[63] Ekamantaṁ nisinnaṁ kho dīghatapassiṁ niganthaṁ bhagavā etadavoca
kati pana tapassi nigantho nāṭaputto kammāni paññāpeti pāpassa
kammassa kiriyāya pāpassa kammassa pavattiyāti. Na kho
āvuso gotama āciṇṇaṁ niganthassa nāṭaputtassa kammaṁ kammanti
paññāpetuṁ daṇḍaṁ daṇḍanti kho āvuso gotama āciṇṇaṁ
niganthassa nāṭaputtassa paññāpetunti. Kati pana tapassi
nigantho nāṭaputto daṇḍāni paññāpeti pāpassa kammassa
kiriyāya pāpassa kammassa pavattiyāti. Tīṇi 2 āvuso gotama
1 Ma. upālisuttaṁ. 2 Ma. Yu. tīṇi kho āvuso.
Nigantho nāṭaputto daṇḍāni paññāpeti pāpassa kammassa
kiriyāya pāpassa kammassa pavattiyā 1 seyyathīdaṁ kāyadaṇḍaṁ
vacīdaṇḍaṁ manodaṇḍanti. Kiṁ pana tapassi aññadeva kāyadaṇḍaṁ
aññaṁ vacīdaṇḍaṁ aññaṁ manodaṇḍanti. Aññadeva āvuso
gotama kāyadaṇḍaṁ aññaṁ vacīdaṇḍaṁ aññaṁ manodaṇḍanti.
Imesaṁ pana tapassi tiṇṇaṁ daṇḍānaṁ evaṁ paṭivibhattānaṁ evaṁ
paṭivisiṭṭhānaṁ katamaṁ daṇḍaṁ nigantho nāṭaputto mahāsāvajjataraṁ
paññāpeti 2 pāpassa kammassa kiriyāya pāpassa kammassa pavattiyā
yadi vā kāyadaṇḍaṁ yadi vā vacīdaṇḍaṁ yadi vā manodaṇḍanti.
Imesaṁ kho āvuso gotama tiṇṇaṁ daṇḍānaṁ evaṁ paṭivibhattānaṁ
evaṁ paṭivisiṭṭhānaṁ kāyadaṇḍaṁ nigantho nāṭaputto mahāsāvajjataraṁ
paññāpeti pāpassa kammassa kiriyāya pāpassa kammassa pavattiyā
no tathā vacīdaṇḍaṁ no tathā manodaṇḍanti. Kāyadaṇḍanti
tapassi vadesi. Kāyadaṇḍanti āvuso gotama vadāmi. Kāyadaṇḍanti
tapassi vadesi. Kāyadaṇḍanti āvuso gotama vadāmi.
Kāyadaṇḍanti tapassi vadesi. Kāyadaṇḍanti āvuso gotama
vadāmīti. Itiha bhagavā dīghatapassiṁ niganthaṁ imasmiṁ kathāvatthusmiṁ
yāvatatiyakaṁ 3 patiṭṭhāpesi.

[64] Evaṁ vutte dīghatapassī nigantho bhagavantaṁ etadavoca
tvaṁ panāvuso gotama kati daṇḍāni paññāpesi pāpassa kammassa
1 Ma. pavattiyāti. 2 Ma. paññapeti. 3 Ma. yāvatatiyakampi.
Kiriyāya pāpassa kammassa pavattiyāti. Na kho tapassi āciṇṇaṁ
tathāgatassa daṇḍaṁ daṇḍanti paññāpetuṁ kammaṁ kammanti kho
tapassi āciṇṇaṁ tathāgatassa paññāpetunti. Tvaṁ panāvuso
gotama kati kammāni paññāpesi pāpassa kammassa kiriyāya
pāpassa kammassa pavattiyāti. Tīṇi kho ahaṁ tapassi kammāni
paññāpemi pāpassa kammassa kiriyāya pāpassa kammassa pavattiyā
seyyathīdaṁ kāyakammaṁ vacīkammaṁ manokammanti. Kiṁ panāvuso gotama
aññadeva kāyakammaṁ aññaṁ vacīkammaṁ aññaṁ manokammanti.
Aññadeva tapassi kāyakammaṁ aññaṁ vacīkammaṁ aññaṁ manokammanti.
