[42] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena āyasmato
udāyissa purāṇadutiyikā bhikkhunīsu pabbajitā hoti. Sā bhikkhunī 1
āyasmato udāyissa santike abhikkhaṇaṁ āgacchati. Āyasmāpi
udāyi 2 tassā bhikkhuniyā santike abhikkhaṇaṁ gacchati. Tena kho
pana samayena āyasmā udāyi tassā bhikkhuniyā santike bhattavissaggaṁ
karoti. Athakho āyasmā udāyi pubbaṇhasamayaṁ nivāsetvā
pattacīvaramādāya yena sā bhikkhunī tenupasaṅkami upasaṅkamitvā
tassā bhikkhuniyā purato aṅgajātaṁ vivaritvā āsane nisīdi.
Sāpi kho bhikkhunī āyasmato udāyissa purato aṅgajātaṁ vivaritvā
āsane nisīdi. Athakho āyasmā udāyi sāratto va 3 tassā
bhikkhuniyā aṅgajātaṁ upanijjhāyi. Tassa aṅgajātato 4 asuci mucci.
Athakho āyasmā udāyi taṁ bhikkhuniṁ etadavoca gaccha bhagini udakaṁ
āhara antaravāsakaṁ dhovissāmīti. Āharayya ahameva dhovissāmīti.
Athakho 5 sā bhikkhunī tassa 5 taṁ asuciṁ ekadesaṁ mukhena
aggahesi ekadesaṁ aṅgajāte pakkhipi. Sā tena gabbhaṁ gaṇhi.
1 Ma. Yu. ayaṁ pāṭho natthi. 2 Ma. udāyī. evamuparipi. 3 Ma. Yu. sāratto.
4 Ma. Yu. ayaṁ pāṭho natthi. 5-5 Ma. Yu. ime pāṭhā natthi.
Bhikkhuniyo evamāhaṁsu ayaṁ bhikkhunī abrahmacārinī ayaṁ gabbhinīti 1 .
Nāhaṁ ayye abrahmacārinīti. Athakho 2 sā bhikkhunī 2 bhikkhunīnaṁ
etamatthaṁ ārocesi. Bhikkhuniyo ujjhāyanti khīyanti vipācenti
kathaṁ hi nāma ayyo udāyi bhikkhuniyā purāṇacīvaraṁ dhovāpessatīti.
Athakho tā bhikkhuniyo bhikkhūnaṁ etamatthaṁ ārocesuṁ. Ye te bhikkhū
appicchā .pe. Te ujjhāyanti khīyanti vipācenti kathaṁ hi nāma
āyasmā udāyi bhikkhuniyā purāṇacīvaraṁ dhovāpessatīti. Athakho
te bhikkhū [3]- bhagavato etamatthaṁ ārocesuṁ. Athakho bhagavā .pe.
Āyasmantaṁ udāyiṁ paṭipucchi saccaṁ kira tvaṁ udāyi bhikkhuniyā
purāṇacīvaraṁ dhovāpesīti. Saccaṁ bhagavāti. Ñātikā te udāyi
aññātikāti. Aññātikā bhagavāti. Aññātako moghapurisa
aññātikāya na jānāti paṭirūpaṁ vā appaṭirūpaṁ vā pāsādikaṁ
vā appāsādikaṁ 4 vā tattha hi nāma tvaṁ moghapurisa aññātikāya
bhikkhuniyā purāṇacīvaraṁ dhovāpessasi netaṁ moghapurisa appasannānaṁ
vā pasādāya pasannānaṁ vā bhiyyobhāvāya .pe. Evañca pana
bhikkhave imaṁ sikkhāpadaṁ uddiseyyātha yo pana bhikkhu aññātikāya
bhikkhuniyā purāṇacīvaraṁ dhovāpeyya vā rajāpeyya vā ākoṭāpeyya
vā nissaggiyaṁ pācittiyanti.
1 Ma. Yu. abrahmacārinī ayaṁ bhikkhunī gabbhinīti. 2-2 Ma. Yu. ime pāṭhā natthi.
3 Ma. āyasmantaṁ udāyiṁ anekapariyāyena vigarahitvā .... 4 Ma. apasādikaṁ.

