[43] Agiddhilobhaṁ nissāya giddhilobho pahātabboti iti kho
panetaṁ vuttaṁ kiñcetaṁ paṭicca vuttaṁ idha gahapati ariyasāvako
iti paṭisañcikkhati yesaṁ kho ahaṁ saññojanānaṁ hetu giddhilobhī
assaṁ tesāhaṁ saññojanānaṁ pahānāya samucchedāya paṭipanno
ahañceva kho pana giddhilobhī assaṁ attāpi maṁ upavadeyya
giddhilobhapaccayā anuvicca viññū garaheyyuṁ giddhilobhapaccayā
kāyassa bhedā parammaraṇā duggati pāṭikaṅkhā giddhilobhapaccayā
etadeva kho pana saññojanaṁ etaṁ nīvaraṇaṁ yadidaṁ giddhilobho
ye ca giddhilobhapaccayā uppajjeyyuṁ āsavā vighātapariḷāhā
agiddhilobhissa 2 evaṁsa te āsavā vighātapariḷāhā na honti
agiddhilobhaṁ nissāya giddhilobho pahātabboti iti yantaṁ vuttaṁ
idametaṁ paṭicca vuttaṁ.

[44] Anindārosaṁ nissāya nindāroso pahātabboti iti
1 Yu. pisuṇāvācāpaccayā. ito paraṁ īdisameva. 2 Ma. giddhilobhāpaṭiviratassa.
Kho panetaṁ vuttaṁ kiñcetaṁ paṭicca vuttaṁ idha gahapati ariyasāvako
iti paṭisañcikkhati yesaṁ kho ahaṁ saññojanānaṁ hetu nindārosī 1
assaṁ tesāhaṁ saññojanānaṁ pahānāya samucchedāya paṭipanno
ahañceva kho pana nindārosī assaṁ attāpi maṁ upavadeyya
nindārosapaccayā anuvicca viññū garaheyyuṁ nindārosapaccayā
kāyassa bhedā parammaraṇā duggati pāṭikaṅkhā nindārosapaccayā
etadeva kho pana saññojanaṁ etaṁ nīvaraṇaṁ yadidaṁ nindāroso
ye ca nindārosapaccayā uppajjeyyuṁ āsavā vighātapariḷāhā
anindārosissa evaṁsa te āsavā vighātapariḷāhā na honti
anindārosaṁ nissāya nindāroso pahātabboti iti yantaṁ vuttaṁ
idametaṁ paṭicca vuttaṁ.

[45] Akodhupāyāsaṁ nissāya kodhupāyāso pahātabboti iti
kho panetaṁ vuttaṁ kiñcetaṁ paṭicca vuttaṁ idha gahapati ariyasāvako
iti paṭisañcikkhati yesaṁ kho ahaṁ saññojanānaṁ hetu kodhupāyāsī
assaṁ tesāhaṁ saññojanānaṁ pahānāya samucchedāya paṭipanno
ahañceva kho pana kodhupāyāsī assaṁ attāpi maṁ upavadeyya
kodhupāyāsapaccayā anuvicca viññū garaheyyuṁ kodhupāyāsapaccayā
kāyassa bhedā parammaraṇā duggati pāṭikaṅkhā kodhupāyāsapaccayā
etadeva kho pana saññojanaṁ etaṁ nīvaraṇaṁ yadidaṁ kodhupāyāso
ye ca kodhupāyāsapaccayā uppajjeyyuṁ āsavā vighātapariḷāhā
1 Po. ..ḍosī ..ḍoso.
Akodhupāyāsissa evaṁsa te āsavā vighātapariḷāhā na honti
akodhupāyāsaṁ nissāya kodhupāyāso pahātabboti iti yantaṁ vuttaṁ
idametaṁ paṭicca vuttaṁ.

