[36] Athakho bhikkhave rājā khattiyo muddhāvasitto
uṭṭhāyāsanā ekaṁsaṁ uttarāsaṅgaṁ karitvā vāmena hatthena bhiṅgāraṁ
gahetvā dakkhiṇena hatthena cakkaratanaṁ abbhukkiri pavattatu bhavaṁ
cakkaratanaṁ abhivijinātu bhavaṁ cakkaratananti. Athakho taṁ bhikkhave
cakkaratanaṁ puratthimaṁ disaṁ pavatti 2 . Anvadeva rājā cakkavatti
saddhiṁ caturaṅginiyā senāya. Yasmiṁ kho pana bhikkhave padese
cakkaratanaṁ patiṭṭhāsi tattha rājā cakkavatti vāsaṁ upagacchi 3
saddhiṁ caturaṅginiyā senāya. Ye kho pana bhikkhave puratthimāya
disāya paṭirājāno te rājānaṁ cakkavattiṁ upasaṅkamitvā evamāhaṁsu
ehi kho mahārāja svāgataṁ 4 mahārāja sakante mahārāja
anusāsa mahārājāti. Rājā cakkavatti evamāha pāṇo na
hantabbo adinnaṁ nādātabbaṁ kāmesu micchā na caritabbā musā
na bhāsitabbā majjaṁ na pātabbaṁ yathābhuttañca bhuñjathāti.
1 Ma. disvāna. 2 pavattatītipi pāṭho. 3 upagañchīti vā pāṭho. 4 Ma. svāgataṁ
te. Yu. sāgataṁ.
Ye kho pana bhikkhave puratthimāya disāya paṭirājāno te rañño
cakkavattissa anuyantā ahesuṁ. Athakho taṁ bhikkhave cakkaratanaṁ
puratthimaṁ samuddaṁ ajjhogahetvā 1 paccuttaritvā dakkhiṇaṁ samuddaṁ
ajjhogahetvā paccuttaritvā pacchimaṁ 2 disaṁ pavatti. Anvadeva
rājā cakkavatti saddhiṁ caturaṅginiyā senāya. Yasmiṁ kho pana
bhikkhave padese [3]- cakkaratanaṁ patiṭṭhāsi tattha rājā cakkavatti
vāsaṁ upagacchi saddhiṁ caturaṅginiyā senāya. Ye kho pana bhikkhave
pacchimāya disāya paṭirājāno te rājānaṁ cakkavattiṁ upasaṅkamitvā
evamāhaṁsu ehi kho mahārāja svāgataṁ mahārāja sakante
mahārāja anusāsa mahārājāti. Rājā cakkavatti evamāha
pāṇo na hantabbo adinnaṁ nādātabbaṁ kāmesu micchā na
caritabbā musā na bhāsitabbā majjaṁ na pātabbaṁ yathābhuttañca
bhuñjathāti. Ye kho pana bhikkhave pacchimāya disāya paṭirājāno
te rañño cakkavattissa anuyantā ahesuṁ. Athakho taṁ bhikkhave
cakkaratanaṁ pacchimaṁ samuddaṁ ajjhogahetvā paccuttaritvā uttaraṁ
disaṁ pavatti. Anvadeva rājā cakkavatti saddhiṁ caturaṅginiyā
senāya. Yasmiṁ kho pana bhikkhave padese [3]- cakkaratanaṁ patiṭṭhāsi
tattha rājā cakkavatti vāsaṁ upagacchi saddhiṁ caturaṅginiyā senāya.
Ye kho pana bhikkhave uttarāya disāya paṭirājāno te rājānaṁ
cakkavattiṁ upasaṅkamitvā evamāhaṁsu ehi kho mahārāja svāgataṁ
1 Ma. ajjhogāhetvā. 2 Ma. Yu. samuddaṁ ... pacchimanti ime pāṭhā natthi.
3 Ma. dibbaṁ.
Mahārāja sakante mahārāja anusāsa mahārājāti. Rājā
cakkavatti evamāha pāṇo na hantabbo adinnaṁ nādātabbaṁ
kāmesu micchā na caritabbā musā na bhāsitabbā majjaṁ na
pātabbaṁ yathābhuttañca bhuñjathāti. Ye kho pana bhikkhave
uttarāya disāya paṭirājāno te rañño cakkavattissa anuyantā
ahesuṁ. Athakho taṁ bhikkhave cakkaratanaṁ samuddapariyantaṁ paṭhaviṁ
abhivijinitvā tameva rājadhāniṁ paccuggantvā 1 rañño cakkavattissa
antepuradvāre atthakaraṇapamukhe akkhāhataṁ maññe aṭṭhāsi rañño
cakkavattissa antepuraṁ upasobhayamānaṁ.

