[27] Socati puttehi puttimā
gomiko 2 gohi tatheva socati
upadhīhi narassa socanā
na hi so socati yo nirūpadhīti.
Tatiyaṁ natthiputtasamasuttaṁ

[28] Ekamantaṁ ṭhitā kho sā devatā bhagavato santike imaṁ
gāthaṁ abhāsi
natthi puttasamaṁ pemaṁ natthi gosamikaṁ dhanaṁ
natthi suriyasamā ābhā samuddaparamā sarāti.

[29] Natthi attasamaṁ pemaṁ natthi dhaññasamaṁ dhanaṁ
natthi paññāsamā ābhā vuṭṭhi ve 3 paramā sarāti.
1-2 Ma. gomā. 3 Sī. ce.
Catutthaṁ khattiyasuttaṁ

[30] Ekamantaṁ ṭhitā kho sā devatā bhagavato santike imaṁ
gāthaṁ abhāsi
khattiyo dipadaṁ 1 seṭṭho balibaddho 2 catuppadaṁ
komārī 3 seṭṭhā bhariyānaṁ yo ca puttāna pubbajoti.

[31] Sambuddho dipadaṁ seṭṭho ājānīyo catuppadaṁ
sussūsā seṭṭhā bhariyānaṁ yo ca puttānamassavoti 4 .
Pañcamaṁ sakamānasuttaṁ

[32] Ṭhite majjhantike kāle sannisinnesu 5 pakkhisu
palāteva 6 mahāraññaṁ 7 taṁ bhayaṁ paṭibhāti manti.

[33] Ṭhite majjhantike kāle sannisinnesu pakkhisu
palāteva mahāraññaṁ sā ratī paṭibhāti manti.
Chaṭṭhaṁ niddātandisuttaṁ

[34] Niddā tandī vijimhitā aratī 8 bhattasammado
etena nappakāsati ariyamaggo idha pāṇinanti.

[35] Niddaṁ tandiṁ vijimhitaṁ aratiṁ bhattasammadaṁ
viriyena naṁ paṇāmetvā ariyamaggo visujjhatīti.
1 Ma. Yu. dvipadaṁ. 2 Sī. Yu. balivaddo. Ma. balibaddo. 3 Yu. kumārī.
4 Sī. itisaddo natthi. 5 Ma. Sī. sannisivesu. Ma. sannisīvesu. 6 Sī. Yu. Ma.
saṇateva. 7 Sī. brahāraññaṁ. 8 Yu. vijambhikā aratī. Ma. vijambhitā.
A. vijamhitā.
Sattamaṁ dukkarasuttaṁ

[36] Dukkaraṁ duttitikkhañca abyattena ca sāmaññaṁ
bahū hi tattha sambādhā yattha bālo visīdatīti.