[2] Tena kho pana samayena āyasmato ānandassa atirekacīvaraṁ
uppannaṁ hoti. Āyasmā ca ānando taṁ cīvaraṁ āyasmato
sārīputtassa dātukāmo hoti. Āyasmā ca sārīputto sākete
viharati. Athakho āyasmato ānandassa etadahosi bhagavatā
sikkhāpadaṁ paññattaṁ na atirekacīvaraṁ dhāretabbanti idañca me
atirekacīvaraṁ uppannaṁ ahañcimaṁ cīvaraṁ āyasmato sārīputtassa
dātukāmo 1 āyasmā ca sārīputto sākete viharati kathaṁ nu
kho mayā paṭipajjitabbanti. Athakho āyasmā ānando bhagavato
etamatthaṁ ārocesi. Kīvaciraṁ panānanda sārīputto āgacchissatīti.
Navamaṁ vā bhagavā divasaṁ dasamaṁ vāti. Athakho bhagavā etasmiṁ
nidāne etasmiṁ pakaraṇe 2 dhammiṁ kathaṁ katvā bhikkhū āmantesi
anujānāmi bhikkhave dasāhaparamaṁ atirekacīvaraṁ dhāretuṁ evañca pana
bhikkhave imaṁ sikkhāpadaṁ uddiseyyātha niṭṭhitacīvarasmiṁ bhikkhunā
1 Po. dātukāmomhi. 2 Po. ... bhikkhusaṅghaṁ sannipātetvā bhikkhūnaṁ tadanucchavikaṁ
tadanulomikaṁ dhammikathaṁ.
Ubbhatasmiṁ kaṭhine dasāhaparamaṁ atirekacīvaraṁ dhāretabbaṁ taṁ atikkāmayato
nissaggiyaṁ pācittiyanti.

[3] Niṭṭhitacīvarasminti bhikkhuno cīvaraṁ kataṁ vā hoti naṭṭhaṁ
vā vinaṭṭhaṁ vā daḍḍhaṁ vā cīvarāsā vā upacchinnā. Ubbhatasmiṁ
kaṭhineti aṭṭhannaṁ mātikānaṁ aññatarāya mātikāya ubbhataṁ hoti
saṅghena vā antarā ubbhataṁ hoti. Dasāhaparamanti dasāhaparamatā
dhāretabbaṁ. Atirekacīvaraṁ nāma anadhiṭṭhitaṁ avikappitaṁ. Cīvaraṁ nāma
channaṁ cīvarānaṁ aññataraṁ cīvaraṁ vikappanūpagaṁ pacchimaṁ 1 . Taṁ atikkāmayato
nissaggiyaṁ hotīti 2 ekādase aruṇuggamane nissaggiyaṁ hoti nisajjitabbaṁ
saṅghassa vā gaṇassa vā puggalassa vā. Evañca pana bhikkhave
nissajjitabbaṁ.

[4] Tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ
karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā
añjaliṁ paggahetvā evamassa vacanīyo idaṁ me bhante cīvaraṁ
dasāhātikkantaṁ nissaggiyaṁ imāhaṁ saṅghassa nissajjāmīti.
Nissajjitvā āpatti desetabbā. Byattena bhikkhunā paṭibalena
1 Yu. vikappanupagapacchimaṁ. 2 nissaggiyaṁ hotīti ettha hotisaddo atirekapāṭho
bhaveyya sutte anāgatattā. itarathā suttaṁ ūnaṁ siyā evaṁ nissaggiyaṁ hoti
pācittiyanti bhaveyya. vicāretvā gahetabbaṁ.
Āpatti paṭiggahetabbā nissaṭṭhacīvaraṁ dātabbaṁ [1]- suṇātu me
bhante saṅgho idaṁ cīvaraṁ itthannāmassa bhikkhuno nissaggiyaṁ saṅghassa
nissaṭṭhaṁ. Yadi saṅghassa pattakallaṁ saṅgho imaṁ cīvaraṁ itthannāmassa
bhikkhuno dadeyyāti.

[5] Tena bhikkhunā sambahule bhikkhū upasaṅkamitvā ekaṁsaṁ
uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ
nisīditvā añjaliṁ paggahetvā evamassa vacanīyo idaṁ me bhante
cīvaraṁ dasāhātikkantaṁ nissaggiyaṁ imāhaṁ āyasmantānaṁ nissajjāmīti.
Nissajjitvā āpatti desetabbā. Byattena bhikkhunā
paṭibalena āpatti paṭiggahetabbā nissaṭṭhacīvaraṁ dātabbaṁ [1]- suṇantu
me āyasmantā idaṁ cīvaraṁ itthannāmassa bhikkhuno nissaggiyaṁ
āyasmantānaṁ nissaṭṭhaṁ. Yadāyasmantānaṁ pattakallaṁ āyasmantā
imaṁ cīvaraṁ itthannāmassa bhikkhuno dadeyyunti.

