[3] Evaṁvādāhaṁ bhikkhave niganthe upasaṅkamitvā evaṁ vadāmi
saccaṁ kira tumhe āvuso niganthā evaṁvādino evaṁdiṭṭhino
yaṅkiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ
vā sabbantaṁ pubbe katahetu iti purāṇānaṁ kammānaṁ tapasā
byantibhāvā navānaṁ kammānaṁ akaraṇā āyatiṁ anavassavo āyatiṁ
anavassavā kammakkhayo kammakkhayā dukkhakkhayo dukkhakkhayā
vedanākkhayo vedanākkhayā sabbaṁ dukkhaṁ nijjiṇṇaṁ bhavissatīti.
Te ce me bhikkhave niganthā evaṁ puṭṭhā āmāti paṭijānanti
tyāhaṁ evaṁ vadāmi kiṁ pana tumhe āvuso niganthā jānātha
ahuvamheva mayaṁ pubbe na nāhuvamhāti. No hidaṁ āvuso.
Kiṁ pana tumhe āvuso niganthā jānātha akaramheva mayaṁ pubbe
pāpakammaṁ na nākaramhāti. No hidaṁ āvuso. Kiṁ pana tumhe
āvuso niganthā jānātha evarūpaṁ vā evarūpaṁ vā pāpakammaṁ
akaramhāti. No hidaṁ āvuso. Kiṁ pana tumhe āvuso
niganthā jānātha ettakaṁ vā dukkhaṁ nijjiṇṇaṁ ettakaṁ vā dukkhaṁ
nijjiretabbaṁ ettakamhi vā dukkhe nijjiṇṇe sabbaṁ dukkhaṁ
nijjiṇṇaṁ bhavissatīti. No hidaṁ āvuso. Kiṁ pana tumhe
āvuso niganthā jānātha diṭṭheva dhamme akusalānaṁ dhammānaṁ
pahānaṁ kusalānaṁ dhammānaṁ upasampadanti. No hidaṁ āvuso.

[4] Iti kira tumhe āvuso niganthā na jānātha ahuvamheva
Mayaṁ pubbe na nāhuvamhāti na jānātha akaramheva mayaṁ pubbe
pāpakammaṁ na nākaramhāti na jānātha evarūpaṁ vā evarūpaṁ
vā pāpakammaṁ akaramhāti na jānātha ettakaṁ vā dukkhaṁ
nijjiṇṇaṁ ettakaṁ vā dukkhaṁ nijjiretabbaṁ ettakamhi vā dukkhe
nijjiṇṇe sabbaṁ dukkhaṁ nijjiṇṇaṁ bhavissatīti na jānātha diṭṭheva
dhamme akusalānaṁ dhammānaṁ pahānaṁ kusalānaṁ dhammānaṁ upasampadaṁ
evaṁ sante āyasmantānaṁ niganthānaṁ na kallamassa veyyākaraṇāya
yaṅkiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ
vā sabbantaṁ pubbe katahetu iti purāṇānaṁ kammānaṁ tapasā
byantibhāvā navānaṁ kammānaṁ akaraṇā āyatiṁ anavassavo āyatiṁ
anavassavā kammakkhayo kammakkhayā dukkhakkhayo dukkhakkhayā
vedanākkhayo vedanākkhayā sabbaṁ dukkhaṁ nijjiṇṇaṁ bhavissatīti.
Sace pana tumhe āvuso niganthā jāneyyātha ahuvamheva mayaṁ
pubbe na nāhuvamhāti jāneyyātha akaramheva mayaṁ pubbe
pāpakammaṁ na nākaramhāti jāneyyātha evarūpaṁ vā evarūpaṁ
vā pāpakammaṁ akaramhāti jāneyyātha ettakaṁ vā dukkhaṁ
nijjiṇṇaṁ ettakaṁ vā dukkhaṁ nijjiretabbaṁ ettakamhi vā dukkhe
nijjiṇṇe sabbaṁ dukkhaṁ nijjiṇṇaṁ bhavissatīti jāneyyātha diṭṭheva
dhamme akusalānaṁ dhammānaṁ pahānaṁ kusalānaṁ dhammānaṁ upasampadaṁ
evaṁ sante āyasmantānaṁ niganthānaṁ kallamassa veyyākaraṇāya
Yaṅkiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ
vā sabbantaṁ pubbe katahetu iti purāṇānaṁ kammānaṁ tapasā
byantibhāvā navānaṁ kammānaṁ akaraṇā āyatiṁ anavassavo āyatiṁ
anavassavā kammakkhayo kammakkhayā dukkhakkhayo dukkhakkhayā
vedanākkhayo vedanākkhayā sabbaṁ dukkhaṁ nijjiṇṇaṁ bhavissatīti.