Imesaṁ panāvuso gotama tiṇṇaṁ kammānaṁ evaṁ paṭivibhattānaṁ evaṁ
paṭivisiṭṭhānaṁ katamaṁ kammaṁ mahāsāvajjataraṁ paññāpesi pāpassa
kammassa kiriyāya pāpassa kammassa pavattiyā yadi vā kāyakammaṁ
yadi vā vacīkammaṁ yadi vā manokammanti. Imesaṁ kho ahaṁ
tapassi tiṇṇaṁ kammānaṁ evaṁ paṭivibhattānaṁ evaṁ paṭivisiṭṭhānaṁ
manokammaṁ mahāsāvajjataraṁ paññāpemi pāpassa kammassa kiriyāya
pāpassa kammassa pavattiyā no tathā kāyakammaṁ no tathā
vacīkammanti. Manokammanti āvuso gotama vadesi. Mano
kammanti tapassi vadāmi .pe. Manokammanti āvuso gotama
vadesi. Manokammanti tapassi vadāmīti. Itiha dīghatapassī
nigantho bhagavantaṁ imasmiṁ kathāvatthusmiṁ yāvatatiyakaṁ patiṭṭhāpetvā
Uṭṭhāyāsanā yena nigantho nāṭaputto tenupasaṅkami.

[65] Tena kho pana samayena nigantho nāṭaputto mahatiyā 1
gihiparisāya saddhiṁ nisinno hoti bālakiniyā 2 upālippamukhāya.
Addasā kho nigantho nāṭaputto dīghatapassiṁ niganthaṁ dūratova
āgacchantaṁ disvāna dīghatapassiṁ niganthaṁ etadavoca handa kuto
nu tvaṁ tapassi āgacchasi divādivassāti. Ito hi kho ahaṁ
bhante āgacchāmi samaṇassa gotamassa santikāti. Ahu pana
te tapassi samaṇena gotamena saddhiṁ kocideva kathāsallāpoti.
Ahu kho me bhante samaṇena gotamena saddhiṁ kocideva
kathāsallāpoti. Yathākathaṁ pana te tapassi ahu samaṇena gotamena
saddhiṁ kocideva kathāsallāpoti. Atha kho dīghatapassī nigantho
yāvatako ahosi bhagavatā saddhiṁ kathāsallāpo taṁ sabbaṁ niganthassa
nāṭaputtassa ārocesi. Evaṁ vutte nigantho nāṭaputto
dīghatapassiṁ niganthaṁ etadavoca sādhu sādhu tapassi yathā taṁ sutavatā
sāvakena sammadeva satthu sāsanaṁ ājānantena evameva 3 dīghatapassinā
niganthena samaṇassa gotamassa byākataṁ kiñhi sobhati
chavo manodaṇḍo imassa evaṁ oḷārikassa kāyadaṇḍassa upanidhāya
atha kho kāyadaṇḍova mahāsāvajjataro pāpassa kammassa kiriyāya
pāpassa kammassa pavattiyā no tathā vacīdaṇḍo no tathā
manodaṇḍoti.
1 Yu. mahatiyā mahatiyā. 2 Ma. parisāya. 3 Yu. evamevaṁ.

