[73] Dīgharattaṁ kho te gahapati niganthānaṁ opāṇabhūtaṁ kulaṁ 3
yena tesaṁ 4 upagatānaṁ piṇḍapātaṁ 5 dātabbaṁ maññeyyāsīti.
Imināpāhaṁ bhante bhagavato bhiyyoso mattāya attamano abhiraddho
yaṁ maṁ bhagavā evamāha dīgharattaṁ kho te gahapati niganthānaṁ
opāṇabhūtaṁ kulaṁ 6 yena tesaṁ 7 upagatānaṁ piṇḍapātaṁ dātabbaṁ
maññeyyāsīti sutaṁ metaṁ bhante samaṇo gotamo evamāha
mayhameva dānaṁ dātabbaṁ nāññesaṁ dānaṁ dātabbaṁ mayhameva
sāvakānaṁ dānaṁ dātabbaṁ nāññesaṁ sāvakānaṁ dānaṁ dātabbaṁ
mayhameva dinnaṁ mahapphalaṁ nāññesaṁ dinnaṁ mahapphalaṁ mayhameva
1 Sī. imināpahaṁ. 2 Yu. hisaddo natthi. 3-6 Po. kulaṁyeva. yenāti
pāṭhapadaṁ natthi. 4-7 Ma. Yu. nesaṁ. 5 Sī. yu piṇḍakaṁ.
Sāvakānaṁ dinnaṁ mahapphalaṁ nāññesaṁ sāvakānaṁ dinnaṁ mahapphalanti
atha ca pana maṁ bhagavā niganthesupi dāne samādapeti apica
bhante mayamettha kālaṁ jānissāma esāhaṁ bhante tatiyampi
bhagavantaṁ saraṇaṁ gacchāmi dhammañca bhikkhusaṅghañca upāsakaṁ maṁ
bhagavā dhāretu ajjatagge pāṇupetaṁ saraṇaṅgatanti.

[74] Atha kho bhagavā upālissa gahapatissa anupubbikathaṁ kathesi
seyyathīdaṁ dānakathaṁ sīlakathaṁ saggakathaṁ kāmānaṁ ādīnavaṁ okāraṁ
saṅkilesaṁ nekkhamme ānisaṁsaṁ pakāsesi. Yadā bhagavā aññāsi
upāliṁ gahapatiṁ kallacittaṁ muducittaṁ vinīvaraṇacittaṁ udaggacittaṁ
pasannacittaṁ atha yā buddhānaṁ sāmukkaṁsikā dhammadesanā taṁ
pakāsesi dukkhaṁ samudayaṁ nirodhaṁ maggaṁ. Seyyathāpi nāma suddhaṁ
vatthaṁ apagatakāḷakaṁ sammadeva rajanaṁ paṭiggaṇheyya evameva 1
upālissa gahapatissa tasmiṁyeva āsane virajaṁ vītamalaṁ dhammacakkhuṁ
udapādi yaṅkiñci samudayadhammaṁ sabbantaṁ nirodhadhammanti. Atha
kho upāli gahapati diṭṭhadhammo pattadhammo viditadhammo pariyogāḷhadhammo
tiṇṇavicikiccho vigatakathaṁkatho vesārajjappatto aparapaccayo
satthu sāsane bhagavantaṁ etadavoca handa cadāni mayaṁ
bhante gacchāma bahukiccā mayaṁ bahukaraṇīyāti. Yassadāni tvaṁ
gahapati kālaṁ maññasīti.

[75] Atha kho upāli gahapati bhagavato bhāsitaṁ abhinanditvā
1 Yu. evamevaṁ.
Anumoditvā uṭṭhāyāsanā bhagavantaṁ abhivādetvā padakkhiṇaṁ katvā
yena sakaṁ nivesanaṁ tenupasaṅkami upasaṅkamitvā dovārikaṁ āmantesi
ajjatagge samma dovārika āvarāmi dvāraṁ niganthānaṁ niganthīnaṁ
anāvaṭaṁ dvāraṁ bhagavato sāvakānaṁ 1 bhikkhūnaṁ bhikkhunīnaṁ upāsakānaṁ
upāsikānaṁ sace koci nigantho āgacchati tamenaṁ tvaṁ evaṁ
vadeyyāsi tiṭṭha bhante mā pāvisi ajjatagge upāli gahapati
samaṇassa gotamassa sāvakattaṁ upagato āvaṭaṁ dvāraṁ niganthānaṁ
niganthīnaṁ anāvaṭaṁ dvāraṁ bhagavato sāvakānaṁ bhikkhūnaṁ bhikkhunīnaṁ
upāsakānaṁ upāsikānaṁ sace te 2 bhante piṇḍakena attho ettheva
tiṭṭha ettheva te 3 āharissantīti. Evaṁ bhanteti kho dovāriko
upālissa gahapatissa paccassosi.