[5] Seyyathāpi āvuso niganthā puriso sallena viddho assa
savisena gāḷhūpalepanena. So sallassapi vedhanahetu 1 dukkhā tippā 2
kaṭukā vedanā vediyeyya tassa mittāmaccā ñātisālohitā bhisakkaṁ
sallakattaṁ upaṭṭhapeyyuṁ 3 . Tassa so bhisakko sallakatto satthena
vaṇamukhaṁ parikanteyya. So satthenapi vaṇamukhassa parikantanahetu
dukkhā tippā kaṭukā vedanā vediyeyya tassa so bhisakko
sallakatto esaniyā sallaṁ eseyya. So esaniyāpi sallassa
esanahetu 4 dukkhā tippā kaṭukā vedanā vediyeyya tassa so
bhisakko sallakatto sallaṁ abbhūṇheyya 5 . So sallassapi
abbhūṇhanahetu 6 dukkhā tippā kaṭukā vedanā vediyeyya tassa
so bhisakko sallakatto agadaṅgāraṁ vaṇamukhe odaheyya. So
agadaṅgārassapi vaṇamukhe odahanahetu dukkhā tippā kaṭukā vedanā
vediyeyya. So aparena samayena rūḷhena 7 vaṇena sañchavinā
arogo assa sukhī serī sayaṁvasī yenakāmaṅgamo. Tassa evamassa
ahaṁ kho pubbe sallena viddho ahosiṁ savisena gāḷhūpalepanena
1 Yu. vedanāhetu. 2 Ma. tibbā. 3 Ma. upaṭṭhāpeyyuṁ. 4 Ma. Yu. esanāhetu.
5 Yu. abyaheyya. 6 Ma. abbhuhanahetu Yu. abyahanahetu. 7 Ma. ruḷhena.
Sohaṁ sallassapi vedhanahetu dukkhā tippā kaṭukā vedanā vediyiṁ
tassa me mittāmaccā ñātisālohitā bhisakkaṁ sallakattaṁ upaṭṭhapesuṁ
tassa me so bhisakko sallakatto satthena vaṇamukhaṁ parikantati
sohaṁ satthenapi 1 vaṇamukhassa parikantanahetu dukkhā tippā kaṭukā
vedanā vediyiṁ tassa me so bhisakko sallakatto esaniyā
sallaṁ esi sohaṁ esaniyāpi sallassa esanahetu dukkhā tippā
kaṭukā vedanā vediyiṁ tassa me so bhisakko sallakatto sallaṁ
abbhūṇhi sohaṁ sallassapi abbhūṇhanahetu dukkhā tippā kaṭukā
vedanā vediyiṁ tassa me so bhisakko sallakatto agadaṅgāraṁ
vaṇamukhe odahi sohaṁ agadaṅgārassapi vaṇamukhe odahanahetu
dukkhā tippā kaṭukā vedanā vediyiṁ sohaṁ 2 etarahi rūḷhena
vaṇena sañchavinā arogo sukhī serī sayaṁvasī yenakāmaṅgamoti.
Evameva kho āvuso niganthā sace tumhe jāneyyātha ahuvamheva
mayaṁ pubbe na nāhuvamhāti jāneyyātha akaramheva mayaṁ
pubbe pāpakammaṁ na nākaramhāti jāneyyātha evarūpaṁ vā
evarūpaṁ vā pāpakammaṁ akaramhāti jāneyyātha ettakaṁ vā
dukkhaṁ nijjiṇṇaṁ ettakaṁ vā dukkhaṁ nijjiretabbaṁ ettakamhi vā
dukkhe nijjiṇṇe sabbaṁ dukkhaṁ nijjiṇṇaṁ bhavissatīti jāneyyātha
diṭṭheva dhamme akusalānaṁ dhammānaṁ pahānaṁ kusalānaṁ dhammānaṁ upasampadaṁ
evaṁ sante āyasmantānaṁ niganthānaṁ kallamassa veyyākaraṇāya
1 Yu. sallenapi. 2 Ma. Yu. somhi.
Yaṅkiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ
vā sabbantaṁ pubbe katahetu iti purāṇānaṁ kammānaṁ tapasā
byantibhāvā navānaṁ kammānaṁ akaraṇā āyatiṁ anavassavo āyatiṁ
anavassavā kammakkhayo kammakkhayā dukkhakkhayo dukkhakkhayā
vedanākkhayo vedanākkhayā sabbaṁ dukkhaṁ nijjiṇṇaṁ bhavissatīti.