[46] Anatimānaṁ nissāya atimāno pahātabboti iti kho
panetaṁ vuttaṁ kiñcetaṁ paṭicca vuttaṁ idha gahapati ariyasāvako
iti paṭisañcikkhati yesaṁ kho ahaṁ saññojanānaṁ hetu atimānī
assaṁ tesāhaṁ saññojanānaṁ pahānāya samucchedāya paṭipanno
ahañceva kho pana atimānī assaṁ attāpi maṁ upavadeyya
atimānapaccayā anuvicca viññū garaheyyuṁ atimānapaccayā kāyassa
bhedā parammaraṇā duggati pāṭikaṅkhā atimānapaccayā etadeva
kho pana saññojanaṁ etaṁ nīvaraṇaṁ yadidaṁ atimāno ye ca
atimānapaccayā uppajjeyyuṁ āsavā vighātapariḷāhā anatimānissa
evaṁsa te āsavā vighātapariḷāhā na honti anatimānaṁ nissāya
atimāno pahātabboti iti yantaṁ vuttaṁ idametaṁ paṭicca vuttaṁ.
Ime kho gahapati aṭṭha dhammā saṅkhittena vuttā vitthārena
avibhattā ye ariyassa vinaye pahānāya 1 vohārasamucchedāya saṁvattanti
na tveva tāva gahapati ariyassa vinaye sabbena sabbaṁ sabbathā
sabbaṁ vohārassa samucchedo hotīti. Yathākathaṁ pana bhante
ariyassa vinaye sabbena sabbaṁ sabbathā sabbaṁ vohārasamucchedo
hoti sādhu me bhante bhagavā tathā dhammaṁ desetu yathā
1 Po. ayaṁ pāṭho natthi.
Ariyassa vinaye sabbena sabbaṁ sabbathā sabbaṁ vohārassa samucchedo
hotīti. Tenahi gahapati suṇāhi sādhukaṁ manasikarohi bhāsissāmīti.
Evaṁ bhanteti kho potaliyo gahapati bhagavato paccassosi.

[47] Bhagavā etadavoca seyyathāpi gahapati kukkuro jighacchā-
dubbalyapareto goghātakasūnaṁ 1 paccupaṭṭhito assa tamenaṁ dakkho
goghātako vā goghātakantevāsī vā aṭṭhikaṅkalaṁ sunikantaṁ nikantaṁ
nimmaṁsaṁ lohitamakkhitaṁ upacchūbheyya taṁ kiṁ maññasi gahapati api nu 2
so kukkuro amuṁ aṭṭhikaṅkalaṁ sunikantaṁ nikantaṁ nimmaṁsaṁ lohitamakkhitaṁ
palehanto 3 jighacchādubbalyaṁ paṭivineyyāti. No hetaṁ bhante
taṁ kissa hetu aduṁ hi bhante aṭṭhikaṅkalaṁ sunikantaṁ nikantaṁ
nimmaṁsaṁ lohitamakkhitaṁ yāvadeva ca pana so kukkuro kilamathassa
vighātassa bhāgī assāti. Evameva kho gahapati ariyasāvako
iti paṭisañcikkhati aṭṭhikaṅkalūpamā kāmā vuttā bhagavatā
bahudukkhā bahūpāyāsā ādīnavo ettha bhiyyoti evametaṁ yathābhūtaṁ
sammappaññāya disvā yāyaṁ upekkhā nānattā nānattasitā
taṁ abhinivajjetvā yāyaṁ upekkhā ekattā ekattasitā yattha
sabbaso lokāmisupādānā aparisesā nirujjhanti tameva upekkhaṁ
bhāveti.

[48] Seyyathāpi gahapati gijjho vā kaṅkho vā 4 kulalo vā
1 Po. goghātakulānaṁ. 2 Ma. api nu kho so. 3 Sī. Yu. palikhādanto.
4 Ma. Yu. kaṅko vā.
Maṁsapesimādāya uḍḍayeyya tamenaṁ gijjhāpi kaṅkhāpi kulalāpi
anupatitvā anupatitvā vitaccheyyuṁ 1 virājeyyuṁ taṁ kiṁ maññasi gahapati
sace so gijjho vā kaṅkho vā kulalo vā taṁ maṁsapesiṁ na
khippameva paṭinissajjeyya so tatonidānaṁ maraṇaṁ vā niggaccheyya
maraṇamattaṁ vā dukkhanti. Evaṁ bhante. Evameva kho gahapati
ariyasāvako iti paṭisañcikkhati maṁsapesūpamā kāmā vuttā bhagavatā
bahudukkhā bahūpāyāsā ādīnavo ettha bhiyyoti evametaṁ yathābhūtaṁ
sammappaññāya disvā yāyaṁ upekkhā nānattā nānattasitā taṁ
abhinivajjetvā yāyaṁ upekkhā ekattā ekattasitā yattha sabbaso
lokāmisupādānā aparisesā nirujjhanti tameva upekkhaṁ bhāveti.