[37] Dutiyopi kho bhikkhave rājā cakkavatti. Tatiyopi
kho bhikkhave rājā cakkavatti. Catutthopi kho bhikkhave rājā
cakkavatti. Pañcamopi kho bhikkhave rājā cakkavatti. Chaṭṭhopi kho
bhikkhave rājā cakkavatti. Sattamopi kho bhikkhave rājā cakkavatti
bahunnaṁ vassānaṁ bahunnaṁ vassasatānaṁ bahunnaṁ vassasahassānaṁ accayena
aññataraṁ purisaṁ āmantesi yadā kho 2 tvaṁ ambho purisa passeyyāsi
dibbaṁ cakkaratanaṁ osakkitaṁ ṭhānā cutaṁ atha me āroceyyāsīti.
Evaṁ devāti kho bhikkhave so puriso rañño cakkavattissa
paccassosi. Addasā kho bhikkhave so puriso bahunnaṁ vassānaṁ
bahunnaṁ vassasatānaṁ bahunnaṁ vassasahassānaṁ accayena dibbaṁ cakkaratanaṁ
1 Ma. Yu. paccāgantvā. 2 Ma. khosaddo na dissati.
Osakkitaṁ ṭhānā cutaṁ disvā 1 yena rājā cakkavatti tenupasaṅkami
upasaṅkamitvā rājānaṁ cakkavattiṁ etadavoca yagghe deva jāneyyāsi
dibbante cakkaratanaṁ osakkitaṁ ṭhānā cutanti. Athakho bhikkhave
rājā cakkavatti jeṭṭhaputtaṁ kumāraṁ āmantetvā 2 etadavoca
dibbaṁ kira me tāta kumāra cakkaratanaṁ osakkitaṁ ṭhānā cutaṁ
sukhaṁ kho pana metaṁ yassa rañño cakkavattissa dibbaṁ cakkaratanaṁ
osakkati ṭhānā cavati nadāni tena raññā ciraṁ jīvitabbaṁ
hotīti bhuttā pana me mānusakā kāmā samayodāni me
dibbe 3 kāme pariyesituṁ ehi tvaṁ tāta kumāra imaṁ samuddapariyantaṁ
paṭhaviṁ paṭipajja ahaṁ pana kesamassuṁ ohāretvā kāsāyāni
vatthāni acchādetvā agārasmā anagāriyaṁ pabbajissāmīti.
Athakho bhikkhave rājā cakkavatti jeṭṭhaputtaṁ kumāraṁ sādhukaṁ rajje
samanusāsetvā kesamassuṁ ohāretvā kāsāyāni vatthāni acchādetvā
agārasmā anagāriyaṁ pabbaji. Sattāhaṁ pabbajite kho pana
bhikkhave rājisimhi dibbaṁ cakkaratanaṁ antaradhāyi.

[38] Athakho bhikkhave aññataro puriso .pe. Antarahitanti.
Athakho bhikkhave rājā khattiyo muddhāvasitto dibbe cakkaratane
antarahite anattamano ahosi anattamanatañca paṭisaṁvedesi no
ca kho rājisiṁ upasaṅkamitvā ariyaṁ cakkavattivattaṁ pucchi. So
samateneva sudaṁ janapadaṁ pasāsati tassa samatena janapadaṁ pasāsato
1 Ma. disvāna. 2 Ma. Yu. āmantāpetvā. 3 Yu. samayo dibbe.
Na pubbenāparaṁ janapadā paccanti yathā taṁ pubbakānaṁ rājūnaṁ ariye
cakkavattivatte vattamānānaṁ. Athakho bhikkhave amaccā pārisajjā
gaṇakamahāmattā anīkaṭṭhā dovārikā mantassājīvino sannipatitvā
rājānaṁ khattiyaṁ muddhāvasittaṁ [1]- etadavocuṁ na kho te deva samatena
sudaṁ 2 janapadaṁ pasāsato pubbenāparaṁ janapadā paccanti yathā taṁ
pubbakānaṁ rājūnaṁ ariye cakkavattivatte vattamānānaṁ saṁvijjanti
kho te deva vijite amaccā pārisajjā gaṇakamahāmattā anīkaṭṭhā
dovārikā mantassājīvino mayañceva aññe ca ye mayaṁ ariyaṁ
cakkavattivattaṁ dhārema iṅgha tvaṁ deva amhe ariyaṁ cakkavattivattaṁ
puccha tassa te mayaṁ ariyaṁ cakkavattivattaṁ puṭṭhā byākarissāmāti.

