[550] Evaṁ sattaṅgasamannāgatassa kho bhikkhave ariyasāvakassa
dhammatā susamanniṭṭhā hoti sotāpattiphalasacchikiriyāya. Evaṁ
sattaṅgasamannāgato kho bhikkhave ariyasāvako sotāpattiphalasamannāgato
hotīti.
Idamavoca bhagavā attamanā te bhikkhū bhagavato bhāsitaṁ
abhinandunti.
Kosambiyasuttaṁ niṭṭhitaṁ aṭṭhamaṁ.
---------
Brahmanimantanikasuttaṁ

[551] Evamme sutaṁ ekaṁ samayaṁ bhagavā sāvatthiyaṁ viharati
jetavane anāthapiṇḍikassa ārāme. Tatra kho bhagavā bhikkhū
āmantesi bhikkhavoti. Bhadanteti te bhikkhū bhagavato paccassosuṁ.

[552] Bhagavā etadavoca ekamidāhaṁ bhikkhave samayaṁ ukkaṭṭhāyaṁ
viharāmi subhagavane sālarājamūle. Tena kho pana bhikkhave samayena
bakassa brahmuno evarūpaṁ pāpakaṁ diṭṭhigataṁ uppannaṁ hoti idaṁ
niccaṁ idaṁ dhuvaṁ idaṁ sassataṁ idaṁ kevalaṁ idaṁ acavanadhammaṁ idaṁ
hi na jāyati na jīyati na mīyati na cavati na upapajjati ito
ca panaññaṁ uttariṁ nissaraṇaṁ natthīti. Atha khvāhaṁ bhikkhave
bakassa brahmuno cetasā ceto parivitakkamaññāya seyyathāpi
nāma balavā puriso sammiñjitaṁ vā bāhaṁ pasāreyya pasāritaṁ vā
bāhaṁ sammiñjeyya evameva ukkaṭṭhāyaṁ subhagavane sālarājamūle
antarahito tasmiṁ brahmaloke pāturahosi. Addasā kho maṁ
bhikkhave bako brahmā dūratova āgacchantaṁ disvāna maṁ etadavoca
ehi kho mārisa svāgataṁ mārisa cirassaṁ kho mārisa imaṁ pariyāyamakāsi
yadidaṁ adhāgamanāya idaṁ hi mārisa niccaṁ idaṁ dhuvaṁ idaṁ
sassataṁ idaṁ kevalaṁ idaṁ acavanadhammaṁ idaṁ hi na jāyati na jīyati
na mīyati na cavati na upapajjati ito ca panaññaṁ uttariṁ
nissaraṇaṁ natthīti. Evaṁ vutte ahaṁ bhikkhave bakaṁ brahmānaṁ
Etadavocaṁ avijjāgato vata bho bako brahmā avijjāgato
vata bho bako brahmā yatra hi nāma aniccaṁyeva samānaṁ
niccanti vakkhati adhuvaṁyeva samānaṁ dhuvanti vakkhati assassataṁyeva
samānaṁ sassatanti vakkhati akevalaṁyeva samānaṁ kevalanti vakkhati
cavanadhammaṁyeva samānaṁ acavanadhammanti vakkhati yattha ca pana jāyati
ca 1 jīyati ca mīyati ca cavati ca upapajjati ca taṁ tathā 2 vakkhati idaṁ
hi na jāyati na jīyati na mīyati na cavati na upapajjatīti santañca
panaññaṁ uttariṁ nissaraṇaṁ natthaññaṁ uttariṁ nissaraṇanti vakkhatīti.

