[7] 3 Ekamantaṁ ṭhitā kho sā devatā bhagavato santike imaṁ
gāthaṁ abhāsi
upanīyati jīvitamappamāyuṁ 4
jarūpanītassa na santi tāṇā
etaṁ bhayaṁ maraṇe pekkhamāno
puññāni kayirātha sukhāvahānīti 5

[8] Upanīyati jīvitamappamāyuṁ 6
jarūpanītassa na santi tāṇā
etaṁ bhayaṁ maraṇe pekkhamāno
lokāmisaṁ pajahe santipekkhoti.
1 sāratthappakāsinīaṭṭhakathāmrammapotthakesu vedanānirodhāti pāṭho dissati.
2 Sī. vimokkhaṁ. 3 sīhaḷapotthakeyeva sabbasuttesu nidānavacanaṁ hoti
yuropiyamrammapotthakesu pana natthi. 4-6 Ma. Yu. jīvitamappamāyu.
5 Sī. itisaddo na dissati.
Catutthaṁ accentisuttaṁ

[9] Ekamantaṁ ṭhitā kho sā devatā bhagavato santike imaṁ
gāthaṁ abhāsi
accenti kālā tarayanti rattiyo
vayoguṇā anupubbaṁ jahanti
etaṁ bhayaṁ maraṇe pekkhamāno
puññāni kayirātha sukhāvahānīti.

[10] Accenti kālā tarayanti rattiyo
vayoguṇā anupubbaṁ jahanti
etaṁ bhayaṁ maraṇe pekkhamāno
lokāmisaṁ pajahe santipekkhoti.
Pañcamaṁ katichindisuttaṁ

[11] Ekamantaṁ ṭhitā kho sā devatā bhagavantaṁ gāthāya ajjhabhāsi
kati chinde kati jahe kati vuttari 1 bhāvaye
kati saṅgātito 2 bhikkhu oghatiṇṇoti vuccatīti.

[12] Pañca chinde pañca jahe pañca vuttari 3 bhāvaye
pañca saṅgātito 4 bhikkhu oghatiṇṇoti vuccatīti.
1-3 Ma. kati cuttari. gāthaṁ abhāsi. 2-4 Sī. saṅgātiko. Ma. Yu. saṅgātigo.
A. saṅgātīto (saṅge atīto atikkanto).
Chaṭṭhaṁ jāgarasuttaṁ

[13] Ekamantaṁ ṭhitā kho sā devatā bhagavato santike imaṁ
gāthaṁ abhāsi
kati jāgarataṁ suttā kati suttesu jāgarā
katibhi rajamādeti katibhi parisujjhatīti.

[14] Pañca jāgarataṁ suttā pañca suttesu jāgarā
pañcabhi rajamādeti pañcabhi parisujjhatīti.
Sattamaṁ appaṭividitasuttaṁ

[15] Ekamantaṁ ṭhitā kho sā devatā bhagavato santike imaṁ
gāthaṁ abhāsi
yesaṁ dhammā appaṭividitā 1 paravādesu nīyare 2
suttā te nappabujjhanti kālo tesaṁ pabujjhitunti.

[16] Yesaṁ dhammā supaṭividitā paravādesu na nīyare
sambuddhā sammadaññāya 3 caranti visame samanti.
Aṭṭhamaṁ susammuṭṭhasuttaṁ