[39] Athakho bhikkhave rājā khattiyo muddhāvasitto amacce
pārisajje gaṇakamahāmatte anīkaṭṭhe dovārike mantassājīvino
sannipātetvā ariyaṁ cakkavattivattaṁ pucchi. Tassa te ariyaṁ
cakkavattivattaṁ puṭṭhā byākariṁsu. Tesaṁ sutvā dhammikañhi kho
rakkhāvaraṇaguttiṁ saṁvidahi no ca kho adhanānaṁ dhanamanuppadāsi.
Adhanānaṁ dhane nānuppadiyamāne 3 dāḷiddiyaṁ 4 vepullaṁ agamāsi.
Dāḷiddiye vepullaṁ gate aññataro puriso paresaṁ adinnaṁ
theyyasaṅkhātaṁ ādiyi. Tamenaṁ aggahesuṁ gahetvā rañño
khattiyassa muddhāvasittassa dassesuṁ ayaṁ deva puriso paresaṁ
adinnaṁ theyyasaṅkhātaṁ ādiyīti. Evaṁ vutte bhikkhave rājā khattiyo
1 Yu. upasaṅkamitvā. 2 Yu. ayaṁ na dissati. 3 Ma. Yu. ananuppādiyamāne.
4 Yu. sabbavāresu daliddiyaṁ.
Muddhāvasitto taṁ purisaṁ etadavoca saccaṁ kira tvaṁ ambho purisa paresaṁ
adinnaṁ theyyasaṅkhātaṁ ādiyasīti 1 . Saccaṁ devāti. Kiṁkāraṇāti. Na
hi deva jīvāmīti. Athakho bhikkhave rājā khattiyo muddhāvasitto
tassa purisassa dhanamanuppadāsi iminā tvaṁ ambho purisa dhanena
attanā ca jīvāhi mātāpitaro ca posehi puttadārañca posehi
kammante [2]- payojehi samaṇesu brāhmaṇesu 3 uddhaggikaṁ dakkhiṇaṁ
patiṭṭhapehi sovaggikaṁ sukhavipākaṁ saggasaṁvattanikanti. Evaṁ devāti kho
bhikkhave so puriso rañño khattiyassa muddhāvasittassa paccassosi.
Aññataropi kho bhikkhave puriso paresaṁ adinnaṁ theyyasaṅkhātaṁ
ādiyi. Tamenaṁ aggahesuṁ gahetvā rañño khattiyassa
muddhāvasittassa dassesuṁ ayaṁ deva puriso paresaṁ adinnaṁ theyyasaṅkhātaṁ
ādiyīti. Evaṁ vutte bhikkhave rājā khattiyo muddhāvasitto taṁ 4
purisaṁ etadavoca saccaṁ kira tvaṁ ambho purisa paresaṁ adinnaṁ
theyyasaṅkhātaṁ ādiyasīti. Saccaṁ devāti. Kiṁkāraṇāti. Na hi
deva jīvāmīti. Athakho bhikkhave rājā khattiyo muddhāvasitto
tassa purisassa dhanamanuppadāsi iminā tvaṁ ambho purisa dhanena
attanā ca jīvāhi 5 mātāpitaro ca posehi puttadārañca
posehi kammante [2]- payojehi samaṇesu brāhmaṇesu 3 uddhaggikaṁ
dakkhiṇaṁ patiṭṭhapehi sovaggikaṁ sukhavipākaṁ saggasaṁvattanikanti. Evaṁ
devāti kho bhikkhave so 6 puriso rañño khattiyassa muddhāvasittassa
1 Ma. Yu. ādiyīti. 2 Ma. Yu. ca. 3 Ma. samaṇabrāhmaṇesu. 4 Yu. ayaṁ
na dissati. 5 Yu. upajīvāhi. 6 Yu. kho so bhikkhave.
Paccassosi. Assosuṁ kho bhikkhave manussā ye kira bho
paresaṁ adinnaṁ theyyasaṅkhātaṁ ādiyanti tesaṁ rājā anuppadetīti 1 .