[553] Atha kho bhikkhave māro pāpimā aññataraṁ brahmapārisajjaṁ
anvāvisitvā maṁ etadavoca bhikkhu bhikkhu metamāsado
metamāsado eso hi bhikkhu brahmā mahābrahmā abhibhū anabhibhūto
aññadatthu daso vasavattī issaro kattā nimmitā 3 seṭṭho sajjitā 4
vasī pitā bhūta bhabyānaṁ. Ahesuṁ kho [5]- bhikkhu tayā pubbe samaṇabrāhmaṇā
lokasmiṁ paṭhavīgarahakā paṭhavījigucchakā āpagarahakā āpajigucchakā
tejagarahakā tejajigucchakā vāyagarahakā vāyajigucchakā
bhūtagarahakā bhūtajigucchakā devagarahakā devajigucchakā pajāpatigarahakā
pajāpatijigucchakā brahmagarahakā brahmajigucchakā te kāyassa
bhedā pāṇupacchedā hīne kāye patiṭṭhitā. Ahesuṁ kho pana bhikkhu
tayā pubbe samaṇabrāhmaṇā lokasmiṁ paṭhavīpasaṁsakā paṭhavābhinandino
āpapasaṁsakā āpābhinandino tejapasaṁsakā tejābhinandino vāyapasaṁsakā
1 Ma. ime casamuccayasaddā natthi. 2 Po. Ma. tañca vakkhati. 3 Ma. Yu. nimmātā.
4 Ma. sajitā. Yu. sañjitā. 5 Ma. ye.
Vāyābhinandino bhūtapasaṁsakā bhūtābhinandino devapasaṁsakā
devābhinandino pajāpatipasaṁsakā pajāpatābhinandino brahmapasaṁsakā
brahmābhinandino te kāyassa bhedā pāṇupacchedā paṇīte kāye
patiṭṭhitā. Kintāhaṁ 1 bhikkhu evaṁ vadāmi iṅgha tvaṁ mārisa
yadeva te brahmā āha tadeva tvaṁ karohi mā tvaṁ brahmuno
vacanaṁ upātivattittho sace kho tvaṁ bhikkhu brahmuno vacanaṁ
upātivattissasi. Seyyathāpi nāma puriso siriṁ āgacchantiṁ daṇḍena
paṭippanāmeyya seyyathāpi vā pana bhikkhu puriso narakappapāte
papatanto hatthehi ca pādehi ca paṭhaviṁ virājeyya evaṁ sampadamidaṁ
bhikkhu tuyhaṁ bhavissati. Iṅgha tvaṁ mārisa yadeva te brahmā
āha tadeva tvaṁ karohi mā tvaṁ brahmuno vacanaṁ upātivattittho
nanu tvaṁ bhikkhu passasi brahmaparisaṁ 2 sannisinnanti 3 . Iti kho maṁ
bhikkhave māro pāpimā brahmaparisaṁ upanesi. Evaṁ vutte ahaṁ
bhikkhave māraṁ pāpimantaṁ etadavocaṁ jānāmi kho tāhaṁ pāpima
mā tvaṁ maññittho na maṁ jānātīti māro tvamasi pāpima
yo ceva pāpima brahmā yā ca brahmaparisā ye ca brahmapārisajjā
sabbeva tava hatthagatā sabbe 4 tava vasaṅgatā tuyhaṁ hi
pāpima evaṁ hoti esopi me assa hatthagato esopi me
assa vasaṅgatoti ahaṁ kho pana pāpima neva tava hatthagato
neva tava vasaṅgatoti.