[66] Evaṁ vutte upāli gahapati niganthaṁ nāṭaputtaṁ etadavoca
sādhu sādhu bhante dīghatapassī yathā taṁ sutavatā sāvakena sammadeva
satthu sāsanaṁ ājānantena evameva 1 bhadantena dīghatapassinā
samaṇassa gotamassa byākataṁ kiñhi sobhati chavo manodaṇḍo
imassa evaṁ oḷārikassa kāyadaṇḍassa upanidhāya atha kho
kāyadaṇḍova mahāsāvajjataro pāpassa kammassa kiriyāya pāpassa
kammassa pavattiyā no tathā vacīdaṇḍo no tathā manodaṇḍo
handa cāhaṁ bhante gacchāmi samaṇassa gotamassa
imasmiṁ kathāvatthusmiṁ vādaṁ āropessāmi sace me samaṇo
gotamo tathā patiṭṭhahissati yathā bhadantena tapassinā patiṭṭhāpitaṁ
seyyathāpi nāma balavā puriso dīghalomikaṁ eḷakaṁ lomesu gahetvā
ākaḍḍheyya parikaḍḍheyya samparikaḍḍheyya evamevāhaṁ samaṇaṁ
gotamaṁ vādena vādaṁ ākaḍḍhissāmi parikaḍḍhissāmi samparikaḍḍhissāmi
seyyathāpi nāma balavā puriso soṇḍikākammakāro 2
mahantaṁ soṇḍikākilañjaṁ 3 gambhīre udakarahade pakkhipitvā kaṇṇe
gahetvā ākaḍḍheyya parikaḍḍheyya samparikaḍḍheyya evamevāhaṁ
samaṇaṁ gotamaṁ vādena vādaṁ ākaḍḍhissāmi parikaḍḍhissāmi
samparikaḍḍhissāmi seyyathāpi nāma balavā puriso soṇḍikādhutto
thālaṁ 4 kaṇṇe gahetvā odhuneyya niddhuneyya nippoṭheyya 5
evamevāhaṁ samaṇaṁ gotamaṁ vādena vādaṁ odhunissāmi niddhunissāmi
1 Ma. Yu. evamevaṁ. 2 Po. soṇḍikakammaṁ karonto. Ma. Yu. balavā soṇḍikākammakaro.
3 Po. soṇḍikaṁ kilañjaṁ. 4 Po. Yu. vālaṁ. 5 Yu. nicchādeyya.
Nippoṭhessāmi 1 seyyathāpi nāma kuñjaro saṭṭhihāyano gambhīraṁ
pokkharaṇiṁ ogāhetvā sāṇadhovikaṁ nāma kīḷitajātaṁ kīḷati
evamevāhaṁ samaṇaṁ gotamaṁ sāṇadhovikaṁ 2 maññe kīḷitajātaṁ kīḷissāmi
handa cāhaṁ bhante gacchāmi samaṇassa gotamassa imasmiṁ kathāvatthusmiṁ
vādaṁ āropessāmīti. Gaccha tvaṁ gahapati samaṇassa
gotamassa imasmiṁ kathāvatthusmiṁ vādaṁ āropehi ahaṁ vā gahapati
samaṇassa gotamassa vādaṁ āropeyyaṁ dīghatapassī vā nigantho
tvaṁ vāti.

[67] Evaṁ vutte dīghatapassī nigantho niganthaṁ nāṭaputtaṁ
etadavoca na kho me taṁ bhante ruccati yaṁ upāli gahapati
samaṇassa gotamassa vādaṁ āropeyya samaṇo hi bhante gotamo
māyāvī āvaṭṭaniṁ māyaṁ jānāti yāya aññatitthiyānaṁ sāvake
āvaṭṭetīti. Aṭṭhānaṁ kho etaṁ tapassi anavakāso yaṁ upāli
gahapati samaṇassa gotamassa sāvakattaṁ upagaccheyya ṭhānañca
kho etaṁ vijjati yaṁ samaṇo gotamo upālissa gahapatissa
sāvakattaṁ upagaccheyya gaccha tvaṁ gahapati samaṇassa gotamassa
imasmiṁ kathāvatthusmiṁ vādaṁ āropehi ahaṁ vā 3 gahapati samaṇassa
gotamassa vādaṁ āropeyyaṁ dīghatapassī vā nigantho tvaṁ vāti.
Dutiyampi kho dīghatapassī nigantho niganthaṁ nāṭaputtaṁ etadavoca na
kho me taṁ bhante ruccati yaṁ upāli gahapati samaṇassa gotamassa
1 Yu. nicachādessāmi. 2 Po. sāṇadhovikaññeva. maññeti padaṁ natthi.
3 Ma. Yu. ahaṁ vā hi.
Vādaṁ āropeyya samaṇo hi bhante gotamo māyāvī āvaṭṭaniṁ
māyaṁ jānāti yāya aññatitthiyānaṁ sāvake āvaṭṭetīti.
Aṭṭhānaṁ kho etaṁ tapassi anavakāso yaṁ upāli gahapati samaṇassa
gotamassa sāvakattaṁ upagaccheyya ṭhānañca kho etaṁ vijjati
yaṁ samaṇo gotamo upālissa gahapatissa sāvakattaṁ upagaccheyya
gaccha tvaṁ gahapati samaṇassa gotamassa imasmiṁ kathāvatthusmiṁ vādaṁ
āropehi ahaṁ vā gahapati samaṇassa gotamassa vādaṁ āropeyyaṁ
dīghatapassī vā nigantho tvaṁ vāti. Tatiyampi kho dīghatapassī
nigantho niganthaṁ nāṭaputtaṁ etadavoca na kho me taṁ bhante ruccati
yaṁ upāli gahapati samaṇassa gotamassa vādaṁ āropeyya samaṇo
hi bhante gotamo māyāvī āvaṭṭaniṁ māyaṁ jānāti yāya
aññatitthiyānaṁ sāvake āvaṭṭetīti. Aṭṭhānaṁ kho etaṁ tapassi
anavakāso yaṁ upāli gahapati samaṇassa gotamassa sāvakattaṁ
upagaccheyya ṭhānañca kho etaṁ vijjati yaṁ samaṇo gotamo
upālissa gahapatissa sāvakattaṁ upagaccheyya gaccha tvaṁ gahapati
samaṇassa gotamassa imasmiṁ kathāvatthusmiṁ vādaṁ āropehi ahaṁ
vā 1 gahapati samaṇassa gotamassa vādaṁ āropeyyaṁ dīghatapassī
vā nigantho tvaṁ vāti.

