[106] Santi kho pana me cunda etarahi therā bhikkhū sāvakā
honti viyattā vinītā visāradā pattayogakkhemā alaṁ samakkhātuṁ
saddhammassa alaṁ uppannaṁ parappavādaṁ sahadhammena suniggahitaṁ
niggahetvā sappāṭihāriyaṁ dhammaṁ desetuṁ. Santi kho pana me
1 Ma. Yu. ayaṁ pāṭho na dissati.
Cunda etarahi 1 majjhimā bhikkhū sāvakā. Santi kho pana me cunda
etarahi navā bhikkhū sāvakā. Santi kho pana me cunda etarahi
therā bhikkhuniyo sāvikā. Santi kho pana me cunda etarahi majjhimā
bhikkhuniyo sāvikā. Santi kho pana me cunda etarahi navā
bhikkhuniyo sāvikā. Santi kho pana me cunda etarahi upāsakā
sāvakā gihī odātavasanā brahmacārino. Santi kho pana me cunda
etarahi upāsakā sāvakā gihī odātavasanā kāmabhogino .pe. Santi
kho pana me cunda etarahi upāsikā sāvikā gihinī odātavasanā
kāmabhoginiyo. Etarahi pana me cunda brahmacariyaṁ iddhañceva
phītañca vitthārikaṁ bahujaññaṁ puthubhūtaṁ yāva devamanussehi suppakāsitaṁ.

[107] Yāvatā kho cunda etarahi satthāro loke uppannā.
Nāhaṁ cunda aññaṁ ekaṁ satthāraṁpi samanupassāmi evaṁlābhaggayasaggappattaṁ
yatharivāhaṁ. Yāvatā kho pana me 2 cunda etarahi saṅgho
vā gaṇo vā loke uppanno 3 . Nāhaṁ cunda aññaṁ ekaṁ saṅghaṁpi
samanupassāmi evaṁlābhaggayasaggappattaṁ yathariva 4 cunda bhikkhusaṅgho.
Yaṁ kho taṁ cunda sammā vadamāno vadeyya sabbākārasampannaṁ
sabbakāraparipūraṁ anūnaṁ anadhikaṁ svākkhātaṁ kevalaparipūraṁ brahmacariyaṁ
suppakāsitanti. Idameva taṁ sammā vadamāno vadeyya sabbākārasampannaṁ
sabbākāraparipūraṁ .pe. Suppakāsitanti. Uddako 5
sudaṁ cunda rāmaputto evaṁ vācaṁ bhāsati passaṁ na passatīti.
1-2 Ma. Yu. ayaṁ na dissati. 3 Yu. saṅghā vā gaṇā loke uppannā.
4 Ma. yatharivāyaṁ. 5 Ma. udako.
Kiñca passaṁ na passatīti. Khurassa sādhunisitassa talamassa passati
dhārañca khurassa 1 na passati. Idaṁ vuccati cunda passaṁ na
passatīti. Taṁ 2 kho panetaṁ cunda uddakena rāmaputtena bhāsitaṁ
hīnaṁ gammaṁ pothujjanikaṁ anariyaṁ anatthasañhitaṁ khurameva sandhāya.
Yañcetaṁ 3 cunda sammā vadamāno vadeyya passaṁ na passatīti.
Idameva taṁ sammā vadamāno vadeyya passaṁ na passatīti. Kiñca
passaṁ na passatīti. Evaṁ sabbākārasampannaṁ sabbākāraparipūraṁ
anūnaṁ anadhikaṁ svākkhātaṁ kevalaparipūraṁ brahmacariyaṁ suppakāsitanti
iti hetaṁ na 4 passatīti idamettha apakaḍḍheyya. Evantaṁ parisuddhataraṁ
assāti iti hetaṁ na passatīti 5 idamettha upakaḍḍheyya. Evantaṁ
parisuddhataraṁ 6 assāti iti hetaṁ na passati. Idaṁ vuccati
passaṁ na passatīti. Yaṁ kho taṁ cunda sammā vadamāno vadeyya
sabbākārasampannaṁ .pe. Brahmacariyaṁ suppakāsitanti. Idametaṁ 7
sammā vadamāno vadeyya sabbākārasampannaṁ sabbākāraparipūraṁ
anūnaṁ anadhikaṁ svākkhātaṁ kevalaparipūraṁ brahmacariyaṁ suppakāsitanti.