Yasmā ca kho tumhe āvuso niganthā na jānātha ahuvamheva
mayaṁ pubbe na nāhuvamhāti na jānātha akaramheva mayaṁ
pubbe pāpakammaṁ na nākaramhāti na jānātha evarūpaṁ vā
evarūpaṁ vā pāpakammaṁ akaramhāti na jānātha ettakaṁ vā
dukkhaṁ nijjiṇṇaṁ ettakaṁ vā dukkhaṁ nijjiretabbaṁ ettakamhi vā
dukkhe nijjiṇṇe sabbaṁ dukkhaṁ nijjiṇṇaṁ bhavissatīti na jānātha
diṭṭheva dhamme akusalānaṁ dhammānaṁ pahānaṁ kusalānaṁ dhammānaṁ upasampadaṁ
tasmā āyasmantānaṁ niganthānaṁ na kallamassa veyyākaraṇāya
yaṅkiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ
vā sabbantaṁ pubbe katahetu iti purāṇānaṁ kammānaṁ tapasā
byantibhāvā navānaṁ kammānaṁ akaraṇā āyatiṁ anavassavo āyatiṁ
anavassavā kammakkhayo kammakkhayā dukkhakkhayo dukkhakkhayā
vedanākkhayo vedanākkhayā sabbaṁ [1]- dukkhaṁ nijjiṇṇaṁ bhavissatīti.

[6] Evaṁ vutte bhikkhave te niganthā maṁ etadavocuṁ nigantho
āvuso nāṭaputto sabbaññū sabbadassāvī aparisesaṁ 2 ñāṇadassanaṁ
1 Yu. etthantare tanti dissati. 2 Po. aparisesañca.
Paṭijānāti carato ca me tiṭṭhato ca suttassa ca jāgarassa ca
satataṁ samitaṁ ñāṇadassanaṁ paccupaṭṭhitanti. So evamāha atthi
vo āvuso niganthā pubbe pāpakammaṁ kataṁ taṁ imāya kaṭukāya
dukkarakārikāya nijjiretha yaṁ panettha etarahi kāyena saṁvutā
vācāya saṁvutā manasā saṁvutā taṁ āyatiṁ pāpakammassa akaraṇaṁ
iti purāṇānaṁ [1]- tapasā byantibhāvā navānaṁ kammānaṁ akaraṇā
āyatiṁ anavassavo āyatiṁ anavassavā kammakkhayo kammakkhayā
dukkhakkhayo dukkhakkhayā vedanākkhayo vedanākkhayā sabbaṁ dukkhaṁ
nijjiṇṇaṁ bhavissatīti tañca panamhākaṁ ruccati ceva khamati ca
tena camhā attamanāti.

[7] Evaṁ vutte ahaṁ bhikkhave te niganthe etadavocaṁ pañca
kho ime āvuso niganthā dhammā diṭṭheva dhamme dvidhāvipākā
katame pañca saddhā ruci anussavo ākāraparivitakko diṭṭhinijjhānakkhanti
ime kho āvuso niganthā pañca dhammā diṭṭheva
dhamme dvidhāvipākā tatrāyasmantānaṁ niganthānaṁ kā atītaṁse
satthari saddhā kā ruci ko anussavo ko ākāraparivitakko kā
diṭṭhinijjhānakkhantīti. Evaṁvādī kho ahaṁ bhikkhave niganthesu na
kañci sahadhammikaṁ vādappaṭihāraṁ 2 samanupassāmi.

[8] Puna caparāhaṁ bhikkhave te niganthe evaṁ vadāmi taṁ
kiṁ maññatha āvuso niganthā yasmiṁ vo samaye tibbo 3 upakkamo
1 etthantare kammānanti dissati. 2 Yu. vādaparihāraṁ. 3 Yu. tippo.