[68] Evaṁ bhanteti kho upāli gahapati niganthassa nāṭaputtassa
paṭissutvā uṭṭhāyāsanā niganthaṁ nāṭaputtaṁ abhivādetvā padakkhiṇaṁ
1 Ma. Yu. ahaṁ vā hi.
Katvā yena pāvārikambavanaṁ yena bhagavā tenupasaṅkami upasaṅkamitvā
bhagavantaṁ abhivādetvā ekamantaṁ nisīdi. Ekamantaṁ nisinno kho
upāli gahapati bhagavantaṁ etadavoca āgamā nu khvidha bhante
dīghatapassī niganthoti. Āgamā khvidha gahapati dīghatapassī niganthoti.
Ahu 1 pana te bhante dīghatapassinā niganthena saddhiṁ kocideva
kathāsallāpoti. Ahu kho me gahapati dīghatapassinā niganthena
saddhiṁ kocideva kathāsallāpoti. Yathākathaṁ pana te bhante ahu
dīghatapassinā niganthena saddhiṁ kocideva kathāsallāpoti. Atha kho
bhagavā yāvatako ahosi dīghatapassinā niganthena saddhiṁ kathāsallāpo
taṁ sabbaṁ upālissa gahapatissa ārocesīti 2 . Evaṁ vutte upāli
gahapati bhagavantaṁ etadavoca sādhu sādhu bhante dīghatapassī 3 yathā
taṁ sutavatā sāvakena sammadeva satthu sāsanaṁ ājānantena evameva 4
dīghatapassinā niganthena bhagavato byākataṁ kiñhi sobhati chavo
manodaṇḍo imassa evaṁ oḷārikassa kāyadaṇḍassa upanidhāya
atha kho kāyadaṇḍova mahāsāvajjataro pāpassa kammassa kiriyāya
pāpassa kammassa pavattiyā no tathā vacīdaṇḍo no tathā
manodaṇḍoti. Sace kho tvaṁ gahapati sacce patiṭṭhāya manteyyāsi
siyā no ettha kathāsallāpoti. Sacce ahaṁ bhante patiṭṭhāya
mantessāmi hotu no ettha kathāsallāpoti.

[69] Taṁ kiṁ maññasi gahapati idhassa 5 nigantho ābādhiko
1 Ma. ahu kho pana. 2 Yu. iti saddo natthi. 3 Yu. tapassī.
4 Ma. Yu. evaṁmevaṁ. 5 Ma. idhāssa.
Dukkhito bāḷhagilāno sītodakapaṭikkhitto uṇhodakapaṭisevī so
sītodakaṁ alabhamāno kālaṁ kareyya imassa 1 pana gahapati
nigantho nāṭaputto katthupapattiṁ paññāpetīti. Atthi bhante
manosattā nāma devā tattha so uppajjati 2 taṁ kissa hetu
asu 3 hi bhante manopaṭibaddho kālaṁ karotīti. Gahapati gahapati 4
manasikarohi 5 manasikaritvā kho tvaṁ gahapati byākarohi na kho
te sandhiyati purimena vā pacchimaṁ pacchimena vā purimaṁ bhāsitā
kho pana te gahapati esā vācā sacce ahaṁ bhante patiṭṭhāya
mantessāmi 6 hotu no ettha kathāsallāpoti. Kiñcāpi bhante
bhagavā evamāha atha kho kāyadaṇḍova mahāsāvajjataro pāpassa
kammassa kiriyāya pāpassa kammassa pavattiyā no tathā vacīdaṇḍo
no tathā manodaṇḍoti.

