[176] Katamehi catūhi ṭhānehi pāpakammaṁ na karoti chandāgatiṁ
1 Ma. Yu. catuhi ca. 2 Ma. Yu. ayaṁ na dissati. 3 Yu. ayaṁ na dissati.
4 Ma. Yu. musāvādo ca vuccati. 5 Ma. Yu. nappasaṁsanti.
Gacchanto pāpakammaṁ karoti dosāgatiṁ gacchanto pāpakammaṁ karoti
mohāgatiṁ gacchanto pāpakammaṁ karoti bhayāgatiṁ gacchanto pāpakammaṁ
karoti. Yato kho gahapatiputta ariyasāvako neva chandāgatiṁ
gacchati na dosāgatiṁ gacchati na mohāgatiṁ gacchati na bhayāgatiṁ
gacchati. Imehi catūhi ṭhānehi pāpakammaṁ na karotīti. Idamavoca
bhagavā idaṁ vatvāna sugato athāparaṁ etadavoca satthā

[177] Chandā dosā bhayā mohā yo dhammaṁ ativattati
nihīyati tassa yaso 1 kāḷapakkheva candimā
chandā dosā bhayā mohā yo dhammaṁ nātivattati
āpūrati tassa yaso 1 sukkapakkheva candimāti.

[178] Katamāni cha bhogānaṁ apāyamukhāni na sevati.
Surāmerayamajjapamādaṭṭhānānuyogo kho gahapatiputta bhogānaṁ apāyamukhaṁ
vikālavisikhācariyānuyogo bhogānaṁ apāyamukhaṁ samajjābhicaraṇaṁ bhogānaṁ
apāyamukhaṁ jūtappamādaṭṭhānānuyogo bhogānaṁ apāyamukhaṁ pāpamittānuyogo
bhogānaṁ apāyamukhaṁ ālassānuyogo bhogānaṁ apāyamukhaṁ.

[179] Cha khome gahapatiputta ādīnavā surāmerayamajjapamādaṭ-
ṭhānānuyoge sandiṭṭhikā dhanajāni 2 kalahappavaḍḍhanī rogānaṁ
āyatanaṁ akittisañjananī hirikopinaniddaṁsanī paññāya dubbalīkaraṇītveva
chaṭṭhaṁ padaṁ bhavati. Ime kho gahapatiputta cha ādīnavā
surāmerayamajjapamādaṭṭhānānuyoge.
1 Ma. yaso tassa. 2 Yu. dhanañjāni.

[180] Cha khome gahapatiputta ādīnavā vikālavisikhācariyānuyoge
attāpissa agutto arakkhito hoti puttadāropissa agutto
arakkhito hoti sāpateyyaṁpissa aguttaṁ arakkhitaṁ hoti saṅkiyo
ca hoti tesu tesu 1 ṭhānesu abhūtavacanañca tasmiṁ rūhati bahūnañca
dukkhadhammānaṁ purakkhito 2 hoti. Ime kho gahapatiputta cha ādīnavā
vikālavisikhācariyānuyoge.

[181] Cha khome gahapatiputta ādīnavā samajjābhicaraṇe kva 3
naccaṁ kva gītaṁ kva vāditaṁ kva akkhānaṁ kva pāṇissaraṁ kva
kumbhathūnanti. Ime kho gahapatiputta cha ādīnavā samajjābhicaraṇe.

[182] Cha khome gahapatiputta ādīnavā jūtappamādaṭṭhānānuyoge
jayaṁ veraṁ pasavati jino vittamanusocati 4 sandiṭṭhikā dhanajāni sabhāgatassa
vacanaṁ na rūhati mittāmaccānaṁ paribhūto hoti āvāhavivāhakānaṁ
appatthito hoti akkhadhutto [5]- purisapuggalo nālaṁ
dārabharaṇāyāti 6 . Ime kho gahapatiputta cha ādīnavā
jūtappamādaṭṭhānānuyoge.

[183] Cha khome gahapatiputta ādīnavā pāpamittānuyoge ye
dhuttā ye soṇḍā ye pipāsā ye nekatikā ye vañcanikā
ye sāhasikā tyāssa mittā honti te sahāyā. Ime
kho gahapatiputta cha ādīnavā pāpamittānuyoge.

[184] Cha khome gahapatiputta ādīnavā ālassānuyoge atisītanti
1 Ma. Yu. pāpakesu. 2 Yu. purakkhato. 3 Sī. Yu. sabbavāresu kuvaṁ. 4 Yu.
cittamanusocati. 5 Ma. ayaṁ. 6 Yu. dārābharaṇāyāti.
Kammaṁ na karoti atiuṇhanti kammaṁ na karoti atisāyanti
kammaṁ na karoti atipātoti kammaṁ na karoti aticchātosmīti
kammaṁ na karoti atipipāsitosmīti 1 kammaṁ na karoti
tassa evaṁ kiccāpadesabahulassa viharato anuppannā ceva bhogā
nuppajjanti uppannā ca bhogā parikkhayaṁ gacchanti. Ime kho
gahapatiputta cha ādīnavā ālassānuyogeti. Idamavoca bhagavā
idaṁ vatvāna sugato athāparaṁ etadavoca satthā

[185] Hoti pānasakhā nāma hoti sammiyasammiyo
yo ca atthesu jātesu sahāyo hoti so sakhā.
Ussūraseyyā paradārasevanā
verappasaṅgo 2 ca anatthatā ca
pāpā ca mittā sukadariyatā ca
ete cha ṭhānā purisaṁ dhaṁsayanti.
Pāpamitto pāpasakho pāpāacāragocaro 3
asmā lokā paramhā ca ubhayā dhaṁsate naro.
Akkhitthiyo vāruṇī naccagītaṁ
divāsoppaṁ pāricariyā akāle 4
pāpā ca mittā sukadariyatā ca
ete cha ṭhānā purisaṁ dhaṁsayanti.
Akkhehi dibbanti suraṁ pivanti
1 Ma. Yu. atidhātosmīti. 2 Ma. verappasavo. 3 Yu. pāpacāragocaro. 4 Yu. akālaṁ.
Yantitthiyo pāṇasamā paresaṁ
nihīnasevī na ca vuḍḍhisevī 1
nihīyati 2 kāḷapakkheva candimā 3
yo vāruṇi adhano abhicchano 4
pipāsosi atthapāgato 5
udakamiva iṇaṁ vigāhati
ākulaṁ 6 kāhati 7 khippamattano.
Na divāsuppasīlena rattinuṭṭhānadessinā 8
niccaṁ mattena soṇḍena sakkā āvasituṁ gharaṁ.
Atisītaṁ atiuṇhaṁ atisāyamidaṁ ahu
iti vissaṭṭhakammante 9 atthā accenti māṇave.
Yo ca sītañca uṇhañca tiṇā bhiyyo na maññati
karaṁ purisakiccāni so sukhā 10 na vihāyatīti.