[6] Tena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ
karitvā ukkuṭikaṁ nisīditvā añjaliṁ paggahetvā evamassa vacanīyo
idaṁ me āvuso cīvaraṁ dasāhātikkantaṁ nissaggiyaṁ imāhaṁ āyasmato
nissajjāmīti. Nissajjitvā āpatti desetabbā. Tena bhikkhunā
āpatti paṭiggahetabbā nissaṭṭhacīvaraṁ dātabbaṁ imaṁ cīvaraṁ
āyasmato dammīti.

[7] Dasāhātikkante atikkantasaññī nissaggiyaṁ pācittiyaṁ.
1 Po. evañca pana bhikkhave dātabbaṁ. bayattena bhikkhunā paṭibalena saṅgho ñāpetabbo.
Dasāhātikkante vematiko nissaggiyaṁ pācittiyaṁ. Dasāhātikkante
anatikkantasaññī nissaggiyaṁ pācittiyaṁ. Anadhiṭṭhite adhiṭṭhitasaññī
nissaggiyaṁ pācittiyaṁ. Avikappite vikappitasaññī nissaggiyaṁ
pācittiyaṁ. Avissajjite vissajjitasaññī nissaggiyaṁ pācittiyaṁ.
Anaṭṭhe naṭṭhasaññī nissaggiyaṁ pācittiyaṁ. Avinaṭṭhe vinaṭṭhasaññī
nissaggiyaṁ pācittiyaṁ. Adaḍḍhe daḍḍhasaññī nissaggiyaṁ
pācittiyaṁ. Avilutte viluttasaññī nissaggiyaṁ pācittiyaṁ.
Nissaggiyaṁ cīvaraṁ anissajjitvā paribhuñjati āpatti dukkaṭassa.
Dasāhānatikkante atikkantasaññī āpatti dukkaṭassa. Dasāhānatikkante
vematiko āpatti dukkaṭassa. Dasāhānatikkante
anatikkantasaññī anāpatti.

[8] Anāpatti antodasāhaṁ adhiṭṭheti vikappeti vissajjeti
nassati vinassati dayhati acchinditvā gaṇhāti 1 vissāsaṁ gaṇhāti 2
ummattakassa ādikammikassāti.

[9] Tena kho pana samayena chabbaggiyā bhikkhū nissaṭṭhacīvaraṁ
na denti. Ye 3 te bhikkhū appicchā .pe. Te ujjhāyanti
khīyanti vipācenti kathaṁ hi nāma chabbaggiyā bhikkhū nissaṭṭhacīvaraṁ
na dassantīti 3 . Bhagavato etamatthaṁ ārocesuṁ. Athakho bhagavā
chabbaggiye bhikkhū paṭipucchi saccaṁ kira tumhe bhikkhave nissaṭṭhacīvaraṁ
1-2 Ma. Yu. gaṇhanti. 3-3 Ma. ime pāṭhā natthi.
Na dethāti. Saccaṁ bhagavāti. Vigarahi buddho bhagavā .pe.
Dhammiṁ kathaṁ katvā bhikkhū āmantesi 4 na bhikkhave nissaṭṭhacīvaraṁ na
dātabbaṁ yo na dadeyya āpatti dukkaṭassāti.
Paṭhamasikkhāpadaṁ niṭṭhitaṁ.
-------
1 Ma. Yu. ime pāṭhā natthi.
Dutiyasikkhāpadaṁ