[70] Taṁ kiṁ maññasi gahapati idhassa nigantho 7 cātuyāmasaṁvarasaṁvuto
sabbavārivārito sabbavāriyutto sabbavāridhuto sabbavāriphuṭṭho
so abhikkamanto paṭikkamanto bahū khuddake pāṇe
saṅghāṭaṁ āpādeti imassa pana gahapati nigantho nāṭaputto kiṁ 8
vipākaṁ paññāpetīti. Asañcetanikaṁ bhante nigantho nāṭaputto
no mahāsāvajjaṁ paññāpetīti. Sace pana gahapati cetetīti.
Mahāsāvajjaṁ bhante hotīti. Cetanaṁ pana gahapati nigantho
nāṭaputto kismiṁ paññāpetīti. Manodaṇḍasmiṁ pana bhanteti.
1 Ma. idhāssa. 2 Po. upapajjati. 3 Ma. amu hi. 4 Ma. dutiyālapanaṁ natthi.
5 Yu. ayaṁ pāṭho natthi. 6 Ma. manteyyāmi.
7 Ma. etthantare nāṭaputtoti dissati. 8 Ma. Yu. kaṁ vipākaṁ.
Gahapati gahapati manasikarohi manasikaritvā kho gahapati byākarohi
na kho te sandhiyati purimena vā pacchimaṁ pacchimena vā purimaṁ
bhāsitā kho pana te gahapati esā vācā sacce ahaṁ bhante
patiṭṭhāya mantessāmi hotu no ettha kathāsallāpoti.
Kiñcāpi bhante bhagavā evamāha atha kho kāyadaṇḍova mahāsāvajjataro
pāpassa kammassa kiriyāya pāpassa kammassa pavattiyā
no tathā vacīdaṇḍo no tathā manodaṇḍoti. Taṁ kiṁ maññasi
gahapati ayaṁ nāḷandā iddhā ceva phītā ca bahujanā ākiṇṇamanussāti.
Evaṁ 1 bhante ayaṁ nāḷandā iddhā ceva phītā ca
bahujanā ākiṇṇamanussāti. Taṁ kiṁ maññesi gahapati idha
puriso āgaccheyya ukkhittāsiko so evaṁ vadeyya ahaṁ
yāvatikā imissā nāḷandāya pāṇā te ekena khaṇena ekena
muhuttena ekammaṁsakhalaṁ 2 ekammaṁsapuñjaṁ karissāmīti. Taṁ kiṁ maññasi
gahapati pahoti nu kho so puriso yāvatikā imissā nāḷandāya
pāṇā te ekena khaṇena ekena muhuttena ekammaṁsakhalaṁ
ekammaṁsapuñjaṁ kātunti. Dasapi 3 bhante purisā vīsampi bhante
purisā tiṁsampi bhante purisā cattāḷīsampi bhante purisā paññāsampi
bhante purisā nappahonti yāvatikā imissā nāḷandāya pāṇā
te ekena khaṇena ekena muhuttena ekammaṁsakhalaṁ ekammaṁsapuñjaṁ
kātuṁ kiñhi sobhati eko chavo purisoti. Taṁ kiṁ maññasi
1 Ma. evaṁ ..ṃanussāti ime pāṭhā natthi. 2 Yu. ekamaṁsakhalaṁ. 3 Ma. dasampi.
Gahapati idhāgaccheyya samaṇo vā brāhmaṇo vā iddhimā
cetovasippatto so evaṁ vadeyya ahaṁ imaṁ nāḷandaṁ ekena
manopadosena bhasmaṁ karissāmīti. Taṁ kiṁ maññasi gahapati
pahoti nu kho so samaṇo vā brāhmaṇo vā iddhimā cetovasippatto
imaṁ nāḷandaṁ ekena manopadosena bhasmaṁ kātunti.
Dasapi bhante 1 nāḷandā vīsampi bhante nāḷandā tiṁsampi bhante
nāḷandā cattāḷīsampi bhante nāḷandā paññāsampi bhante
nāḷandā pahoti so samaṇo vā brāhmaṇo vā iddhimā
cetovasippatto imaṁ nāḷandaṁ 2 ekena manopadosena bhasmaṁ kātuṁ
kiñhi sobhati ekā chavā nāḷandāti. Gahapati 3 gahapati manasikarohi
namasikaritvā kho tvaṁ gahapati byākarohi na kho te sandhiyati
purimena vā pacchimaṁ pacchimena vā purimaṁ bhāsitā kho pana te
gahapati esā vācā sacce ahaṁ bhante patiṭṭhāya mantessāmi 4
hotu no ettha kathāsallāpoti. Kiñcāpi bhante bhagavā
evamāha atha kho kāyadaṇḍova mahāsāvajjataro pāpassa kammassa
kiriyāya pāpassa kammassa pavattiyā no tathā vacīdaṇḍo no
tathā manodaṇḍoti. Taṁ kiṁ maññasi gahapati sutante daṇḍakīraññaṁ 5
kāliṅgāraññaṁ 6 mejjhāraññaṁ 7 mātaṅgāraññaṁ araññaṁ
araññabhūtanti. Evaṁ bhante sutaṁ me daṇḍakīraññaṁ kāliṅgāraññaṁ
mejjhāraññaṁ mātaṅgāraññaṁ araññaṁ araññabhūtanti.
