[143] Vāyosamaṁ rāhula bhāvanaṁ bhāvehi vāyosamañhi te
rāhula bhāvanaṁ bhāvayato uppannā manāpāmanāpā phassā cittaṁ na
pariyādāya ṭhassanti. Seyyathāpi rāhula vāyo sucimpi upavāyati
asucimpi upavāyati gūthagatampi upavāyati muttagatampi upavāyati
kheḷagatampi upavāyati pubbagatampi upavāyati lohitagatampi upavāyati
na ca tena vāyo aṭṭiyati vā harāyati vā jigucchati vā evameva
kho tvaṁ rāhula vāyosamaṁ bhāvanaṁ bhāvehi vāyosamañhi te rāhula
bhāvanaṁ bhāvayato uppannā manāpāmanāpā phassā cittaṁ na
Pariyādāya ṭhassanti.

[144] Ākāsasamaṁ rāhula bhāvanaṁ bhāvehi ākāsasamañhi te
rāhula bhāvanaṁ bhāvayato uppannā manāpāmanāpā phassā cittaṁ
na pariyādāya ṭhassanti. Seyyathāpi rāhula ākāso na katthaci
patiṭṭhito evameva kho tvaṁ rāhula ākāsasamaṁ bhāvanaṁ bhāvehi
ākāsasamañhi te rāhula bhāvanaṁ bhāvayato uppannā manāpāmanāpā
phassā cittaṁ na pariyādāya ṭhassanti.

[145] Mettaṁ rāhula bhāvanaṁ bhāvehi mettañhi te rāhula
bhāvanaṁ bhāvayato yo byāpādo so pahiyissati. Karuṇaṁ rāhula
bhāvanaṁ bhāvehi karuṇañhi te rāhula bhāvanaṁ bhāvayato yā vihesā
sā pahiyissati. Muditaṁ rāhula bhāvanaṁ bhāvehi muditañhi te
rāhula bhāvanaṁ bhāvayato yā arati sā pahiyissati. Upekkhaṁ
rāhula bhāvanaṁ bhāvehi upekkhañhi te rāhula bhāvanaṁ bhāvayato
yo paṭigho so pahiyissati. Asubhaṁ rāhula bhāvanaṁ bhāvehi
asubhañhi te rāhula bhāvanaṁ bhāvayato yo rāgo so pahiyissati.
Aniccasaññaṁ rāhula bhāvanaṁ bhāvehi aniccasaññañhi te rāhula
bhāvanaṁ bhāvayato yo asmimāno so pahiyissati.

[146] Ānāpānasatiṁ 1 rāhula bhāvanaṁ bhāvehi ānāpānasati 2
rāhula bhāvitā bahulīkatā mahapphalā hoti mahānisaṁsā. Kathaṁ
bhāvitā ca rāhula ānāpānasati kathaṁ bahulīkatā mahapphalā hoti
1 Po. ānāpānassatiṁ. 2 Po. ānāpānassati hi. Ma. ānāpānasati hi te.
Mahānisaṁsā. Idha rāhula bhikkhu araññagato vā rukkhamūlagato vā
suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya
parimukhaṁ satiṁ upaṭṭhapetvā so satova assasati sato 1 passasati.
Dīghaṁ vā assasanto dīghaṁ assasāmīti pajānāti dīghaṁ vā
passasanto dīghaṁ passasāmīti pajānāti. Rassaṁ vā assasanto
rassaṁ assasāmīti pajānāti rassaṁ vā passasanto rassaṁ
passasāmīti pajānāti. Sabbakāyapaṭisaṁvedī assasissāmīti sikkhati
sabbakāyapaṭisaṁvedī passasissāmīti sikkhati. Passambhayaṁ kāyasaṅkhāraṁ
assasissāmīti sikkhati passambhayaṁ kāyasaṅkhāraṁ passasissāmīti
sikkhati. Pītipaṭisaṁvedī assasissāmīti sikkhati pītipaṭisaṁvedī
passasissāmīti sikkhati. Sukhapaṭisaṁvedī assasissāmīti sikkhati sukhapaṭisaṁvedī
passasissāmīti sikkhati. Cittasaṅkhārapaṭisaṁvedī assasissāmīti
sikkhati. Cittasaṅkhārapaṭisaṁvedī passasissāmīti sikkhati.
