[96] Evañhetaṁ cunda hoti durākkhāte dhammavinaye duppavedite
aniyyānike anupasamasaṁvattanike asammāsambuddhappavedite. Idha
cunda satthā ca hoti asammāsambuddho dhammo ca durākkhāto
duppavedito aniyyāniko anupasamasaṁvattaniko asammāsambuddhappavedito
sāvako ca tasmiṁ dhamme na dhammānudhammapaṭipanno viharati na
sāmīcipaṭipanno na anudhammacārī vokkamma ca tamhā dhammā vattati
1 Ma. Yu. ārocessāmāti. 2 Yu. ayaṁ na hissati.
So evamassa vacanīyo tassa te āvuso lābhā tassa te
suladdhaṁ satthā ca te asammāsambuddho dhammo ca durākkhāto
duppavedito aniyyāniko anupasamasaṁvattaniko asammāsambuddhappavedito
tvañca tasmiṁ dhamme na dhammānudhammapaṭipanno viharasi
na sāmīcipaṭipanno na anudhammacārī vokkamma ca tamhā dhammā
vattasīti. Iti kho cunda satthāpi tattha gārayho dhammopi
tattha gārayho sāvako ca tattha evaṁ pāsaṁso. Yo kho
cunda evarūpaṁ sāvakaṁ evaṁ vadeyya etāyasmā tathā paṭipajjatu
yathā te satthārā dhammo desito paññattoti. Yo ca samādapeti
yañca samādapeti yo ca samādapito tathattāya paṭipajjati sabbe
te bahuṁ apuññaṁ pasavanti. Taṁ kissa hetu. Evañhetaṁ cunda hoti
durākkhāte dhammavinaye duppavedite aniyyānike anupasamasaṁvattanike
asammāsambuddhappavedite.

[97] Idha pana cunda satthā ca hoti asammāsambuddho dhammo
ca durākkhāto duppavedito aniyyāniko anupasamasaṁvattaniko
asammāsambuddhappavedito sāvako ca tasmiṁ dhamme dhammānudhammapaṭipanno
viharati sāmīcipaṭipanno anudhammacārī samādāya taṁ dhammaṁ pavattati 1
so evamassa vacanīyo tassa te āvuso alābhā tassa te
dulladdhaṁ satthā ca te asammāsambuddho dhammo ca durākkhāto
duppavedito aniyyāniko anupasamasaṁvattaniko asammāsambuddhappavedito
1 Ma. Yu. vattati.
Tvañca tasmiṁ dhamme dhammānudhammapaṭipanno viharasi sāmīcipaṭipanno
anudhammacārī samādāya taṁ dhammaṁ vattasīti. Iti kho cunda
satthāpi tattha gārayho dhammopi tattha gārayho sāvakopi tattha
evaṁ gārayho. Yo kho cunda evarūpaṁ sāvakaṁ evaṁ vadeyya
addhāyasmā ñāyapaṭipanno ñāyaṁ ārādhessatīti. Yo ca
pasaṁsati yañca pasaṁsati yo ca pasaṁsito 1 bhiyyoso mattāya
viriyaṁ ārabhati sabbe te bahuṁ apuññaṁ pasavanti. Taṁ kissa hetu.
Evaṁ hetaṁ cunda hoti durākkhāte dhammavinaye duppavedite aniyyānike
anupasamasaṁvattanike asammāsambuddhappavedite.