[49] Seyyathāpi gahapati puriso ādittaṁ tiṇukkaṁ ādāya
pativātaṁ gaccheyya taṁ kiṁ maññasi gahapati sace so puriso
taṁ ādittaṁ tiṇukkaṁ na khippameva paṭinissajjeyya tassa sā
ādittā tiṇukkā hatthaṁ vā ḍaheyya bāhuṁ vā ḍaheyya aññataraṁ
vā aññataraṁ 2 vā aṅgapaccaṅgaṁ vā 3 ḍaheyya so tatonidānaṁ
maraṇaṁ vā nigaccheyya maraṇamattaṁ vā dukkhanti. Evaṁ bhante.
Evameva kho gahapati ariyasāvako iti paṭisañcikkhati tiṇukkūpamā
kāmā vuttā bhagavatā bahudukkhā bahūpāyāsā ādīnavo ettha
bhiyyoti evametaṁ yathābhūtaṁ sammappaññāya disvā .pe. Tameva
upekkhaṁ bhāveti.
1 Ma. visajjeyyuṁ. 2 Yu. ekapadameva dissati. 3 Yu. ayaṁ saddo natthi.

[50] Seyyathāpi gahapati aṅgārakāsu sādhikaporisā pūrā
aṅgārānaṁ vītaccikānaṁ vītadhūmānaṁ atha puriso āgaccheyya jīvitukāmo
amaritukāmo sukhakāmo dukkhapaṭikkūlo tamenaṁ dve balavanto
purisā nānābāhāsu gahetvā aṅgārakāsuṁ upakaḍḍheyyuṁ taṁ kiṁ
maññasi gahapati api nu so puriso iti cīti ceva kāyaṁ sannāmeyyāti 1 .
No 2 hetaṁ bhante taṁ kissa hetu viditaṁ hi bhante
tassa purisassa imañca 3 ahaṁ aṅgārakāsuṁ papatissāmi tatonidānaṁ
maraṇaṁ vā niggacchissāmi 4 maraṇamattaṁ vā dukkhanti. Evameva
kho gahapati ariyasāvako iti paṭisañcikkhati aṅgārakāsūpamā
kāmā vuttā bhagavatā bahudukkhā bahūpāyāsā ādīnavo ettha
bhiyyoti evametaṁ yathābhūtaṁ sammappaññāya disvā .pe. Tameva
upekkhaṁ bhāveti.

[51] Seyyathāpi gahapati puriso supinakaṁ passeyya
ārāmarāmaṇeyyakaṁ vanarāmaṇeyyakaṁ bhūmirāmaṇeyyakaṁ pokkharaṇirāmaṇeyyakaṁ
so paṭibuddho na kiñci passeyya 5 evameva kho gahapati
ariyasāvako iti paṭisañcikkhati supinakūpamā kāmā vuttā bhagavatā
bahudukkhā bahūpāyāsā ādīnavo ettha bhiyyoti .pe. Tameva
upekkhaṁ bhāveti.

[52] Seyyathāpi gahapati puriso yācitakaṁ bhogaṁ yācitvā yānaṁ
oropeyya 6 pavaramaṇikuṇḍalaṁ so tehi yācitakehi bhogehi purakkhato
1 Ma. panāmeyya. 2 Po. Ma. Yu. evaṁ bhante. 3 Yu. imañce.
4 Yu. nigacchāmi. 5 Ma. paṭipasseyya. 6 Ma. yānaṁ vā poroseyyaṁ.
Parivuto antarāpaṇaṁ paṭipajjeyya tamenaṁ jano disvā evaṁ
vadeyya bhogī vata bho puriso evaṁ kira bhogino bhogāni
bhuñjantīti tamenaṁ sāmikā 1 yattha yattheva passeyyuṁ tattha
tattheva sāmikā sāni 2 hareyyuṁ taṁ kiṁ maññasi gahapati alaṁ nu
kho tassa purisassa aññathattāyāti. No 3 hetaṁ bhante taṁ
kissa hetu sāmino hi bhante sāni harantīti. Evameva kho
gahapati ariyasāvako iti paṭisañcikkhati yācitakūpamā kāmā
vuttā bhagavatā bahudukkhā bahūpāyāsā ādīnavo ettha bhiyyoti
.pe. Tameva upekkhaṁ bhāveti.