[17] Ekamantaṁ ṭhitā kho sā devatā bhagavato santike imaṁ
gāthaṁ abhāsi
1 Sī. appaṭividhitā. 2 Sī. Ma. niyyare. 3 Yu. te sambuddhā sammadaññā.
Yesaṁ dhammā susammuṭṭhā paravādesu nīyare
suttā te nappabujjhanti kālo tesaṁ pabujjhitunti.

[18] Yesaṁ dhammā asammuṭṭhā paravādesu na nīyare
sambuddhā sammadaññāya caranti visame samanti.
Navamaṁ mānakāmasuttaṁ

[19] Ekamantaṁ ṭhitā kho sā devatā bhagavato santike imaṁ
gāthaṁ abhāsi
na mānakāmassa damo idhatthi 1
na monamatthi asamāhitassa
eko araññe viharampamatto
na maccudheyyassa tareyya 2 pāranti 3

[20] Mānaṁ pahāya susamāhitatto
sucetaso sabbadhi vippamutto 4
eko araññe viharaṁ appamatto
sa maccudheyyassa tareyya pāranti.
Dasamaṁ araññasuttaṁ

[21] Ekamantaṁ ṭhitā kho sā devatā bhagavantaṁ gāthāya ajjhabhāsi
1 Sī. mānikāmassa damo idatthi. 2 Sī. taranti. 3 Sī. pārentītipi
paressantītipi pāṭho. 4 Ma. vippayutto.
Araññe viharantānaṁ santānaṁ brahmacārinaṁ
ekabhattaṁ bhuñjamānānaṁ kena vaṇṇo pasīdatīti 1 .

[22] Atītaṁ nānusocanti nappajappanti nāgataṁ 2
paccuppannena yāpenti tena vaṇṇo pasīdati
anāgatappajappāya atītassānusocanā
etena bālā sussanti naḷova harito lutoti.
Naḷavaggo paṭhamo.
Tassuddānaṁ
oghaṁ nimokkho upaneyyaṁ accenti katichindi ca
jāgaraṁ appaṭividitā susammuṭṭhā mānakāminā
araññe dasamo vutto vaggo tena pavuccatīti.
------------------
1 Ma. pasīdati. 2 Sī. nappajappamanāgataṁ.
Nandanavaggo dutiyo
---------
paṭhamaṁ nandanasuttaṁ

[23] 1 Ekaṁ samayaṁ bhagavā sāvatthiyaṁ viharati jetavane
anāthapiṇḍikassa ārāme. Tatra kho bhagavā bhikkhū āmantesi
bhikkhavoti. Bhadanteti te bhikkhū bhagavato paccassosuṁ.

[24] Bhagavā etadavoca bhūtapubbaṁ bhikkhave aññatarā
tāvatiṁsakāyikā devatā nandanavane accharāsaṅghaparivutā dibbehi
pañcahi kāmaguṇehi samappitā samaṅgībhūtā paricāriyamānā tāyaṁ
velāyaṁ imaṁ gāthaṁ abhāsi
na te sukhaṁ pajānanti ye na passanti nandanaṁ
āvāsaṁ naradevānaṁ tidasānaṁ yasassinanti.

[25] Evaṁ vutte bhikkhave aññatarā devatā taṁ devataṁ gāthāya
paccabhāsi 2
na tvaṁ bāle pajānāsi 3 yathā arahataṁ vaco
aniccā sabbe saṅkhārā uppādavayadhammino
uppajjitvā nirujjhanti tesaṁ vūpasamo sukhoti.
1 yuropiyapotthakeyeva evamme sutanti pāṭhattayaṁ atthi. 2 Sī. ajjhabhāsi.
3 Sī. vijānāsi.
Dutiyaṁ nandisuttaṁ

[26] Ekamantaṁ ṭhitā kho sā devatā bhagavato santike imaṁ
gāthaṁ abhāsi
nandati puttehi puttimā
gomiko 1 gohi tatheva nandati
upadhīhi narassa nandanā
na hi so nandati yo nirūpadhīti.