1 Ma. Yu. taṁ tāhaṁ. 2 Yu. brahmaṇiṁ parisaṁ. 3 Ma. sannipatitanti.
4 Ma. Yu. sabbeva.

[554] Evaṁ vutte bhikkhave bako brahmā maṁ etadavoca ahaṁ
hi mārisa niccaṁyeva samānaṁ niccanti vadāmi dhuvaṁyeva samānaṁ
dhuvanti vadāmi sassataṁyeva samānaṁ sassatanti vadāmi kevalaṁyeva
samānaṁ kevalanti vadāmi acavanadhammaṁyeva samānaṁ acavanadhammanti
vadāmi. Yattha ca pana na jāyati na jīyati na mīyati na cavati
na upapajjati tadevāhaṁ vadāmi idaṁ hi na jāyati na jīyati
na mīyati na cavati na upapajjati asantañca panaññaṁ uttariṁ
nissaraṇaṁ natthaññaṁ uttariṁ nissaraṇanti vadāmi. Ahesuṁ kho
bhikkhu tayā pubbe samaṇabrāhmaṇā lokasmiṁ yāvatakaṁ tuyhaṁ
kasiṇaṁ āyuṁ tāvatakaṁ te 1 tapokammameva ahosi. Te kho evaṁ
jāneyyuṁ santaṁ 2 vā aññaṁ uttariṁ nissaraṇaṁ atthaññaṁ uttariṁ
nissaraṇanti asantaṁ vā aññaṁ uttariṁ nissaraṇaṁ natthaññaṁ
uttariṁ nissaraṇanti. Kintāhaṁ 3 bhikkhu evaṁ vadāmi na cevaññaṁ
uttariṁ nissaraṇaṁ dakkhissasi yāvadeva ca pana kilamathassa vighātassa
bhāgī bhavissasi. Sace kho tvaṁ bhikkhu paṭhaviṁ ajjhosissasi
opasāyiko me bhavissasi vatthusāyiko yathākāmakaraṇīyo
bāhiteyyo. Sace pana 4 āpaṁ tejaṁ vāyaṁ bhūte deve pajāpatiṁ brahmaṁ
ajjhosissasi opasāyiko me bhavissasi vatthusāyiko yathākāmakaraṇīyo
bāhiteyyoti. Ahampi kho etaṁ 5 brahme jānāmi.
Sace paṭhaviṁ ajjhosissāmi opasāyiko te bhavissāmi vatthusāyiko
1 Ma. Yu. tesaṁ. 2 Ma. santañca panaññaṁ. 3 Ma. Yu. taṁ tāhaṁ.
4 Ma. Yu. panasaddo natthi. 5 Ma. evaṁ.
Yathākāmakaraṇīyo bāhiteyyo. Sace pana āpaṁ tejaṁ vāyaṁ bhūte
deve pajāpatiṁ brahmaṁ ajjhosissāmi opasāyiko te bhavissāmi
vatthusāyiko yathākāmakaraṇīyo bāhiteyyo 1 . Apica te ahaṁ
brahme gatiñca pajānāmi jutiñca pajānāmi evaṁ mahiddhiko
bako brahmā evaṁ mahānubhāvo bako brahmā evaṁ mahesakkho
bako brahmāti. Yathākathaṁ pana me tvaṁ mārisa gatiñca pajānāsi
jutiñca pajānāsi evaṁ mahiddhiko bako brahmā evaṁ
mahānubhāvo bako brahmā evaṁ mahesakkho bako brahmāti.
Yāvatā candimasuriyā pariharanti disā bhanti virocanā
tāva sahassadhā loko ettha te vattatī 2 vaso
paroparañca jānāsi atho rāga virāginaṁ
itthabhāvaññathābhāvaṁ sattānaṁ āgatiṁ gatinti.
Evaṁ kho te ahaṁ brahme gatiñca pajānāmi jutiñca pajānāmi
evaṁ mahiddhiko bako brahmā evaṁ mahānubhāvo bako brahmā
evaṁ mahesakkho bako brahmāti. Atthi kho brahme aññe
tayo kāyā tattha 3 tvaṁ na jānāsi na passasi tyāhaṁ jānāmi
passāmi. Atthi kho brahme ābhassarā nāma kāyo. Yato tvaṁ
cuto idhūpapanno tassa te aticiranivāsena sā sati muṭṭhā tena
taṁ tvaṁ na jānāsi na passasi tamahaṁ jānāmi passāmi. Evampi
kho ahaṁ brahme neva te samasamo abhiññāya kuto nīceyyaṁ
1 Ma. bāhiteyyoti. 2 Ma. vattate. 3 Po. Ma. taṁ.
Atha kho ahameva tayā bhiyyo. Atthi kho brahme subhakiṇhā nāma
kāyo vehapphalā nāma kāyo [1]- taṁ tvaṁ na jānāsi na passasi
tamahaṁ jānāmi passāmi. Evampi kho ahaṁ brahme neva te
samasamo abhiññāya kuto nīceyyaṁ atha kho ahameva tayā bhiyyo.