[98] Idha pana cunda satthā ca hoti sammāsambuddho
dhammo ca svākkhāto suppavedito niyyāniko upasamasaṁvattaniko
sammāsambuddhappavedito sāvako ca tasmiṁ dhamme na
dhammānudhammapaṭipanno viharati na sāmīcipaṭipanno na anudhammacārī
vokkamma ca tamhā dhammā vattati so evamassa vacanīyo tassa
te āvuso alābhā tassa te dulladdhaṁ satthā ca te sammāsambuddho
dhammo ca svākkhāto suppavedito niyyāniko upasamasaṁvattaniko
sammāsambuddhappavedito tvañca tasmiṁ dhamme na dhammānudhammapaṭipanno
viharasi na sāmīcipaṭipanno na anudhammacārī vokkamma ca tamhā
dhammā vattasīti. Iti kho cunda satthāpi tattha pāsaṁso dhammopi
tattha pāsaṁso sāvako ca tattha evaṁ gārayho. Yo kho cunda
1 Yu. pasattho.
Evarūpaṁ sāvakaṁ evaṁ vadeyya etāyasmā tathā paṭipajjatu yathā
te satthārā dhammo desito paññattoti. Yo ca samādapeti
yañca samādapeti yo ca samādapito tathattāya paṭipajjati sabbe
te bahuṁ puññaṁ pasavanti. Taṁ kissa hetu. Evañhetaṁ cunda
hoti svākkhāte dhammavinaye suppavedite niyyānike upasamasaṁvattanike
sammāsamabuddhappavedite.

[99] Idha pana cunda satthā ca hoti sammāsambuddho dhammo
ca svākkhāto suppavedito niyyāniko upasamasaṁvattaniko
sammāsambuddhappavedito sāvako ca tasmiṁ dhamme dhammānudhammapaṭipanno
viharati sāmīcipaṭipanno anudhammacārī samādāya taṁ dhammaṁ vattati
so evamassa vacanīyo tassa te āvuso sulābhā 1 tassa te
suladdhaṁ satthā ca te arahaṁ 2 sammāsambuddho dhammo ca svākkhāto
suppavedito niyyāniko upasamasaṁvattaniko sammāsambuddhappavedito
tvañca tasmiṁ dhamme dhammānudhammapaṭipanno viharasi sāmīcipaṭipanno
anudhammacārī samādāya taṁ dhammaṁ vattasīti. Iti kho cunda satthāpi
tattha pāsaṁso dhammopi tattha pāsaṁso sāvakopi tattha evaṁ
pāsaṁso. Yo kho cunda evarūpaṁ sāvakaṁ evaṁ vadeyya addhāyasmā
ñāyapaṭipanno ñāyaṁ ārādhessatīti. Yo ca pasaṁsati yañca pasaṁsati
yo ca pasattho 3 bhiyyoso mattāya viriyaṁ ārabhati sabbe te
bahuṁ puññaṁ pasavanti. Taṁ kissa hetu. Evañhetaṁ cunda hoti
1 Ma. Yu. lābhā. 2 Ma. ayaṁ pāṭho natthi. 3 Ma. pasaṁsito.
Svākkhāte dhammavinaye suppavedite niyyānike upasamasaṁvattanike
sammāsambuddhappavedite.

[100] Idha [1]- cunda satthā ca loke udapādi arahaṁ
sammāsambuddho dhammo ca svākkhāto suppavedito niyyāniko
upasamasaṁvattaniko sammāsambuddhappavedito aviññāpitatthā cassa
honti sāvakā saddhamme nesaṁ satthu ca nesaṁ 2 kevalaṁ paripūraṁ
brahmacariyaṁ āvikataṁ hoti uttānīkataṁ sabbasaṅgāhapadakataṁ sappāṭihirakataṁ 3
yāva devamanussehi suppakāsitaṁ atha nesaṁ satthuno antaradhānaṁ
hoti. Evarūpo kho cunda satthā ca 4 sāvakānaṁ kālakato 5 anutappo
hoti. Taṁ kissa hetu. Satthā hi 6 loke udapādi arahaṁ
sammāsambuddho dhammo ca svākkhāto suppavedito niyyāniko
upasamasaṁvattaniko sammāsambuddhappavedito aviññāpitatthā camhā 7
saddhamme na ca no kevalañca 8 paripūraṁ brahmacariyaṁ āvikataṁ hoti
uttānīkataṁ sabbasaṅgāhapadakataṁ sappāṭihirakataṁ yāva devamanussehi
suppakāsitaṁ atha no satthuno antaradhānaṁ hoti 9 . Evarūpo kho
cunda satthā ca 8 sāvakānaṁ kālakato anutappo hoti.