[43] Yo panāti yo yādiso .pe. Bhikkhūti .pe. Ayaṁ
imasmiṁ atthe adhippeto bhikkhūti. Aññātikā nāma mātito
vā pitito vā yāva sattamā pitāmahayugā asambaddhā. Bhikkhunī
nāma ubhato saṅghe upasampannā. Purāṇacīvaraṁ nāma sakiṁ nivatthaṁpi
sakiṁ pārutaṁpi. Dhovāti 1 āpatti dukkaṭassa. Dhotaṁ 2 nissaggiyaṁ
hoti. Rajāti āṇāpeti 3 āpatti dukkaṭassa. Rattaṁ 4 nissaggiyaṁ
hoti. Ākoṭehīti āṇāpeti 5 āpatti dukkaṭassa. Sakiṁ
pāṇippahāraṁ 6 vā muggarappahāraṁ 7 vā dinne nissaggiyaṁ hoti
nissajjitabbaṁ saṅghassa vā gaṇassa vā puggalassa vā. Evañca
pana bhikkhave nissajjitabbaṁ .pe. Idaṁ me bhante purāṇacīvaraṁ
aññātikāya bhikkhuniyā dhovāpitaṁ nissaggiyaṁ imāhaṁ saṅghassa
nissajjāmīti .pe. Dadeyyāti .pe. Dadeyyunti .pe. Āyasmato
dammīti.

[44] Aññātikāya aññātikasaññī purāṇacīvaraṁ dhovāpeti
nissaggiyaṁ pācittiyaṁ. Aññātikāya aññātikasaññī purāṇacīvaraṁ
dhovāpeti rajāpeti nissaggiyena āpatti dukkaṭassa.
1 Rā. dhovāpeyyāti dhovāhīti āṇāpeti. Po. Ma. Yu. dhovāti āṇāpeti.
2 Rā. dhovāpitaṁ. 3 Rā. rajāpeyyāti rajāhīti āṇāpeti. 4 Rā. rajjitaṁ.
5 Rā. ākoṭāpeyyāti ākoṭehīti āṇāpeti. 6 pāṇippahāretipi pāṭho.
7 muggarappahāretipi pāṭho.
Aññātikāya aññātikasaññī purāṇacīvaraṁ dhovāpeti ākoṭāpeti
nissaggiyena āpatti dukkaṭassa. Aññātikāya aññātikasaññī
purāṇacīvaraṁ dhovāpeti rajāpeti ākoṭāpeti nissaggiyena
āpatti dvinnaṁ dukkaṭānaṁ. Aññātikāya aññātikasaññī
purāṇacīvaraṁ rajāpeti nissaggiyaṁ pācittiyaṁ. Aññātikāya
aññātikasaññī purāṇacīvaraṁ rajāpeti ākoṭāpeti nissaggiyena
āpatti dukkaṭassa. Aññātikāya aññātikasaññī purāṇacīvaraṁ
rajāpeti dhovāpeti nissaggiyena āpatti dukkaṭassa. Aññātikāya
aññātikasaññī purāṇacīvaraṁ rajāpeti ākoṭāpeti dhovāpeti
nissaggiyena āpatti dvinnaṁ dukkaṭānaṁ. Aññātikāya aññātikasaññī
purāṇacīvaraṁ ākoṭāpeti nissaggiyaṁ pācittiyaṁ.
Aññātikāya aññātikasaññī purāṇacīvaraṁ ākoṭāpeti dhovāpeti
nissaggiyena āpatti dukkaṭassa. Aññātikāya aññātikasaññī
purāṇacīvaraṁ ākoṭāpeti rajāpeti nissaggiyena āpatti dukkaṭassa.
Aññātikāya aññātikasaññī purāṇacīvaraṁ ākoṭāpeti dhovāpeti
rajāpeti nissaggiyena āpatti dvinnaṁ dukkaṭānaṁ. Aññātikāya
vematiko .pe. Aññātikāya ñātikasaññī .pe. Aññassa
purāṇacīvaraṁ dhovāpeti āpatti dukkaṭassa. Nisīdanapaccattharaṇaṁ
dhovāpeti āpatti dukkaṭassa. Ekato upasampannāya dhovāpeti
āpatti dukkaṭassa. Ñātikāya aññātikasaññī āpatti
Dukkaṭassa. Ñātikāya vematiko āpatti dukkaṭassa. Ñātikāya
ñātikasaññī anāpatti.

[45] Anāpatti ñātikāya dhovantiyā aññātikā dutiyā hoti
avuttā dhovati aparibhuttaṁ dhovāpeti cīvaraṁ ṭhapetvā aññaṁ
parikkhāraṁ dhovāpeti sikkhamānāya sāmaṇeriyā utmattakassa
ādikammikassāti.
Catutthasikkhāpadaṁ niṭṭhitaṁ.
-------
Pañcamasikkhāpadaṁ