Paṭhavī kho ahaṁ brahme paṭhavito abhiññāya yāvatā paṭhaviyā
paṭhavittena 2 ananubhūtaṁ tadabhiññāya paṭhavī 3 nāhosiṁ paṭhaviyā nāhosiṁ
paṭhavito nāhosiṁ paṭhavī meti nāhosiṁ paṭhaviṁ nābhivadiṁ. Evampi
kho ahaṁ brahme neva te samasamo abhiññāya kuto nīceyyaṁ
atha kho ahameva tayā bhiyyo. Āpaṁ kho ahaṁ brahme .pe.
Tejaṁ kho ahaṁ brahme ... Vāyaṁ kho ahaṁ brahme ... Bhūte kho
ahaṁ brahme ... Deve kho ahaṁ brahme ... Pajāpatiṁ kho ahaṁ
brahme ... Brahmaṁ kho ahaṁ brahme ... Ābhassare kho ahaṁ
brahme ... Subhakiṇhe kho ahaṁ brahme ... Vehapphale kho ahaṁ
brahme ... Abhibhuṁ kho ahaṁ brahme ... Sabbaṁ kho ahaṁ brahme
sabbato abhiññāya yāvatā sabbassa sabbattena ananubhūtaṁ
tadabhiññāya sabbaṁ nāhosiṁ sabbasmiṁ nāhosiṁ sabbato nāhosiṁ
sabbaṁ meti nāhosiṁ sabbaṁ nābhivadiṁ. Evaṁ 4 kho ahaṁ brahme
neva te samasamo abhiññāya kuto nīceyyaṁ atha kho ahameva
tayā bhiyyoti. Sace kho te mārisa sabbassa sabbattena
ananubhūtaṁ tadabhiññāya mā heva te rittakameva ahosi tucchakameva
1 Ma. abhibhū nāma kāyo ... 2 Ma. Yu. paṭhavattena. 3 Ma. paṭhaviṁ nāpahosiṁ
4 Ma. Yu. evaṁ pi kho.
Ahosi 1 . Viññāṇaṁ anidassanaṁ anantaṁ sabbatopabhaṁ paṭhaviyā
paṭhavittena ananubhūtaṁ āpassa āpattena ananubhūtaṁ tejassa
tejattena ananubhūtaṁ vāyassa vāyattena ananubhūtaṁ bhūtānaṁ bhūtattena
ananubhūtaṁ devānaṁ devattena ananubhūtaṁ pajāpatissa pajāpatittena
ananubhūtaṁ brahmuno 2 brahmattena ananubhūtaṁ ābhassarānaṁ
ābhassarattena ananubhūtaṁ subhakiṇhānaṁ subhakiṇhattena ananubhūtaṁ
vehapphalānaṁ vehapphalattena ananubhūtaṁ abhibhussa abhibhuttena ananubhūtaṁ
sabbassa sabbattena ananubhūtaṁ. Handa carahi te mārisa
antaradhāyāmīti. Handa carahi me tvaṁ brahme antaradhāyassu sace
visahasīti. Atha kho bhikkhave bako brahmā antaradhāyissāmi
samaṇassa gotamassa antaradhāyissāmi samaṇassa gotamassāti nevassu
me sakkoti antaradhāyituṁ. Evaṁ vutte ahaṁ bhikkhave bakaṁ
brahmānaṁ etadavocaṁ handa carahi te brahme antaradhāyāmīti.
Handa carahi me tvaṁ mārisa antaradhāyassu sace visahasīti. Atha
khvāhaṁ bhikkhave tathārūpaṁ iddhābhisaṅkhāraṁ abhisaṅkhāresiṁ 3 ettāvatā
brahmā ca brahmaparisā ca brahmapārisajjā ca saddañca me
suyyanti 4 na ca maṁ dakkhantīti 5 . Antarahito imaṁ gāthaṁ abhāsiṁ
bhavevāhaṁ bhayaṁ disvā bhavañca vibhavesinaṁ
bhavaṁ nābhivadiṁ kiñci nandiñca na upādiyanti.