Hoti tibbaṁ padhānaṁ tibbā tasmiṁ samaye opakkamikā dukkhā
tippā 1 kaṭukā vedanā vediyatha yasmiṁ pana vo samaye na tibbo
upakkamo hoti na tibbaṁ padhānaṁ na tibbā tasmiṁ samaye
opakkamikā dukkhā tippā kaṭukā vedanā vediyathāti. Yasmiṁ 2
no āvuso gotama samaye tibbo upakkamo hoti tibbaṁ padhānaṁ
tibbā tasmiṁ samaye opakkamikā dukkhā tippā kaṭukā vedanā
vediyāma yasmiṁ pana no samaye na tibbo upakkamo hoti
na tibbaṁ padhānaṁ na tibbā tasmiṁ samaye opakkamikā dukkhā
tippā kaṭukā vedanā vediyāmāti.

[9] Iti kirāvuso niganthā yasmiṁ vo samaye tibbo
upakkamo hoti tibbaṁ padhānaṁ tibbā tasmiṁ samaye opakkamikā
dukkhā tippā kaṭukā vedanā vediyatha yasmiṁ pana vo samaye
na tibbo upakkamo hoti na tibbaṁ padhānaṁ na tibbā tasmiṁ
samaye opakkamikā dukkhā tippā kaṭukā vedanā vediyatha evaṁ
sante āyasmantānaṁ niganthānaṁ na kallamassa veyyākaraṇāya
yaṅkiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ
vā sabbantaṁ pubbe katahetu iti purāṇānaṁ kammānaṁ tapasā
byantibhāvā navānaṁ kammānaṁ akaraṇā āyatiṁ anavassavo āyatiṁ
anavassavā kammakkhayo kammakkhayā dukkhakkhayo dukkhakkhayā
1 Ma. tibbā. 2 Ma. yasmiṁ pana noti dissati.
Vedanākkhayo vedanākkhayā sabbaṁ dukkhaṁ nijjiṇṇaṁ bhavissatīti.
Sace āvuso niganthā yasmiṁ vo samaye tibbo upakkamo hoti
tibbaṁ padhānaṁ [1]- tiṭṭheyyeva tasmiṁ samaye opakkamikā dukkhā tippā
kaṭukā vedanā [2]- yasmiṁ pana vo samaye na tibbo upakkamo hoti
na tibbaṁ padhānaṁ [3]- tiṭṭheyyeva tasmiṁ samaye opakkamikā dukkhā
tippā kaṭukā vedanā [4]- evaṁ sante āyasmantānaṁ niganthānaṁ
kallamassa veyyākaraṇāya yaṅkiñcāyaṁ purisapuggalo paṭisaṁvedeti
sukhaṁ vā dukkhaṁ vā adukkhamasukhaṁ vā sabbantaṁ pubbe katahetu
iti purāṇānaṁ kammānaṁ tapasā byantibhāvā navānaṁ kammānaṁ
akaraṇā āyatiṁ anavassavo āyatiṁ anavassavā kammakkhayo
kammakkhayā dukkhakkhayo dukkhakkhayā vedanākkhayo vedanākkhayā
sabbaṁ dukkhaṁ nijjiṇṇaṁ bhavissatīti. Yasmā ca kho āvuso
niganthā yasmiṁ vo samaye tibbo upakkamo hoti tibbaṁ padhānaṁ
tibbā tasmiṁ samaye opakkamikā dukkhā tippā kaṭukā vedanā
vediyatha yasmiṁ pana vo samaye na tibbo upakkamo hoti na
tibbaṁ padhānaṁ na tibbā tasmiṁ samaye opakkamikā dukkhā tippā
kaṭukā vedanā vediyatha te tumhe sāmaṁyeva opakkamikā dukkhā
tippā kaṭukā vedanā vediyamānā avijjā aññāṇā sammohā
vipaccetha yaṅkiñcāyaṁ purisapuggalo paṭisaṁvedeti sukhaṁ vā dukkhaṁ
vā adukkhamasukhaṁ vā sabbantaṁ pubbe katahetu iti purāṇānaṁ
1 Ma. na tibbā. 2-4 vediyetha. 3 Ma. tibbā.
Kammānaṁ tapasā byantibhāvā navānaṁ kammānaṁ akaraṇā āyatiṁ
anavassavo āyatiṁ anavassavā kammakkhayo kammakkhayā dukkhakkhayo
dukkhakkhayā vedanākkhayo vedanākkhayā sabbaṁ dukkhaṁ nijjiṇṇaṁ
bhavissatīti. Evaṁvādīpi kho ahaṁ bhikkhave niganthesu na kañci
sahadhammikaṁ vādappaṭihāraṁ samanupassāmi.

