[590] Tiracchānavijjaṁ pariyāpuṇantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Chabbaggiyā
bhikkhuniyo ārabbha. Kismiṁ vatthusminti. Chabbaggiyā bhikkhuniyo
tiracchānavijjaṁ pariyāpuṇiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti (padasodhamme).

[591] Tiracchānavijjaṁ vācentiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Chabbaggiyā
bhikkhuniyo ārabbha. Kismiṁ vatthusminti. Chabbaggiyā bhikkhuniyo
tiracchānavijjaṁ vācesuṁ tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti (padasodhamme).
Cittāgāravaggo pañcamo.

[592] Jānaṁ sabhikkhukaṁ ārāmaṁ anāpucchā pavisantiyā pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Sambahulā bhikkhuniyo ārabbha. Kismiṁ vatthusminti. Sambahulā
bhikkhuniyo anāpucchā ārāmaṁ pavisiṁsu tasmiṁ vatthusmiṁ. Ekā
paññatti dve anuppaññattiyo. Channaṁ āpattisamuṭṭhānānaṁ
ekena samuṭṭhānena samuṭṭhāti (dhuranikkhepe).

[593] Bhikkhuṁ akkosantiyā paribhāsantiyā pācittiyaṁ kattha
paññattanti. Vesāliyā paññattaṁ. Kaṁ ārabbhāti. Chabbaggiyā
Bhikkhuniyo ārabbha. Kismiṁ vatthusminti. Chabbaggiyā bhikkhuniyo
āyasmantaṁ upāliṁ akkosiṁsu tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti.

[594] Caṇḍīkatāya gaṇaṁ paribhāsantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Thullanandaṁ
bhikkhuniṁ ārabbha. Kismiṁ vatthusminti. Thullanandā bhikkhunī caṇḍīkatā 1
gaṇaṁ paribhāsi tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ tīhi samuṭṭhānehi samuṭṭhāti.

[595] Nimantitāya pavāritāya 2 khādanīyaṁ vā bhojanīyaṁ vā
[3]- Bhuñjantiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Sambahulā bhikkhuniyo ārabbha.
Kismiṁ vatthusminti. Sambahulā bhikkhuniyo bhuttāvī 4 pavāritā
aññatra bhuñjiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ catūhi samuṭṭhānehi samuṭṭhāti.

[596] Kulaṁ maccharāyantiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Aññataraṁ bhikkhuniṁ
ārabbha. Kismiṁ vatthusminti. Aññatarā bhikkhunī kulaṁ maccharāyi
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
tīhi samuṭṭhānehi samuṭṭhāti.

[597] Abhikkhuke āvāse vassaṁ vasantiyā pācittiyaṁ kattha
1 Ma. caṇḍīkatāya. 2 Ma. Yu. nimantitāya vā pavāritāya vā. 3 Ma. aññatra.
4 Ma. bhuttāviniyo.
Paññattanti. Sāvatthiyā paññattaṁ. Kaṁ ārabbhāti. Sambahulā
bhikkhuniyo ārabbha. Kismiṁ vatthusminti. Sambahulā bhikkhuniyo abhikkhuke
āvāse vassaṁ vasiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti (eḷakalomake).

[598] Vassaṁ vutthāya bhikkhuniyā ubhatosaṅghe tīhi ṭhānehi
nappavārentiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Sambahulā bhikkhuniyo ārabbha.
Kismiṁ vatthusminti. Sambahulā bhikkhuniyo vassaṁ vutthā bhikkhusaṅghaṁ
nappavāresuṁ tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ ekena samuṭṭhānena samuṭṭhāti (dhuranikkhepe).

[599] Ovādāya vā saṁvāsāya vā na gacchantiyā pācittiyaṁ
kattha paññattanti. Sakkesu paññattaṁ. Kaṁ ārabbhāti.
Chabbaggiyā bhikkhuniyo ārabbha. Kismiṁ vatthusminti. Chabbaggiyā
bhikkhuniyo ovādaṁ na gacchiṁsu tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (paṭhamapārājike).