhikkhasi bhikkhu na hi bhutvāna bhikkhasi
bhutvāna bhikkhu bhikkhassu mā taṁ kālo upaccagāti.
Evaṁ vutte ahaṁ bhante taṁ devataṁ gāthāya ajjhabhāsiṁ 3
kālaṁ vohaṁ na jānāmi channo kālo na dissati
tasmā abhutvā bhikkhāmi mā maṁ kālo upaccagāti.
Atha kho bhante sā devatā paṭhaviyaṁ patiṭṭhahitvā maṁ etadavoca
1 dhammasavanāyātītipi pāṭho. 2 Yu. paṭissutvā. 3 Ma. Yu. paccabhāsiṁ.
Daharo tvaṁ bhikkhu pabbajito susu kāḷakeso bhadrena yobbanena
samannāgato paṭhamena vayasā anikkīḷitāvī kāmesu bhuñja bhikkhu
mānusake kāme mā sandiṭṭhikaṁ hitvā kālikaṁ anudhāvīti. Evaṁ
vuttāhaṁ bhante taṁ devataṁ etadavocaṁ na khvāhaṁ āvuso sandiṭṭhikaṁ
hitvā kālikaṁ anudhāvāmi kālikañca khvāhaṁ āvuso hitvā sandiṭṭhikaṁ
anudhāvāmi kālikā hi āvuso kāmā vuttā bhagavatā bahudukkhā
bahūpāyāsā ādīnavo ettha bhiyyo sandiṭṭhiko ayaṁ dhammo
akāliko ehipassiko opanayiko paccattaṁ veditabbo viññūhīti.
Evaṁ vutte bhante sā devatā maṁ etadavoca kathañca bhikkhu
kālikā kāmā vuttā bhagavatā ḷahudukkhā bahūpāyāsā ādīnavo
ettha bhiyyo kathaṁ sandiṭṭhiko ayaṁ dhammo akāliko ehipassiko
opanayiko paccattaṁ veditabbo viññūhīti. Evaṁ vuttāhaṁ bhante
taṁ devataṁ etadavocaṁ ahaṁ kho āvuso navo acirapabbajito
adhunāgato imaṁ dhammavinayaṁ na tāhaṁ sakkomi vitthārena ācikkhituṁ
ayaṁ so bhagavā arahaṁ sammāsambuddho rājagahe viharati tapodārāme
taṁ bhagavantaṁ upasaṅkamitvā etamatthaṁ puccha yathā te bhagavā
byākaroti tathā naṁ dhāreyyāsīti. Evaṁ vutte bhante sā
devatā maṁ etadavoca na kho bhikkhu sukaro so bhagavā amhehi
upasaṅkamituṁ aññāhi mahesakkhāhi devatāhi parivuto sace kho
tvaṁ bhikkhu taṁ bhagavantaṁ upasaṅkamitvā etamatthaṁ puccheyyāsi mayaṁpi
Āgaccheyyāma dhammassavanāyāti. Sace bhante tassā devatāya
saccaṁ vacanaṁ idheva sā devatā avidūreti. Evaṁ vutte sā
devatā āyasmantaṁ samiddhiṁ etadavoca puccha bhikkhu puccha bhikkhu
yamahaṁ anuppattāti 1 .

[52] Atha kho bhagavā taṁ devataṁ gāthāhi ajjhabhāsi
akkheyyasaññino sattā akkheyyasmiṁ patiṭṭhitā
akkheyyamapariññāya yogamāyanti maccuno
akkheyyañca pariññāya akkhātāraṁ na maññati
tañhi tassa na hotīti yena naṁ vajjā na tassa atthi 2
sace vijānāsi vadehi yakkhāti 3 .
Na khvāhaṁ bhante imassa bhagavatā saṅkhittena bhāsitassa vitthārena atthaṁ
ājānāmi sādhu me bhante bhagavā tathā bhāsatu yathāhaṁ imassa
bhagavatā saṅkhittena bhāsitassa vitthārena atthaṁ ājāneyyanti 4 .

[53] Samo visesī udavā 5 nihīno
yo maññati so vivadetha tena
tīsu vidhāsu avikampamāno
samo visesīti na tassa hoti
sace vijānāsi vadehi yakkhāti 6 .
1 Yu. anuppattoti. 2 Sī. na tassa atthīti pāṭhattayaṁ na dissati. 3-6 yakkhīti.
4 Ma. Yu. jāneyyanti. 5 Yu. atha vā.
Imassapi khvāhaṁ bhante bhagavatā saṅkhittena bhāsitassa vitthārena atthaṁ
na ājānāmi sādhu me bhante bhagavā tathā bhāsatu yathāhaṁ imassa
bhagavatā saṅkhittena bhāsitassa vitthārena atthaṁ ājāneyyanti.

[54] Pahāsi saṅkhaṁ 1 na vimānamāgā 2
acchejji taṇhaṁ idha nāmarūpe
taṁ chinnaganthaṁ anighaṁ nirāsaṁ
pariyesamānā nājjhagamuṁ
devā manussā idha vā huraṁ vā
saggesu vā sabbanivesanesu
sace vijānāsi vadehi yakkhāti.

[55] Imassa khvāhaṁ bhante bhagavatā saṅkhittena bhāsitassa evaṁ
vitthārena atthaṁ ājānāmi
pāpaṁ na kayirā vacasā manasā
kāyena vā kiñcana sabbaloke
kāme pahāya satimā sampajāno
dukkhaṁ na sevetha anatthasañhitanti.
Nandanavaggo dutiyo.
1 Sī. saṅgaṁ. 2 Ma. Yu. na vimānamajjhagā.
Tassuddānaṁ
nandanā nandati ceva natthiputtasamena ca
khattiyo sakamāno ca niddātandi ca dukkaraṁ
hiri kuṭikā navamo dasamo vutto samiddhināti.
------------
Sattivaggo tatiyo
--------
paṭhamaṁ sattisuttaṁ

[56] Ekamantaṁ ṭhitā kho sā devatā bhagavato santike imaṁ
gāthaṁ abhāsi
sattiyā viya omaṭṭho ḍayhamāneva 1 matthake
kāmarāgappahānāya 2 sato bhikkhu paribbajeti.