[108] Tasmātiha cunda ye te 8 mayā dhammā abhiññā desitā
tattha sabbeheva saṅgamma samāgamma atthena atthaṁ byañjanena
byañjanaṁ saṅgāyitabbaṁ vicaritabbaṁ 9 yathayidaṁ brahmacariyaṁ addhaniyaṁ
assa ciraṭṭhitikaṁ tadasseva bahujanahitāya bahujanasukhāya lokānukampāya
atthāya hitāya sukhāya devamanussānaṁ. Katame ca te
1 Ma. khvassa. Yu. kho tassa. 2 Ma. yaṁ. 3 Ma. Yu. yañca taṁ.
4 Ma. Yu. nasaddo na dissati. 5 Ma. Yu. passati. 6 Ma. Yu. paripūraṁ.
7 Ma. idameva taṁ. 8 Ma. Yu. vo. 9 Ma. Yu. na vivaditabbaṁ.
Cunda dhammā mayā abhiññā desitā. Yattha sabbeheva saṅgamma
samāgamma atthena atthaṁ byañjanena byañjanaṁ saṅgāyitabbaṁ
vicaritabbaṁ 1 yathayidaṁ brahmacariyaṁ addhaniyaṁ assa ciraṭṭhitikaṁ tadasseva
bahujanahitāya bahujanasukhāya lokānukampāya atthāya hitāya sukhāya
devamanussānaṁ. Seyyathīdaṁ. Cattāro satipaṭṭhānā cattāro
sammappadhānā cattāro iddhipādā pañcindriyāni pañca balāni
satta sambojjhaṅgā 2 ariyo aṭṭhaṅgiko maggo. Ime kho te
cunda dhammā mayā abhiññā desitā yattha sabbeheva saṅgamma
samāgamma atthena atthaṁ byañjanena byañjanaṁ saṅgāyitabbaṁ
vicaritabbaṁ yathayidaṁ brahmacariyaṁ addhaniyaṁ assa ciraṭṭhitikaṁ tadasseva
bahujanahitāya bahujanasukhāya lokānukampāya atthāya hitāya sukhāya
devamanussānaṁ.

[109] Tesañca kho 3 cunda samaggānaṁ sammodamānānaṁ avivadamānānaṁ
sikkhitabbaṁ 4 . Aññataro sabrahmacārī saṅgho 5 dhammaṁ bhāseyya tatra
ce tumhākaṁ evamassa ayaṁ kho āvuso 6 āyasmā atthañceva
micchā gaṇhāti byañjanāni ca micchā ropetīti. Tassa neva
abhinanditabbaṁ nappaṭikkositabbaṁ. Anabhinanditvā appaṭikkositvā
so evamassa vacanīyo imassa nu kho āvuso atthassa imāni [7]-
byañjanāni etāni vā byañjanāni katamāni opāyikatarāni
imesaṁ vā 8 byañjanānaṁ ayaṁ vā attho eso vā attho katamo
1 Ma. Yu. na vivaditabbaṁ. 2 Ma. Yu. bojjhaṅgā. 3 Ma. Yu. vo. 4 Ma. sikkhataṁ.
5 Ma. Yu. saṅghe. 6 Ma. Yu. ayaṁ pāṭho na dissati. 7 Ma. Yu. vā.
8 Ma. imesañca.
Opāyikataroti. So ce evaṁ vadeyya imassa kho āvuso
atthassa imāneva byañjanāni opāyikatarāni yāni ceva etāni
imesaṁ 1 byañjanānaṁ ayameva attho opāyikataro yo ceva
esoti. So neva ussādetabbo na apasādetabbo.
Anussādetvā anapasādetvā sveva sādhukaṁ saññāpetabbo tassa
ca atthassa tesañca byañjanānaṁ nisantiyā.

[110] Aparopi ce cunda sabrahmacārī saṅgho 2 dhammaṁ bhāseyya
tatra ce tumhākaṁ evamassa ayaṁ kho āyasmā atthañhi kho
micchā gaṇhāti byañjanāni sammā ropetīti. Tassa neva
abhinanditabbaṁ nappaṭikkositabbaṁ. Anabhinanditvā appaṭikkositvā
so evamassa vacanīyo imesaṁ nu kho āvuso byañjanānaṁ ayaṁ
vā attho eso vā attho katamo opāyikataroti. So ce
evaṁ vadeyya imesaṁ nu kho āvuso byañjanānaṁ ayameva attho
opāyikataro yo ceva esoti. So neva ussādetabbo
na apasādetabbo. Anussādetvā anapasādetvā sveva sādhukaṁ
saññāpetabbo tassa ca 3 atthassa nisantiyā.