[76] Assosi kho dīghatapassī nigantho upāli kira gahapati
samaṇassa gotamassa sāvakattaṁ upagatoti. Atha kho dīghatapassī
nigantho yena nigantho nāṭaputto tenupasaṅkami upasaṅkamitvā
niganthaṁ nāṭaputtaṁ etadavoca sutaṁ 4 metaṁ bhante upāli kira
gahapati samaṇassa gotamassa sāvakattaṁ upagatoti. Aṭṭhānaṁ kho
etaṁ tapassi anavakāso yaṁ upāli gahapati samaṇassa gotamassa
sāvakattaṁ upagaccheyya ṭhānañca kho etaṁ vijjati yaṁ samaṇo
gotamo upālissa gahapatissa sāvakattaṁ upagaccheyyāti. Dutiyampi
kho dīghatapassī nigantho niganthaṁ nāṭaputtaṁ etadavoca sutaṁ metaṁ
1 Ma. Yu. sāvakānanti natthi. 2-3 Ma. vo. 4 Ma. sutametaṁ.
Bhante upāli kira gahapati samaṇassa gotamassa sāvakattaṁ
upagatoti. Aṭṭhānaṁ kho etaṁ tapassi anavakāso yaṁ upāli
gahapati samaṇassa gotamassa sāvakattaṁ upagaccheyya ṭhānañca kho
etaṁ vijjati yaṁ samaṇo gotamo upālissa gahapatissa sāvakattaṁ
upagaccheyyāti. Tatiyampi kho dīghatapassī nigantho niganthaṁ nāṭaputtaṁ
etadavoca sutaṁ metaṁ bhante upāli kira gahapati samaṇassa
gotamassa sāvakattaṁ upagatoti. Aṭṭhānaṁ kho etaṁ tapassi
anavakāso yaṁ upāli gahapati samaṇassa gotamassa sāvakattaṁ
upagaccheyya ṭhānañca kho etaṁ vijjati yaṁ samaṇo gotamo
upālissa gahapatissa sāvakattaṁ upagaccheyyāti handāhaṁ bhante
gacchāmi yāva jānāmi yadi vā upāli gahapati samaṇassa
gotamassa sāvakattaṁ upagato yadi vā noti. Gaccha 1 tvaṁ tapassi
jānāhi yadi vā upāli gahapati samaṇassa gotamassa sāvakattaṁ
upagato yadi vā noti.