Passambhayaṁ cittasaṅkhāraṁ assasissāmīti sikkhati passambhayaṁ cittasaṅkhāraṁ
passasissāmīti sikkhati. Cittapaṭisaṁvedī assasissāmīti
sikkhati cittapaṭisaṁvedī passasissāmīti sikkhati. Abhippamodayaṁ
cittaṁ assasissāmīti sikkhati abhippamodayaṁ cittaṁ passasissāmīti
sikkhati. Samādahaṁ cittaṁ assasissāmīti sikkhati samādahaṁ cittaṁ
passasissāmīti sikkhati. Vimocayaṁ cittaṁ assasissāmīti sikkhati
vimocayaṁ cittaṁ passasissāmīti sikkhati. Aniccānupassī assasissāmīti
1 Ma. satova.
Sikkhati aniccānupassī passasissāmīti sikkhati. Virāgānupassī
assasissāmīti sikkhati virāgānupassī passasissāmīti
sikkhati. Nirodhānupassī assasissāmīti sikkhati nirodhānupassī
passasissāmīti sikkhati. Paṭinissaggānupassī assasissāmīti sikkhati
paṭinissaggānupassī passasissāmīti sikkhati. Evaṁ bhāvitā kho
rāhula ānāpānasati evaṁ bahulīkatā mahapphalā hoti mahānisaṁsā
evaṁ bhāvitāya kho rāhula ānāpānasatiyā evaṁ bahulīkatāya yepi
te carimakā assāsapassāsā 1 tepi viditāva nirujjhanti no
aviditāti.
Idamavoca bhagavā attamano āyasmā rāhulo bhagavato
bhāsitaṁ abhinandīti.
Mahārāhulovādasuttaṁ niṭṭhitaṁ dutiyaṁ.
----------
1 Ma. assāsā.
Cūḷamāluṅkyovādasuttaṁ 1

[147] Evamme sutaṁ ekaṁ samayaṁ bhagavā sāvatthiyaṁ viharati
jetavane anāthapiṇḍikassa ārāme. Atha kho āyasmato māluṅkyaputtassa
rahogatassa paṭisallīnassa evaṁ cetaso parivitakko udapādi
yānīmāni diṭṭhigatāni bhagavatā abyākatāni ṭhapitāni paṭikkhittāni
sassato lokotipi asassato lokotipi antavā lokotipi
anantavā lokotipi taṁ jīvaṁ taṁ sarīrantipi aññaṁ jīvaṁ aññaṁ
sarīrantipi hoti tathāgato parammaraṇātipi na hoti tathāgato
parammaraṇātipi hoti ca na ca hoti tathāgato parammaraṇātipi
neva hoti na na hoti tathāgato parammaraṇātipi tāni me
bhagavā na byākaroti yāni me bhagavā na byākaroti tamme na
ruccati tamme nakkhamati sohaṁ bhagavantaṁ upasaṅkamitvā etamatthaṁ
pucchissāmi sace me bhagavā byākarissati sassato lokoti
vā .pe. Neva hoti na na hoti tathāgato parammaraṇāti vā
evāhaṁ bhagavati brahmacariyaṁ carissāmi no ce [2]- bhagavā byākarissati
sassato lokoti vā asassato lokoti vā antavā lokoti
vā anantavā lokoti vā taṁ jīvaṁ taṁ sarīranti vā aññaṁ
jīvaṁ aññaṁ sarīranti vā hoti tathāgato parammaraṇāti vā
na hoti tathāgato parammaraṇāti vā hoti ca na ca hoti
1 Ma. cuḷamālukyasuttaṁ 2 Ma. Yu. meti atthi.
Tathāgato parammaraṇāti vā neva hoti na na hoti tathāgato
parammaraṇāti vā evāhaṁ sikkhaṁ paccakkhāya hīnāyāvattissāmīti.