1 Ma. ahosīti. 2 Po. Ma. brahmānaṁ. 3 Sī. Ma. Yu. abhisaṅkhāsiṁ. 4 Sī. Ma. Yu.
sossanti. 5 Yu. dakkhinti.

[555] Atha kho bhikkhave brahmā ca brahmaparisā ca
brahmapārisajjā ca acchariyabbhūtacittajātā ahesuṁ acchariyaṁ vata bho
abbhūtaṁ vata bho samaṇassa gotamassa mahiddhikatā mahānubhāvatā
na ca vata no ito pubbe diṭṭho vā suto vā añño samaṇo
vā brāhmaṇo vā evaṁ mahiddhiko evaṁ mahānubhāvo yathā
cāyaṁ samaṇo gotamo [1]- sakyakulā pabbajito bhavarāmāya vata bho
pajāya bhavaratāya bhavasammuditāya samūlaṁ bhavaṁ udabbahīti.

[556] Atha kho bhikkhave māro pāpimā aññataraṁ
brahmapārisajjaṁ anvāvisitvā maṁ etadavoca sace kho tvaṁ mārisa
evaṁ pajānāsi sace tvaṁ evamanubuddho mā sāvake upanesi mā
pabbajite mā sāvakānaṁ dhammaṁ desesi mā pabbajitānaṁ mā
sāvakesu gedhimakāsi mā pabbajitesu. Ahesuṁ kho bhikkhu tayā pubbe
samaṇabrāhmaṇā lokasmiṁ arahanto sammāsambuddhā paṭijānamānā
te sāvake upanesuṁ pabbajite sāvakānaṁ dhammaṁ desesuṁ pabbajitānaṁ
sāvakesu gedhimakaṁsu pabbajitesu sāvake upanetvā pabbajite
sāvakānaṁ dhammaṁ desetvā pabbajitānaṁ sāvakesu gedhikatacittā
pabbajitesu kāyassa bhedā pāṇupacchedā hīne kāye patiṭṭhitā.
Ahesuṁ kho 2 pana bhikkhu tayā pubbe samaṇabrāhmaṇā lokasmiṁ
arahanto sammāsambuddhā paṭijānamānā te na sāvake upanesuṁ
na pabbajite na sāvakānaṁ dhammaṁ desesuṁ na pabbajitānaṁ na
1 Ma. Yu. sakyaputto. 2 Ma. ye.
Sāvakesu gedhimakaṁsu na pabbajite te na sāvake upanetvā na
pabbajite na sāvakānaṁ dhammaṁ desetvā na pabbajitānaṁ na
sāvakesu gedhikatacittā na pabbajitesu kāyassa bhedā pāṇupacchedā
paṇīte kāye patiṭṭhitā. Tantāhaṁ bhikkhu evaṁ vadāmi iṅgha
tvaṁ mārisa appossukko diṭṭhadhammasukhavihāraṁ anuyutto viharassu
anakkhātaṁ kusalaṁ hi mārisa mā paraṁ ovadāhīti. Evaṁ vutte
ahaṁ bhikkhave māraṁ pāpimaṁ 1 etadavocaṁ jānāmi kho tāhaṁ pāpima
mā tvaṁ maññittho na maṁ jānātīti māro tvamasi pāpima
na maṁ tvaṁ pāpima hitānukampī evaṁ vadesi ahitānukampī maṁ tvaṁ
pāpima evaṁ vedesi. Tuyhaṁ hi pāpima evaṁ hoti yesaṁ samaṇo
gotamo dhammaṁ desessati te me visayaṁ upātivattissantīti.