[77] Atha kho dīghatapassī nigantho yena upālissa gahapatissa
nivesanaṁ tenupasaṅkami. Addasā kho dovāriko dīghatapassiṁ
niganthaṁ dūratova āgacchantaṁ disvāna dīghatapassiṁ niganthaṁ etadavoca
tiṭṭha bhante mā pāvisi ajjatagge upāli gahapati samaṇassa
gotamassa sāvakattaṁ upagato āvaṭaṁ dvāraṁ niganthānaṁ niganthīnaṁ
anāvaṭaṁ dvāraṁ bhagavato sāvakānaṁ bhikkhūnaṁ bhikkhunīnaṁ upāsakānaṁ
1 Po. saccaṁ.
Upāsikānaṁ sace te bhante piṇḍakena attho ettheva tiṭṭha
ettheva te āharissantīti. Na me āvuso piṇḍakena atthoti
vatvā tato paṭinivattitvā yena nigantho nāṭaputto tenupasaṅkami
upasaṅkamitvā niganthaṁ nāṭaputtaṁ etadavoca saccaṁyeva kho bhante
yaṁ upāli gahapati samaṇassa gotamassa sāvakattaṁ upagato etaṁ
kho te ahaṁ bhante nālatthaṁ na kho me taṁ 1 bhante ruccati yaṁ
upāli gahapati samaṇassa gotamassa vādaṁ āropeyya samaṇo hi
bhante gotamo māyāvī āvaṭṭaniṁ māyaṁ jānāti yāya aññatitthiyānaṁ
sāvake āvaṭṭetīti āvaṭṭo kho te bhante upāli
gahapati samaṇena gotamena āvaṭṭaniyā māyāyāti. Aṭṭhānaṁ kho
etaṁ 2 dīghatapassi anavakāso yaṁ upāli gahapati samaṇassa gotamassa
sāvakattaṁ upagaccheyya ṭhānañca kho etaṁ vijjati yaṁ samaṇo
gotamo upālissa gahapatissa sāvakattaṁ upagaccheyyāti. Dutiyampi
kho 3 dīghatapassī nigantho niganthaṁ nāṭaputtaṁ etadavoca saccaṁyeva
kho bhante yaṁ upāli gahapati samaṇassa gotamassa sāvakattaṁ
upagato etaṁ kho te ahaṁ bhante nālatthaṁ na kho me bhante
ruccati yaṁ upāli gahapati samaṇassa gotamassa vādaṁ āropeyya
samaṇo hi bhante gotamo māyāvī āvaṭṭaniṁ māyaṁ jānāti yāya
aññatitthiyānaṁ sāvake āvaṭṭetīti āvaṭṭo kho te bhante
1 Ma. ayaṁ pāṭho natthi. 2 Yu. Ma. dīghaiti na dissati.
3 Po. Yu. dutiyampi kho..ṭatiyampi kho dīghatapassīti dissati.
Upāli gahapati samaṇena gotamena āvaṭṭaniyā māyāyāti.
Aṭṭhānaṁ kho etaṁ tapassi anavakāso yaṁ upāli gahapati samaṇassa
gotamassa sāvakattaṁ upagaccheyya ṭhānañca kho etaṁ vijjati yaṁ
samaṇo gotamo upālissa gahapatissa sāvakattaṁ upagaccheyya 1 [2]- handa
cāhaṁ tapassi gacchāmi yāva 3 sāmaṁyeva jānāmi yadi vā upāli
gahapati samaṇassa gotamassa sāvakattaṁ upagato yadi vā noti.

[78] Atha kho nigantho nāṭaputto mahatiyā niganthaparisāya
saddhiṁ yena upālissa gahapatissa nivesanaṁ tenupasaṅkami. Addasā
kho dovāriko niganthaṁ nāṭaputtaṁ dūratova āgacchantaṁ disvāna
niganthaṁ nāṭaputtaṁ etadavoca tiṭṭha bhante mā pāvisi ajjatagge
upāli gahapati samaṇassa gotamassa sāvakattaṁ upagato āvaṭaṁ
dvāraṁ niganthānaṁ niganthīnaṁ anāvaṭaṁ dvāraṁ bhagavato sāvakānaṁ
bhikkhūnaṁ bhikkhunīnaṁ upāsakānaṁ upāsikānaṁ sace te bhante piṇḍakena
attho ettheva tiṭṭha ettheva te āharissantīti. Tenahi
samma dovārika yena upāli gahapati tenupasaṅkama upasaṅkamitvā
upāliṁ gahapatiṁ evaṁ vadehi nigantho 4 nāṭaputto mahatiyā niganthaparisāya
saddhiṁ bahidvārakoṭṭhake ṭhito so te dassanakāmoti.
Evaṁ bhanteti kho dovāriko niganthassa nāṭaputtassa paṭissutvā
yena upāli gahapati tenupasaṅkami upasaṅkamitvā upāliṁ gahapatiṁ
etadavoca nigantho bhante nāṭaputto mahatiyā niganthaparisāya
1 Ma. upagaccheyyāti. 2 Ma. Yu. tatiyampi kho dīghatapassi .pe. upagaccheyya.
3 Ma. yāva cāhaṁ. 4 Ma. nigantho bhante.
Saddhiṁ bahidvārakoṭṭhake ṭhito so te dassanakāmoti. Tenahi
samma dovārika majjhimāya dvārasālāya āsanāni paññāpesīti 1 .
Evaṁ bhanteti kho dovāriko upālissa gahapatissa paṭissutvā
majjhimāya dvārasālāya āsanāni paññāpetvā yena upāli
gahapati tenupasaṅkami upasaṅkamitvā upāliṁ gahapatiṁ etadavoca
paññattāni kho bhante majjhimāya dvārasālāya āsanāni yassadāni
kālaṁ maññasīti. Atha kho upāli gahapati yena majjhimā dvārasālā
tenupasaṅkami upasaṅkamitvā yaṁ tattha āsanaṁ aggañca seṭṭhañca
uttamañca paṇītañca tattha sāmaṁ 2 nisīditvā dovārikaṁ āmantesi
tenahi samma dovārika yena nigantho nāṭaputto tenupasaṅkami
upasaṅkamitvā niganthaṁ nāṭaputtaṁ evaṁ vadehi upāli bhante gahapati
evamāha pavisa kira bhante sace ākaṅkhasīti. Evaṁ bhanteti
kho dovāriko upālissa gahapatissa paṭissutvā yena nigantho
nāṭaputto tenupasaṅkami upasaṅkamitvā niganthaṁ nāṭaputtaṁ etadavoca
upāli bhante gahapati evamāha pavisa kira bhante sace ākaṅkhasīti.