[148] Atha kho āyasmā māluṅkyaputto sāyaṇhasamayaṁ
paṭisallānā vuṭṭhito yena bhagavā tenupasaṅkami upasaṅkamitvā
bhagavantaṁ abhivādetvā ekamantaṁ nisīdi. Ekamantaṁ nisinno kho
āyasmā māluṅkyaputto bhagavantaṁ etadavoca idha mayhaṁ bhante
rahogatassa paṭisallīnassa evaṁ cetaso parivitakko udapādi yānīmāni
diṭṭhigatāni bhagavatā abyākatāni ṭhapitāni paṭikkhittāni
sassato lokotipi asassato lokotipi antavā lokotipi
anantavā lokotipi taṁ jīvaṁ taṁ sarīrantipi aññaṁ jīvaṁ aññaṁ
sarīrantipi hoti tathāgato parammaraṇātipi na hoti tathāgato
parammaraṇātipi hoti ca na ca hoti tathāgato parammaraṇātipi
neva hoti na na hoti tathāgato parammaraṇātipi tāni me
bhagavā na byākaroti yāni me bhagavā na byākaroti tamme na
ruccati tamme nakkhamati sohaṁ bhagavantaṁ upasaṅkamitvā etamatthaṁ
pucchissāmi sace [1]- bhagavā byākarissati sassato lokoti vā
asassato lokoti vā antavā lokoti vā anantavā lokoti
vā taṁ jīvaṁ taṁ sarīranti vā aññaṁ jīvaṁ aññaṁ sarīranti
vā hoti tathāgato parammaraṇāti vā na hoti tathāgato
parammaraṇāti vā hoti ca na ca hoti tathāgato parammaraṇāti
1 Ma. Yu. meti atthi.
Vā neva hoti na na hoti tathāgato parammaraṇāti vā evāhaṁ
bhagavati brahmacariyaṁ carissāmi no ce me bhagavā byākarissati
sassato lokoti vā asassato 1 lokoti vā .pe. Neva
hoti na na hoti tathāgato parammaraṇāti vā evāhaṁ sikkhaṁ
paccakkhāya hīnāyāvattissāmīti. Sace bhagavā jānāti sassato
lokoti sassato lokoti me bhagavā byākarotu sace bhagavā
jānāti asassato lokoti asassato lokoti me bhagavā
byākarotu no ce bhagavā jānāti sassato lokoti vā
asassato lokoti vā ajānato kho pana apassato etadeva
ujukaṁ hoti yadidaṁ na jānāmi na passāmīti. Sace bhagavā
jānāti antavā lokoti antavā lokoti me bhagavā byākarotu
sace bhagavā jānāti anantavā lokoti anantavā
lokoti me bhagavā byākarotu no ce bhagavā jānāti antavā
lokoti vā anantavā lokoti vā ajānato kho pana apassato
etadeva ujukaṁ hoti yadidaṁ na jānāmi na passāmīti. Sace bhagavā
jānāti taṁ jīvaṁ taṁ sarīranti taṁ jīvaṁ taṁ sarīranti me bhagavā
byākarotu sace bhagavā jānāti aññaṁ jīvaṁ aññaṁ sarīranti
aññaṁ jīvaṁ aññaṁ sarīranti me bhagavā byākarotu no ce bhagavā
jānāti taṁ jīvaṁ taṁ sarīranti vā aññaṁ jīvaṁ aññaṁ sarīranti
vā ajānato kho pana apassato etadeva ujukaṁ hoti yadidaṁ
1 Yu. assasato.
Na jānāmi na passāmīti. Sace bhagavā jānāti hoti tathāgato
parammaraṇāti hoti tathāgato parammaraṇāti me bhagavā byākarotu
sace bhagavā jānāti na hoti tathāgato parammaraṇāti na
hoti tathāgato parammaraṇāti me bhagavā byākarotu no ce
bhagavā jānāti hoti tathāgato parammaraṇāti vā na hoti
tathāgato parammaraṇāti vā ajānato kho pana apassato
etadeva ujukaṁ hoti yadidaṁ na jānāmi na passāmīti. Sace
bhagavā jānāti hoti ca na ca hoti tathāgato parammaraṇāti
hoti ca na ca hoti tathāgato parammaraṇāti me bhagavā byākarotu
sace bhagavā jānāti neva hoti na na hoti tathāgato
parammaraṇāti neva hoti na na hoti tathāgato parammaraṇāti
me bhagavā byākarotu no ce bhagavā jānāti hoti ca na ca
hoti tathāgato parammaraṇāti vā neva hoti na na hoti
tathāgato parammaraṇāti vā ajānato kho pana apassato etadeva
ujukaṁ hoti yadidaṁ na jānāmi na passāmīti.

