[17] Dhammatā esā bhikkhave yadā bodhisatto mātu kucchiṁ
1 Ma. Yu. naṁ. 2 Ma. catuddisaṁ. 3 Ma. Yu. vā. 4 Ma. Yu. ca.
Okkanto hoti lābhinī bodhisattamātā hoti pañcannaṁ kāmaguṇānaṁ.
Sā pañcahi kāmaguṇehi samappitā samaṅgibhūtā paricāreti.
Ayamettha dhammatā.

[18] Dhammatā esā bhikkhave yadā bodhisatto mātu kucchiṁ
okkanto hoti na bodhisattamātu kocideva ābādho uppajjati
sukhinī bodhisattamātā hoti akilantakāyā bodhisattañca bodhisattamātā
tirokucchigataṁ passati sabbaṅgapaccaṅgaṁ 1 ahīnindriyaṁ.
Seyyathāpi bhikkhave maṇiveḷuriyo subho jātimā aṭṭhaṁso suparikammakato
accho vippasanno sabbākārasampanno tatrassa suttaṁ āvutaṁ nīlaṁ
vā pītaṁ vā lohitakaṁ 2 vā odātaṁ vā paṇḍusuttaṁ vā tamenaṁ
cakkhumā puriso hatthesu karitvā paccavekkheyya ayaṁ kho maṇiveḷuriyo
subho jātimā aṭṭhaṁso suparikammakato accho vippasanno
sabbākārasampanno tatrassa 3 suttaṁ āvutaṁ nīlaṁ vā pītaṁ vā
lohitakaṁ vā odātaṁ vā paṇḍusuttaṁ vā evameva kho bhikkhave
yadā bodhisatto mātu kucchiṁ okkanto hoti na bodhisattamātu
kocideva ābādho uppajjati sukhinī bodhisattamātā hoti
akilantakāyā bodhisattañca bodhisattamātā tirokucchigataṁ passati
sabbaṅgapaccaṅgaṁ 1 ahīnindriyaṁ. Ayamettha dhammatā.

[19] Dhammatā esā bhikkhave sattāhajāte bodhisatte bodhisattamātā
kālaṁ karoti tusitaṁ kāyaṁ upapajjati. Ayamettha dhammatā.
1 Po. Yu. sabbaṅgapaccaṅgiṁ. 2 Ma. Yu. lohitaṁ. 3 Ma. Yu. tatridaṁ.

[20] Dhammatā esā bhikkhave yathā aññā itthikā nava
vā dasa vā māse gabbhaṁ kucchinā pariharitvā vijāyanti na hevaṁ [1]-
bodhisattamātā vijāyati. Daseva māsāni bodhisattaṁ bodhisattamātā
kucchinā pariharitvā vijāyati. Ayamettha dhammatā.

[21] Dhammatā esā bhikkhave yathā aññā itthikā nisinnā
vā nipannā vā vijāyanti na hevaṁ bodhisattaṁ bodhisattamātā
vijāyati ṭhitā ca bodhisattaṁ bodhisattamātā vijāyati. Ayamettha
dhammatā.

[22] Dhammatā esā bhikkhave yadā bodhisatto mātu kucchismā
nikkhamati devā paṭhamaṁ paṭiggaṇhanti pacchā manussā. Ayamettha
dhammatā.

[23] Dhammatā esā bhikkhave yadā bodhisatto mātu kucchismā
nikkhamati appatto ca 2 bodhisatto paṭhaviṁ hoti cattāro naṁ
devaputtā paṭiggahetvā mātu purato ṭhapenti attamanā devi
hohi mahesakkho te putto uppannoti. Ayamettha dhammatā.

[24] Dhammatā esā bhikkhave yadā bodhisatto mātu kucchismā
nikkhamati visado 2 va nikkhamati amakkhito uddena 3 amakkhito semhena
amakkhito ruhirena amakkhito kenaci asucinā suddho visuddho.
Seyyathāpi bhikkhave maṇiratanaṁ kāsike vatthe nikkhittaṁ neva maṇiratanaṁ
kāsikaṁ vatthaṁ makkheti napi kāsikaṁ vatthaṁ maṇiratanaṁ makkheti taṁ
1 Ma. Yu. va.. 2 Po. visuddho. 3 Ma. Yu. udena. 4 Ma. Yu. visado.
Kissa hetu ubhinnaṁ suddhattā evameva kho bhikkhave yadā
bodhisatto mātu kucchismā nikkhamati visado 1 va nikkhamati amakkhito
uddena 2 amakkhito semhena amakkhito ruhirena amakkhito kenaci
asucinā suddho visuddho 3 . Ayamettha dhammatā.

[25] Dhammatā esā bhikkhave yadā bodhisatto mātu kucchismā
nikkhamati dve udakassa dhārā antalikkhā pātubhavanti ekā
sītassa ekā uṇhassa yena bodhisattassa udakakiccaṁ karonti
mātu ca. Ayamettha dhammatā.

[26] Dhammatā esā bhikkhave sampatijāto bodhisatto samehi
pādehi patiṭṭhahitvā uttarenābhimukho 4 sattapadavītihārena gacchati
setamhi chatte anudhāriyamāne 5 sabbā ca disā anuviloketi
āsabhiñca vācaṁ bhāsati aggohamasmi lokassa jeṭṭhohamasmi
lokassa seṭṭhohamasmi lokassa ayamantimā me 6 jāti
natthidāni punabbhavoti. Ayamettha dhammatā.