Sutvāna tesaṁ etadahosi yannūna mayaṁpi paresaṁ adinnaṁ theyyasaṅkhātaṁ
ādiyeyyāmāti.

[40] Athakho bhikkhave aññataro puriso paresaṁ adinnaṁ
theyyasaṅkhātaṁ ādiyi. Tamenaṁ aggahesuṁ gahetvā rañño khattiyassa
muddhāvasittassa dassesuṁ ayaṁ deva puriso paresaṁ adinnaṁ
theyyasaṅkhātaṁ ādiyīti. Evaṁ vutte bhikkhave rājā khattiyo
muddhāvasitto taṁ purisaṁ etadavoca saccaṁ kira tvaṁ ambho purisa paresaṁ
adinnaṁ theyyasaṅkhātaṁ ādiyasīti. Saccaṁ devāti. Kiṁkāraṇāti.
Na hi deva jīvāmīti. Athakho bhikkhave rañño khattiyassa
muddhāvasittassa etadahosi sace kho ahaṁ yo yo paresaṁ adinnaṁ
theyyasaṅkhātaṁ ādiyissati tassa tassa dhanamanuppadassāmi 2 evamidaṁ
adinnādānaṁ pavaḍḍhissati yannūnāhaṁ imaṁ purisaṁ sunisedhaṁ nisedheyyaṁ
mūlaghacchaṁ kareyyaṁ sīsamassa chindeyyanti. Athakho bhikkhave rājā
khattiyo muddhāvasitto purise āṇāpesi tenahi bhaṇe imaṁ
purisaṁ daḷhāya rajjuyā pacchābāhuṁ gāḷhabandhanaṁ bandhitvā khuramuṇḍaṁ
karitvā kharassarena paṇavena rathiyāya rathiyaṁ 3 siṅghāṭakena siṅghāṭakaṁ
parinetvā dakkhiṇena dvārena nikkhamitvā dakkhiṇato nagarassa
sunisedhaṁ nisedhetha mūlaghacchaṁ karotha sīsamassa chindathāti. Evaṁ
1 Ma. Yu. dhanamanuppadesīti. 2 Yu. dhanamanuppadāmi. 3 Ma. rathikāya rathikaṁ.
Devāti kho bhikkhave te purisā rañño khattiyassa muddhāvasittassa
paṭissutvā taṁ purisaṁ daḷhāya rajjuyā pacchābāhuṁ gāḷhabandhanaṁ
bandhitvā khuramuṇḍaṁ karitvā kharassarena paṇavena rathiyāya rathiyaṁ
siṅghāṭakena siṅghāṭakaṁ parinetvā dakkhiṇena dvārena nikkhamitvā
dakkhiṇato nagarassa sunisedhaṁ nisedhesuṁ mūlaghacchaṁ akaṁsu sīsamassa
chindiṁsu.

[41] Assosuṁ kho bhikkhave manussā ye kira bho paresaṁ
adinnaṁ theyyasaṅkhātaṁ ādiyanti te rājā sunisedhaṁ nisedheti
mūlaghacchaṁ karoti sīsāni tesaṁ chindatīti. Sutvāna tesaṁ etadahosi
yannūna mayaṁpi tiṇhāni satthāni kārāpeyyāma 1 tiṇhāni satthāni
kārāpetvā yesaṁ adinnaṁ theyyasaṅkhātaṁ ādiyissāma te sunisedhaṁ
nisedhessāma mulaghacchaṁ karissāma sīsāni nesaṁ chindissāmāti.
Te tiṇhāni satthāni kārāpesuṁ tiṇhāni satthāni kārāpetvā
gāmaghātaṁpi upakkamiṁsu kātuṁ nigamaghātaṁpi upakkamiṁsu kātuṁ nagaraghātaṁpi
upakkamiṁsu kātuṁ panthadūhaṇampi upakkamiṁsu kātuṁ. Yesaṁ te 2
adinnaṁ theyyasaṅkhātaṁ ādiyanti te sunisedhaṁ nisedhenti mūlaghacchaṁ
karonti sīsāni nesaṁ chindanti.