[101] Idha pana cunda satthā ca loke udapādi arahaṁ
sammāsambuddho dhammo ca svākkhāto suppavedito niyyāniko
upasamasaṁvattaniko sammāsambuddhappavedito viññāpitatthā cassa
1 Ma. Yu. pana. 2 Ma. na ca nesaṁ. Yu. na ca tesaṁ. 3 Ma. Yu. sappāṭihīrakataṁ.
4-8 Ma. Yu. casaddo na dissati. 5 Ma. kālaṁ kato. 6 Ma. ca. Yu. ca no. 7 Ma. Yu. camha. 9 Ma. Yu. hotīti.
Honti sāvakā saddhamme kevalañca tesaṁ paripūraṁ brahmacariyaṁ
āvikataṁ hoti uttānīkataṁ sabbasaṅgāhapadakataṁ sappāṭihirakataṁ yāva
devamanussehi suppakāsitaṁ atha nesaṁ satthuno antaradhānaṁ hoti.
Evarūpo kho cunda satthā sāvakānaṁ kālakato anānutappo 1 hoti.
Taṁ kissa hetu. Satthāpi loke 2 udapādi arahaṁ sammāsambuddho
dhammo ca svākkhāto suppavedito niyyāniko upasamasaṁvattaniko
sammāsambuddhappavedito viññāpitatthā camhā 3 saddhamme
kevalañca no paripūraṁ brahmacariyaṁ āvikataṁ hoti uttānīkataṁ
sabbasaṅgāhapadakataṁ sappāṭihirakataṁ yāva devamanussehi suppakāsitaṁ
athakho satthuno antaradhānaṁ hoti 4 . Evarūpo kho cunda satthā
sāvakānaṁ kālakato anānutappo 1 hotīti 5 .

[102] Etehi cepi cunda aṅgeha samannāgataṁ brahmacariyaṁ
hoti no ca kho satthā hoti thero rattaññū cirapabbajito
addhagato vayo anuppatto evantaṁ brahmacariyaṁ aparipūraṁ hoti
tenaṅgena. Yato kho 6 cunda etehi cepi 7 aṅgehi samannāgataṁ
brahmacariyaṁ hoti satthā ca hoti thero rattaññū cirapabbajito
addhagato vayo anuppatto evantaṁ brahmacariyaṁ paripūraṁ hoti
tenaṅgena.

[103] Etehi cepi cunda aṅgehi samannāgataṁ brahmacariyaṁ
hoti satthā ca hoti thero rattaññū cirapabbajito addhagato
1 Ma. Yu. ananutappo. 2 Ma. Yu. satthā ca no loke. 3 Ma. Yu. camha.
4 Ma. Yu. hotīti. 5 Ma. Yu. itisaddo na dissati. 6 Ma. Yu. yato ca kho.
7 Ma. Yu. ceva.
Vayo anuppatto no ca khvassa therā bhikkhū sāvakā honti viyattā 1
vinītā visāradā pattayogakkhemā alaṁ samakkhātuṁ saddhammassa alaṁ
uppannaṁ parappavādaṁ sahadhammena suniggahitaṁ niggahetvā sappāṭihāriyaṁ
dhammaṁ desetuṁ evantaṁ brahmacariyaṁ aparipūraṁ hoti tenaṅgena.
Yato ca kho cunda etehi cepi aṅgehi samannāgataṁ brahmacariyaṁ
hoti satthā ca hoti thero rattaññū cirapabbajito addhagato
vayo anuppatto therā cassa bhikkhū sāvakā honti viyattā
vinītā visāradā pattayogakkhemā alaṁ samakkhātuṁ saddhammassa alaṁ
uppannaṁ parappavādaṁ sahadhammena suniggahitaṁ niggahetvā sappāṭihāriyaṁ
dhammaṁ desetuṁ evantaṁ brahmacariyaṁ paripūraṁ hoti tenaṅgena.