Atha kho nigantho nāṭaputto mahatiyā niganthaparisāya saddhiṁ yena
majjhimā dvārasālā tenupasaṅkami.

[79] Atha kho upāli gahapati yaṁ sudaṁ pubbe 3 yato passati
nāṭaputtaṁ 4 dūratova āgacchantaṁ disvāna tato paccuggantvā yaṁ
tattha āsanaṁ aggañca seṭṭhañca uttamañca paṇītañca taṁ
1 Ma. paññapehīti. 2 Yu. sāmanti natthi. 3 Ma. pubbeva. 4 Ma. niganthaṁ
nāṭaputtaṁ.
Uttarāsaṅgena saṁmajjitvā 1 pariggahetvā nisīdāpeti sodāni yaṁ
tattha āsanaṁ aggañca seṭṭhañca uttamañca paṇītañca tattha
sāmaṁ nisīditvā niganthaṁ nāṭaputtaṁ etadavoca saṁvijjanti kho bhante
gahapati 2 āsanāni sace ākaṅkhasi nisīdāti. Evaṁ vutte nigantho
nāṭaputto upāliṁ gahapatiṁ etadavoca ummattosi tvaṁ gahapati
dattosi tvaṁ gahapati gacchāmahaṁ bhante samaṇassa gotamassa
vādaṁ āropessāmīti gantvāna mahatāsi 3 vādasaṅghāṭena paṭimukko
āgato seyyathāpi gahapati puriso aṇḍahārako gantvā ubbhatehi
aṇḍehi āgaccheyya seyyathā vā pana gahapati puriso akkhikahārako
gantvā ubbhatehi akkhīhi 4 āgaccheyya evameva kho tvaṁ
gahapati gacchāmahaṁ bhante samaṇassa gotamassa vādaṁ āropessāmīti
gantvā mahatāsi vādasaṅghāṭena paṭimukko āgato āvaṭṭo 5
khosi tvaṁ gahapati samaṇena gotamena āvaṭṭaniyā māyāyāti.

[80] Bhaddikā bhante āvaṭṭanī māyā kalyāṇī bhante
āvaṭṭanī māyā piyā me bhante ñātisālohitā imāya
āvaṭṭaniyā āvaṭṭeyyuṁ piyānampi me assa ñātisālohitānaṁ
dīgharattaṁ hitāya sukhāya sabbe cepi bhante khattiyā imāya
āvaṭṭaniyā āvaṭṭeyyuṁ sabbesānampissa khattiyānaṁ dīgharattaṁ
hitāya sukhāya sabbe cepi bhante brāhmaṇā .pe. Vessā
.pe. Suddā imāya āvaṭṭaniyā āvaṭṭeyyuṁ sabbesānampissa
1 Yu. pamajjitvā. Ma. sammajjitvā. 2 Ma. ayaṁ pāṭho natthi. 3 Ma. mahatāpi.
4 Ma. akkhehi. 5 Ma. āvaṭṭosi kho.
Suddānaṁ dīgharattaṁ hitāya sukhāya sadevako 1 cepi bhante loko
samārako sabrahmako sassamaṇabrāhmaṇī pajā sadevamanussā imāya
āvaṭṭaniyā āvaṭṭeyya 2 sadevakassapissa 3 lokassa samārakassa
sabrahmakassa sassamaṇabrāhmaṇiyā pajāya sadevamanussāya dīgharattaṁ
hitāya sukhāyāti 4 tenahi bhante upamaṁ te karissāmi upamāyapidhekacce
viññū purisā bhāsitassa atthaṁ jānanti 5 .

