[186] Cattārome gahapatiputta amittā mittappaṭirūpakā
veditabbā aññadatthuharo amitto mittappaṭirūpako veditabbo vacīparamo
amitto mittappaṭirūpako veditabbo anuppiyabhāṇī amitto
mittappaṭirūpako veditabbo apāyasahāyo amitto mittappaṭirūpako
veditabbo.

[187] Catūhi kho gahapatiputta ṭhānehi aññadatthuharo amitto
mittappaṭirūpako veditabbo aññadatthuharo hoti appena bahumicchati
1 Ma. Yu. vuddhasevī. 2 Ma. nihīyate. 3 Ma. cando. 4 Ma. Yu. yo vāruṇī addhano
akiñcano 5 Ma. pipāso pivaṁ papāgato. Yu. pipāso pibampapāgato. 6 Yu. akulaṁ.
7 Ma. akulaṁ kāhiti. 8 Yu. ..ḍassinā. 9 Yu. vissaṭṭhakammanto. 10 Ma. sukhaṁ.
Bhayassa kiccaṁ na 1 karoti sevati atthakāraṇā. Imehi
kho gahapatiputta catūhi ṭhānehi aññadatthuharo amitto mittappaṭirūpako
veditabbo.

[188] Catūhi kho gahapatiputta ṭhānehi vacīparamo amitto
mittappaṭirūpako veditabbo atītena paṭisantharati anāgatena paṭisantharati
niratthakena saṅgaṇhāti paccuppannesu kiccesu byasanaṁ dasseti.
Imehi kho gahapatiputta catūhi ṭhānehi vacīparamo amitto mittappaṭirūpako
veditabbo.

[189] Catūhi kho gahapatiputta ṭhānehi anuppiyabhāṇī amitto
mittappaṭirūpako veditabbo pāpakammaṁpissa 2 anujānāti kalyāṇaṁpissa
anujānāti 3 sammukhassa 4 vaṇṇaṁ bhāsati parammukhassa 4 avaṇṇaṁ
bhāsati. Imehi kho gahapatiputta catūhi ṭhānehi anuppiyabhāṇī
amitto mittappaṭirūpako veditabbo.

[190] Catūhi kho gahapatiputta ṭhānehi apāyasahāyo amitto
mittappaṭirūpako veditabbo surāmerayamajjapamādaṭṭhānānuyoge sahāyo
hoti vikālavisikhācariyānuyoge sahāyo hoti samajjābhicaraṇe
sahāyo hoti jūtappamādaṭṭhānānuyoge sahāyo hoti. Imehi
kho gahapatiputta catūhi ṭhānehi apāyasahāyo amitto mittappaṭirūpako
veditabbo 5 . Idamavoca bhagavā idaṁ vatvāna sugato athāparaṁ
etadavoca satthā
1 Ma. Yu. nasaddo na dissati. 2 Ma. Yu. pāpakaṁpissa. 3 Yu. nānujānāti.
4 Yu. ..ṃukhāssa. 5 Ma. Yu. veditabboti.

[191] Aññadatthuharo mitto yo ca mitto vacīparamo 1
anuppiyañca yo āhu 2 apāyesu ca yo sakhā
ete amitte cattāro iti viññāya paṇḍito
ārakā parivajjeyya maggaṁ paṭibhayaṁ yathāti.

[192] Cattārome gahapatiputta mittā suhadā veditabbā upakārako
mitto suhado veditabbo samānasukhadukkho mitto suhado
veditabbo atthakkhāyī mitto suhado veditabbo anukampako
mitto suhado veditabbo.

[193] Catūhi kho gahapatiputta ṭhānehi upakārako mitto suhado
veditabbo pamattaṁ rakkhati pamattassa sāpateyyaṁ rakkhati bhītassa
paṭisaraṇaṁ hoti uppannesu kiccesu karaṇīyesu taddiguṇaṁ bhogaṁ
anuppadeti 3 . Imehi kho gahapatiputta catūhi ṭhānehi upakārako
mitto suhado veditabbo.

[194] Catūhi kho gahapatiputta ṭhānehi samānasukhadukkho mitto
suhado veditabbo guyhamassa ācikkhati guyhamassa pariguyhati 4
āpadāsu na vijahati jīvitaṁpissa atthāya pariccattaṁ hoti.
Imehi kho gahapatiputta catūhi ṭhānehi samānasukhadukkho mitto
suhado veditabbo.

[195] Catūhi kho gahapatiputta ṭhānehi atthakkhāyī mitto suhado
veditabbo pāpā nivāreti kalyāṇe niveseti assutaṁ sāveti
1 Ma. Yu. vacīparo. 2 Ma. Yu. āha. 3 Yu. anuppādeti. 4 Ma. Yu. parigūhati.
Saggassa maggaṁ ācikkhati. Imehi kho gahapatiputta catūhi ṭhānehi
atthakkhāyī mitto suhado veditabbo.