[46] Tena samayena buddho bhagavā rājagahe viharati veḷuvane
kalandakanivāpe. Tena kho pana samayena uppalavaṇṇā bhikkhunī
sāvatthiyaṁ viharati. Athakho uppalavaṇṇā bhikkhunī pubbaṇhasamayaṁ
nivāsetvā pattacīvaramādāya sāvatthiṁ piṇḍāya pāvisi sāvatthiyaṁ
piṇḍāya caritvā pacchābhattaṁ piṇḍapātapaṭikkantā yena andhavanaṁ
tenupasaṅkami divāvihārāya andhavanaṁ ajjhogāhetvā aññatarasmiṁ
rukkhamūle divāvihāraṁ nisīdi. Tena kho pana samayena corā katakammā gāviṁ
vadhitvā maṁsaṁ gahetvā andhavanaṁ pavisiṁsu. Addasā kho coragāmaṇiko
uppalavaṇṇaṁ bhikkhuniṁ aññatarasmiṁ rukkhamūle divāvihāraṁ nisinnaṁ.
Disvānassa etadahosi sace me puttabhātikā 1 passissanti
viheṭhayissanti imaṁ bhikkhuninti aññena maggena agamāsi.
Athakho so coragāmaṇiko maṁse pakke varamaṁsāni gahetvā paṇṇena
puṭaṁ 2 bandhitvā uppalavaṇṇāya bhikkhuniyā avidūre rukkhe ālaggetvā
yo passati samaṇo vā brāhmaṇo vā dinnaṁyeva haratūti vatvā
pakkāmi. Assosi kho upapalavaṇṇā bhikkhunī samādhimhā
vuṭṭhahitvā tassa coragāmaṇikassa imaṁ vācaṁ bhāsamānassa. Athakho
1 Ma. Yu. puttabhātukā. 2 Ma. Yu. paṇṇapuṭaṁ.
Uppalavaṇṇā bhikkhunī taṁ maṁsaṁ gahetvā upassayaṁ agamāsi.
Athakho uppalavaṇṇā bhikkhunī tassā rattiyā accayena taṁ maṁsaṁ
sampādetvā uttarāsaṅgena bhaṇḍikaṁ bandhitvā vehāsaṁ abbhuggantvā
veḷuvane paccuṭṭhāsi.

[47] Tena kho pana samayena bhagavā gāmaṁ piṇḍāya paviṭṭho
hoti. Āyasmā udāyi ohiyako hoti vihārapālo. Athakho
uppalavaṇṇā bhikkhunī yenāyasmā udāyi tenupasaṅkami
upasaṅkamitvā āyasmantaṁ udāyiṁ etadavoca kahaṁ bhante bhagavāti.
Paviṭṭho bhagini bhagavā gāmaṁ piṇḍāyāti. Imaṁ bhante maṁsaṁ bhagavato
dehīti. Santappito te 1 bhagini bhagavā maṁsena sace me tvaṁ
antaravāsakaṁ dadeyyāsi evamahampi 2 santappito bhaveyyaṁ
antaravāsakenāti. Mayaṁ kho bhante mātugāmā nāma kicchalābhā idañca
me antimaṁ pañcamaṁ cīvaraṁ nāhaṁ dassāmīti. Seyyathāpi bhagini
puriso hatthiṁ datvā kacche vissajjeyya 3 evameva kho tvaṁ bhagini
bhagavato maṁsaṁ datvā mayhaṁ 4 antaravāsakaṁ vissajjehīti 5 . Athakho
uppalavaṇṇā bhikkhunī āyasmatā udāyinā nippīḷiyamānā antaravāsakaṁ
datvā upassayaṁ agamāsi. Bhikkhuniyo uppalavaṇṇāya bhikkhuniyā
1 Ma. Yu. tayā rāmaññapotthake pana na dissati. 2 evañcāhaṁpītipi pāṭho.
3 Ma. Yu. sajjeyya. 4 Ma. Yu. mayi. 5 Ma. Yu. na sajjasīti.
Pattacīvaraṁ paṭiggaṇhantiyo uppalavaṇṇaṁ bhikkhuniṁ etadavocuṁ kahante
ayye antaravāsakoti. Uppalavaṇṇā bhikkhunī bhikkhunīnaṁ etamatthaṁ
ārocesi. Bhikkhuniyo ujjhāyanti khīyanti vipācenti kathaṁ hi
nāma ayyo udāyi bhikkhuniyā hatthato 1 cīvaraṁ paṭiggahessati
kicchalābho mātugāmoti. Athakho tā bhikkhuniyo bhikkhūnaṁ etamatthaṁ
ārocesuṁ. Ye te bhikkhū appicchā .pe. Te ujjhāyanti
khīyanti vipācenti kathaṁ hi nāma āyasmā udāyi bhikkhuniyā hatthato 2
cīvaraṁ pariggahessatīti. Athakho te bhikkhū bhagavato etamatthaṁ
ārocesuṁ .pe. Saccaṁ kira tvaṁ udāyi bhikkhuniyā hatthato 3 cīvaraṁ
paṭiggahesīti. Saccaṁ bhagavāti. Ñātikā te udāyi aññātikāti.
Aññātikā bhagavāti. Aññātako moghapurisa aññātikāya na
jānāti paṭirūpaṁ vā appaṭirūpaṁ vā santaṁ vā asantaṁ vā tattha
nāma tvaṁ moghapurisa aññātikāya bhikkhuniyā hatthato cīvaraṁ
paṭiggahessasi netaṁ moghapurisa appasannānaṁ vā pasādāya pasannānaṁ
vā bhiyyobhāvāya .pe. Evañca pana bhikkhave imaṁ sikkhāpadaṁ
uddiseyyātha yo pana bhikkhu aññātikāya bhikkhuniyā hatthato
cīvaraṁ paṭiggaṇheyya nissaggiyaṁ pācittiyanti. Evañcidaṁ bhagavatā
bhikkhūnaṁ sikkhāpadaṁ paññattaṁ hoti.