[149] Kinnu kho tāhaṁ māluṅkyaputta evaṁ avacaṁ ehi
tvaṁ māluṅkyaputta mayi brahmacariyaṁ cara ahante byākarissāmi
sassato lokoti vā asassato lokoti vā antavā lokoti
vā anantavā lokoti vā taṁ jīvaṁ taṁ sarīranti vā aññaṁ
jīvaṁ aññaṁ sarīranti vā hoti tathāgato parammaraṇāti vā na
Hoti tathāgato parammaraṇāti vā hoti ca na ca hoti tathāgato
parammaraṇāti vā neva hoti na na hoti tathāgato parammaraṇāti
vāti. No hetaṁ bhante. Tvaṁ vā pana maṁ evaṁ avaca ahaṁ
bhante bhagavati brahmacariyaṁ carissāmi bhagavā me byākarissati
sassato lokoti vā asassato lokoti vā antavā lokoti
vā anantavā lokoti vā taṁ jīvaṁ taṁ sarīranti vā aññaṁ
jīvaṁ aññaṁ sarīranti vā hoti tathāgato parammaraṇāti vā na
hoti tathāgato parammaraṇāti vā hoti ca na ca hoti tathāgato
parammaraṇāti vā neva hoti na na hoti tathāgato parammaraṇāti
vāti. No hetaṁ bhante. Iti kira māluṅkyaputta nevāhantaṁ
vadāmi ehi tvaṁ māluṅkyaputta mayi brahmacariyaṁ cara ahante
byākarissāmi sassato lokoti vā asassato lokoti vā
.pe. Neva hoti na na hoti tathāgato parammaraṇāti vāti
napi kira 1 tvaṁ vadesi ahaṁ bhante bhagavati brahmacariyaṁ carissāmi
bhagavā me byākarissati sassato lokoti vā asassato lokoti
vā .pe. Neva hoti na na hoti tathāgato parammaraṇāti
vāti evaṁ sante moghapurisa ko santo kaṁ paccācikkhasi.

[150] Yo kho māluṅkyaputta evaṁ vadeyya na tāvāhaṁ
bhagavati brahmacariyaṁ carissāmi yāva me bhagavā na byākarissati
sassato lokoti vā asassato lokoti vā .pe. Hoti ca
1 Ma. Yu. napi kira maṁ.
Na ca hoti tathāgato parammaraṇāti vā neva hoti na na hoti
tathāgato parammaraṇāti vāti abyākatameva taṁ māluṅkyaputta
tathāgatena assa atha kho so puggalo kālaṁ kareyya.
Seyyathāpi māluṅkyaputta puriso sallena viddho assa savisena
gāḷhapalepanena tassa mittāmaccā ñātisālohitā bhisakkaṁ sallakattaṁ
upaṭṭhapeyyuṁ. So evaṁ vadeyya na tāvāhaṁ imaṁ sallaṁ
āharissāmi yāva na taṁ purisaṁ jānāmi yenamhi viddho khattiyo
vā brāhmaṇo vā vesso vā suddo vāti. So evaṁ vadeyya
na tāvāhaṁ imaṁ sallaṁ āharissāmi yāva na taṁ purisaṁ jānāmi
yenamhi viddho evaṁnāmo evaṁgotto iti vāti. So evaṁ
vadeyya na tāvāhaṁ imaṁ sallaṁ āharissāmi yāva na taṁ purisaṁ
jānāmi yenamhi viddho dīgho vā rasso vā majjhimo vāti.