[42] Iti kho bhikkhave adhanānaṁ dhane nānuppadiyamāne 3
dāḷiddiyaṁ vepullamagamāsi dāḷiddiye vepullaṁ gate 4 adinnādānaṁ
vepullamagamāsi adinnādāne vepullaṁ gate satthaṁ vepullamagamāsi
1 Ma. kārāpessāma. 2 Yu. te yesaṁ. 3 Ma. Yu. ananuppadīyamāne.
4 Yu. sabbavāresu vepullagate.
Satthe vepullaṁ gate pāṇātipāto vepullamagamāsi pāṇātipāte
vepullaṁ gate musāvādo vepullamagamāsi musāvāde vepullaṁ gate
tesaṁ sattānaṁ āyupi parihāyi vaṇṇopi parihāyi tesaṁ āyunāpi
parihāyamānānaṁ vaṇṇenapi parihāyamānānaṁ asītivassasahasusāyukānaṁ
manussānaṁ cattārīsavassasahassāyukā puttā ahesuṁ cattārīsavassasahassāyukesu
bhikkhave manussesu aññataro puriso paresaṁ
adinnaṁ theyyasaṅkhātaṁ ādiyi. Tamenaṁ aggahesuṁ gahetvā rañño
khattiyassa muddhāvasittassa dassesuṁ ayaṁ deva puriso paresaṁ
adinnaṁ theyyasaṅkhātaṁ ādiyīti. Evaṁ vutte bhikkhave rājā
khattiyo muddhāvasitto taṁ purisaṁ etadavoca saccaṁ kira tvaṁ ambho
purisa paresaṁ adinnaṁ theyyasaṅkhātaṁ ādiyasīti. Na hi devāti
sampajānamusā 1 bhāsi.

[43] Iti kho bhikkhave adhanānaṁ dhane nānuppadiyamāne
dāḷiddiyaṁ vepullamagamāsi dāḷiddiye vepullaṁ gate adinnādānaṁ
vepullamagamāsi adinnādāne vepullaṁ gate satthaṁ vepullamagamāsi
satthe vepullaṁ gate pāṇātipāto vepullamagamāsi pāṇātipāte
vepullaṁ gate musāvādo vepullamagamāsi musāvāde vepullaṁ gate
tesaṁ sattānaṁ āyupi parihāyi vaṇṇopi parihāyi tesaṁ 2 āyunāpi
parihāyamānānaṁ vaṇṇenapi parihāyamānānaṁ cattārīsavassasahassāyukānaṁ
manussānaṁ vīsativassasahassāyukā puttā ahesuṁ vīsativassasahassāyukesu
1 Yu. avaca sampajānamusā. 2 Yu. ayaṁ na dissati.
Bhikkhave manussesu aññataro puriso paresaṁ adinnaṁ theyyasaṅkhātaṁ
ādiyi. Tamenaṁ aññataro puriso rañño khattiyassa muddhāvasittassa
ārocesi itthannāmo deva puriso paresaṁ adinnaṁ theyyasaṅkhātaṁ
ādiyatīti pesuññamakāsi.

[44] Iti kho bhikkhave adhanānaṁ dhane nānuppadiyamāne
dāḷiddiyaṁ vepullamagamāsi dāḷiddiye vepullaṁ gate .pe.
Pisuṇā vācā vepullamagamāsi pisuṇāya vācāya vepullaṁ gatāya
tesaṁ sattānaṁ āyupi parihāyi vaṇṇopi parihāyi tesaṁ āyunāpi
parihāyamānānaṁ vaṇṇenapi parihāyamānānaṁ vīsativassasahassāyukānaṁ
manussānaṁ dasavassasahassāyukā puttā ahesuṁ dasavassasahassāyukesu
bhikkhave manussesu ekidaṁ sattā vaṇṇavantā 1 honti ekidaṁ sattā
dubbaṇṇā tattha ye te sattā dubbaṇṇā te vaṇṇavante
satte abhijjhāyantā paresaṁ dāresu cārittaṁ āpajjiṁsu.

