[363] Sammukhā metaṁ bhante bhagavato sutaṁ sammukhā paṭiggahitaṁ
sato sampajāno ānanda bodhisatto tusitā kāyā cavitvā mātu
kucchiṁ okkamīti. Yampi bhante sato sampajāno bodhisatto
tusitā kāyā cavitvā mātu kucchiṁ okkami idaṁpahaṁ bhante
.pe. Dhāremi.

[364] Sammukhā metaṁ bhante bhagavato sutaṁ sammukhā paṭiggahitaṁ
yadā ānanda bodhisatto tusitā kāyā cavitvā mātu kucchiṁ
okkamati atha sadevake loke samārake sabrahmake sassamaṇabrāhmaṇiyā
pajāya sadevamanussāya appamāṇo oḷāro obhāso
pātubhavati atikkammeva devānaṁ devānubhāvaṁ yāpi tā lokantarikā
aghā asaṁvutā andhakārā andhakāratimisā yatthapime candimasuriyā [1]-
1 evaṁ mahiddhikā.
Evaṁmahānubhāvā ābhāya nānubhonti tatthapi appamāṇo oḷāro
obhāso pātubhavati atikkammeva devānaṁ devānubhāvaṁ yepi tattha
sattā upapannā tepi tenobhāsena aññamaññassa 1 jānanti
aññepi kira bho santi sattā idhūpapannāti ayañca dasasahassī
lokadhātu saṅkampati sampakampati sampavedhati appamāṇo ca oḷāro
obhāso loke pātubhavati atikkammeva devānaṁ devānubhāvanti. Yampi
bhante .pe. Idaṁpahaṁ bhante bhagavato acchariyaṁ abbhūtadhammaṁ dhāremi.

[365] Sammukhā metaṁ bhante bhagavato sutaṁ sammukhā paṭiggahitaṁ
yadā ānanda bodhisatto mātu kucchiṁ okkanto hoti cattāro
naṁ devaputtā catuddisārakkhāya 2 upagacchanti mā naṁ 3 bodhisattaṁ
vā bodhisattamātaraṁ vā manusso vā amanusso vā koci vā
vihesesīti 4 . Yampi bhante .pe. Idampahaṁ bhante bhagavato
acchariyaṁ abbhūtadhammaṁ dhāremi.

[366] Sammukhā metaṁ bhante bhagavato sutaṁ sammukhā paṭiggahitaṁ
yadā ānanda bodhisatto mātu kucchiṁ okkanto hoti pakatiyā
sīlavatī bodhisattamātā hoti viratā pāṇātipātā viratā
adinnādānā viratā kāmesumicchācārā viratā musāvādā viratā
surāmerayamajjapamādaṭṭhānāti. Yampi bhante .pe. Idampahaṁ bhante
bhagavato acchariyaṁ abbhūtadhammaṁ dhāremi.

[367] Sammukhā metaṁ bhante bhagavato sutaṁ sammukhā paṭiggahitaṁ
1 sabbattha aññamaññaṁ sañjānanti. 2 Po. Ma. cātuddisaṁ ārakkhāya.
3 Yu. mā naṁ kho. 4 sabbattha vihethesīti.
Yadā ānanda bodhisatto mātu kucchiṁ okkanto hoti na
bodhisattamātu purisesu mānasaṁ uppajjati 1 kāmaguṇopasañhitaṁ
anatikkamaniyā ca bodhisattamātā hoti kenaci purisena rattacittenāti.
Yampi bhante .pe. Bhagavato acchariyaṁ abbhūtadhammaṁ dhāremi.

[368] Sammukhā metaṁ bhante bhagavato sutaṁ sammukhā paṭiggahitaṁ
yadā ānanda bodhisatto mātu kucchiṁ okkanto hoti lābhinī
bodhisattamātā hoti pañcannaṁ kāmaguṇānaṁ sā pañcahi
kāmaguṇehi samappitā samaṅgībhūtā paricāretīti. Yampi bhante .pe.
Idampahaṁ bhante bhagavato acchariyaṁ abbhūtadhammaṁ dhāremi.

[369] Sammukhā metaṁ bhante bhagavato sutaṁ sammukhā paṭiggahitaṁ
yadā ānanda bodhisatto mātu kucchiṁ okkanto hoti na
bodhisattamātu kocideva ābādho uppajjati sukhinī bodhisattamātā
hoti akilantakāyā bodhisattañca bodhisattamātā tirokucchigataṁ passati
sabbaṅgapaccaṅgaṁ ahinindriyaṁ 2 . Seyyathāpi ānanda maṇi veḷuriyo
subho jotimā 3 aṭṭhaṁso suparikammakato. Tatrassa suttaṁ āvutaṁ
nīlaṁ vā pītaṁ vā lohitakaṁ vā odātaṁ vā paṇḍusuttaṁ vā.
Tamenaṁ cakkhumā puriso hatthe karitvā paccavekkheyya ayaṁ kho
maṇi veḷuriyo subho jotimā 3 aṭṭhaṁso suparikammakato. Tatridaṁ
suttaṁ āvutaṁ nīlaṁ vā pītaṁ vā lohitakaṁ vā odātaṁ vā paṇḍusuttaṁ
vāti evameva kho ānanda yadā bodhisatto mātu kucchiṁ okkanto
1 Po. Ma. upapajjati. 2 Yu. abhinindriyaṁ. 3 Po. Ma. Yu. jātimā.
Hoti na bodhisattamātu kocideva ābādho uppajjati sukhinī
bodhisattamātā hoti akilantakāyā bodhisattañca bodhisattamātā
tirokucchigataṁ passati sabbaṅgapaccaṅgaṁ ahinindriyanti 1 . Yampi bhante
.pe. Idampahaṁ bhante bhagavato acchariyaṁ abbhūtadhammaṁ dhāremi.

[370] Sammukhā metaṁ bhante bhagavato sutaṁ sammukhā paṭiggahitaṁ
sattāhaṁ jāte ānanda bodhisatte bodhisattamātā kālaṁ karoti
tusitakāyaṁ upapajjatīti. Yampi bhante .pe. Idampahaṁ bhante
bhagavato acchariyaṁ abbhūtadhammaṁ dhāremi.

[371] Sammukhā metaṁ bhante bhagavato sutaṁ sammukhā paṭiggahitaṁ
yathā kho panānanda aññā itthikā nava vā dasa vā māse
gabbhaṁ kucchinā pariharitvā vijāyanti na hevaṁ bodhisattaṁ
bodhisattamātā vijāyati daseva māsāni bodhisattaṁ bodhisattamātā
kucchinā pariharitvā vijāyatīti. Yampi bhante .pe. Idampahaṁ
bhante bhagavato acchariyaṁ abbhūtadhammaṁ dhāremi.

[372] Sammukhā metaṁ bhante bhagavato sutaṁ sammukhā paṭiggahitaṁ
yathā kho panānanda aññā itthikā nisinnā vā nipannā vā
vijāyanti na hevaṁ bodhisattaṁ bodhisattamātā vijāyati ṭhitāva
bodhisattaṁ bodhisattamātā vijāyatīti. Yampi bhante .pe. Idampahaṁ
bhante bhagavato acchariyaṁ abbhūtadhammaṁ dhāremi.