[393] Taṁ kiṁ maññasi kaccāna yo vā rattandhakāratimisāya
kimi khajjopanako yo vā rattandhakāratimisāya telappadīpo imesaṁ
ubhinnaṁ vaṇṇānaṁ katamo vaṇṇo abhikkantataro ca paṇītataro
cāti. Yvāyaṁ bho gotama rattandhakāratimisāya telappadīpo ayaṁ
imesaṁ ubhinnaṁ vaṇṇānaṁ abhikkantataro ca paṇītataro cāti.

[394] Taṁ kiṁ maññasi kaccāna yo vā rattandhakāratimisāya
telappadīpo yo vā rattandhakāratimisāya mahāaggikkhandho imesaṁ
ubhinnaṁ vaṇṇānaṁ katamo vaṇṇo abhikkantataro ca paṇītataro
cāti. Yvāyaṁ bho gotama rattandhakāratimisāya mahāaggikkhandho
ayaṁ imesaṁ ubhinnaṁ vaṇṇānaṁ abhikkantataro ca paṇītataro cāti.

[395] Taṁ kiṁ maññasi kaccāna yo vā rattandhakāratimisāya
mahāaggikkhandho yā vā rattiyā paccūsasamayaṁ viddhe vigatavalāhake
deve osadhitārakā imesaṁ ubhinnaṁ vaṇṇānaṁ katamo vaṇṇo
abhikkantataro ca paṇītataro cāti. Yāyaṁ bho gotama rattiyā
Paccūsasamayaṁ viddhe vigatavalāhake deve osadhitārakā ayaṁ imesaṁ
ubhinnaṁ vaṇṇānaṁ abhikkantataro ca paṇītataro cāti.

[396] Taṁ kiṁ maññasi kaccāna yā vā rattiyā paccūsasamayaṁ
viddhe vigatavalāhake deve osadhitārakā yo vā tadahuposathe
paṇṇarase viddhe vigatavalāhake deve abhido aḍḍharattasamayaṁ
cando imesaṁ ubhinnaṁ vaṇṇānaṁ katamo vaṇṇo abhikkantataro
ca paṇītataro cāti. Yvāyaṁ bho gotama tadahuposathe paṇṇarase
viddhe vigatavalāhake deve abhido aḍḍharattasamayaṁ cando ayaṁ
imesaṁ ubhinnaṁ vaṇṇānaṁ abhikkantataro ca paṇītataro cāti.

[397] Taṁ kiṁ maññasi kaccāna yo vā tadahuposathe
paṇṇarase viddhe vigatavalāhake deve abhido aḍḍharattasamayaṁ
cando yo vā vassānaṁ pacchime māse saradasamaye viddhe
vigatavalāhake deve abhido majjhantikasamayaṁ suriyo imesaṁ ubhinnaṁ
vaṇṇānaṁ katamo vaṇṇo abhikkantataro ca paṇītataro cāti.
Yvāyaṁ bho gotama vassānaṁ pacchime māse saradasamaye viddhe
vigatavalāhake deve abhido majjhantikasamayaṁ suriyo ayaṁ imesaṁ
ubhinnaṁ vaṇṇānaṁ abhikkantataro ca paṇītataro cāti.

[398] Tato 1 kho te kaccāna bahū hi bahutarā devā ye
imesaṁ candimasuriyānaṁ ābhā nānubhonti tyāhaṁ pajānāmi atha
ca panāhaṁ na vadāmi yasmā vaṇṇā añño vaṇṇo uttaritaro
1 Yu. ato.
Vā 1 paṇītataro vā natthīti atha ca pana tvaṁ kaccāna yvāyaṁ
vaṇṇo kiminā khajjopanakena nihīnataro 2 ca kiliṭṭhataro 3 ca so
paramo vaṇṇoti vadesi tañca vaṇṇaṁ na paññāpesi 4 .
Pañca kho ime kaccāna kāmaguṇā katame pañca cakkhuviññeyyā
rūpā iṭṭhā kantā manāpā piyarūpā kāmūpasañhitā
rajanīyā sotaviññeyyā saddā ... Ghānaviññeyyā gandhā ...
Jivhāviññeyyā rasā ... Kāyaviññeyyā phoṭṭhabbā iṭṭhā kantā
manāpā piyarūpā kāmūpasañhitā rajanīyā ime kho kiccāna
pañca kāmaguṇā. Yaṁ kho kaccāna ime pañca kāmaguṇe
paṭicca uppajjati sukhaṁ somanassaṁ idaṁ vuccati kāmasukhaṁ. Iti
kāmehi kāmasukhaṁ kāmasukhā kāmaggasukhaṁ tattha aggamakkhāyatīti.