Asammāsambuddhā ca pana te pāpima samaṇabrāhmaṇā samānā
sammāsambuddhamhāti paṭijāniṁsu ahaṁ kho pana pāpima sammāsambuddhova
samāno sammāsambuddhomhīti paṭijānāmi. Desentopi
hi pāpima tathāgato sāvakānaṁ dhammaṁ tādisova adesentopi hi
pāpima tathāgato sāvakānaṁ dhammaṁ tādisova upanentopi hi pāpima
tathāgato sāvake tādisova anupanentopi hi pāpima tathāgato
sāvake tādisova taṁ kissa hetu tathāgatassa pāpima ye
āsavā saṅkilesikā ponobbhavikā sadarā dukkhavipākā āyatiṁ
jātijarāmaraṇīyā [2]- pahīnā ucchinnamūlā tālāvatthukatā anabhāvaṅgatā
1 Ma. Yu. pāpimantaṁ. 2 Ma. Yu. te.
Āyatiṁ anuppādadhammā seyyathāpi pāpima tālo matthakacchinno
abhabbo puna virūḷhiyā evameva kho pāpima tathāgatassa ye
āsavā saṅkilesikā ponobbhavikā sadarā dukkhavipākā āyatiṁ
jātijarāmaraṇīyā [1]- pahīnā ucchinnamūlā tālāvatthukatā anabhāvaṅgatā
āyatiṁ anuppādadhammāti.
Iti hidaṁ mārassa ca anālapanatāya brahmuno ca abhinimantanatāya
tasmā imassa veyyākaraṇassa brahmanimantanikantveva
adhivacananti.
Brahmanimantanikasuttaṁ niṭṭhitaṁ navamaṁ.
-------------
1 Ma. Yu. te.
Māratajjanīyasuttaṁ

[557] Evamme sutaṁ ekaṁ 1 samayaṁ bhagavā bhaggesu viharati
suṁsumāragire bhesakalāvane migadāye. Tena kho pana samayena
āyasmā mahāmoggallāno abbhokāse caṅkami. Tena kho pana
samayena māro pāpimā āyasmato mahāmoggallānassa kucchigato
hoti koṭṭhamanupaviṭṭho. Atha kho āyasmato mahāmoggallānassa
etadahosi kinnu kho me kucchi garugarutaro 2 viya māsācitaṁ
maññeti. Atha kho āyasmā mahāmoggallāno caṅkamā orohitvā
vihāraṁ pavisitvā paññattāsane nisīdi. Nisajja kho āyasmā
mahāmoggallāno māraṁ pāpimantaṁ 3 paccattaṁ yoniso manasākāsi.

[558] Addasā kho āyasmā mahāmoggallāno māraṁ
pāpimantaṁ kucchigataṁ koṭṭhamanupaviṭṭhaṁ disvāna māraṁ pāpimantaṁ etadavoca
nikkhama pāpima nikkhama pāpima mā tathāgataṁ vihesesi mā tathāgatasāvakaṁ
mā te ahosi dīgharattaṁ ahitāya dukkhāyāti. Atha
kho mārassa pāpimato etadahosi ajānameva [4]- maṁ ayaṁ samaṇo
apassaṁ evamāha nikkhama pāpima nikkhama pāpima mā tathāgataṁ
vihesesi mā tathāgatasāvakaṁ mā te ahosi dīgharattaṁ ahitāya
dukkhāyāti yopissa so satthā sopi maṁ neva khippaṁ jāneyya
kuto ca pana maṁ sāvako jānissatīti. Atha kho āyasmā
1 Ma. Yu. ekaṁ samayaṁ āyasmā mahāmoggallāno bhaggesu viharati ... migadāye.
2 Ma. garugaro viya. 3 Ma. Yu. dve pāṭhā natthi. 4. Ma. Yu. kho.
Mahāmoggallāno māraṁ pāpimantaṁ etadavoca evampi kho tāhaṁ
pāpima jānāmi mā tvaṁ maññittho na maṁ jānātīti māro
tvamasi pāpima tuyhaṁ hi pāpima evaṁ hoti ajānameva [1]- maṁ
ayaṁ samaṇo apassaṁ evamāha nikkhama pāpima nikkhama pāpima mā
tathāgataṁ vihesesi mā tathāgatasāvakaṁ mā te ahosi dīgharattaṁ
ahitāya dukkhāyāti yopissa so satthā sopi maṁ neva khippaṁ
jāneyya kuto ca pana maṁ ayaṁ sāvako jānissatīti. Atha kho
mārassa pāpimato etadahosi jānameva kho maṁ ayaṁ samaṇo
passaṁ evamāha nikkhama pāpima nikkhama pāpima mā tathāgataṁ
vihesesi mā tathāgatasāvakaṁ mā te ahosi dīgharattaṁ ahitāya
dukkhāyāti. Gatha kho māro pāpimā āyasmato mahāmoggallānassa
mukhato uggantvā paccaggaḷe aṭṭhāsi.