[48] Tena kho pana samayena bhikkhū kukkuccāyantā bhikkhunīnaṁ
1-2-3 Ma. Yu. ayaṁ pāṭho natthi.
Pārivaṭṭakacīvaraṁ 1 nappaṭiggaṇhanti. Bhikkhuniyo ujjhāyanti khīyanti
vipācenti kathaṁ hi nāma ayyā amhākaṁ pārivaṭṭakacīvaraṁ 2
nappaṭiggaṇhissantīti 3 . Assosuṁ kho bhikkhū tāsaṁ bhikkhunīnaṁ
ujjhāyantīnaṁ khīyantīnaṁ vipācentīnaṁ. Athakho te bhikkhū bhagavato
etamatthaṁ ārocesuṁ. Athakho bhagavā etasmiṁ nidāne etasmiṁ
pakaraṇe dhammiṁ kathaṁ katvā bhikkhū āmantesi anujānāmi bhikkhave
pañcannaṁ pārivaṭṭakaṁ 4 paṭiggahetuṁ bhikkhussa bhikkhuniyā sikkhamānāya
sāmaṇerassa sāmaṇeriyā anujānāmi bhikkhave imesaṁ
pañcannaṁ pārivaṭṭakaṁ 5 paṭiggahetuṁ evañca pana bhikkhave imaṁ
sikkhāpadaṁ uddiseyyātha yo pana bhikkhu aññātikāya bhikkhuniyā
hatthato cīvaraṁ paṭigagaṇheyya aññatra pārivaṭṭakā 6 nissaggiyaṁ
pācittiyanti.

[49] Yo panāti yo yādiso .pe. Bhikkhūti .pe. Ayaṁ
imasmiṁ atthe adhippeto bhikkhūti. Aññātikā nāma mātito
vā pitito vā yāva sattamā pitāmahayugā asambaddhā. Bhikkhunī
nāma ubhatosaṅghe upasampannā. Cīvaraṁ nāma channaṁ cīvarānaṁ
1-2 Ma. Yu. pārivattakacīvaraṁ. 3 Ma. Yu. na paṭiggahessantīti. 4-5 Ma. Yu.
pārivattakaṁ. pārivaṭṭakacīvarantipi pāṭho. 6 Ma. Yu. pārivattakā. evamuparipi.
Aññataraṁ cīvaraṁ vikappanūpagaṁ pacchimaṁ 1 . Aññatra pārivaṭṭakāti
ṭhapetvā pārivaṭṭakaṁ. Paṭiggaṇhāti payoge dukkaṭaṁ paṭilābhena
nissaggiyaṁ hoti nissajjitabbaṁ saṅghassa vā gaṇassa vā puggalassa
vā. Evañca pana bhikkhave nissajjitabbaṁ .pe. Idaṁ me bhante
cīvaraṁ aññātikāya bhikkhuniyā hatthato paṭiggahitaṁ aññatra
pārivaṭṭakā nissaggiyaṁ imāhaṁ saṅghassa nissajjāmīti .pe.
Dadeyyāti .pe. Dadeyyunti .pe. Āyasmato dammīti.

[50] Aññātikāya aññātikasaññī hatthato 2 cīvaraṁ
paṭiggaṇhāti aññatra pārivaṭṭakā nissaggiyaṁ pācittiyaṁ.
Aññātikāya vematiko hatthato 3 cīvaraṁ paṭiggaṇhāti aññatra
pārivaṭṭakā nissaggiyaṁ pācittiyaṁ. Aññātikāya ñātikasaññī
hatthato 4 cīvaraṁ paṭiggaṇhāti aññatra pārivaṭṭakā nissaggiyaṁ
pācittiyaṁ.

[51] Ekatoupasampannāya hatthato cīvaraṁ paṭiggaṇhāti
aññatra pārivaṭṭakā āpatti dukkaṭassa. Ñātikāya aññātikasaññī
āpatti dukkaṭassa. Ñātikāya vematiko āpatti
dukkaṭassa. Ñātikāya ñātikasaññī anāpatti.