[10] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena bhikkhū bhikkhūnaṁ
hatthe cīvaraṁ nikkhipitvā santaruttarena janapadacārikaṁ pakkamanti.
Tāni cīvarāni ciraṁ 1 nikkhittāni kaṇṇakitāni honti. Tāni cīvarāni 2
bhikkhū otāpenti. Addasā kho āyasmā ānando senāsanacārikaṁ
āhiṇḍanto te bhikkhū tāni cīvarāni otāpente disvāna
yena te bhikkhū tenupasaṅkami upasaṅkamitvā te bhikkhū etadavoca
kassimāni āvuso cīvarāni kaṇṇakitānīti. Athakho te bhikkhū
āyasmato ānandassa etamatthaṁ ārocesuṁ. Āyasmā ānando
ujjhāyati khīyati vipāceti kathaṁ hi nāma bhikkhū bhikkhūnaṁ hatthe
cīvaraṁ nikkhipitvā santaruttarena janapadacārikaṁ pakkamissantīti. Athakho
āyasmā ānando [3]- bhagavato etamatthaṁ ārocesi. Athakho bhagavā
te bhikkhū paṭipucchi saccaṁ kira bhikkhave bhikkhū bhikkhūnaṁ hatthe cīvaraṁ
nikkhipitvā santaruttarena janapadacārikaṁ pakkamantīti. Saccaṁ bhagavāti.
Vigarahi buddho bhagavā kathaṁ hi nāma te bhikkhave moghapurisā
bhikkhūnaṁ hatthe cīvaraṁ nikkhipitvā santaruttarena janapadacārikaṁ
1 Po. cīvaravaṁse. 2 Ma. Yu. ayaṁ pāṭho natthi. 3 Ma. te bhikkhū
anekapariyāyena vigarahitvā. evamīdisesu ṭhānesu.
Pakkamissanti netaṁ bhikkhave appasannānaṁ vā pasādāya pasannānaṁ
vā bhiyyobhāvāya .pe. Evañca pana bhikkhave imaṁ sikkhāpadaṁ
uddiseyyātha niṭṭhitacīvarasmiṁ bhikkhunā ubbhatasmiṁ kaṭhine ekarattampi
ce bhikkhu ticīvarena vippavaseyya nissaggiyaṁ pācittiyanti. Evañcidaṁ
bhagavatā bhikkhūnaṁ sikkhāpadaṁ paññattaṁ hoti.

[11] Tena kho pana samayena aññataro bhikkhu kosambiyaṁ gilāno
hoti. Ñātakā tassa bhikkhuno santike dūtaṁ pāhesuṁ āgacchatu
bhaddanto mayaṁ upaṭṭhahissāmāti. Bhikkhūpi evamāhaṁsu gaccha
āvuso ñātakā taṁ upaṭṭhahissantīti. So evamāha bhagavatā
āvuso sikkhāpadaṁ paññattaṁ na ticīvarena vippavasitabbanti
ahañcamhi gilāno na sakkomi ticīvaramādāya pakkamituṁ nāhaṁ
gamissāmīti. Bhagavato etamatthaṁ ārocesuṁ. Athakho bhagavā
etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi
anujānāmi bhikkhave gilānassa bhikkhuno ticīvarena avippavāsasammatiṁ 1
dātuṁ. Evañca pana bhikkhave dātabbā. Tena gilānena bhikkhunā
saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde
vanditvā ukkuṭikaṁ nisīditvā añjaliṁ paggahetvā evamassa vacanīyo
ahaṁ bhante gilāno na sakkomi ticīvaramādāya pakkamituṁ sohaṁ
bhante saṅghaṁ ticīvarena avippavāsasammatiṁ yācāmīti. Dutiyampi
yācitabbā tatiyampi yācitabbā. Byatatena bhikkhunā paṭibalena
1 Ma. Yu. sammutiṁ. evamuparipi.
Saṅgho ñāpetabbo suṇātu me bhante saṅgho ayaṁ itthannāmo
bhikkhu gilāno na sakkoti ticīvaramādāya pakkamituṁ. So saṅghaṁ
ticīvarena avippavāsasammatiṁ yācati. Yadi saṅghassa pattakallaṁ
saṅgho itthannāmassa bhikkhuno ticīvarena avippavāsasammatiṁ dadeyya.
Esā ñatti. Suṇātu me bhante saṅgho ayaṁ itthannāmo
bhikkhu gilāno na sakkoti ticīvaramādāya pakkamituṁ. So saṅghaṁ
ticīvarena avippavāsasammatiṁ yācati. Saṅgho itthannāmassa bhikkhuno
ticīvarena avippavāsasammatiṁ deti. Yassāyasmato khamati itthannāmassa
bhikkhuno ticīvarena avippavāsasammatiyā dānaṁ so tuṇhassa yassa
nakkhamati so bhāseyya. Dinnā saṅghena itthannāmassa bhikkhuno
ticīvarena avippavāsasammati. Khamati saṅghassa tasmā tuṇhī.
Evametaṁ dhārayāmīti. Evañca pana bhikkhave imaṁ sikkhāpadaṁ
uddiseyyātha niṭṭhitacīvarasmiṁ bhikkhunā ubbhatasmiṁ kaṭhine ekarattampi
ce bhikkhu ticīvarena vippavaseyya aññatra bhikkhusammatiyā nissaggiyaṁ
pācittiyanti.