[45] Iti kho bhikkhave adhanānaṁ dhane nānuppadiyamāne
dāḷiddiyaṁ vepullamagamāsi dāḷiddiye vepullaṁ gate adinnādānaṁ
vepullamagamāsi adinnādāne vepullaṁ gate. Saṅkhittaṁ. Kāmesu
micchācāro vepullamagamāsi kāmesu micchācāre vepullaṁ gate
tesaṁ sattānaṁ āyupi parihāyi vaṇṇopi parihāyi tesaṁ āyunāpi
parihāyamānānaṁ vaṇṇenapi parihāyamānānaṁ dasavassasahassāyukānaṁ
manussānaṁ pañcavassasahassāyukā puttā ahesuṁ pañcavassasahassāyukesu
1 Ma. Yu. vaṇṇavanto.
Bhikkhave manussesu dve dhammā vepullamagamiṁsu 1 pharusā ca 2
vācā samphappalāpo ca dvīsu dhammesu vepullaṁ gatesu tesaṁ
sattānaṁ āyupi parihāyi vaṇṇopi parihāyi tesaṁ āyunāpi
parihāyamānānaṁ vaṇṇenapi parihāyamānānaṁ pañcavassasahassāyukānaṁ
manussānaṁ appekacce aḍḍhateyyavassasahassāyukā appekacce
dvevassasahassāyukā puttā ahesuṁ aḍḍhateyyavassasahassāyukesu
bhikkhave manussesu abhijjhābyāpādā vepullamagamiṁsu abhijjhābyāpādesu
vepullaṁ gatesu 3 tesaṁ sattānaṁ āyupi parihāyi vaṇṇopi
parihāyi tesaṁ āyunāpi parihāyamānānaṁ vaṇṇenapi parihāyamānānaṁ
aḍḍhateyyavassasahassāyukānaṁ manussānaṁ vassasahassāyukā puttā
ahesuṁ vassasahassāyukesu bhikkhave manussesu micchādiṭṭhi
vepullamagamāsi micchādiṭṭhiyā vepullaṁ gatāya tesaṁ sattānaṁ āyupi
parihāyi vaṇṇopi parihāyi tesaṁ āyunāpi parihāyamānānaṁ
vaṇṇenapi parihāyamānānaṁ vassasahassāyukānaṁ manussānaṁ pañcavassasatāyukā
puttā ahesuṁ pañcavassasatāyukesu bhikkhave manussesu
tayo dhammā vepullamagamaṁsu adhammarāgo visamalobho micchādhammo
tīsu dhammesu vepullaṁ gatesu tesaṁ sattānaṁ āyupi parihāyi vaṇṇopi
parihāyi tesaṁ āyunāpi parihāyamānānaṁ vaṇṇenapi parihāyamānānaṁ
pañcavassasatāyukānaṁ manussānaṁ appekacce aḍḍhateyyavassasatāyukā
appekacce dvevassasatāyukā puttā ahesuṁ aḍḍhateyyavassasatāyukesu
1 Ma. Yu. vepullamagamaṁsu. 2 Yu. casaddo na dissati. 3 Yu. abhijjhāvyāpādo
vepullamagamāsi abhijjhāvyāpāde vepullagate.
Bhikkhave manussesu ime dhammā vepullamagamaṁsu amatteyyatā
apetteyyatā asāmaññatā abrahmaññatā nakulejeṭṭhāpacāyitā 1 .
Iti kho bhikkhave adhanānaṁ dhane nānuppadiyamāne dāḷiddiyaṁ
vepullamagamāsi dāḷiddiye vepullaṁ gate adinnādānaṁ vepullamagamāsi
adinnādāne vepullaṁ gate satthaṁ vepullamagamāsi satthe vepullaṁ
gate pāṇātipāto vepullamagamāsi pāṇātipāte vepullaṁ gate
musāvādo vepullamagamāsi musāvāde vepullaṁ gate pisuṇā vācā
vepullamagamāsi pisuṇāya vācāya vepullaṁ gatāya kāmesu micchācāro
vepullamagamāsi kāmesu micchācāre vepullaṁ gate dve dhammā
vepullamagamaṁsu pharusā ca vācā samphappalāpo ca dvīsu dhammesu
vepullaṁ gatesu abhijjhābyāpādā vepullamagamaṁsu abhijjhābyāpādesu
vepullaṁ gatesu micchādiṭṭhi vepullamagamāsi micchādiṭṭhiyā
vepullaṁ gatāya tayo dhammā vepullamagamaṁsu adhammarāgo visamalobho
micchādhammo tīsu dhammesu vepullaṁ gatesu ime dhammā vepullamagamaṁsu
amatteyyatā apetteyyatā asāmaññatā abrahmaññatā
nakulejeṭṭhāpacāyitā imesu dhammesu vepullaṁ gatesu tesaṁ sattānaṁ
āyupi parihāyi vaṇṇopi parihāyi tesaṁ āyunāpi parihāyamānānaṁ
vaṇṇenapi parihāyamānānaṁ aḍḍhateyyavassasatāyukānaṁ manussānaṁ
vassasatāyukā puttā ahesuṁ.
1 nakulejeṭṭhāpacāyikāti vā pāṭho.