[22] Ekakulassa sattho hoti satthe cīvaraṁ nikkhipitvā purato
vā pacchato vā sattabbhantarā na vijahitabbā passato abbhantaraṁ
na vijahitabbaṁ. Nānākulassa sattho hoti satthe cīvaraṁ nikkhipitvā
hatthapāsā na vijahitabbaṁ.

[23] Ekakulassa khettaṁ hoti parikkhittañca antokhette cīvaraṁ
nikkhipitvā antokhette vatthabbaṁ. Aparikkhittaṁ hoti hatthapāsā
na vijahitabbaṁ. Nānākulassa khettaṁ hoti parikkhittañca antokhette
cīvaraṁ nikkhipitvā antokhette vatthabbaṁ dvāramūle vā hatthapāsā
1 Po. Ma. Yu. pāṭhadvayaṁ natthi.
Pāsā vā na vijahitabbaṁ. Aparikkhittaṁ hoti hatthapāsā na
vijahitabbaṁ.

[24] Ekakulassa dhaññakaraṇaṁ hoti parikkhittañca
antodhaññakaraṇe cīvaraṁ nikkhipitvā antodhaññakaraṇe vatthabbaṁ.
Aparikkhittaṁ hoti hatthapāsā na vijahitabbaṁ. Nānākulassa
dhaññakaraṇaṁ hoti parikkhittañca antodhaññakaraṇe cīvaraṁ
nikkhipitvā dvāramūle vā vatthabbaṁ hatthapāsā vā na vijahitabbaṁ.
Aparikkhittaṁ hoti hatthapāsā na vijahitabbaṁ.

[25] Ekakulassa ārāmo hoti parikkhitto ca antoārāme
cīvaraṁ nikkhipitvā antoārāme vatthabbaṁ. Aparikkhitto hoti
hatthapāsā na vijahitabbaṁ. Nānākulassa ārāmo hoti parikkhitto
ca antoārāme cīvaraṁ nikkhipitvā dvāramūle vā vatthabbaṁ
hatthapāsā vā na vijahitabbaṁ. Aparikkhitto hoti hatthapāsā
na vijahitabbaṁ.

[26] Ekakulassa vihāro hoti parikkhitto ca antovihāre
cīvaraṁ nikkhipitvā antovihāre vatthabbaṁ. Aparikkhitto hoti yasmiṁ
vihāre cīvaraṁ nikkhittaṁ hoti tasmiṁ vihāre vatthabbaṁ hatthapāsā
vā na vijahitabbaṁ. Nānākulassa vihāro hoti parikkhitto ca
yasmiṁ vihāre cīvaraṁ nikkhittaṁ hoti tasmiṁ vihāre vatthabbaṁ
dvāramūle vā hatthapāsā vā na vijahitabbaṁ. Aparikkhitto
Hoti yasmiṁ vihāre cīvaraṁ nikkhittaṁ hoti tasmiṁ vihāre vatthabbaṁ
hatthapāsā vā na vijahitabbaṁ.

[27] Ekakulassa rukkhamūlaṁ hoti yaṁ majjhantike kāle samantā
chāyā 1 pharati antochāyāya cīvaraṁ nikkhipitvā antochāyāya vatthabbaṁ.
Nānākulassa rukkhamūlaṁ hoti hatthapāsā na vijahitabbaṁ.

[28] Ajjhokāso ekūpacāro nānūpacāro nāma 2 agāmake
araññe samantā sattabbhantarā ekūpacāro tato paraṁ nānūpacāro.

[29] Vippavutthe vippavutthasaññī aññatra bhikkhusammatiyā
nissaggiyaṁ pācittiyaṁ. Vippavutthe vematiko aññatra bhikkhusammatiyā
nissaggiyaṁ pācittiyaṁ. Vippavutthe avippavutthasaññī
aññatra bhikkhusammatiyā nissaggiyaṁ pācittiyaṁ. Apaccuddhaṭe
paccuddhaṭasaññī 3 aññatra bhikkhusammatiyā nissaggiyaṁ pācittiyaṁ.
Avissajjite vissajjitasaññī aññatra bhikkhusammatiyā nissaggiyaṁ
pācittiyaṁ. Anaṭṭhe naṭṭhasaññī aññatra bhikkhusammatiyā nissaggiyaṁ
pācittiyaṁ. Avinaṭṭhe vinaṭṭhasaññī aññatra bhikkhusammatiyā
nissaggiyaṁ pācittiyaṁ. Adaḍḍhe daḍḍhasaññī aññatra bhikkhusammatiyā
nissaggiyaṁ pācittiyaṁ. Avilutte viluttasaññī aññatra
bhikkhusammatiyā nissaggiyaṁ pācittiyaṁ.

[30] Nissaggiyaṁ cīvaraṁ anissajjitvā paribhuñjati āpatti
1 Po. rukkhachāyā. 2 Ma. Yu. idaṁ pāṭhadvayaṁ natthi.
3 Po. apaccuddhārake paccuddhārakasaññī.
Dukkaṭassa. Avippavutthe vippavutthasaññī āpatti dukkaṭassa.
Avippavutthe vematiko āpatti dukkaṭassa. Avippavutthe avippavutthasaññī
anāpatti.

[31] Anāpatti antoaruṇe paccuddharati vissajjeti nassati
vinassati dayhati acchinditvā gaṇhāti 1 vissāsaṁ gaṇhāti 2
bhikkhusammatiyā ummattakassa ādikammikassāti.
Dutiyasikkhāpadaṁ niṭṭhitaṁ.
-------
1-2 Ma. Yu. sabbattha gaṇhanti.
Tatiyasikkhāpadaṁ