[10] Puna caparāhaṁ bhikkhave te niganthe evaṁ vadāmi taṁ
kiṁ maññathāvuso niganthā yamidaṁ kammaṁ diṭṭhadhammavedanīyaṁ taṁ
upakkamena vā padhānena vā samparāyavedanīyaṁ hotūti labbhametanti.
No hidaṁ āvuso. Yampanidaṁ kammaṁ samparāyavedanīyaṁ taṁ upakkamena
vā padhānena vā diṭṭhadhammavedanīyaṁ hotūti labbhametanti. No
hidaṁ āvuso. Taṁ kiṁ maññathāvuso niganthā yamidaṁ kammaṁ
sukhavedanīyaṁ taṁ upakkamena vā padhānena vā dukkhavedanīyaṁ hotūti
labbhametanti. No hidaṁ āvuso. Yampanidaṁ kammaṁ dukkhavedanīyaṁ
taṁ upakkamena vā padhānena vā sukhavedanīyaṁ hotūti labbhametanti.
No hidaṁ āvuso. Taṁ kiṁ maññathāvuso niganthā yamidaṁ kammaṁ
paripakkavedanīyaṁ taṁ upakkamena vā padhānena vā apparipakkavedanīyaṁ
hotūti labbhametanti. No hidaṁ āvuso. Yampanidaṁ kammaṁ
apparipakkavedanīyaṁ taṁ upakkamena vā padhānena vā paripakkavedanīyaṁ
hotūti labbhametanti. No hidaṁ āvuso. Taṁ kiṁ maññathāvuso
niganthā yamidaṁ kammaṁ bahuvedanīyaṁ taṁ upakkamena vā padhānena vā
Appavedanīyaṁ hotūti labbhametanti. No hidaṁ āvuso. Yampanidaṁ
kammaṁ appavedanīyaṁ taṁ upakkamena vā padhānena vā bahuvedanīyaṁ
hotūti labbhametanti. No hidaṁ āvuso. Taṁ kiṁ maññathāvuso
niganthā yamidaṁ kammaṁ vedanīyaṁ taṁ upakkamena vā padhānena vā
avedanīyaṁ hotūti labbhametanti. No hidaṁ āvuso. Yampanidaṁ
kammaṁ avedanīyaṁ taṁ upakkamena vā padhānena vā vedanīyaṁ hotūti
labbhametanti. No hidaṁ āvuso.

[11] Iti kirāvuso niganthā yamidaṁ kammaṁ diṭṭhadhammavedanīyaṁ taṁ
upakkamena vā padhānena vā samparāyavedanīyaṁ hotūti alabbhametaṁ.
Yamidaṁ kammaṁ samparāyavedanīyaṁ taṁ upakkamena vā padhānena vā
diṭṭhadhammavedanīyaṁ hotūti alabbhametaṁ. Yamidaṁ kammaṁ sukhavedanīyaṁ
taṁ upakkamena vā padhānena vā dukkhavedanīyaṁ hotūti alabbhametaṁ.
Yamidaṁ kammaṁ dukkhavedanīyaṁ taṁ upakkamena vā padhānena vā sukhavedanīyaṁ
hotūti alabbhametaṁ. Yamidaṁ kammaṁ paripakkavedanīyaṁ taṁ
upakkamena vā padhānena vā apparipakkavedanīyaṁ hotūti alabbhametaṁ.
Yamidaṁ [1]- apparipakkavedanīyaṁ taṁ upakkamena vā padhānena vā paripakkavedanīyaṁ