[111] Aparopi ce cunda sabrahmacārī saṅgho 2 dhammaṁ bhāseyya
tatra ce tumhākaṁ evamassa ayaṁ kho āyasmā atthaṁ hi kho 4
sammā gaṇhāti byañjanāni micchā ropetīti. Tassa neva
abhinanditabbaṁ nappaṭikkositabbaṁ. Anabhinanditvā appaṭikkositvā
1 Ma. imesañca. 2 Ma. Yu. saṅghe. 3 Ma. Yu. tasseva. 4 Ma. atthañceva.
So evamassa vacanīyo imassa nu kho āvuso atthassa imāneva 1
byañjanāni etāni vā byañjanāni katamāni opāyikatarānīti.
So ce evaṁ vadeyya imassa nu khvāvuso atthassa imāneva
byañjanāni opāyikatarāni yāni ceva etānīti. So neva
ussādetabbo na apasādetabbo. Anussādetvā anapasādetvā
sveva sādhukaṁ saññāpetabbo tesaṁyeva byañjanānaṁ nisantiyā.

[112] Aparopi ce cunda sabrahmacārī saṅgho 2 dhammaṁ bhāseyya
tatra ce tumhākaṁ evamassa ayaṁ kho āyasmā atthaññeva
sammā gaṇhāti byañjanāni [3]- sammā ropetīti. Tassa sādhūti
bhāsitaṁ abhinanditabbaṁ anumoditabbaṁ. Tassa sādhūti bhāsitaṁ
abhinanditvā anumoditvā so evamassa vacanīyo lābhā no
āvuso suladdhaṁ no āvuso ye mayaṁ āyasmantaṁ tādisaṁ
sabrahmacāriṁ sarissāma 4 evaṁ atthupetaṁ byañjanupetanti.

[113] Na vo ahaṁ cunda diṭṭhadhammikānaṁyeva āsavānaṁ saṁvarāya
dhammaṁ desemi na panāhaṁ cunda samparāyikānaṁyeva āsavānaṁ
paṭighātāya dhammaṁ desemi diṭṭhadhammikānaṁ cevāhaṁ cunda āsavānaṁ
saṁvarāya dhammaṁ desemi samparāyikānaṁ ca āsavānaṁ paṭighātāya.
Tasmātiha cunda yaṁ vo mayā cīvaraṁ anuññātaṁ alaṁ vo taṁ
yāvadeva sītassa paṭighātāya uṇhassa paṭighātāya ḍaṁsamakasavātātapa-
siriṁsapasamphassānaṁ paṭighātāya yāvadeva hirikopinapaṭicchādanatthaṁ
1 Ma. imāni vā. Yu. imāni ca. 2 Ma. Yu. saṅghe. 3 Ma. ca. 4 Ma. Yu. passāma.
5 Ma. ... sarī ....
Yo vo mayā piṇḍapāto anuññāto alaṁ vo so yāvadeva
imassa kāyassa ṭhitiyā yāpanāya vihiṁsuparatiyā brahmacariyānuggahāya
iti purāṇañca vedanaṁ paṭihaṅkhāmi navañca vedanaṁ na uppādessāmi
yātrā ca me bhavissati anavajjatā ca phāsuvihāro cāti 1 yaṁ
vo mayā senāsanaṁ anuññātaṁ alaṁ vo taṁ yāvadeva sītassa
paṭighātāya uṇhassa paṭighātāya ḍaṁsamakasavātātapasiriṁsapasamphassānaṁ
paṭighātāya yāvadeva utuparissayavinodanaṁ paṭisallānārāmatthaṁ yo
vo mayā gilānapaccayabhesajjaparikkhāro anuññāto alaṁ vo so
yāvadeva uppannānaṁ veyyābādhikānaṁ vedanānaṁ paṭighātāya
abyāpajjhaparamatāyāti 2 .