[81] Bhūtapubbaṁ bhante aññatarassa brāhmaṇassa jiṇṇassa
vuḍḍhassa mahallakassa daharā 6 māṇavikā pajāpatī ahosi gabbhinī
upavijaññā. Atha kho bhante sā māṇavikā taṁ brāhmaṇaṁ
etadavoca gaccha tvaṁ brāhmaṇa āpaṇā makkaṭacchāpakaṁ kīṇitvā
ānehi yo me kumārakassa kīḷāpanako bhavissatīti. Evaṁ vutte
bhante 7 so brāhmaṇo taṁ māṇavikaṁ etadavoca āgamehi tāva
bhoti yāva vijāyasi sace tvaṁ bhoti kumārakaṁ vijāyissasi tassā
te ahaṁ āpaṇā makkaṭacchāpakaṁ kīṇitvā ānissāmi yo te
kumārakassa kīḷāpanako bhavissati sace pana tvaṁ bhoti kumārikaṁ
vijāyissasi tassā te ahaṁ āpaṇā makkaṭacchāpikaṁ kīṇitvā
ānissāmi yā te kumārikāya kīḷāpanikā bhavissatīti. Dutiyampi
kho bhante sā māṇavikā taṁ brāhmaṇaṁ etadavoca gaccha tvaṁ
brāhmaṇa āpaṇā makkaṭacchāpakaṁ kīṇitvā ānehi yo me
kumārakassa kīḷāpanako bhavissatīti. Dutiyampi kho bhante so
1 Ma. sadevakopi ce. 2 Ma. āvaṭṭeyyuṁ. 3 Ma. pissāti natthi.
4 Yu. itisaddo natthi. 5 Yu. ājānanti. 6 Ma. daharimāṇavikā.
7 Ma. bhanteti ālapanapadaṁ natthi.
Brāhmaṇo taṁ māṇavikaṁ etadavoca āgamehi tāva bhoti yāva
vijāyasi sace tvaṁ bhoti kumārakaṁ vijāyissasi tassā te ahaṁ
āpaṇā makkaṭacchāpakaṁ kīṇitvā ānissāmi yo te kumārakassa
kīḷāpanako bhavissati sace pana tvaṁ bhoti kumārikaṁ vijāyissasi
tassā te ahaṁ āpaṇā makkaṭacchāpikaṁ kīṇitvā ānissāmi yā
te kumārikāya kīḷāpanikā bhavissatīti. Tatiyampi kho bhante sā
māṇavikā taṁ brāhmaṇaṁ etadavoca gaccha tvaṁ brāhmaṇa āpaṇā
makkaṭacchāpadaṁ kīṇitvā ānehi yo me kumārakassa kīḷāpanako
bhavissatīti. Atha kho bhante so brāhmaṇo tassā māṇavikāya
sāratto paṭibaddhacitto āpaṇā makkaṭacchāpakaṁ kīṇitvā
ānetvā taṁ māṇavikaṁ etadavoca ayaṁ te bhoti mayā 1 āpaṇā
makkaṭacchāpako kīṇitvā ānīto yo te kumārakassa kīḷāpanako
bhavissatīti. Evaṁ vutte bhante sā māṇavikā taṁ brāhmaṇaṁ
etadavoca gaccha tvaṁ brāhmaṇa imaṁ makkaṭacchāpakaṁ ādāya yena
rattapāṇī rajakaputto tenupasaṅkami 2 upasaṅkamitvā rattapāṇiṁ rajakaputtaṁ
evaṁ vadehi icchāmahaṁ samma rattapāṇi imaṁ makkaṭacchāpakaṁ
pītāvalepanaṁ nāma raṅgajātaṁ rajitaṁ 3 ākoṭṭitapaccākoṭṭitaṁ
ubhatobhāgavimaṭṭhanti. Atha kho bhante so brāhmaṇo tassā
māṇavikāya sāratto paṭibaddhacitto 4 makkaṭacchāpakaṁ ādāya yena
1 Ma. Yu. ayaṁ pāṭho natthi. 2 Yu. tenupasaṅkama. 3 Sī. Yu. rañjitaṁ.
4 Yu. tanti dissati.
Rattapāṇī rajakaputto tenupasaṅkami upasaṅkamitvā rattapāṇiṁ rajakaputtaṁ
etadavoca icchāmahaṁ samma rattapāṇi imaṁ makkaṭacchāpakaṁ
pītāvalepanaṁ nāma raṅgajātaṁ rajitaṁ ākoṭṭitapaccākoṭṭitaṁ
ubhatobhāgavimaṭṭhanti. Evaṁ vutte bhante rattapāṇī rajakaputto
taṁ brāhmaṇaṁ etadavoca ayaṁ kho te bhante makkaṭacchāpako
raṅgakkhamo hi kho no ākoṭṭanakkhamo no vimajjanakkhamoti.