hotūti alabbhametaṁ. Yamidaṁ kammaṁ bahuvedanīyaṁ taṁ upakkamena
vā padhānena vā appavedanīyaṁ hotūti alabbhametaṁ. Yamidaṁ kammaṁ
appavedanīyaṁ taṁ upakkamena vā padhānena vā bahuvedanīyaṁ hotūti
alabbhametaṁ. Yamidaṁ kammaṁ vedanīyaṁ taṁ upakkamena vā padhānena
1 Sī. Po. Ma. kammaṁ.
Vā avedanīyaṁ hotūti alabbhametaṁ. Yamidaṁ kammaṁ avedanīyaṁ taṁ
upakkamena vā padhānena vā vedanīyaṁ hotūti alabbhametaṁ. Evaṁ
sante āyasmantānaṁ niganthānaṁ aphalo upakkamo hoti aphalaṁ
padhānaṁ. Evaṁvādī bhikkhave niganthā evaṁvādīnaṁ bhikkhave niganthānaṁ
dasa sahadhammikā vādānuvādā gārayhaṭṭhānaṁ āgacchanti. Sace
bhikkhave sattā pubbe katahetu sukhadukkhaṁ paṭisaṁvedenti addhā
bhikkhave niganthā pubbe dukkaṭakammakārino yaṁ etarahi evarūpā
dukkhā tippā kaṭukā vedanā vediyanti. Sace bhikkhave sattā
issaranimmānahetu sukhadukkhaṁ paṭisaṁvedenti addhā bhikkhave niganthā
pāpakena issarena nimmitā yaṁ etarahi evarūpā dukkhā tippā
kaṭukā vedanā vediyanti. Sace bhikkhave sattā saṅgatibhāvahetu
sukhadukkhaṁ paṭisaṁvedenti addhā bhikkhave niganthā pāpasaṅgatikā
yaṁ etarahi evarūpā dukkhā tippā kaṭukā vedanā vediyanti.
Sace bhikkhave sattā abhijātihetu sukhadukkhaṁ paṭisaṁvedenti addhā
bhikkhave niganthā pāpābhijātikā yaṁ etarahi evarūpā dukkhā
tippā kaṭukā vedanā vediyanti. Sace bhikkhave sattā diṭṭhadhammūpakkamahetu
sukhadukkhaṁ paṭisaṁvedenti addhā bhikkhave niganthā
pāpadiṭṭhadhammūpakkamā yaṁ etarahi evarūpā dukkhā tippā kaṭukā
vedanā vediyanti. Sace bhikkhave sattā pubbe katahetu sukhadukkhaṁ
paṭisaṁvedenti gārayhā niganthā no ce sattā pubbe katahetu
Sukhadukkhaṁ paṭisaṁvedenti gārayhā niganthā. Sace bhikkhave sattā
issaranimmānahetu sukhadukkhaṁ paṭisaṁvedenti gārayhā niganthā no
ce sattā issaranimmānahetu sukhadukkhaṁ paṭisaṁvedenti gārayhā
niganthā. Sace bhikkhave sattā saṅgatibhāvahetu sukhadukkhaṁ paṭisaṁvedenti
gārayhā niganthā no ce sattā saṅgatibhāvahetu sukhadukkhaṁ
paṭisaṁvedenti gārayhā niganthā. Sace bhikkhave sattā abhijātihetu
sukhadukkhaṁ paṭisaṁvedenti gārayhā niganthā no ce sattā
abhijātihetu sukhadukkhaṁ paṭisaṁvedenti gārayhā niganthā. Sace bhikkhave
sattā diṭṭhadhammūpakkamahetu sukhadukkhaṁ paṭisaṁvedenti gārayhā
niganthā no ce sattā diṭṭhadhammūpakkamahetu sukhadukkhaṁ
paṭisaṁvedenti gārayhā niganthā. Evaṁvādī bhikkhave niganthā
evaṁvādīnaṁ bhikkhave niganthānaṁ ime dasa sahadhammikā vādānuvādā
gārayhaṭṭhānaṁ āgacchanti. Evaṁ kho bhikkhave aphalo upakkamo
hoti aphalaṁ padhānaṁ.

[12] Kathañca bhikkhave saphalo upakkamo hoti saphalaṁ padhānaṁ.
Idha bhikkhave bhikkhu na heva anaddhabhūtaṁ attānaṁ dukkhena addhabhāveti
dhammikañca sukhaṁ na pariccajati tasmiṁ ca sukhe anadhimucchito hoti.
So evaṁ pajānāti imassa kho me dukkhanidānassa saṅkhāraṁ padahato
saṅkhārappadhānā virāgo hoti imassa pana me dukkhanidānassa
ajjhupekkhato upekkhaṁ bhāvayato virāgo hotīti. So yassa hi
Khvassa dukkhanidānassa saṅkhāraṁ padahato saṅkhārappadhānā virāgo hoti
saṅkhāraṁ tattha padahati yassa panassa dukkhanidānassa ajjhupekkhato
upekkhaṁ bhāvayato virāgo hoti upekkhaṁ tattha bhāveti tassa
tassa dukkhanidānassa saṅkhāraṁ padahato saṅkhārappadhānā virāgo hoti
evampissa taṁ dukkhaṁ nijjiṇṇaṁ hoti tassa tassa dukkhanidānassa
ajjhupekkhato upekkhaṁ bhāvayato virāgo hoti evampissa taṁ
dukkhaṁ nijjiṇṇaṁ hoti.