So evaṁ vadeyya na tāvāhaṁ imaṁ sallaṁ āharissāmi yāva na
taṁ purisaṁ jānāmi yenamhi viddho kāḷo vā sāmo vā maṅguracchavī
vāti. So evaṁ vadeyya na tāvāhaṁ imaṁ sallaṁ āharissāmi
yāva na taṁ purisaṁ jānāmi yenamhi viddho asukasmiṁ gāme vā
nigame vā nagare vāti. So evaṁ vadeyya na tāvāhaṁ imaṁ
sallaṁ āharissāmi yāva na taṁ dhanuṁ jānāmi yenamhi viddho
yadi vā cāpo yadi vā kodaṇḍoti. So evaṁ vadeyya na
tāvāhaṁ imaṁ sallaṁ āharissāmi yāva na taṁ jiyaṁ jānāmi yāyamhi
Viddho yadi vā akkassa yadi vā saṇṭhassa yadi vā nahārussa
yadi vā maruvāya yadi vā khīrapaṇṇinoti. So evaṁ vadeyya
na tāvāhaṁ imaṁ sallaṁ āharissāmi yāva na taṁ kaṇḍaṁ jānāmi
yenamhi viddho yadi vā gacchaṁ 1 yadi vā ropimanti. So evaṁ
vadeyya na tāvāhaṁ imaṁ sallaṁ āharissāmi yāva na taṁ kaṇḍaṁ
jānāmi yenamhi viddho yassa pattehi vājitaṁ yadi vā gijjhassa
yadi vā kaṅkhassa 2 yadi vā kulalassa yadi vā morassa yadi vā
sithilahanunoti. So evaṁ vadeyya na tāvāhaṁ imaṁ sallaṁ
āharissāmi yāva na taṁ kaṇḍaṁ jānāmi yenamhi viddho yassa
nahārunā parikkhittaṁ yadi vā gavassa 3 yadi vā mahisassa 4 yadi vā
roruvassa 5 yadi vā semhārassāti. So evaṁ vadeyya na
tāvāhaṁ imaṁ sallaṁ āharissāmi yāva na taṁ kaṇḍaṁ jānāmi
yenamhi viddho yadi vā sallaṁ yadi vā khurappaṁ yadi vā vekaṇṇaṁ 6
yadi vā nārācaṁ yadi vā vacchadantaṁ yadi vā karavīrapattanti 7
aññātameva taṁ māluṅkyaputta tena purisena assa atha kho 8
so puriso kālaṁ kareyya. Evameva kho māluṅkyaputta yo evaṁ
vadeyya na tāvāhaṁ bhagavati brahmacariyaṁ carissāmi yāva taṁ 9 me
bhagavā na byākarissati sassato lokoti vā asassato
1 Ma. evaṁ. Sī. Yu. kacchaṁ. 2 Yu. kaṅkassa. 3 Sī. Yu. evaṁ.
Ma. migassa. 4 Ma. mahiṁsassa. 5 Ma. bheravassa. 6 Sī. Yu.
vekaṇḍaṁ. etthantare yadivā gavanti atthi. 7 Ma. karacirapattanti.
8 Ma. Yu. ayaṁ saddo natthi. 9 Ma. Yu. ayaṁ pāṭho natthi.
Lokoti vā antavā lokoti vā anantavā lokoti vā
taṁ jīvaṁ taṁ sarīranti vā aññaṁ jīvaṁ aññaṁ sarīranti vā hoti
tathāgato parammaraṇāti vā na hoti tathāgato parammaraṇāti
vā hoti ca na ca hoti tathāgato parammaraṇāti vā neva
hoti na na hoti tathāgato parammaraṇāti vāti abyākatameva 1
taṁ māluṅkyaputta tathāgatena assa atha kho so puggalo kālaṁ
kareyya.