[399] Evaṁ vutte vekhaṇaso paribbājako bhagavantaṁ etadavoca
acchariyaṁ bho gotama abbhūtaṁ bho gotama yāva subhāsitañcidaṁ
bhotā gotamena kāmehi kāmasukhaṁ kāmasukhā kāmaggasukhaṁ tattha
aggamakkhāyatīti. Dujjānaṁ kho etaṁ kaccāna tayā aññadiṭṭhikena
aññakkhantikena aññarucikena aññatthayogena aññathācariyakena
kāmaṁ 5 vā kāmasukhaṁ vā kāmaggasukhaṁ vāti 6 ye kho te kaccāna
bhikkhū arahanto khīṇāsavā vusitavanto katakaraṇīyā ohitabhārā
anuppattasadatthā parikkhīṇabhavasaññojanā sammadaññā vimuttā te
1 Yu. ca. 2 Yu. hīnataro. 3 Yu. patikiṭṭhataro. 4 Yu. paññāpesīti.
5 Ma. kāmā vā. 6 Yu. itisaddo natthi.
Kho etaṁ jāneyyuṁ kāmaṁ vā kāmasukhaṁ vā kāmaggasukhaṁ vāti.

[400] Evaṁ vutte vekhaṇaso paribbājako kupito anattamano
bhagavantaṁyeva khuṁsento bhagavantaṁyeva vambhento bhagavantaṁyeva vadamāno
samaṇo [1]- gotamo pāpito bhavissatīti bhagavantaṁ etadavoca evameva
panidhekacce 2 samaṇabrāhmaṇā ajānantā pubbantaṁ ajānantā
aparantaṁ atha ca pana khīṇā jāti vusitaṁ brahmacariyaṁ kataṁ
karaṇīyaṁ nāparaṁ itthattāyāti pajānāmāti 3 paṭijānanti tesamidaṁ
bhāsitaṁ hassakaṁyeva sampajjati lāmakaṁyeva sampajjati rittakaṁyeva
sampajjati tucchakaṁyeva sampajjatīti.

[401] Ye kho te kaccāna samaṇabrāhmaṇā ajānantā
pubbantaṁ ajānantā 4 aparantaṁ khīṇā jāti vusitaṁ brahmacariyaṁ kataṁ
karaṇīyaṁ nāparaṁ itthattāyāti pajānāmāti paṭijānanti tesaṁ soyeva
sahadhammiko niggaho hoti apica kaccāna tiṭṭhatu pubbanto
tiṭṭhatu aparanto etu viññū puriso asaṭho amāyāvī ujujātiko
ahamanusāsāmi ahaṁ dhammaṁ desemi yathānusiṭṭhaṁ tathā paṭipajjamāno
nacirasseva sāmaññeva ñassati sāmaṁ dakkhiti 5 evaṁ kirāyasmā 6 bandhanā
vippamokkho hoti yadidaṁ avijjābandhanā. Seyyathāpi kaccāna
daharo kumāro mando uttānaseyyako kaṇṭhapañcamehi bandhanehi
bandho 7 assa suttabandhanehi tassa vuḍḍhimanvāya indriyānaṁ
1 Yu. ca. 2 Yu. panidheke. 3 Yu. ayaṁ pāṭho natthi. 4 Yu. apassantā.
5 Yu. dakkhīti. 6 Sī. Yu. kira sammā. 7 Yu. baddho.
Paripākamanvāya tāni bandhanāni muñceyyuṁ 1 so mokkhomhīti kho
jāneyya no ca bandhanaṁ evameva kho kaccāna etu viññū
puriso asaṭho amāyāvī ujujātiko ahamanusāsāmi ahaṁ dhammaṁ
desemi yathānusiṭṭhaṁ tathā paṭipajjamāno nacirasseva sāmaññeva
ñassati sāmaṁ dakkhiti evaṁ kirāyasmā 2 bandhanā vippamokkho
hoti yadidaṁ avijjābandhanāti.

[402] Evaṁ vutte vekhaṇaso paribbājako bhagavantaṁ etadavoca
abhikkantaṁ bho gotama abhikkantaṁ bho gotama .pe. Upāsakaṁ
maṁ bhavaṁ gotamo dhāretu ajjatagge pāṇupetaṁ saraṇaṅgatanti.
Vekhaṇasasuttaṁ niṭṭhitaṁ dasamaṁ.
Paribbājakavaggo tatiyo.
------------
Tassa vaggassa uddānaṁ
puṇḍarī aggi sahakathināmo
dīghanakho puna bhaṇḍaragotto
sandakudāyi muṇḍikaputto
maṇiko 3 tathā kaccāno varavaggo.
-------------
1 Yu. mucceyyuṁ. 2 Yu. kira sammā. 3 Sī. maṇikottha.
Rājavaggo
----
ghaṭikārasuttaṁ