Evameva kho bhante bālānaṁ niganthānaṁ vādo raṅgakkhamo hi kho
bālānaṁ no paṇḍitānaṁ no anuyogakkhamo no vimajjanakkhamo.
Atha kho bhante so brāhmaṇo aparena samayena navaṁ dussayugaṁ
ādāya yena rattapāṇī rajakaputto tenupasaṅkami upasaṅkamitvā
rattapāṇiṁ rajakaputtaṁ etadavoca icchāmahaṁ samma rattapāṇi
imaṁ navaṁ dussayugaṁ pītāvalepanaṁ nāma raṅgajātaṁ rajitaṁ ākoṭṭitapaccākoṭṭitaṁ
ubhatobhāgavimaṭṭhanti. Evaṁ vutte bhante rattapāṇī
rajakaputto 1 brāhmaṇaṁ etadavoca idaṁ kho te bhante navaṁ
dussayugaṁ raṅgakkhamañceva ākoṭṭanakkhamañca vimajjanakkhamañcāti.
Evameva kho bhante tassa bhagavato vādo arahato sammāsambuddhassa
raṅgakkhamo ceva paṇḍitānaṁ no bālānaṁ anuyogakkhamo ca
vimajjanakkhamo cāti. Sarājikā kho taṁ gahapati parisā evaṁ
jānāti upāli gahapati niganthassa nāṭaputtassa sāvakoti kassa
taṁ gahapati sāvakaṁ dhāremāti.
1 Ma. Yu. taṁ.

[82] Evaṁ vutte upāli gahapati uṭṭhāyāsanā ekaṁsaṁ
uttarāsaṅgaṁ karitvā yena bhagavā tenañjalimpaṇāmetvā niganthaṁ
nāṭaputtaṁ etadavoca tenahi bhante suṇohi yassāhaṁ sāvako 1
dhīrassa vigatamohassa 2 pabhinnakhīlassa 3 vijitavijayassa anighassa susamacittassa
buddhasīlassa sādhupaññassa vesamantarassa 4 vimalassa bhagavato
tassa sāvakohamasmi akathaṁkathissa tusitassa vantalokāmisassa muditassa
katasamaṇassa manujassa antimasarīrassa 5 narassa anopamassa
virajassa bhagavato tassa sāvakohamasmi asaṁsayassa kusalassa 6 venayikassa
sārathivarassa anuttarassa ruciradhammassa nikkaṅkhassa pabhāsakarassa 7
mānacchidassa vīrassa bhagavato tassa sāvakohamasmi nisabhassa appameyyassa
gambhīrassa monappattassa khemaṅkarassa vedassa 8 dhammaṭṭhassa
susaṁvutattassa 9 saṅgātigassa muttassa bhagavato tassa sāvakohamasmi
nāgassa pantasenassa khīṇasaññojanassa muttassa paṭimantakassa
monassa 10 pannadhajassa vītarāgassa dantassa nippapañcassa
bhagavato tassa sāvakohamasmi isisattamassa akuhassa tevijjassa
brahmasattassa 11 nhātakassa padakassa 12 passaddhassa viditavedassa
purindadassa sakkassa bhagavato tassa sāvakohamasmi ariyassa
bhāvitattassa pattipattassa veyyākaraṇassa satimato vipassissa
anabhiṇatassa no apaṇatassa ānejassa vasippattassa bhagavato tassa
1 Ma. sāvakoti. 2 Po. vītamohassa. 3 Ma. bhinnakhīlassa.
4 Sī. Yu. vessantarassa. 5 Ma. Yu. antimasārīrassa. 6 Sī. kalassa.
7 Ma. pabhāsakassa. 8 Sī. Ma. devassa. 9 Ma. Yu. saṁvutattassa.
10 Yu. dhonassa. 11 Ma. Yu. brahmapattassa. 12 Po. padakaraṇassa.
Sāvakohamasmi sammaggatassa jhāyissa ananugatantarassa suddhassa
asitassa appabhītassa 1 pavivittassa aggappattassa tiṇṇassa tārayantassa
bhagavato tassa sāvakohamasmi santassa bhūripaññassa
mahāpaññassa vītalobhassa tathāgatassa sugatassa appaṭipuggalassa
asamassa visāradassa nipuṇassa bhagavato tassa sāvakohamasmi
taṇhacchidassa 2 buddhassa vītadhūmassa anupalittassa āhuneyyassa
yakkhassa uttamapuggalassa atulassa mahato yasaggappattassa bhagavato
tassa sāvakohamasmīti.