[151] Sassato lokoti māluṅkyaputta diṭṭhiyā sati
brahmacariyavāso abhavissāti evaṁ no asassato lokoti māluṅkyaputta
diṭṭhiyā sati brahmacariyavāso abhavissāti evampi no
sassato lokoti 2 māluṅkyaputta diṭṭhiyā sati asassato lokoti
vā diṭṭhiyā sati attheva jāti atthi jarā atthi maraṇaṁ santi
sokaparidevadukkhadomanassupāyāsā yesāhaṁ diṭṭheva dhamme nighātaṁ
paññapemi. Antavā lokoti māluṅkyaputta diṭṭhiyā sati brahmacariyavāso
abhavissāti evaṁ no anantavā lokoti māluṅkyaputta
diṭṭhiyā sati brahmacariyavāso abhavissāti evampi no
antavā lokoti māluṅkyaputta diṭṭhiyā sati anantavā lokoti
vā diṭṭhiyā sati attheva jāti atthi jarā atthi maraṇaṁ santi
sokaparidevadukkhadomanassupāyāsā yesāhaṁ diṭṭheva dhamme nighātaṁ
paññapemi. Taṁ jīvaṁ taṁ sarīranti māluṅkyaputta diṭṭhiyā sati
1 Ma. ... mevetaṁ. 2 Ma. lokoti vā.
Brahmacariyavāso abhavissāti evaṁ no aññaṁ jīvaṁ aññaṁ
sarīranti māluṅkyaputta diṭṭhiyā sati brahmacariyavāso abhavissāti
evampi no taṁ jīvaṁ taṁ sarīranti māluṅkyaputta diṭṭhiyā sati
aññaṁ jīvaṁ aññaṁ sarīranti vā diṭṭhiyā sati attheva jāti
.pe. Nighātaṁ paññapemi. Hoti tathāgato parammaraṇāti
māluṅkyaputta diṭṭhiyā sati brahmacariyavāso abhavissāti evaṁ
no na hoti tathāgato parammaraṇāti māluṅkyaputta diṭṭhiyā
sati brahmacariyavāso abhavissāti evampi no hoti tathāgato
parammaraṇāti 1 māluṅkyaputta diṭṭhiyā sati na hoti tathāgato
parammaraṇāti vā diṭṭhiyā sati attheva jāti .pe. Yesāhaṁ
diṭṭheva dhamme nighātaṁ paññapemi. Hoti ca na ca hoti
tathāgato parammaraṇāti māluṅkyaputta diṭṭhiyā sati brahmacariyavāso
abhavissāti evaṁ no neva hoti na na hoti tathāgato
parammaraṇāti māluṅkyaputta diṭṭhiyā sati brahmacariyavāso abhavissāti 2
evampi no hoti ca na ca hoti tathāgato parammaraṇāti [3]-
māluṅkyaputta diṭṭhiyā sati neva hoti na na hoti tathāgato
parammaraṇāti vā diṭṭhiyā sati attheva jāti atthi jarā atthi
maraṇaṁ santi sokaparidevadukkhadomanassupāyāsā yesāhaṁ diṭṭheva
dhamme nighātaṁ paññapemi.

[152] Tasmātiha māluṅkyaputta abyākatañca me abyākatato
1 Ma. ... ti vā. 2 Po. etthantare "byākatañca me byākatato dhārethāti
padāni dissanti. 3 Ma. tvaṁ.
Katato dhāretha byākatañca me byākatato dhāretha. Kiñca
māluṅkyaputta mayā abyākataṁ sassato lokoti māluṅkyaputta
mayā abyākataṁ asassato lokoti māluṅkyaputta 1 mayā abyākataṁ
antavā lokoti māluṅkyaputta 2 mayā abyākataṁ anantavā lokoti
māluṅkyaputta 3 mayā abyākataṁ taṁ jīvaṁ taṁ sarīranti mayā abyākataṁ
aññaṁ jīvaṁ aññaṁ sarīranti mayā abyākataṁ hoti tathāgato
parammaraṇāti mayā abyākataṁ na hoti tathāgato parammaraṇāti
mayā abyākataṁ hoti ca na ca hoti tathāgato parammaraṇāti
mayā abyākataṁ neva hoti na na hoti tathāgato parammaraṇāti
mayā abyākataṁ. Kasmā cetaṁ māluṅkyaputta mayā abyākataṁ
na hetaṁ māluṅkyaputta atthasañhitaṁ nādibrahmacariyakaṁ na nibbidāya
na virāgāya na nirodhāya na upasamāya na abhiññāya na sambodhāya
na nibbānāya saṁvattati tasmā taṁ mayā abyākataṁ. Kiñca
māluṅkyaputta mayā byākataṁ idaṁ dukkhanti māluṅkyaputta mayā
byākataṁ ayaṁ dukkhasamudayoti mayā byākataṁ ayaṁ dukkhanirodhoti
mayā byākataṁ ayaṁ dukkhanirodhagāminī paṭipadāti mayā byākataṁ.
Kasmā cetaṁ māluṅkyaputta mayā byākataṁ etañhi māluṅkyaputta
atthasañhitaṁ etaṁ ādibrahmacariyakaṁ etaṁ 4 nibbidāya virāgāya
nirodhāya upasamāya abhiññāya sambodhāya nibbānāya saṁvattati
tasmā taṁ mayā byākataṁ. Tasmātiha māluṅkyaputta abyākatañca
1-2-3 Yu. ayaṁ pāṭho natthi. 4 Ma. ayaṁ pāṭho natthi.
Me abyākatato dhāretha byākatañca me byākatato dhārethāti.
Idamavoca bhagavā attamano āyasmā māluṅkyaputto 1 bhagavato
bhāsitaṁ abhinandīti.
Cūḷamāluṅkyovādasuttaṁ 2 niṭṭhitaṁ tatiyaṁ.
-----------
1 Yu. ādito paṭṭhāya sabbattha māluṅkayā-iti dissati. māluṅkayāputtoti cettha
nidassanaṁ. 2 Ma. cūḷamālukyasuttaṁ.
Mahāmāluṅkyovādasuttaṁ 1