1 Ma. idheva ekālapanameva atthi. 2 Ma. Yu. imaṁ nāḷandanti dve pāṭhā natthi.
3 Ma. tenahi gahapati. dutiyālapanaṁ natthi. 4 Ma. manteyyāmi. 5 Yu. daṇḍakāraññaṁ.
6 Ma. kaliṅgaraññaṁ. 7 Ma. majjharaññaṁ.
Taṁ kiṁ maññasi gahapati kinti te sutaṁ kena 1 taṁ daṇḍakīraññaṁ
kāliṅgāraññaṁ mejjhāraññaṁ mātaṅgāraññaṁ araññaṁ araññabhūtanti.
Sutaṁ metaṁ bhante isīnaṁ manopadosena taṁ daṇḍakīraññaṁ
kāliṅgāraññaṁ mejjhāraññaṁ mātaṅgāraññaṁ araññaṁ araññabhūtanti.
Gahapati 2 gahapati 3 manasikarohi manasikaritvā kho tvaṁ
gahapati byākarohi na kho te sandhiyati purimena vā pacchimaṁ
pacchimena vā purimaṁ bhāsitā kho pana te gahapati esā vācā
sacce ahaṁ bhante patiṭṭhāya mantessāmi 4 hotu no ettha
kathāsallāpoti.

[71] Purimenāhaṁ 5 bhante opammena bhagavato attamano abhiraddho
apicāhaṁ imāni bhagavato vicittāni pañhāpaṭibhāṇāni sotukāmo
evāhaṁ bhagavantaṁ paccanīkātabbaṁ avamaññissaṁ abhikkantaṁ bhante
abhikkantaṁ bhante seyyathāpi bhante nikkujjitaṁ vā ukkujjeyya
paṭicchannaṁ vā vivareyya mūḷhassa vā maggaṁ ācikkheyya andhakāre
vā telapajjotaṁ dhāreyya cakkhumanto rūpāni dakkhantīti 6 evameva 7
bhagavatā anekapariyāyena dhammo pakāsito esāhaṁ bhante bhagavantaṁ
saraṇaṁ gacchāmi dhammañca bhikkhusaṅghañca upāsakaṁ maṁ bhagavā
dhāretu ajjatagge pāṇupetaṁ saraṇaṅgatanti 8 .

[72] Anuviccakāraṁ kho gahapati karohi anuviccakāro tumhādisānaṁ
1 Ma. sutaṁ. 2 Ma. tenahi gahapati. 3 Ma. dutiyālapanaṁ natthi.
4 Ma. manteyyāmi. 5 Yu. purimenevāhanti dissati. Ma. purimenavāhaṁ.
6 Yu. dakkhintīti. 7 Yu. evamevaṁ. 8 Sī. saraṇagataṁ.
Disānaṁ ñātamanussānaṁ sādhu hotīti. Imināpāhaṁ 1 bhante bhagavato
bhiyyoso mattāya attamano abhiraddho yaṁ maṁ bhagavā evamāha
anuviccakāraṁ kho gahapati karohi anuviccakāro tumhādisānaṁ ñātamanussānaṁ
sādhu hotīti maṁ hi bhante aññatitthiyā sāvakaṁ labhitvā
kevalakappaṁ nāḷandaṁ paṭākaṁ parihareyyuṁ upāli amhākaṁ gahapati
sāvakattaṁ upagatoti atha ca pana maṁ bhagavā evamāha anuviccakāraṁ
kho gahapati karohi anuviccakāro hi 2 tumhādisānaṁ
ñātamanussānaṁ sādhu hotīti esāhaṁ bhante dutiyampi bhagavantaṁ
saraṇaṁ gacchāmi dhammañca bhikkhusaṅghañca upāsakaṁ maṁ bhagavā
dhāretu ajjatagge pāṇupetaṁ saraṇaṅgatanti.