[104] Etehi cepi cunda aṅgehi samannāgataṁ brahmacariyaṁ hoti
satthā ca hoti thero rattaññū cirapabbajito addhagato vayo
anuppatto therā cassa bhikkhū sāvakā honti viyattā vinītā
visāradā .pe. Alaṁ uppannaṁ parappavādaṁ sahadhammena suniggahitaṁ
niggahetvā sappāṭihāriyaṁ dhammaṁ desetuṁ no ca khvassa majjhimā
bhikkhū sāvakā honti. Majjhimā ca 2 bhikkhū sāvakā honti. No
ca khvassa navā bhikkhū sāvakā honti. Navā cassa bhikkhuniyo
sāvikā honti. No ca khvassa therā bhikkhuniyo sāvikā honti.
Therā cassa bhikkhuniyo sāvikā honti. No ca khvassa majjhimā
bhikkhuniyo sāvikā honti. Majjhimā cassa bhikkhuniyo sāvikā
1 Yu. vyattā. 2 Ma. cassa. majjhimāssa.
Honti. No ca khvassa navā bhikkhuniyo sāvikā honti. Navā
cassa bhikkhuniyo sāvikā honti. No ca khvassa upāsakā sāvakā
honti gihī odātavasanā brahmacārino. Upāsakā cassa sāvakā
honti gihī odātavasanā brahmacārino. No ca khvassa upāsakā
sāvakā honti gihī odātavasanā kāmabhogino. Upāsakā cassa
sāvakā honti gihī odātavasanā kāmabhogino. No ca khvassa
upāsikā sāvikā honti gihinī odātavasanā brahmacāriniyo.
Upāsikā cassa sāvikā honti gihinī odātavasanā brahmacāriniyo.
No ca khvassa upāsikā sāvikā honti gihinī odātavasanā
kāmabhoginiyo. Upāsikā cassa sāvikā honti gihinī odātavasanā
kāmabhoginiyo. No ca khvassa brahmacariyaṁ hoti iddhañceva [1]-
phītañca vitthārikaṁ bahujaññaṁ 2 puthubhūtaṁ yāva devamanussehi suppakāsitaṁ
brahmacariyañcassa hoti iddhañca phītañca vitthārikaṁ bahujaññaṁ puthubhūtaṁ
yāva devamanussehi suppakāsitaṁ no ca kho lābhaggayasaggappattaṁ
evantaṁ brahmacariyaṁ aparipūraṁ hoti tenaṅgena. Yato ca kho
cunda etehi ceva aṅgehi samannāgataṁ brahmacariyaṁ hoti satthā
ca hoti thero rattaññū cirapabbajito addhagato vayo anuppatto
therā cassa bhikkhū sāvakā honti viyattā vinītā visāradā .pe.
Sappāṭihāriyaṁ dhammaṁ desetuṁ. Majjhimā cassa bhikkhū sāvakā
honti. Navā cassa bhikkhū sāvakā honti. Therā cassa bhikkhuniyo
1 Yu. hoti. 2 Ma. Yu. bāhujaññaṁ.
Sāvikā honti. Majjhimā cassa bhikkhuniyo sāvikā honti.
Navā cassa bhikkhuniyo sāvikā honti. Upāsakā cassa sāvakā
honti gihī odātavasanā brahmacārino. Upāsakā cassa sāvakā
honti gihī odātavasanā kāmabhogino. Upāsikā cassa sāvikā
honti gihinī odātavasanā brahmacāriniyo. Upāsikā cassa sāvikā
honti gihinī odātavasanā kāmabhoginiyo. Brahmacariyañcassa hoti
iddhañceva phītañca vitthārikaṁ bahujaññaṁ puthubhūtaṁ yāva devamanussehi
suppakāsitaṁ lābhaggayasaggappattañca evantaṁ brahmacariyaṁ paripūraṁ
hoti tenaṅgena.

[105] Ahaṁ kho pana cunda etarahi satthā loke uppanno
arahaṁ sammāsambuddho dhammo ca svākkhāto suppavedito
niyyāniko upasamasaṁvattaniko sammāsambuddhappavedito viññāpitatthā
ca me sāvakā saddhamme kevalañca tesaṁ paripūraṁ brahmacariyaṁ
āvikataṁ hoti 1 uttānīkataṁ sabbasaṅgāhapadakataṁ sappāṭihirakataṁ yāva
devamanussehi suppakāsitaṁ. Ahaṁ kho pana cunda etarahi satthā
thero rattaññū cirapabbajito addhagato vayo anuppatto.