[114] Ṭhānaṁ kho panetaṁ cunda vijjati yaṁ aññatitthiyā
paribbājakā evaṁ vadeyyuṁ sukhallikānuyogamanuyuttā samaṇā
sakyaputtiyā viharantīti. Evaṁ vadamānā 3 cunda aññatitthiyā
paribbājakā evamassu vacanīyā katamo so āvuso sukhallikānuyogo
sukhallikānuyogāpi hi bahū anekavihitā nānappakārakāti. Cattārome
cunda sukhallikānuyogā hīnā gammā pothujjanikā anariyā anatthasañhitā
na nibbidāya na virāgāya na nirodhāya na upasamāya na
abhiññāya na sambodhāya na nibbānāya saṁvattanti. Katame
cattāro. Idha cunda ekacco bālo pāṇe vadhitvā 4 attānaṁ
sukheti piṇeti ayaṁ paṭhamo sukhallikānuyogo. Puna caparaṁ cunda
1 Ma. ca. 2 Ma. itisaddo na dissati. 3 Ma. Yu. vādino. 4 Ma. āmeṇḍitaṁ.
Idhekacco adinnaṁ ādiyitvā 1 attānaṁ sukheti piṇeti ayaṁ dutiyo
sukhallikānuyogo. Puna caparaṁ cunda idhekacco musā bhaṇitvā 2
attānaṁ sukheti piṇeti ayaṁ tatiyo sukhallikānuyogo. Puna
caparaṁ cunda idhekacco pañcahi kāmaguṇehi samappito samaṅgibhūto
paricāreti 3 ayaṁ catuttho sukhallikānuyogo. Ime kho cunda
cattāro sukhallikānuyogā hīnā gammā pothujjanikā anariyā
anatthasañhitā na nibbidāya na virāgāya na nirodhāya na upasamāya na
abhiññāya na sambodhāya na nibbānāya saṁvattanti.

[115] Ṭhānaṁ kho panetaṁ cunda vijjati yaṁ aññatitthiyā
paribbājakā 4 evaṁ vadeyyuṁ 5 ime cattāro sukhallikānuyoge anuyuttā
samaṇā sakyaputtiyā viharantīti. Te vo 6 mā hevantissu
vacanīyā na te vo sammā vadamānā vadeyyuṁ na 7 abbhācikkheyyuṁ
te vo 8 asatā abhūtena. Cattārome cunda sukhallikānuyogā
ekantaṁ nibbidāya virāgāya nirodhāya upasamāya abhiññāya
sambodhāya nibbānāya saṁvattanti. Katame cattāro. Idha cunda
vivicceva kāmehi vivicca akusalehi dhammehi savitakkaṁ savicāraṁ
vivekajaṁ pītisukhaṁ paṭhamaṁ jhānaṁ upasampajja viharati ayaṁ paṭhamo
sukhallikānuyogo. Puna caparaṁ cunda bhikkhu vitakkavicārānaṁ
vūpasamā .pe. Dutiyaṁ jhānaṁ upasampajja viharati ayaṁ dutiyo
sukhallikānuyogo. Puna caparaṁ cunda bhikkhu pītiyā ca virāgā .pe.
1-2 Ma. āmeṇḍitaṁ. 3 Yu. parivāreti. 4-6 Yu. ayaṁ pāṭho na dissati.
5 Yu. puccheyyuṁ. 7 Ma. Yu. nasaddo na dissati. 8 Ma. te voti dve
saddā na dissati.
Tatiyaṁ jhānaṁ upasampajja viharati ayaṁ tatiyo sukhallikānuyogo.
Puna caparaṁ cunda bhikkhu sukhassa ca pahānā dukkhassa ca pahānā .pe.
Catutthaṁ jhānaṁ upasampajja viharati ayaṁ catuttho sukhallikānuyogo.
Ime kho cunda cattāro sukhallikānuyogā ekantaṁ nibbidāya
virāgāya nirodhāya upasamāya abhiññāya sambodhāya nibbānāya
saṁvattanti. Ṭhānaṁ kho panetaṁ cunda vijjati yaṁ aññatitthiyā
paribbājakā evaṁ vadeyyuṁ ime kho 1 cattāro sukhallikānuyoge
anuyuttā samaṇā sakyaputtiyā viharantīti. Te vo evantissu
vacanīyā sammā te vo vadamānā vadeyyuṁ na te vo
abbhācikkheyyuṁ asatā abhūtena.