[559] Addasā kho āyasmā mahāmoggallāno māraṁ
pāpimantaṁ paccaggaḷe ṭhitaṁ disvāna māraṁ pāpimantaṁ etadavoca
etthāpi kho tāhaṁ pāpima passāmi mā tvaṁ maññittho na maṁ
passatīti eso tvaṁ pāpima paccaggaḷe ṭhito. Bhūtapubbāhaṁ
pāpima dūsī nāma māro ahosiṁ tassa me kāḷī nāma bhaginī
tassā bhaginiyā tvaṁ putto so me tvaṁ bhāgineyyo ahosīti.
Tena kho pana [2]- samayena kakusandho bhagavā arahaṁ sammāsambuddho
loke uppanno hoti. Kakusandhassa kho pana pāpima bhagavato
1 Ma. Yu. kho. 2 Ma. Yu. pāpima.
Arahato sammāsambuddhassa vidhurasañjīvaṁ nāma mahāsāvakayugaṁ 1 ahosi
aggaṁ bhaddayugaṁ. Yāvatā kho pana pāpima kakusandhassa bhagavato
arahato sammāsambuddhassa sāvakā nāssudha 2 koci āyasmatā vidhurena
samasamo hoti yadidaṁ dhammadesanāya. Iminā kho etaṁ 3 pāpima
pariyāyena āyasmato vidhurassa vidhuro vidhurotveva 4 samaññā udapādi.
Āyasmā pana pāpima sañjīvo araññagatopi rukkhamūlagatopi suññāgāragatopi
appakasireneva saññāvedayitanirodhaṁ samāpajjati. Bhūtapubbaṁ
pāpima āyasmā sañjīvo aññatarasmiṁ rukkhamūle saññāvedayitanirodhaṁ
samāpanno nisinno hoti. Addasāsuṁ kho pāpima
gopālakā pasupālakā kasakā pathāvino āyasmantaṁ sañjīvaṁ
aññatarasmiṁ rukkhamūle saññāvedayitanirodhaṁ samāpannaṁ nisinnaṁ disvāna
tesaṁ etadahosi acchariyaṁ vata bho abbhūtaṁ vata bho ayaṁ
samaṇo nisinnako 5 kālakato handa naṁ ḍahāmāti. Atha kho te
pāpima gopālakā pasupālakā kasakā pathāvino tiṇañca kaṭṭhañca
gomayañca saṅkaḍḍhitvā āyasmato sañjīvassa kāye upacinitvā
aggiṁ datvā pakkamiṁsu. Atha kho pāpima āyasmā sañjīvo tassā
rattiyā accayena tāya samāpattiyā vuṭṭhahitvā cīvarāni papphoṭetvā
pubbaṇhasamayaṁ nivāsetvā pattacīvaramādāya gāmaṁ piṇḍāya
pāvisi. Addasāsuṁ kho te pāpima gopālakā pasupālakā
kasakā pathāvino āyasmantaṁ sañjīvaṁ piṇḍāya carantaṁ disvāna
1 Ma. Yu. sāvakayugaṁ. 2 Ma. tesu na ca. 3 Ma. evaṁ. 4 Ma. vidhurassa
vidhuro teva. 5 Ma. Yu. nisinnakova.
Nesaṁ etadahosi acchariyaṁ vata bho abbhūtaṁ vata bho ayaṁ samaṇo
nisinnako 1 kālakato svāyaṁ paṭisaññī 2 ṭhitoti. Iminā kho evaṁ
pāpima pariyāyena āyasmato sañjīvassa sañjīvo sañjīvotveva
samaññā udapādi.